منہاج القرآن کے سینئر رہنماحاجی غلام غوث کی نماز جنازہ ادا کر دی گئی

نماز جنازہ چیئرمین سپریم کونسل ڈاکٹر حسن محی الدین قادری نے پڑھائی
شیخ الاسلام ڈاکٹر محمد طاہر القادری کا محمد یوسف منہاجین کے والد کے انتقال پر اظہار تعزت

لاہور (یکم اکتوبر2025) تحریک منہاج القرآن کے سینئر رہنما حاجی غلام غوث (مرحوم ) کی نماز جنازہ گذشتہ روز لاہور فتح گڑھ میں ادا کر دی گئی نماز جنازہ منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے پڑھائی۔ اس موقع پر تحریکِ منہاج القرآن اور پاکستان عوامی تحریک کے مرکزی و صوبائی رہنمائوں، کارکنان اور مختلف شعبہ ہائے زندگی سے تعلق رکھنے والے افراد کی بڑی تعداد نے شرکت کی۔

ڈاکٹر حسن محی الدین قادری نے مرحوم کی تحریک کے لیے طویل خدمات کو زبردست خراجِ تحسین پیش کرتے ہوئے کہا کہ حاجی غلام غوث( مرحوم) کی دینی و تنظیمی خدمات کو خراج تحسین پیش کیا اور کہا کہ انہوں نے ساری زندگی دین اسلام کی خدمت، علم و شعور کے فروغ اور مصطفوی مشن کی خدمت میں بسر کی۔ انہوں نے کہاکہ حاجی غلام غوث (مرحوم ) کی وفات تحریک منہاج القرآن کے لیے ناقابلِ تلافی صدمہ ہے۔ انہوں نے مرحوم کے اہلِ خانہ سے افسوس کا اظہار کیا اور دعا کی کہ اللہ تعالیٰ حاجی غلام غوث (مرحوم) کے درجات بلند فرمائے اور ان کے خاندان کو صبر جمیل عطا کرے۔

نمازِ جنازہ میں ناظمِ اعلیٰ منہاج القرآن انٹرنیشنل خرم نواز گنڈاپور، نائب ناظمِ اعلیٰ علامہ رانا محمد ادریس قادری، صدر تحریکِ منہاج القرآن لاہور اقبال حسین باجوہ، پروفیسر ذوالفقار علی، ڈاکٹر سلطان محمود چوہدری، امجد حسین چوہدری، حفیظ اللہ جاوید، ناظم علی رحمت اور شہباز حسین بھٹی، حاجی محمد اسحاق، عابد بشیر سمیت منہاج القرآن کے ذمہ داران اور کارکنان کی بڑی تعداد شریک ہوئی۔

دریں اثنا مجلہ منہاج القرآن کے ایڈیٹر محمد یوسف منہاجین کے والد، معروف مذہبی شخصیت حاجی خادم حسین گذشتہ روز انتقال کر گئے۔ شیخ الاسلام ڈاکٹر محمد طاہرالقادری نےان کے انتقال پر اظہار افسوس کرتے ہوئےاپنے تعزیتی پیغام میں کہا ہے کہ اللہ تعالیٰ حاجی خادم حسین (مرحوم) کی بخشش و مغفرت فرمائے اور جملہ پسماندگان کوصبر جمیل عطا فرمائے۔

چیئرمین سپریم کونسل پروفیسر ڈاکٹر حسن محی الدین قادری، صدر منہاج القرآن انٹرنیشنل پروفیسر ڈاکٹر حسین محی الدین قادری، ناظم اعلیٰ خرم نواز گنڈاپور، نائب ناظمین اعلیٰ علامہ رانا محمد ادریس، محمد رفیق نجم، محمد فاروق راناو دیگر رہنمائوں نے محمد یوسف منہاجین کے والد حاجی خادم حسین کے انتقال پر اظہار افسوس کرتے ہوئے ان کی مغفرت اور درجات کی بلندی کےلئے دعا کی ہے۔ مرحوم کی نما ز جنازہ میں نائب ناظمین اعلیٰ بریگیڈئیر(ر) عمر حیات، نور اللہ صدیقی، حاجی منظور حسین، ایس کےصابر، ناصر حسین انجم، عبد الحفیظ چوہدری، محمد رئیس، محمد عارف طاہر، سرفراز احمد خان، اشفاق انجم، امیر حسنین، عبدالسلام و دیگر نے شرکت کی۔