تحریک منہاج القرآن پاکستان کی خبریں

یہ نظام تبدیلی نہیں دے سکتا، 11 مئی کو دھرنے دیں گے، طاہر القادری

یہ نظام تبدیلی نہیں دے سکتا، 11 مئی کو دھرنے دیں گے، طاہر القادری

لاہور ایئرپورٹ پر میڈیا سے گفتگو کرتے ہوئے ڈاکٹر طاہر القادری نے کہا کہ 11 مئی کے انتخابات میں چہرے بھی نہیں بدلیں گے۔ قوم پہلے اس نظام سیاست کا بھیانک انجام دیکھ لے اس کے بعد میں قوم کو نیا نظام دوں گا۔ انہوں نے کہا کہ اس وقت ملک میں پرویز مشرف کے علاوہ کوئی نااہل نہیں ہے۔ کرپٹ الیکشن کمیشن نے ہر کرپٹ آدمی کو تحفظ دیا اور سب کو پاک صاف بناکر بھیج دیا۔ میری زبان سے ادا ہونے والا ایک ایک لفظ سچا ثابت ہوگیا۔

06 مئی 2013ء

گوجرانوالہ: 11 مئی کے دھرنے کے سلسلہ میں کارنر میٹنگ

گوجرانوالہ: 11 مئی کے دھرنے کے سلسلہ میں کارنر میٹنگ

پاکستان عوامی تحریک گوجرانوالہ کے زیراہتمام میٹنگ میں دھرنے کی تیاریوں کا جائزہ لیتے ہوئے اس بات کو یقینی بنایا گیا کہ گیارہ مئی کو پرامن دھرنے کے لیے بھرپور توانائیاں بروئے کار لاتے ہوئے اس بات کو یقینی بنایا جائے گا کہ گوجرانوالہ میں یہ دھرنا کامیاب دھرنا ثابت ہو۔

06 مئی 2013ء

فیصل آباد: نظام بدلو سیمینار کا انعقاد

فیصل آباد: نظام بدلو سیمینار کا انعقاد

پروگرام کی ابتداء تلاوت کلام مجید اور نعت رسول مقبول صلی اللہ علیہ وآلہ وسلم سے ہوئی۔اس سیمینار میں نمایاں تحریکی خدمات سرانجام دینے والے کارکنان میں شیلڈز تقسیم کی گئیں۔

06 مئی 2013ء

مرکزی ناظمہ نوشابہ ضیاء اور مرکزی نگران گوجرانوالہ گلشن ارشاد کا دورہ گوجرانوالہ

مرکزی ناظمہ نوشابہ ضیاء اور مرکزی نگران گوجرانوالہ گلشن ارشاد کا دورہ گوجرانوالہ

مرکزی ناظمہ نوشابہ ضیاء نے اپنی گفتگو میں کہا کہ موجودہ نظام انتخابات میں رہتے ہوئے ملک میں مثبت تبدیلی لانا ناممکن ہے۔ یہ نظام کرپٹ اور دھن دھونس دھاندلی کا نظام ہے جس میں کرپشن کرنے اور لوٹ مار کرنے والوں کو چہرے بدل بدل کر سامنے لایا جاتا ہے اور عوام کے ساتھ گھناؤنا کھیل کھیلا جاتا ہے۔

06 مئی 2013ء

سیالکوٹ: پاکستان عوامی تحریک کے زیراہتمام نظام بدلو سیمینار

سیالکوٹ: پاکستان عوامی تحریک کے زیراہتمام نظام بدلو سیمینار

پاکستان عوامی تحریک سیالکوٹ کے زیراہتمام منعقدہ سیمینار سے خطاب کرتے ہوئے صاحبزادہ ظہیر احمد نے کہا کہ موجودہ نظام انتخابات میں اگر ایک امیدوار کروڑوں روپے لگا کر اس الیکشن میں حصہ لے رہا ہے تو اس نے کرپشن کے ذریعے پھر اپنا پیسہ آتے ہی نکالنا ہے۔ انہوں نے کہا کہ یہ وہ نظام ہے جس میں غریب کی غریبی کے لیئے، معیشت کی بہتری کیلئے اور پاکستان میں جاری لوڈ شیڈنگ سمیت غریب لوگوں کی بنیادی ضروریات کا کچھ بھی نہیں ہوگا۔

