منہاج القرآن ویمن لیگ پاکستان کی خبریں

شیخ الاسلام ڈاکٹر محمد طاہرالقادری وطن واپس پہنچ گئے۔

شیخ الاسلام ڈاکٹر محمد طاہرالقادری وطن واپس پہنچ گئے۔

شیخ الاسلام ڈاکٹر محمد طاہرالقادری نارتھ امریکہ، برطانیہ کے دعوتی و تنظیمی دورہ اور عمرہ کی ادائیگی کے بعد مورخہ 21 ستمبر کو وطن واپس پہنچ گئے۔ وہ طے شدہ شیڈول سے تین روز قبل لاہور ایئرپورٹ پہنچے تو امیر تحریک صاحبزادہ مسکین فیض الرحمن درانی، ناظم اعلیٰ ڈاکٹر رحیق احمد عباسی، ناظم امور خارجہ جی ایم ملک سمیت تحریک منہاج القرآن اور پاکستان عوامی تحریک کے دیگر مرکزی قائدین اور کارکنان نے ان کا والہانہ استقبال کیا۔ شیخ الاسلام ڈاکٹر محمد طاہرالقادری نے برطانیہ میں قیام کے دوران الہدایہ کیمپ 2007ء سے سلسلہ وار خطاب کئے۔ کیمپ میں یورپ بھر سے سینکڑوں افراد نے شرکت کی۔ ڈاکٹر محمد طاہرالقادری جامع المنہاج میں منعقد ہونے والے تحریک منہاج القرآن کے شہر اعتکاف کے ہزاروں معتکفین سے ہر روز بعد نماز عشاء و تراویح خطاب کریں گے۔ اس سلسلے میں شہر اعتکاف کے جملہ انتظامات مکمل کر لیے گئے ہیں۔

21 ستمبر 2007ء

ظفر اقبال چودھری کو ممبر بورڈ آف گورنرز OPF منتخب ہونے پر مبارکباد

ظفر اقبال چودھری کو ممبر بورڈ آف گورنرز OPF منتخب ہونے پر مبارکباد

منہاج ویلفئیر فاؤنڈیشن سعودی عرب کے صدر ظفر اقبال چوھدری سعودی عرب میں اوورسیز پاکستانی فاؤنڈیشن کے ممبر بورڈ آف گورنرز منتخب ہوئے ہیں۔ انہیں یہ عہدہ حکومت پاکستان نے دیا ہے۔ ان کے اس اعزاز پر تحریک منہاج القرآن کے مرکزی ناظم اعلیٰ ڈاکٹر رحیق احمد عباسی، نائب ناظم اعلی شیخ زاہد فیاض، ناظم امور خارجہ جی ایم ملک اور تحریک کے دیگر مرکزی قائدین نے خصوصی مبارکباد دی ہے۔

19 ستمبر 2007ء

مدینہ منورہ میں صاحبزادہ حسین محی الدین قادری کی رسم نکاح

مدینہ منورہ میں صاحبزادہ حسین محی الدین قادری کی رسم نکاح

شیخ الاسلام ڈاکٹر محمد طاہرالقادری کے لخت جگر صاحبزادہ حسین محی الدین قادری کی رسم نکاح سفیر یورپ علامہ حافظ نزیر احمد کی صاحبزادی سے 3 ستمبر کو مدینہ منورہ میں انجام پائی۔ اس موقع پر مدینہ منورہ میں رسم نکاح کی پروقار تقریب منعقد کی گئی۔

03 ستمبر 2007ء

معمولات و وظائف رمضان

معمولات و وظائف رمضان

شیخ الاسلام ڈاکٹر محمد طاہر القادری نے رمضان المبارک کے بابرکت، رحمتوں اور سعادتوں بھرے اس مہینے کے حوالے سے معمولات و وظائف دیئے ہیں جو پیش خدمت ہیں۔

