تحریک منہاج القرآن پاکستان کی خبریں

انٹرفیتھ ریلیشنز منہاج القرآن انٹرنیشنل اور کرسچین سڈی سینٹر راولپنڈی کے باہمی اشتراک سے سیمینار

انٹرفیتھ ریلیشنز منہاج القرآن انٹرنیشنل اور کرسچین سڈی سینٹر راولپنڈی کے باہمی اشتراک سے سیمینار

یکم جون 2013ء کو انٹرفیتھ ریلیشنز منہاج القرآن انٹرنیشنل اور کرسچین سڈی سینٹر راولپنڈی کے باہمی اشتراک سے ایک روزہ سیمینار کا اہتمام کرسچین سڈی سینٹر راولپنڈی میں کیا گیا۔ جس کا موضوع انسانی زندگی میں مذہب کی ضرورت اور اہمیت تھا۔ اس سیمینار میں مسلم اور مسیحی مذہبی سکالرز کو مدعو کیا گیا تھا۔

01 جون 2013ء

گوجر خان: منہاج ایجوکیشن سوسائٹی کے زیراہتمام ٹیچرز ٹریننگ ورکشاپ

گوجر خان: منہاج ایجوکیشن سوسائٹی کے زیراہتمام ٹیچرز ٹریننگ ورکشاپ

ورکشاپ سے خطاب کرتے ہوئے شاہد لطیف قادری کا کہنا تھا کہ تحریک منہاج القرآن نے آج تک اپنے وسائل سے بڑھ کر تعلیمی میدان میں اپنا کردار ادا کیا ہے۔ تحریک منہاج القرآن نے تعلیم کیلئے اپنا علیحدہ سلیبس متعارف کرایا اور ذہنوں کو اسلام سے آگاہی کیلئے پہلی مرتبہ اسلامیات جیسے اہم مضمون کا سلیبس لازمی قرار دیا ہے۔ تحریک منہاج القرآن نے ایک کمسن بچے میں اپنی زندگی میں حقیقی تبدیلی کا شعور بیدار کیا ہے۔

27 مئی 2013ء

لاہور: منہاج القرآن یوتھ لیگ گلبرگ ٹاؤن بی کے زیراہتمام عرس تقریب

لاہور: منہاج القرآن یوتھ لیگ گلبرگ ٹاؤن بی کے زیراہتمام عرس تقریب

منہاج القرآن یوتھ لیگ گلبرگ ٹاؤن بی کے زیراہتمام حضرت علی کرم اللہ وجہہ الکریم اور حضرت خواجہ معین الدین چشتی اجمیری رحمۃ اللہ علیہ کے عرس مبارک کی تقریب کا انعقاد کیا گیا، جس کے میزبان سیکرٹری جنرل منہاج القرآن یوتھ لیگ گلبرگ ٹاؤن بی محمد علی ہارون تھے۔ اس پروگرام میں یونین کونسل 98 سے کثیر تعداد میں لوگوں نے شرکت کی۔ تقریب کا آغاز تلاوت قرآن پاک سے ہوا، جس کی سعادت منہاج القرآن یوتھ لیگ گلبرگ ٹاؤن بی کے سینئر نائب صدر محمد نذر نورنے حاصل کی۔ ملک کے نامور نعت خواں حضرات نے حضور صلی اللہ علیہ وآلہ وسلم کی بارگاہ میں گلہائے عقیدت پیش کیے۔

27 مئی 2013ء

بلوچستان: کوئٹہ اور سبی میں آئیں دین سیکھیں کورس کی تعارفی کلاس

بلوچستان: کوئٹہ اور سبی میں آئیں دین سیکھیں کورس کی تعارفی کلاس

بلوچستان: نظامت تربیت تحریک منہاج القرآن کے زیر اہتمام ملک بھر میں بنیادی دینی تعلیمات کے مختلف کورسز جاری ہیں۔ ان کورسز کے فروغ کےلیے بلوچستان کادورہ کیاگیا اور 27 مئی 2013 کو کوئٹہ اور بعد ازاں سبی میں آئیں دین سیکھیں کورس کا مکمل تعارف کروایا گیا۔

27 مئی 2013ء

سیالکوٹ: سوشل میڈیا ٹریننگ کیمپ برائے رضاکاران

سیالکوٹ: سوشل میڈیا ٹریننگ کیمپ برائے رضاکاران

یوتھ انٹرنیٹ بیورو سیالکوٹ کے زیراہتمام یارک شائر ہوٹل میں مؤرخہ 26 مئی 2013ء بروز اتوار کو نوجوان رضاکاران کے لئے سوشل میڈیا ٹریننگ کیمپ کا انعقاد کیا گیا، جس میں تحریک منہاج القرآن کے شعبہ منہاج انٹرنیٹ بیورو سے چار رکنی ٹیم نے خصوصی شرکت کی۔ اس ٹریننگ کیمپ کو تین حصوں میں تقسیم کیا گیا تھا، جن میں (i) سوشل میڈیا کا عمومی تعارف، (ii) ٹوٹر کا تفصیلی تعارف اور (iii) سوشل میڈیا کا عملی استعمال شامل تھا۔

