تحریک منہاج القرآن پاکستان کی خبریں

آمد ربیع الاول پر منہاج القرآن لاہور کے زیراہتمام مشعل بردار استقبالیہ جلوس

آمد ربیع الاول پر منہاج القرآن لاہور کے زیراہتمام مشعل بردار استقبالیہ جلوس

منہاج القرآن لاہور کے زیراہتمام استقبال ربیع الاول کے سلسلے میں مغلپورہ چوک سے باغبانپورہ تک مشعل بردار جلوس نکالا گیا، جلوس کی قیادت تحریک منہاج القرآن کے صدر ڈاکٹر حسین محی الدین قادری نے کی۔ شالامار لنک روڈ کی تاجر برادری، سیاسی، سماجی، مذہبی رہنماؤں نے جگہ جگہ شرکائے جلو س کا استقبال کیا، پھولوں کی پتیاں نچھاور کر کے خوش آمدید کہا، جلوس کے راستے کو خیر مقدمی بینرز اور عمارتوں کو چراغاں کر کے سجایا گیا تھا، پانی اور دودھ کی سبیلیں لگائی گئی تھیں، جلوس میں آمد مصطفی ﷺ، مرحبا مرحبا، سیدی مرشدی، یا نبی یانبی کے نعرے لگائے گئے۔

29 اکتوبر 2019ء

حضور نبی اکرم ﷺ کی ولادت باسعادت سے انسانیت کو شخصی غلامی سے نجات ملی: ربیع الاول کی آمد پر شیخ الاسلام ڈاکٹر طاہرالقادری کا پیغام

حضور نبی اکرم ﷺ کی ولادت باسعادت سے انسانیت کو شخصی غلامی سے نجات ملی: ربیع الاول کی آمد پر شیخ الاسلام ڈاکٹر طاہرالقادری کا پیغام

شیخ الاسلام ڈاکٹر محمد طاہرالقادری نے ربیع الاول کا چاند نظر آنے پر اپنے بیان میں کہا کہ حضور نبی اکرم ﷺ کی ولادت باسعادت سے انسانیت کو شخصی غلامی اور دنیا کوکفر و الحاد کے اندھیروں سے نجات ملی۔ آپ ﷺ کی ولادت اور بعثت مبارک انسانیت کے لیے اللہ کا احسان عظیم ہے۔ آپ ﷺ کی مبارک آمد سے غلاموں، کمزوروں، مظلوموں، بچوں، عورتوں اور بوڑھوں کو حقوق ملے، انہوں نے کہا کہ ربیع الاول کی آمد پر ملت اسلامیہ کو مبارکباد پیش کرتے ہیں۔

29 اکتوبر 2019ء

منہاج القرآن انٹرنیشنل ڈنمارک کے صدر ڈاکٹر عرفان ظہور احمد کے چچا انتقال کر گئے

منہاج القرآن انٹرنیشنل ڈنمارک کے صدر ڈاکٹر عرفان ظہور احمد کے چچا انتقال کر گئے

منہاج القرآن انٹرنیشنل ڈنمارک کے صدر ڈاکٹر عرفان ظہور احمد کے چچا و سسر سابقہ نائب ناظم ملکوال حاجی نور احمد برضائے الہی انتقال کر گئے، انا للہ وانا الیہ راجعون۔ مرحوم کی نماز جنازہ میلاد چوک ملکوال میں ادا کی گئی۔ نماز جنازہ میں مرکزی وفد نے ناظم دعوت علامہ غلام ربانی تیمور کی سربراہی میں شرکت کی۔

28 اکتوبر 2019ء

تدریس کے 50 سال مکمل ہونے پر ڈاکٹر محمد افضل کانجو کے اعزاز میں گولڈن جوبلی ایوارڈ تقریب

تدریس کے 50 سال مکمل ہونے پر ڈاکٹر محمد افضل کانجو کے اعزاز میں گولڈن جوبلی ایوارڈ تقریب