05 مئی 2013ء

شاہ کوٹ: پاکستان عوامی تحریک کے زیراہتمام نظام بدلو ریلی

شاہ کوٹ: پاکستان عوامی تحریک کے زیراہتمام نظام بدلو ریلی

قائدین نے ریلی کے شرکاء سے گفتگو کرتے ہوئے کہا کہ اس نظام انتخابات کے ہوتے ہوئے ملک میں مثبت تبدیلی ممکن نہیں۔ موجودہ الیکشن کمیشن نے مک مکا کی سیاست کر کے ہر کرپٹ شخص کو الیکشن میں حصہ لینے اور پیسہ بہا کر معصوم عوام کے خون سے ہولی کھیلنے کی مکمل اجازت دے دی ہے۔ موجودہ تناظر میں الیکشن ہوئے تو یہ خونی الیکشن ہوں گے جس سے ملک کے حالات پر منفی اثرات مرتب ہوں گے۔

05 مئی 2013ء

تحریک منہاج القرآن آزاد کشمیر کا مشاورتی تنظیمی اجلاس

تحریک منہاج القرآن آزاد کشمیر کا مشاورتی تنظیمی اجلاس

تحریک منہاج القرآن آزاد کشمیر کا مشاورتی تنظیمی اجلاس مرکزی دفتر تحریک منہاج القرآن راولپنڈی میں ہوا۔ اجلاس کی صدارت امیر تحریک آزاد کشمیر سید ابرار سرور شاہ نے کی۔ جب کہ مہمان خصوصی نائب ناظم اعلیٰ تنظیمات منہاج القرآن انٹرنیشنل احمد نواز انجم تھے۔

05 مئی 2013ء

منہاج القرآن یوتھ لیگ اسلام آباد کے زیراہتمام سالانہ محفل میلاد النبی صلی اللہ علیہ وآلہ وسلم

منہاج القرآن یوتھ لیگ اسلام آباد کے زیراہتمام سالانہ محفل میلاد النبی صلی اللہ علیہ وآلہ وسلم

منہاج القرآن یوتھ لیگ اسلام آباد کے زیراہتمام عظیم الشان نویں سالانہ محفل میلاد مصطفی صلی اللہ علیہ وآلہ وسلم منعقد ہوئی۔ جو 4 مئی 2013ء کو ضیاء مسجد نیو شکریال فیڈرل ایریا اسلام آباد کے مقام پر ہوئی۔ اس پروگرام کی صدارت سیکرٹری انفارمیشن تحریک منہاج القرآن عمر ریاض عباسی نے کی۔

05 مئی 2013ء

صدر پاکستان عوامی تحریک ڈاکٹر رحیق احمد عباسی کا دورہ سیالکوٹ

صدر پاکستان عوامی تحریک ڈاکٹر رحیق احمد عباسی کا دورہ سیالکوٹ

مرکزی صدر پاکستان عوامی تحریک ڈاکٹر رحیق احمد عباسی 4 مئی 2013 سیالکوٹ پریس کلب میں الیکٹرانک اور پرنٹ میڈیا کے ساتھ ایک خصوصی پریس کانفرنس کی۔ ڈاکٹر رحیق احمد عباسی نے صحافیوں سے گفتگو کرتے ہوئے کہا کہ موجودہ کرپٹ نظام کے اندر ہونے والے الیکشن کسی بھی طرح شفاف نہیں ہونگے۔

04 مئی 2013ء

اسلام آباد: پاکستان عوامی تحریک کے زیراہتمام عوامی ریلی کا انعقاد

اسلام آباد: پاکستان عوامی تحریک کے زیراہتمام عوامی ریلی کا انعقاد

اسلام آباد: پاکستان عوامی تحریک کے زیر اہتمام ریلی کا انعقاد کیا گیا جس کا مقصد دھرنے کی تیاریوں کے سلسلے میں عوام کو کرپٹ نظام انتخابات کی خرابیوں سے آگاہ کرنا تھا۔ اس ریلی میں پاکستان عوامی تحریک، تحریک منہاج القرآن مصطفوی سٹوڈنٹس موومنٹ، عوامی تحریک یوتھ ونگ کے عہدیداران و کارکنان اور نوجوانوں کی بڑی تعداد موجود تھی۔

