تحریک منہاج القرآن پاکستان کی خبریں

کراچی: 6 عیسائی افراد کا منہاج القرآن سیکریٹریٹ میں اسلام قبول

کراچی: 6 عیسائی افراد کا منہاج القرآن سیکریٹریٹ میں اسلام قبول

منہاج القرآن علماء کونسل کراچی کے ناظم مفتی مکرم خان قادری کے ہاتھوں 6 افراد نے اپنے خاندان سمیت منہاج سیکریٹریٹ میں اسلام قبول کر لیا۔ عیسائی خاندان کے سربراہ سلیم نے بتایا کہ وہ 15 سال سے جہاں قرآنی اوراق ملتے، اٹھاکر احتراماََ رکھ لیتے تھے۔ اورآج اللہ تعالٰی نے قرآن کی روشنی دل میں منور کر دی۔ انہوں نے بتایا کہ میرے گھر والے بھی اسلام قبول کرنا چاہتے تھے۔

24 جنوری 2018ء

منہاج یونیورسٹی لاہور کے زیراہتمام کرسمس اور سال نو کی تقریب

منہاج یونیورسٹی لاہور کے زیراہتمام کرسمس اور سال نو کی تقریب

تحریک منہاج القرآن کے صدر و منہاج یونیورسٹی لاہور کے ڈپٹی چیئرمین بورڈ آف گورنرز ڈاکٹر حسین محی الدین قادری نے کہا ہے کہ امن کیلئے ضروری ہے تمام مذاہب کے لوگ ہر ایک دوسرے کے نظر یات اور جذبات کا احترام کریں، دنیا کا امن بین المذاہب مکالمہ میں ہے۔ ان خیالات کا اظہار انہوں نے منہاج یونیورسٹی لاہور سکول آف ریلیجنسز آف فلاسفی کے زیراہتمام کرسمس اور سال نو کے حوالے سے منعقدہ تقریب سے خطاب کرتے ہوئے کیا۔ اس موقع پر کرسمس کا کیک بھی کاٹا گیا۔

23 جنوری 2018ء

منہاج القرآن لاہور کے وفد کی قصور میں معصوم زینب کے والد امین انصاری سے ملاقات

منہاج القرآن لاہور کے وفد کی قصور میں معصوم زینب کے والد امین انصاری سے ملاقات

تحریک منہاج القرآن لاہور کے امیر حافظ غلام فرید وفد کے ہمراہ قصور میں درندگی کا نشانہ بننے والی معصوم زینب کے گھر گئے، وفد میں انجینئر ثناء اللہ خان، راجہ محمود عزیر، ناصر سلطان، حفیظ اللہ جاوید، ساجد اصغر ودیگر بھی موجود تھے۔ وفد نے انسانیت سوز واقعے پر گہرے دکھ اور افسوس کا اظہار کرتے ہوئے معصوم زینب کے والد حاجی امین انصاری سے تعزیت کا اظہار کرتے ہوئے فاتحہ خوانی کی۔

22 جنوری 2018ء

منہاج یونیورسٹی لاہور میں سپورٹس فیسٹیول 2018 کا آغاز

منہاج یونیورسٹی لاہور میں سپورٹس فیسٹیول 2018 کا آغاز

منہاج یونیورسٹی لاہور میں سپورٹس فیسٹیول 2018ء شروع ہو گیا۔ 6 روزہ سپورٹس فیسٹیول میں کرکٹ، ہاکی، فٹ بال، والی بال، بیس بال، کراٹے، لان ٹینس، ٹیبل ٹینس، ڈسک تھرو سمیت 48 مختلف کھیلوں کے مقابلے ہوں گے۔ 22 جنوری سے شروع ہونیوالا یہ سپورٹس فیسٹول 27 جنوری تک جاری رہے گا۔ کھیلوں کی افتتاحی تقریب کے مہمان خصوصی وائس چیئرمین بورڈ آف گورننس ڈاکٹر حسین محی الدین اور وائس چانسلرڈاکٹر محمد اسلم غوری تھے۔

22 جنوری 2018ء

متحدہ اپوزیشن کا شہدا ماڈل ٹاؤن و قصور کے انصاف کیلئے عوامی احتجاج

متحدہ اپوزیشن کا شہدا ماڈل ٹاؤن و قصور کے انصاف کیلئے عوامی احتجاج

سانحہ ماڈل ٹاون اور سانحہ قصور میں حصول انصاف کے لیے متحدہ اپوزیشن کا عوامی احتجاج مال روڈ لاہور پر ہوا۔ احتجاج کے دو سیشنز میں پیپلز پارٹی کے کو چیئرمین آصف علی زرداری، تحریک انصاف کے چیئرمین عمران خان سمیت، عوامی مسلم لیگ کے سربراہ شیخ رشید، قاف لیگ کے رہنماء چوہدری پرویز الہی، پی ایس پی کے مصطفیٰ کمال سمیت مذہبی و سیاسی جماعتوں کے قائدین نے بھرپور شرکت کی۔ ڈاکٹر طاہرالقادری نے خطاب کرتے ہوئے کہا کہ احتجاجی تحریک کے آئندہ لائحہ عمل کا اعلان چند روز میں کیا جائے گا۔

