شیخ الاسلام ڈاکٹر محمد طاہرالقادری کے والد گرامی کے 52ویں عرس کی تقریب میں 50 حفاظ و حافظات کو اسناد کی تقسیم – شیخ الاسلام کی خصوصی مبارکباد
بانی و سرپرستِ اعلیٰ تحریک منہاج القرآن شیخ الاسلام ڈاکٹر محمد طاہرالقادری کے والد گرامی، فریدِ ملت ڈاکٹر فریدالدین قادری رحمۃ اللہ علیہ کے 52 ویں عرس مبارک کی تقریب میں دارالعلوم فریدیہ قادریہ، ملحقہ درباد فریدِ ملت، بستی لوہلے شاہ، جھنگ سے فارغ التحصیل ہونے والے 50 حفاظ و حافظات کو اسناد دی گئیں۔
شیخ الاسلام ڈاکٹر محمد طاہرالقادری نے عُرس مُبارک کی نسبت سے منعقدہ تقریب میں قرآن مجید حفظ کرنے والے 50 طلباء و طالبات اور ان کے والدین کو بطورِ خاص مبارکباد دی اور کہا کہ اللہ رب العزت کی عطاء اور فضل سے ان بچوں اور بچیوں کے سینے قرآن مجید کے نور سے روشن ہوئے ہیں۔ اللہ تعالیٰ اس روشنی کو گھر گھر پہنچائے اور خدمتِ قرآن کی توفیق عطاء فرمائے۔
شیخ الاسلام نے دار العلوم فریدیہ قادریہ کے بہترین دینی تدریسی ماحول اور نظام پر صاحبزادہ محمد صبغت اللہ قادری، دارالعلوم کے ڈائریکٹر علامہ حافظ عبدالقدیر، صاحبزادہ محمد طاہر و دیگر انتظامیہ کو دل جمعی کے ساتھ محنت کرنے اور خدمتِ دین و قرآن انجام دینے پر بھی مُبارکباد دی۔
اس موقع پر صاحبزادہ محمد صبغت اللہ قادری، دارالعلوم کے ڈائریکٹر علامہ حافظ عبدالقدیر، صاحبزادہ محمد طاہر نے محمد جواد حامد، علامہ رانا محمد ادریس قادری، علامہ اشفاق علی چشتی، غلام مرتضیٰ علوی، علامہ رانا نفیس حسین قادری کے ہمراہ طلباء و طالبات کو اسناد سے نوازا۔
تبصرہ