گوشہ درود کے گنبد کی بنیاد ۔ دعائیہ تقریب

گوشہ درود کے گنبد کی بنیاد ۔ دعائیہ تقریب

مینارۃ السلام کے تعمیری کام کے دوسرے مرکزی حصے کا آغاز ہو گیا۔ اس سلسلے میں 14 ستمبر بروز جمعۃ المبارک مرکزی سیکرٹریٹ میں ایک تقریب منعقد ہوئی۔ یہ دعائیہ تقریب مینارۃ السلام (گوشہ درود کا گنبد) کی عمارت کی بنیاد رکھتے وقت منعقد کی گئی۔

14 ستمبر 2007ء

منہاج القرآن یوتھ لیگ راجن پور کے تحت جیوے پاکستان موٹر سائیکل ریلی

منہاج القرآن یوتھ لیگ راجن پور کے تحت جیوے پاکستان موٹر سائیکل ریلی

منہاج القرآن یوتھ لیگ نے اگست 2007 ’’جیوے پاکستان یوتھ مہم‘‘ کے طور پر منانے کا اعلان کیا تو نوجوانوں میں خوشی کی لہر دوڑ گئی۔ اس موقع پر ملک بھر میں جیوے پاکستان ریلیاں اور سیمینارز کا انعقاد کیا گیا۔ مرکزی قائدین کا ٹائم ملتے ہی راجن پور یوتھ میں ایک خوشی کی لہر دوڑ گئی اور بھر پور طریقے سے ریلی کی تیاریاں شروع کر دی گئیں۔ جوں جوں 24 اگست کا دن قریب آرہا تھا توں توں جوانوں کی محنت میں تیزی آرہی تھی۔ کیونکہ یہ یوتھ کے تحت راجن پور میں ہونے والا پہلا پروگرام تھا جس میں مرکزی صدر منہاج القرآن یوتھ لیگ اور مرکزی نائب صدر مصطفوی سٹوڈنٹس موومنٹ تشریف لا رہے تھے۔ فاضل پور سے لیکر راجن پور تک انڈس ہائی وے کے دونوں اطراف خیر مقدمی وال چاکنگ کی گئی تھی، فاضل پور اور راجن پور کو بینروں سے سجا دیا گیا تھا۔ اس موقع پر تقریباً ہر جوان تک دعوت پہنچائی گئی تھی جبکہ کیبل نیٹ ورک پر بھی مسلسل کئی دن سے اشتہارات آرہے تھے۔

14 اگست 2007ء

جیوے پاکستان یوتھ سیمینار ڈیرہ غازی خان

جیوے پاکستان یوتھ سیمینار ڈیرہ غازی خان

منہاج القرآن یوتھ لیگ ڈیرہ غازی خان کے زیراہتمام گذشتہ دنوں جیوے پاکستان یوتھ سیمینار کا انعقاد کیا گیا جس میں مرکزی صدر منہاج القرآن یوتھ لیگ بلال مصطفوی نے خطاب کرتے ہوئے کہا کہ یوم آزادی شیان شان طریقے سے منانا زندہ قوموں کا شیوا ہے۔ یہ دن ہمیں اپنے اسلاف کی قربانی کی یاد دلاتا ہے۔ آزادی کی نعمت پر اظہار تشکر کرتے ہوئے اللہ تعالیٰ کے حضور شکر بجا لانا ہر محب وطن پاکستانی کا فرض ہے۔ انہوں نے کہا کہ اس وقت وطن عزیز کو مختلف چیلنجز کا سامان ہے۔ جن سے نمٹنے کیلئے اور پاکستان کے استحکام کے لیے ہر شہری کو اپنا کردار ادا کرنا ہوگا۔ مسلم نوجوانوں کا اپنی تہذیب و ثقافت کے احیاء اور خود اپنے لیے ذہنی وروحانی تسکین کے حصول کی خاطر مسلسل جدوجہد کرنا ہوگی۔ اس مسلسل جدوجہد کی پہلی منزل فکری تربیت اور تعلیمی تحریک ہے۔ استحکام پاکستان کے لیے جیوے پاکستان کے نام سے ایک ملک گیر مہم کا آغاز کیا گیا۔ اس پر امن مہم کے دوران یوم آزادی کے موقع پر 65 شہروں میں جیوے پاکستان کے نام سے موٹر سائیکل ریلیوں کا انعقاد ہوا۔ 22 شہروں میں کھیلوں کے مقابلے ہوئے جن میں یوتھ لیگ کے مرکزی قائدین اور اہم مقامی سیاسی، سماجی شخصیات نے شرکت کی۔ علاوہ ازیں تقریری مقابلے اور سیمینارز بھی منعقد کئے گئے۔