50 سالہ تدریسی خدمات سرانجام دینے پر منہاج گرلز کالج کے سینئر فیکلٹی ممبر ڈاکٹر محمد افضل کانجو کے اعزاز میں گولڈن جوبلی ایوارڈ تقریب منعقد ہوئی، جس میں چیئرمین سپریم کونسل ڈاکٹر حسن محی الدین قادری نے خصوصی شرکت کی۔ ڈاکٹر حسن محی الدین قادری نے خطاب کرتے ہوئے کہا کہ استاد کا ادب کرنے والی قو میں آج حاکم ہیں۔ اسلامی ممالک میں جب تک علم اور استاد سے محبت کا کلچر عام تھا تب تک مسلمان دنیا کو تہذیب، شائستگی اور ٹیکنالوجی سکھاتے تھے۔

28 اکتوبر 2019ء

منہاج یونیورسٹی کی دو روزہ بین الاقوامی کانفرنس ’’سائنس، منطق اور مذہب‘‘ (دوسرا دن، پہلا سیشن)

منہاج یونیورسٹی کی دو روزہ بین الاقوامی کانفرنس ’’سائنس، منطق اور مذہب‘‘ (دوسرا دن، پہلا سیشن)

منہاج یونیورسٹی لاہور کی دو روزہ ”سائنس، منطق اور مذہب“ پر بین الاقوامی کانفرنس میں دوسرے روز 27 اکتوبر 2019ء کو پہلا سیشن منعقد ہوا، جس میں بین الاقوامی اسکالرز نے اپنے مقالات پیش کیے۔ کانفرنس کے دوسرے روز دنیا بھر سے بین المذاہب اسکالرز سمیت مختلف یونیورسٹیز سے ماہرین تعلیم و سائنس اور ماہرین مذہب نے بھی شرکت کی۔

27 اکتوبر 2019ء

منہاج یونیورسٹی لاہور کے زیراہتمام دو روزہ بین الاقوامی کانفرنس ”سائنس، منطق اور مذہب“ اختتام پزیر

منہاج یونیورسٹی لاہور کے زیراہتمام دو روزہ بین الاقوامی کانفرنس ”سائنس، منطق اور مذہب“ اختتام پزیر

منہاج یونیورسٹی لاہور کے زیراہتمام و روزہ”سائنس، منطق اور مذہب“پربین الاقوامی کانفرنس اختتام پزیر ہو گئی۔ اختتامی سیشن سے خطاب کرتے ہوئے ڈپٹی چیئرمین بورڈ آف گورنرز منہاج یونیورسٹی ڈاکٹر حسین محی الدین قادری نے کہا کہ ہر مذہب کے پیروکار کی یہ ذمہ داری ہے کہ وہ اپنے مذہب کی حقیقی تعلیمات کو فروغ دے، اللہ تعالیٰ تدبر اور غوروفکر سے کام لینے والے مفکر کی رہنمائی کرتا ہے، قرآن صراط مستقیم ہے، قرآن میں سوچ و بچار کرنے کا حکم دیا گیا ہے اور تجسس کرنا انسان کی فطرت میں شامل ہے۔

27 اکتوبر 2019ء

سرگودھا: ورکرز کنونشن میں ڈاکٹر حسن محی الدین قادری کا خطاب

سرگودھا: ورکرز کنونشن میں ڈاکٹر حسن محی الدین قادری کا خطاب

تحریک منہاج القرآن سرگودھا کے زیراہتمام ورکرز کنونشن 27 اکتوبر 2019ء کو منعقد ہوا، جس میں منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے خصوصی شرکت کی۔ ورکرز کنونشن میں ناظم اعلیٰ تحریک منہاج القران خرم نواز گنڈاپور، نائب ناظم اعلیٰ رانا محمد ادریس، راجہ زاہد محمود، نعیم الدین چودھری ایڈووکیٹ، علامہ غلام مرتضی علوی و دیگر قائدین کارکنان کی بڑی تعداد نے شرکت کی۔

27 اکتوبر 2019ء

منہاج یونیورسٹی کی دو روزہ بین الاقوامی کانفرنس ’’سائنس، منطق اور مذہب‘‘ - پہلا سیشن

منہاج یونیورسٹی کی دو روزہ بین الاقوامی کانفرنس ’’سائنس، منطق اور مذہب‘‘ - پہلا سیشن

