شیخ الاسلام ڈاکٹر محمد طاہر القادری کے ماموں جان اور ڈاکٹر علی وقار قادری کے والدِ محترم حاجی محمد شفیع کے ایصالِ ثواب کے لیے دعائیہ تقریب
شیخ الاسلام ڈاکٹر محمد طاہر القادری کے ماموں جان اور ڈاکٹر علی وقار قادری کے والدِ محترم مرحوم حاجی محمد شفیع کے ایصالِ ثواب کے لیے جھنگ میں ختم قل شریف کی پروقار دعائیہ تقریب منعقد ہوئی، جس میں تحریک منہاج القرآن کے قائدین، کارکنان، مذہبی و سماجی شخصیات اور شہریوں کی کثیر تعداد نے شرکت کی۔ تقریب میں نائب ناظم اعلیٰ سنٹرل پنجاب علامہ رانا محمد ادریس قادری نے "فلسفۂ موت و حیات" کے موضوع پر پرمغز اور مدلل خطاب کرتے ہوئے کہا کہ مرحوم نے اپنی پوری زندگی دین متین کی خدمت، نیک اعمال اور صالح طرزِ حیات میں بسر کی۔
صدر منہاج القرآن انٹرنیشنل پروفیسر ڈاکٹر حسین محی الدین قادری نے آڈیو لنک کے ذریعے خصوصی خطاب کرتے ہوئے مرحوم کی دینی و روحانی خدمات کو خراجِ تحسین پیش کیا اور اہلِ خانہ سے دلی تعزیت کا اظہار کیا۔ تقریب کے اختتام پر مرحوم کے درجات کی بلندی، اہلِ خانہ کے صبرِ جمیل اور وطنِ عزیز پاکستان کی سلامتی کے لیے اجتماعی دعا کی گئی۔
تبصرہ