14 اگست 2007ء

منہاج القرآن علماء کونسل کے زیر اہتمام عظیم الشان علماء و مشائخ کنونشن

منہاج القرآن علماء کونسل کے زیر اہتمام عظیم الشان علماء و مشائخ کنونشن

منہاج القرآن علماء کونسل نشتر ٹاؤن لاہور کے زیراہتمام 9 ستمبر بروز اتوار ایک عظیم الشان علماء و مشائخ کنونشن منعقد ہوا۔ جس میں لاہور کے جید علمائے کرام اور مشائخ عظام کی کثیر تعداد نے شرکت کی۔ کنونشن کی صدارت صاحبزادہ پیر حافظ غلام اکبر صاحب نے کی جبکہ مہمانہ خصوصی نائب ناظم اعلیٰ تحریک منہاج القرآن شیخ زاہد فیاض تھے۔

09 ستمبر 2007ء

سالانہ روحانی اجتماع شب برات ۔ کراچی

سالانہ روحانی اجتماع شب برات ۔ کراچی

شعبان المعظم کے بابرکت مہینے میں 27 شعبان المعظم کو تحریک منہاج القرآن کراچی ڈویژن کے زیراہتمام جامع مسجد رحمانیہ ٹرسٹ طارق روڈ میں منعقد ہوا جس کی صدارت تحریک منہاج القرآن عوامی داد رسی سیل کے چیئرمین ڈاکٹر خواجہ محمد اشرف نے کی جبکہ مہمانان خصوصی میں سابق وفاقی وزیر ایس ایم منیر، سابق وفاقی وزیر میر نواز مروت، قاضی زاہد حسین، مسعود عثمانی، قیصراقبال قادری، پروفیسر نعیم انور نعمانی، سید ظفراقبال، اطہرجاوید صدیقی، آصف پی پی، محمود میمن، زاہد لطیف، جاوید پی پی، مفتی رفیق الحسنی، حافظ محمد اصغر، محمد الیاس مغل، کے علاوہ کثیر تعداد میں علماء و مشائخ نے شرکت کی۔ جبکہ نقابت کے فرائض حامد رضا قادری نے ادا کئے۔ اس موقع پر معروف ثناء خوان رسول صلی اللہ علیہ وآلہ وسلم الحاج محمد صدیق اسماعیل، خالد حسین، حافظ محمد سرور سہروردی، رب نواز، معاذ علی نظامی، عدیل قاسمی اور قاضی کامران کے علاوہ کثیر تعداد میں ثناخوان رسول صلی اللہ علیہ وآلہ وسلم نے بارگاہ رسالت مآب میں ہدیہ عقیدت کے پھول نچھاور کئے اور محفل میں محبت و عشق مصطفیٰ صلی اللہ علیہ وآلہ وسلم کی دھوم مچا دی۔

25 اگست 2007ء

عرفان القرآن کورس کی تقریب رونمائی

عرفان القرآن کورس کی تقریب رونمائی

حافظ محمد سعید رضا بغدادی (منہاجین) کی کتاب "عرفان القرآن کورس" کی تقریب رونمائی 22 اگست 3 بجے سہ پہر کانفرنس ہال مرکزی سیکرٹریٹ تحریک منہاج القرآن میں منعقد ہوئی۔ پروگرام کا آغاز تلاوت کلام پاک سے ہوا۔ حضور نبی اکرم صلی اللہ علیہ وآلہ وسلم کی بارگاہ اقدس میں گلہائے عقیدت کی سعادت شکیل احمد طاہر نے حاصل کی۔ نقابت کے فرائض بالترتیب ایڈیٹر دختران اسلام علامہ محمد حسین آزاد اور مرکزی ناظم علماء کونسل علامہ سید فرحت حسین شاہ نے انجام دیئے۔