منہاج یونیورسٹی لاہور کی دو روزہ ”سائنس، منطق اور مذہب“ پر بین الاقوامی کانفرنس ڈپٹی چیئرمین ڈاکٹر حسین محی الدین قادری کی زیرصدارت منعقد ہوئی۔ کانفرس سے خطاب کرتے ہوئے صوبائی وزیر مذہبی امور صاحبزادہ سعید الحسن شاہ نے خطاب کرتے ہوئے کہا کہ طب، فلکیات، لسانیات، ایمانیات نباتات، جمادات جدید سائنس کا کوئی شعبہ ایسا نہیں جس کے بارے میں قرآن نے رہنمائی فراہم نہ کی ہواسی لیے قرآن انسانیت کو تدبر اور غوروفکر کی دعوت دیتا ہے، انہوں نے بین الاقوامی سکالرز کو پاکستان آمد پر خوش آمدید کہا اور اہم موضوع پر کانفرنس منعقد کرنے پر منہاج یونیورسٹی ایدمنسٹریشن کو مبارکباد دی۔

26 اکتوبر 2019ء

جتنا خیال ایک ’’جان‘‘ کا رکھا گیا کاش 14 جانوں کا بھی رکھا جاتا، ڈاکٹر طاہرالقادری

جتنا خیال ایک ’’جان‘‘ کا رکھا گیا کاش 14 جانوں کا بھی رکھا جاتا، ڈاکٹر طاہرالقادری

ڈاکٹر محمد طاہرالقادری نے کہا ہے کہ پاکستان کے قانونی، عدالتی، ریاستی نظام نے جتنا خیال ایک انسانی جان کا رکھا ہے کاش یہ نظام اتنا ہی خیال سانحہ ماڈل ٹاؤن میں شہید کی جانے والی 14 جانوں اور سانحہ ساہیوال کی 4 جانوں کا بھی رکھتا، کاش اس نظام میں غریب جان اور امیر جان دونوں کے لئے قانون اور انصاف کا پیمانہ ایک جیسا ہوتا۔ انہوں نے اپنے بیان میں کہا کہ 5 سال کے بعد ماڈل ٹاؤن کی شروع ہونے والی غیر جانبدارانہ واحد تفتیش کو بھی روک دیا گیا۔

25 اکتوبر 2019ء

کالج آف شریعہ اینڈ اسلامک سائنسز میں طلباء کے لیے لیڈر شپ ڈویلپمنٹ ورکشاپ کا انعقاد

کالج آف شریعہ اینڈ اسلامک سائنسز میں طلباء کے لیے لیڈر شپ ڈویلپمنٹ ورکشاپ کا انعقاد

کالج آف شریعہ اینڈاسلامک سائنسز میں لیڈر شیپ ڈویلپمنٹ کلب کے زیرِ اہتمام ایک روزہ ورکشاپ کا انعقاد ہوا۔ ورکشاپ میں کالج کے BS-5 اور الشھادۃ العالمیہ کے طلباء نے شرکت کی۔ اس موقع پر کیمپ میں پرنسپل کالج آف شریعہ ڈاکٹر ممتاز الحسن باروی، ڈاکٹر غلام شبیر جامی، علامہ ضیا ء المصطفی مکی لیکچرار کالج آف شریعہ غلام مرتضیٰ علوی (ناظم تربیت ) اور نائب ناظم تربیت محمد منہاج الدین قادری نے لیکچر دیا۔

23 اکتوبر 2019ء

پاکستان عوامی تحریک کے رہنماء ساجد محمود بھٹی کے والد گرامی انتقال کر گئے

پاکستان عوامی تحریک کے رہنماء ساجد محمود بھٹی کے والد گرامی انتقال کر گئے

پاکستان عوامی تحریک کے رہنماء ساجد بھٹی کے والد گرامی انتقال کر گئے، انا اللہ و انا الیہ راجعون۔ مرحوم کی نماز جنازہ چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے پڑھائی۔ نمازِ جنازہ میں نائب ناظم اعلیٰ انجینئر محمد رفیق نجم، منہاج القرآن علماء کونسل کے رہنماء حاجی امداد اللہ قادری، راجہ زاہد محمود، منہاج القرآن لاہور کے امیر حافظ غلام فرید، قاضی فیض الاسلام، منہاج القرآن یوتھ لیگ کے صدر مظہر محمود علوی، پاکستان عوامی تحریک و تحریک منہاج القرآن کے عہدیدار، کارکنان اور اہل علاقہ کی بڑی تعداد شریک ہوئی۔