03 مئی 2013ء

عرفان القرآن اسلامک سینٹر بلال کالونی بند روڈ میں عرفان العقائد کورس کا آغاز

عرفان القرآن اسلامک سینٹر بلال کالونی بند روڈ میں عرفان العقائد کورس کا آغاز

مرکزی نظامت تربیت اور منہاج القرآن ویمن لیگ واہگہ ٹاون کے زیراہتمام عرفان القرآن اسلامک سینٹر بلال کالونی بند روڈ میں 2 مئی 2013 کو بنیادی اسلامی عقائد کی پختگی کے لیے عرفان العقائد کورس کا آغاز کیاگیا ہے۔ اس کورس میں بنیادی اسلامی عقائد کی تعریفات، شرعی حکم اور ہر عقیدے پر چار چار قرآنی آیات اور صحاح ستہ سے چار چار احادیث نصاب میں شامل کی گئی ہیں۔

02 مئی 2013ء

پاکستان عوامی تحریک فیصل آباد (PP-65) کے زیراہتمام نظام بدلو سیمینار

پاکستان عوامی تحریک فیصل آباد (PP-65) کے زیراہتمام نظام بدلو سیمینار

سید ہدایت رسول قادری نے سیمینار سے خطاب کرتے ہوئے کہا کہ شفاف الیکشن جن اداروں کی ذمہ داری تھی انہوں نے میچ فیکس کیا ہوا ہے۔ اسی لیے وہ استقامت سے تماشا دیکھ رہے ہیں امانت، دیانت کا جنازہ نکال دیاگیاہے۔ اور آئین کی دھجیاں ہر سو بکھری پڑی ہیں ان حالات میں 11 مئی کا الیکشن ملک وقوم کی تقدیر بدلنے نہیں بلکہ برباد کرنے کے لیے ہوگا۔

02 مئی 2013ء

مصطفوی سٹوڈنٹس موومنٹ کے سیکرٹری جنرل وحید اختر کا دورہ سندھ

مصطفوی سٹوڈنٹس موومنٹ کے سیکرٹری جنرل وحید اختر کا دورہ سندھ

مصطفوی سٹوڈنٹس موومنٹ پاکستان کے مرکزی سیکرٹری جنرل وحید اختر نے مورخہ 2 مئی سے7 مئی تک سندھ کے مختلف علاقوں کا کامیاب دورہ کیا جہاں ان کے ہمراہ شفیع محمد صدر ایم ایس ایم سندھ اور ایم ایس ایم سندھ کے دوسرے قائدین بھی تھے۔ انہوں نے اپنے دورے میں طلبہ سے کارنر میٹنگز میں خطابات کیے اور کئی علاقوں میں نئی تنظیم سازی کی۔

02 مئی 2013ء

پاکستان میں مزدور کے حقوق بحال کیے بغیر معاشی ترقی ممکن نہیں، ڈاکٹر محمد طاہرالقادری

پاکستان میں مزدور کے حقوق بحال کیے بغیر معاشی ترقی ممکن نہیں، ڈاکٹر محمد طاہرالقادری

یوم مئی پر ڈاکٹرطاہرالقادری نے اپنے خصوصی پیغام میں کہا کہ اسلام نے مزدور کو جو حقوق دیئے، وہ دنیا کے کسی معاشی نظریہ میں نہیں۔ دوسری جانب پاکستان میں آج بھی مزدور کے حقوق مکمل طور پر بحال نہیں کیے گئے، بلکہ مزدور کا استحصال جاری ہے۔ ملک میں سرمایہ داری کے جن نے مزدور کو زندہ نگل لیا ہے۔

01 مئی 2013ء

تحریک منہاج القرآن الہ آباد کے ناظم ظفر اقبال سے ناظم اعلی شیخ زاہد فیاض کی تعزیت

تحریک منہاج القرآن الہ آباد کے ناظم ظفر اقبال سے ناظم اعلی شیخ زاہد فیاض کی تعزیت

تحریک منہاج القراآن الہ اآباد کے ناظم شیخ ظفر اقبال جنید کے بھائی اور محمد نواز شریف منہاجین کے چچا بابا نور محمد قادری نوشاہی گزشتہ دنوں انتقال کر گئے تھے۔ ان کی رحلت پرناظم اعلیِ شیخ زاہد فیاض مرکزی قائدین کے وفد کے ساتھ لاہور سے الہ آباد گئے، جہاں انہوں نے نواحی گاوں موضع رسول پور پوہلیکے جا کر شیخ ظفر اقبال جنید اور اہلخانہ سے اظہار تعزیت کی۔ وفد میں ضلعی کوارڈینٹر قصور اشتیاق حنیف مغل، پاکستان عوامی تحریک کے رہنماء راجہ ندیم بھی شامل تھے۔

01 مئی 2013ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top