22 اگست 2007ء

عالمی یوتھ ڈے کے موقع پر سیمینار ’’نوجوان امن چاہتے ہیں‘‘

عالمی یوتھ ڈے کے موقع پر سیمینار ’’نوجوان امن چاہتے ہیں‘‘

منہاج القرآن لیگ کے زیر اہتمام 12 اگست کو عالمی یوتھ ڈے کے موقع پر ایمبیسڈر ہوٹل لاہور میں ’’نوجوان امن چاہتے ہیں (Youth Want Peace)‘‘ کے عنوان سے سیمینار کا انعقاد کیا گیا۔ پروگرام کی صدارت مرکزی صدر منہاج القرآن یوتھ لیگ بلال مصطفوی نے کی۔ ناظم اعلیٰ تحریک منہاج القرآن ڈاکٹر رحیق احمد عباسی، برائن ڈی ہنٹ پرنسپل آفیسر امریکن قونصلیٹ لاہور، ساجد محمود بھٹی مرکزی ناظم یوتھ اور ڈائریکٹر فارن افیئرز جی ایم ملک نے بطور مہمان خصوصی شرکت کی۔

12 اگست 2007ء

منہاج ویلفیئر فاؤنڈیشن نے سیلاب سے متاثرہ افراد کے لیے امدادی سامان روانہ کر دیا۔

منہاج ویلفیئر فاؤنڈیشن نے سیلاب سے متاثرہ افراد کے لیے امدادی سامان روانہ کر دیا۔

منہاج ویلفیئر فاونڈیشن نے سندھ اور بلوچستان میں سیلاب سے متاثرہ علاقوں میں امدادی سامان روانہ کر دیا ہے۔ اس سامان میں آٹا، چینی، چاول، کپڑے، منرل واٹر، خیمے اور دیگر ضروریات زندگی کی اشیاء شامل ہیں۔ اس سلسلے میں منہاج ویلفیئر فاؤنڈیشن نے گزشتہ دنوں مرکزی سیکرٹریٹ سے امدادی سامان کے ٹرک متاثرہ علاقوں میں روانہ کیئے ہیں۔ اس موقع پر ڈائریکٹر منہاج ویلفیئر فاؤنڈیشن محمد عاقل ملک نے کہا کہ سیلاب کے نتیجے میں ہونیوالے جانی و مالی نقصان پر ہر پاکستانی کا دل دکھی ہے۔ تحریک منہاج القرآن اور بالخصوص شیخ الاسلام ڈاکٹر محمد طاہرالقادری اس مصیبت کی گھڑی میں دکھی انسانیت کے ساتھ ہیں۔ مشکل کی اس گھڑی میں ہمیشہ کی طرح منہاج ویلفیئر فاؤنڈیشن اہم کردار ادا کر رہی ہے۔ متاثرہ جگہوں پر تحریک منہاج القرآن کے ورکرز امدادی سرگرمیوں میں مصروف ہیں۔

30 نومبر 2006ء

تحریک منہاج القرآن کے گوشہ درود کی عمارت کی کھدائی کا پہلا مرحلہ مکمل

تحریک منہاج القرآن کے گوشہ درود کی عمارت کی کھدائی کا پہلا مرحلہ مکمل

گوشہ درود کی تعمیر کا پہلا مرحلہ مکمل ہو گیا ہے۔ اس مرحلے میں گوشہ درود کی عمارت "مینارۃ السلام" کے تہہ خانے کی کھدائی کی گئی ہے۔ مرکزی سیکرٹریٹ کے لان میں 15 فٹ زیر زمین اس کھدائی کے عمل کو 10 دن قبل شروع کیا گیا تھا۔ اس مرحلے میں ایک بڑی کرین کے ذریعے کھدائی کی گئی۔ گزشتہ روز اس کو مکمل کر لیا گیا ہے۔ مرکزی سیکرٹریٹ کے لان کے مغربی طرف کچھ حصے کی کھدائی نہیں کی گئی کیونکہ اس جگہ پر زمین سے 85 فٹ بلند مینار "مینارۃ السلام" تعمیر ہو گا۔

