سیدنا عثمانِ غنیؓ، حیاء، سخاوت اور استقامت کا عنوان ہیں: شیخ الاسلام ڈاکٹر محمد طاہرالقادری

سیدنا عثمانِ غنی رضی اللہ عنہ کی خلیفۂ راشد کی حیثیت سے مظلومانہ شہادت تاریخِ اسلام کی الم ناک اور سبق آموز حقیقت ہے۔ آپؓ کی شہادت صرف ایک صالح حکمران کی زندگی کا خاتمہ نہیں تھا، بلکہ وہ پہلی ضرب تھی جو امت کی وحدت اور خلافتِ راشدہ کی روح پر لگائی گئی۔ آپؓ نے خدمتِ قرآن، فتوحاتِ اسلامی اور ایثار و سخاوت میں جو مقام پایا، وہ رہتی دنیا تک یاد رکھا جائے گا۔ آپؓ کی حیا، سخاوت، حلم، تقویٰ اور صبر آج بھی قیادت کے لیے ایک مینارۂ نور ہے۔