17 جنوری 2018ء

17 جنوری کے احتجاج میں دو یا تین نہیں صرف ایک کنٹینر ہوگا، آصف زرداری، عمران خان ایک سٹیج پر خطاب کرینگے: ڈاکٹر طاہرالقادری

17 جنوری کے احتجاج میں دو یا تین نہیں صرف ایک کنٹینر ہوگا، آصف زرداری، عمران خان ایک سٹیج پر خطاب کرینگے: ڈاکٹر طاہرالقادری

اے پی سی اسٹیئرنگ کمیٹی اور ایکشن کمیٹی کا مشترکہ اجلاس پاکستان عوامی تحریک کے مرکزی سیکرٹریٹ ماڈل ٹاون میں 16 جنوری 2018ء کو ہوا۔ اجلاس کے بعد ڈاکٹر محمد طاہرالقادری نے راہنماؤں کے ہمراہ میڈیا کو بریفنگ دیتے ہوئے کہا کہ 17جنوری کے احتجاج میں دو یا تین نہیں صرف ایک کنٹینر ہوگا، آصف علی زرداری، عمران خان دیگر قائدین اسی پر خطاب کریں گے۔ اے پی سی اسٹیئرنگ کمیٹی کے اجلاس میں تمام امور اتفاق رائے کے ساتھ طے کر لیے ہیں اور مجھے یہ اعلان کرتے ہوئے خوشی ہورہی ہے کہ ظلم، بربریت، قتل وغارت گری کے خاتمے کے لیے قومی، سیاسی قیادت یکجا ہے، سانحہ ماڈل ٹاؤن کے شہداء کا بھی انصاف ہوگا۔

16 جنوری 2018ء

منہاج القرآن ویمن لیگ کا لاہور پریس کلب کے باہر ’’جسٹس فار زینب‘‘ کیلئے احتجاجی مظاہرہ

منہاج القرآن ویمن لیگ کا لاہور پریس کلب کے باہر ’’جسٹس فار زینب‘‘ کیلئے احتجاجی مظاہرہ

پاکستان عوامی تحریک اور تحریک منہاج القرآن ویمن لیگ کی طرف سے لاہور پریس کلب کے باہر ’’جسٹس فار زینب‘‘ کے لیے احتجاجی مظاہرہ کیا گیا، احتجاجی مظاہرہ سے خطاب کرتے ہوئے مرکزی صدر ویمن لیگ فرح ناز نے کہا کہ زینب کے ساتھ ہونے والے ظلم کو بیان کرنے کیلئے کوئی الفاظ نہیں۔ انہوں نے لاہور پریس کلب کے باہر احتجاجی مظاہرہ کے دوران فیکٹ شیٹ جاری کرتے ہوئے کہا کہ موجودہ دور حکومت میں بچوں، بچیوں سے 15 ہزار 1 سو 85 سے زائد زیادتی کے کیس رجسٹرڈ ہوئے اور رجسٹرڈ نہ ہونے والے کیسز کی کل تعداد 30 ہزار سے زائد ہے۔

13 جنوری 2018ء

کراچی: پاکستان عوامی تحریک کا کراچی پریس کلب کے باہر ’’جسٹس فار زینب‘‘ کے لیے احتجاجی مظاہرہ

کراچی: پاکستان عوامی تحریک کا کراچی پریس کلب کے باہر ’’جسٹس فار زینب‘‘ کے لیے احتجاجی مظاہرہ

پاکستان عوامی تحریک کراچی کی طرف سے کراچی پریس کلب کے باہر ’’جسٹس فار زینب‘‘ کے لیے احتجاجی مظاہرہ کیا گیا، جس میں بڑی تعداد میں عوام الناس نے شرکت کی۔ مظاہرے سے خطاب کرتے ہوئے پاکستان عوامی تحریک کے مرکزی صدر قاضی زاہد حسین نے کہا معصوم زینب اور ماڈل ٹاؤن میں 14 شہریوں کے قتل کے ذمہ دار حکمران ہیں۔ موجودہ حکمران قوم کے جان و مال عزت و آبرو کی حفاظت کے بجائے لیٹرے بن چکے ہیں۔ شہریوں کے جان و مال کے تحفظ کی ذمہ داری ریاست کی ہے، نا اہل حکمران اپنے فرائض کی ادائیگی میں مکمل ناکام ہو چکے ہیں انکا اقتدار میں رہنے کا کوئی حق نہیں۔