04 جولائی 2007ء

زلزلہ سے متاثرہ علاقوں میں سکولز اور اسلامک سنٹرز کا قیام

زلزلہ سے متاثرہ علاقوں میں سکولز اور اسلامک سنٹرز کا قیام

8 اکتوبر کے تباہ کن زلزلہ کے بعد جہاں منہاج ویلفیئر فاؤنڈیشن نے متاثرین زلزلہ کی بحالی کے لیے اپنے تمام تر وسائل بروئے کار لائے وہاں پر ان متاثرہ علاقوں کے عوام کے لیے مستقل بنیادوں پر فلاحی منصوبوں کا بھی آغاز کیا۔ یہ بات روز روشن کی طرح عیاں ہے کہ 8 اکتوبر کے تباہ کن زلزلہ نے جہاں زندگی کے تمام شعبہ جات کو متاثر کیا وہاں پر تعلیم کا نظام بطور خاص بری طرح متاثر ہوا۔ جہاں سینکڑوں سکولز، کالجز اور یونیورسٹیز منہدم ہوئیں وہاں پر تعلیم حاصل کرنے والے لاکھوں طلباء وطالبات کو بھی اپنا مستقبل تاریک نظر آنے لگا۔ ایسے میں منہاج ویلفیئر فاؤنڈیشن نے ان متاثرہ علاقوں کے عوام کے لیے تعلیمی پراجیکٹس کے آغاز کا فیصلہ کیا یوں تو یہ سلسلہ اسی وقت شروع ہو گیا تھا جب متاثرہ علاقوں میں بحالی کے دوران خیمہ بستیوں میں سکولز کا آغاز کیا گیا تھا لیکن بعدازاں ان سکولوں کو مستقل کرنے کے بارے میں بھی منصوبہ بندی کی گئی۔ اسی مقصد کے لیے منہاج ویلفیئر فاؤنڈیشن کی مرکزی تنظیم کی طرف سے متاثرہ علاقوں کا کئی دفعہ وزٹ کیا گیا جس کے نتیجے میں زمین کی خریداری، نشاندہی، نقشہ جات اور سٹرکچر پلان تیار کیا گیا۔

منہاج ویلفیئر فاؤنڈیشن کے زیراہتمام اجتماعی شادیوں کی عظیم الشان تقریب

منہاج ویلفیئر فاؤنڈیشن کے زیراہتمام اجتماعی شادیوں کی عظیم الشان تقریب

منہاج ویلفیئر فاؤنڈیشن کے زیراہتمام اجتماعی شادیوں کی عظیم الشان تقریب مؤرخہ 6 مئی 2007 بروز اتوار مرکزی سیکرٹریٹ ماڈل ٹاؤن لاہور کے بالمقابل گراؤنڈ میں منعقد ہوئی جس میں ملک بھر سے غریب اور نادار خاندانوں کے 23 جوڑوں کی شادی کا اہتمام کیا گیا تھا۔ فی شادی ایک لاکھ روپے کے حساب سے 23 لاکھ روپے کے اخراجات ہوئے۔ پنڈال کو خوبصورتی سے سجایا گیا تھا اور بینڈ باجے کا بھی انتظام موجود تھا۔ سینکڑوں مہمانوں کے لئے بہترین کھانے کا اہتمام کیا گیا تھا۔ پنڈال وقفے وقفے سے جیوے جیوے طاہر جیوے اور مصطفیٰ کی ہے کلی طاہرالقادری کے نعروں سے گونجتا رہا۔ تقریب میں شریک ہونے والے جوڑوں کا تعلق لاہور، صوابی، راولپنڈی، مانگا منڈی، اوکاڑہ، مظفر آباد، مرید کے، پاکپتن، گوجر خان، جھنگ، نارنگ منڈی، مانسہرہ، دیپالپور اور لاڑکانہ سے تھا۔ اس پروقار تقریب کی صدارت ناظم اعلیٰ ڈاکٹر رحیق احمد عباسی نے کی۔ تقریب کے دوران صدر دارالافتاء منہاج القرآن مفتی عبدالقیوم خان ہزاروی نے 23 جوڑوں کے نکاح کا اعلان کیا اور وضاحت کی ہر جوڑے کا نکاح علیحدہ علیحدہ کرایا گیا ہے۔

06 مئی 2007ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top