22 اکتوبر 2019ء

منہاج القرآن علماء کونسل ننکانہ صاحب اور شیخوپورہ کے وفود کی ڈاکٹر حسین محی الدین قادری سے ملاقات

منہاج القرآن علماء کونسل ننکانہ صاحب اور شیخوپورہ کے وفود کی ڈاکٹر حسین محی الدین قادری سے ملاقات

منہاج القرآن علماء کونسل کی دعوت پر ننکانہ صاحب اور شیخوپورہ منہاج القرآن علماء کونسل کے وفود نے منہاج القرآن انٹرنیشنل کے صدر ڈاکٹر حسین محی الدین قادری نے سے خصوصی ملاقات کی۔ اس موقع پر مرکزی ناظم علماء کونسل علامہ میر محمد آصف اکبر قادری، علامہ حافظ خلیل قادری بھی موجود تھے۔ اس موقع پر ڈاکٹر حسین محی الدین قادری نے کہا کہ علماء انبیائے کرام کے وارث اور اسلام کی علمی، روحانی اقدار کے محافظ اور امین ہیں، علمائے کرام کو ان کا جائز اور محترم مقام اس وقت ملے گا جب وہ عالم دین ہوتے ہوئے معیشت دان بھی ہوں۔

21 اکتوبر 2019ء

منہاج القرآن کے زیراہتمام الیکٹرانک و سوشل میڈیا تربیتی ورکشاپ کا انعقاد

منہاج القرآن کے زیراہتمام الیکٹرانک و سوشل میڈیا تربیتی ورکشاپ کا انعقاد

تحریک منہاج القرآن کے زیراہتمام الیکٹرانک و سوشل میڈیا کے حوالے سے ایک روزہ تربیتی ورکشاپ مرکزی سیکرٹریٹ میں نظامت تربیت اور میڈیا سیل کے مشترکہ تعاون سے منعقد ہوئی۔ تربیتی ورکشاپ سے ناظم اعلیٰ خرم نواز گنڈاپور، معروف سکالر ڈاکٹر طاہر حمید تنولی، معروف اینکر نورید فاطمہ، میڈیا ڈائریکٹر نور اللہ صدیقی، معروف سوشل میڈیا ایکٹیوسٹ صدیق جان، ناظم تربیت علامہ غلام مرتضیٰ علوی، سائرہ اسلام نے خطاب کیا۔

20 اکتوبر 2019ء

تحریک منہاج القرآن کوہاٹ کے زیراہتمام ڈپلومہ ان قرآن سٹڈی کلاس کی تقریب

تحریک منہاج القرآن کوہاٹ کے زیراہتمام ڈپلومہ ان قرآن سٹڈی کلاس کی تقریب

تحریک منہاج القرآن کوہاٹ کے زیراہتمام ڈپلومہ ان قرآن سٹڈی کلاس کی خصوصی تقریب باچہ خان لائبریری کوہاٹ میں منعقد ہوئی۔ تقریب میں وزیراعلیٰ کے پی کے مشیر ضیاء اللہ بنگش مہمان خصوصی تھے۔ اس موقع پر انہیں تحریک منہاج القرآن کے اس تربیتی کورس بارے بریفنگ دی گئی، جس کو انہوں نے بے حد سراہا۔ کلاس میں تحریک منہاج القرآن کی نظامت تربیت کے ٹرینر علامہ محمود مسعود اور علامہ سرفراز احمد قادری نے تدریس کی۔

20 اکتوبر 2019ء

منہاج القرآن حافظ آباد کے زیراہتمام شہر بھر میں میلاد بینر آویزاں کرنے کی مہم

منہاج القرآن حافظ آباد کے زیراہتمام شہر بھر میں میلاد بینر آویزاں کرنے کی مہم

تحریک منہاج القرآن حافظ آباد کے زیراہتمام ماہ ربیع الاول کی آمد پر میلاد مہم کو کامیابی سے جاری ہے۔ اس سلسلہ میں منہاج القرآن کے جانثار کارکنوں نے شہر بھر میں استقبال ربیع الاول کے سلسلہ میں مشعل بردار جلوس کے پول بینرز اور فلیکس آویزاں کر دیئے ہیں۔

20 اکتوبر 2019ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top