منہاج القرآن نارووال کی استقبالیہ تقریب

تحریک منہاج القرآن ضلع نارووال کے زیراہتمام استقبالیہ تقریب سے خطاب کرتے ہوئے نائب ناظم اعلٰی تنظیمات وسطی پنجاب علامہ رانا محمد ادریس قادری نے کہا کہ تحریک منہاج القرآن معاشرے میں اصلاح احوال کا فریضہ سرانجام دے رہی ہے۔ انہوں نے کہا کہ مذہبی، دینی و ملی اور اخلاقی و روحانی اقدار کا احیاء کرنے کے لیے شیخ الاسلام ڈاکٹر محمد طاہرالقادری کا سوشل میڈیا پراجیکٹ ’’فہم دین‘‘ کامیابی سے جاری ہے۔ اسے معاشرے میں ہر طبقہ تک پہنچانے اور شیخ الاسلام کے پیغام کو پھیلانے کے لیے مزید محنت اور کام کی ضرورت ہے۔

اس سے پہلے استقبالیہ تقریب کا آغاز تلاوت و نعت سے ہوا، تقریب کی صدارت سید مجاہد فرحان الحسن بخاری ضلعی صدر TMQ نے کی۔ پروگرام میں فیصل رفیق ضلعی ناظم TMQ نے معزز مہمانوں کو خوش آمدید کہا۔