13 جنوری 2018ء

اسلام آباد: مصطفوی سٹوڈنٹس موومنٹ کا معصوم زینب کے بہیمانہ قتل اور درندگی کے خلاف احتجاجی مظاہرہ

اسلام آباد: مصطفوی سٹوڈنٹس موومنٹ کا معصوم زینب کے بہیمانہ قتل اور درندگی کے خلاف احتجاجی مظاہرہ

مصطفوی سٹوڈنٹس موومنٹ اسلام آباد کے زیراہتمام قوم کی بیٹی معصوم زینب کے بہیمانہ قتل اور درندگی کے خلاف احتجاجی مظاہرہ کیا گیا، مظاہرے میں سید اطلس ہمدانی، افضل مذمل صدر ایم ایس ایم راولپنڈی، چوہدری طاہر، ظہور مصطفوی کے علاوہ دیگر کارکنوں نے شرکت کی۔ مصطفوی سٹوڈنٹس موومنٹ شمالی پنجاب کے صدر قاضی احسن، سید اطلس ہمدانی نے معصوم زینب کے سفاکانہ قتل کے خلاف احتجاجی مظاہرے سے خطاب کرتے ہوئے کہا ہے کہ زینب اور درندگی کا نشانہ بننے کے بعد قتل ہونے والے دیگر معصوموں کے قاتلوں کو سرعام سزا دے کر نشان عبرت بنا دیا جائے، تا کہ آئندہ کوئی بھی درندہ صفت ایسا ظلم کرنے کی جرات نہ کر سکے۔

13 جنوری 2018ء

ڈیرہ غازیخان: پاکستان عوامی تحریک کا ’جسٹس فار زینب‘ کیلئے احتجاجی مظاہرہ

ڈیرہ غازیخان: پاکستان عوامی تحریک کا ’جسٹس فار زینب‘ کیلئے احتجاجی مظاہرہ

پاکستان عوامی تحریک اور تحریک منہاج القرآن ڈیرہ غازیخان کے زیراہتمام ’’جسٹس فار زینب‘‘ کے لیے احتجاجی مظاہرہ کیا گیا، جس کی قیادت سردار محمد سیف اللّٰہ خان سدوزئی نے کی۔ مظاہرہ میں خواتین و حضرات اور بچوں نے احتجاجی مظاہرہ میں شرکت کی، اس موقع پر مظاہرین نے زینب کے قاتل کی گرفتاری اور شہباز حکومت کے استعفے کا مطالبہ کیا۔

13 جنوری 2018ء

جامعہ اسلامیہ منہاج القرآن کے عظیم استاذ علامہ محمد عتیق حیدر انتقال کر گئے

جامعہ اسلامیہ منہاج القرآن کے عظیم استاذ علامہ محمد عتیق حیدر انتقال کر گئے

جامعہ اسلامیہ منہاج القرآن کے عظیم استاذ علامہ محمد عتیق حیدر قضائے الہی سے وصال فرما گئے ہیں (اناللہ وانا الیہ راجعون)۔ علامہ محمد عتیق حیدر 1996 سے جامعہ میں تدریس کے فرائض انجام دے رہے تھے۔ بانی و سرپرست اعلیٰ تحریک منہاج القرآن شیخ الاسلام ڈاکٹر محمد طاہرالقادری نے ان کے وصال پر گہرے دکھ اور غم کا اظہار کیا ہے۔

12 جنوری 2018ء

’’جسٹس فار زینب‘‘ احتجاجی مارچ

’’جسٹس فار زینب‘‘ احتجاجی مارچ

پاکستان عوامی تحریک کے سربراہ ڈاکٹر محمد طاہرالقادری نے مختلف سکولوں کے بچوں اور بچیوں کی طرف سے ’’جسٹس فار زینب‘‘ احتجاجی مارچ کی قیادت کرتے ہوئے کہا کہ اگر سنگین جرائم جڑ سے ختم کرنے ہیں تو پھر شہباز شریف، رانا ثناء اللہ کو او ایس ڈی بنانا اور عدالتوں میں طلب کرنا ہو گا، فائرنگ کا حکم ایس پی، ڈی ایس پی کی سطح کا افسر دیتا ہے۔ شہباز شریف صرف لاشوں کی قیمت لگاتے ہیں۔ تیس، تیس لاکھ لے کر قصور پہنچ گئے، حکمرانوں میں اتنی جرات نہیں کہ دن کی روشنی میں قصور جاتے، جب حکمران پبلک کو فیس نہ کرسکیں تو پھر انہیں سٹیپ ڈاؤن کر جانا چاہیے۔

