تحریک منہاج القرآن تحصیل ڈسکہ کے نئے آفس کا افتتاح

تحریک منہاج القرآن تحصیل ڈسکہ کے نئے آفس کا افتتاح احمد نواز انجم امیر پنجاب تحریک منہاج القرآن اور سید توقیر الحسن گیلانی ناظم پنجاب نے کیا جس کے بعد تحریک منہاج القرآن تحصیل ڈسکہ کے صدر محمد اسلم قادری نے تحصیل ڈسکہ کی کارکردگی رپورٹ پیش کی اور بتایا کہ ان شاءاللہ ہر سال کی طرع امسال بھی منہاج ویلفیئر فاؤنڈیشن ڈسکہ کی طرف سے غریب اور نادار لوگوں کے لیے فری رمضان پیکج دیا جائے گا اور 27 روزہ فری میڈیکل کیمپ کا بھی اہتمام کیا گیا ہے نیز اس کے ساتھ ساتھ 200 افراد روزانہ فری افطاری بھی کیا کریں گے۔

ان شاءاللہ تحریک منہاج القرآن تحصیل ڈسکہ شیخ الاسلام ڈاکٹر محمد طاہرالقادری کے پیغام کو گھر گھر پہنچانے کے لیے ہر گاؤں میں لا ئبریز بنا رہی ہے۔ امیر پنجاب احمد نواز انجم نے ان تمام کاموں کو سراہا اور دعا کی کہ اللہ ان کو برکت عطا فرمائے۔

اس موقع پر اللہ رکھا قادری ناظم تحریک منہاج القرآن تحصیل ڈسکہ، حاجی عبد الرحمن بھٹی سرپرست تحریک منہاج القرآن تحصیل ڈسکہ، عبدالستار انجم، صفدر علی بٹ، راشد رفیق، حاجی سلیم سلہری، میاں ناصر ایڈووکیٹ ظہیر عباس بھٹی ایڈووکیٹ، محمد ناصر مان اور تحریک کے تمام عہدیدار موجود تھے۔

پروگرام کا اختتام دعائے خیر سے ہوا۔