11 جنوری 2018ء

17 جنوری مال روڈ لاہور سے انصاف کیلئے طاقتور عوامی احتجاج شرو ع ہو گا: ڈاکٹر طاہرالقادری کی APC ایکشن کمیٹی کے ہمراہ پریس کانفرنس

17 جنوری مال روڈ لاہور سے انصاف کیلئے طاقتور عوامی احتجاج شرو ع ہو گا: ڈاکٹر طاہرالقادری کی APC ایکشن کمیٹی کے ہمراہ پریس کانفرنس

ڈاکٹر محمد طاہرالقادری نے اے پی سی ایکشن کمیٹی کے اجلاس کے بعد پریس کانفرنس میں متفقہ فیصلوں کا اعلان کرتے ہوئے کہا ہے کہ شہدائے ماڈل ٹاؤن کے انصاف، معصوم زینب اور قصور پولیس کی بربریت کا شکار شہریوں کے انصاف کیلئے 17 جنوری سے مال روڈ لاہور سے طاقت ور عوامی احتجاج کا آغاز ہوگا۔ قوی امید ہے احتجاج میں اے پی سی میں شریک تمام جماعتوں کی مرکزی قیادت شریک ہو گی۔ تمام آپشن کھلے ہیں کسی حد تک بھی جا سکتے ہیں۔ احتجاج کا آخری راؤنڈ فیصلہ کن ہو گا۔ 17 جنوری کے بعد کے لائحہ عمل کیلئے 16 جنوری کو 12 بجے دن ایکشن کمیٹی کا اجلاس عوامی تحریک کے مرکزی سیکرٹریٹ میں ہو گا۔

11 جنوری 2018ء

اسلام آباد: پاکستان عوامی تحریک کا ’’جسٹس فار زینب‘‘ کیلئے احتجاجی مظاہرہ

اسلام آباد: پاکستان عوامی تحریک کا ’’جسٹس فار زینب‘‘ کیلئے احتجاجی مظاہرہ

پاکستان عوامی تحریک اسلام آباد کے زیراہتمام قصور میں درندگی کا نشانہ بنانے کے بعد قتل کی جانے والی معصوم زینب کے قاتلوں کی گرفتاری، پولیس گردی اور مظاہرین کے قتل کے خلاف احتجاجی مظاہرہ کیا گیا، مظاہرے میں عوامی تحریک، تحریک منہاج القرآن، منہاج القرآن ویمن لیگ، مصطفوی سٹوڈنٹس موومنٹ، عوامی تحریک یوتھ ونگ کے کارکنان اور سول سوسائٹی کے لوگوں نے بڑی تعداد میں شرکت کی۔

11 جنوری 2018ء

شہدائے ماڈل ٹاؤن کے ساتھ شہدائے قصور کا بھی انتقام لیں گے، ڈاکٹر طاہرالقادری کی معصوم زینب کی نماز جنازہ پڑھانے کے بعد میڈیا سے گفتگو

شہدائے ماڈل ٹاؤن کے ساتھ شہدائے قصور کا بھی انتقام لیں گے، ڈاکٹر طاہرالقادری کی معصوم زینب کی نماز جنازہ پڑھانے کے بعد میڈیا سے گفتگو

پاکستان عوامی تحریک کے سربراہ ڈاکٹر محمد طاہرالقادری نے 7 سالہ بیٹی زینب جسے درندہ صفت عناصر نے اغواء کے بعد قتل کر دیا تھا کی قصور میں نماز جنازہ ادا کرنے کے بعد میڈیا سے گفتگو کرتے ہوئے کہا کہ شہدائے ماڈل ٹاؤن کے ساتھ شہدائے قصور کا بھی انتقام لیں گے، عوام کے جان و مال اور پھول جیسے بچوں بچیوں کے تحفظ میں ناکام حکمرانوں کا اقتدار میں رہنے کا کوئی جواز نہیں ہے، حکمران فی الفور عہدے چھوڑ دیں، ڈسٹرکٹ پولیس نے انصاف کیلئے آواز اٹھانے والے نہتے طلباء پر ڈائریکٹ فائرنگ کر کے سانحہ ماڈل ٹاؤن کی تاریخ دہرائی، جب تک یہ درندہ صفت، سفاک، قاتل حکمران مسلط رہیں گے، پھول جیسے بچے اور بچیاں قتل ہوتی رہیں گی۔

10 جنوری 2018ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

Views of Dignitaries

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top