26 مئی 2013ء

لاہور: منہاج ٹریننگ اکیڈمی میں سہ روزہ تربیتی کیمپ برائے معلمین و معلّمات

لاہور: منہاج ٹریننگ اکیڈمی میں سہ روزہ تربیتی کیمپ برائے معلمین و معلّمات

مرکزی نظامت ِ تربیت کے زیر اہتمام منہاج ٹریننگ اکیڈمی میں (24 تا 26 مئی 2013ء) سہ روزہ تربیتی کیمپ برائے معلمین و معلمات منعقد ہوا۔شرکاء کو 3 دن قرآن، حدیث، فقہ اور بنیادی عقائد پر مشتمل سلیبس پڑھایا گیا۔ 3 دن کلاسز میں اوسطاً 10 گھنٹے یومیہ تدریس کا عمل جاری رہا۔ جملہ معلّمین و معلّمات نے بھر پور تدریسی ذوق کا ثبوت دیا اور تیسرے دن تحریراً شفوی دونوں طریقوں سے 2 گھنٹے پر مشتمل امتحان لیا گیا۔

26 مئی 2013ء

14 جنوری کو انقلاب کی اذان دی جا چکی، اب نماز ادا ہونا باقی ہے۔ ڈاکٹر حسین محی الدین

14 جنوری کو انقلاب کی اذان دی جا چکی، اب نماز ادا ہونا باقی ہے۔ ڈاکٹر حسین محی الدین

پاکستان عوامی تحریک کی فیڈرل کونسل کے صدر ڈاکٹر حسین محی الدین نے کہا کہ 14 جنوری کو انقلاب کی اذان دی جا چکی ہے اب نماز ادا ہونا باقی ہے۔ 11 مئی کے جھرلو انتخابات کے بعد آج بھی اگر کوئی سمجھتا ہے کہ اگلے انتخابات سے تبدیلی آ جائے گی تو وہ غلط ہے۔ جس نظام نے صدیوں سے جکڑ رکھا ہے وہ اتنا سادہ نہیں کہ چار دن میں تبدیلی آ جائے۔ 11 مئی کو تبدیلی کے نام پر چند چہرے ضرور بدلے لیکن نظام نہیں بدلا۔ ڈاکٹر طاہر القادری نے قوم کے حقیقی مرض کی تشخیص پہلے ہی کر دی تھی۔ پاکستان عوامی تحریک کی سیاسی جدوجہد نے کرپٹ عناصر کو ہلا کر رکھ دیا۔

25 مئی 2013ء

اے آر وائی نیوز: الیکشن کمیشن کا وقار مجروح کیا گیا، طاہرالقادری

اے آر وائی نیوز: الیکشن کمیشن کا وقار مجروح کیا گیا، طاہرالقادری

تحریک منہاج القرآن کے سربراہ ڈاکٹر طاہرالقادری نے کہا ہے کہ الیکشن کے عمل بے ضابطگیوں نے پوری قوم کی نگاہ میں الیکشن کمیشن کا وقار مجروح کیا۔ اے آر وائی نیوز کے پروگرام سوال یہ ہے میں گفتگو کے دوران داکٹر طاہرالقادری کا کہنا تھا کہ آئین کے آرٹیکل باسٹھ اور تریسٹھ کی اسکروٹنی ایک ٹیسٹ تھا۔ ٹیکس چوروں سے ٹیکس کی ادائیگی کا پوچھنے کی بجائے بیویوں کی تعداد پوچھی گئی۔

20 مئی 2013ء

لاہور : راوین فاؤنڈیشن گرائمر سکول میں عرفان القرآن کورس کی تقریب تقسیم اسناد

لاہور : راوین فاؤنڈیشن گرائمر سکول میں عرفان القرآن کورس کی تقریب تقسیم اسناد

نظامت تربیت تحریک منہاج القرآن کے زیراہتمام 10 مئی 2013 کو راوین فاونڈیشن گرائمر سکول نشتر ٹاون لاہور میں عرفان القرآن کورس کی تقریب تقسیم اسناد منعقد ہوئی، جس میں مرکزی ناظم عرفان القرآن کورسز علامہ محمد شریف کمالوی، معلم کورس ھذا علامہ محمد اشرف سراجوی فاضل جامعہ نظامیہ لاہور، صدر منہاج القرآن ویمن لیگ لاہور ارشاد اقبال اور پرنسپل راوین فاؤنڈیشن گرائمر سکول عذرا باجی نے شرکت کی۔

20 مئی 2013ء

ساری پارٹیاں دھرنے پر بیٹھی ہیں اور الیکشن کمیشن خود کو شفاف الیکشن کی مبارکبادیں دیے جارہا ہے، ڈاکٹر طاہرالقادری کا ورکرز کنونشن سے خطاب

ساری پارٹیاں دھرنے پر بیٹھی ہیں اور الیکشن کمیشن خود کو شفاف الیکشن کی مبارکبادیں دیے جارہا ہے، ڈاکٹر طاہرالقادری کا ورکرز کنونشن سے خطاب

ڈاکٹر طاہر القادری نے کہا کہ ساری پارٹیاں دھرنے پر بیٹھی ہیں اور الیکشن کمیشن خود کو شفاف الیکشن کی مبارکبادیں دیے جارہا ہے۔ الیکشن ٹربیونلز کا وجود بھی الیکشن کمیشن کی طرح غیر آئینی اور غیر قانونی ہے اس لیے یہ انصاف نہ دے پائے گا صرف دکھاوے کے لیے چند زخموں پر مرہم رکھ دیے جائیں گے۔ کرپٹ نظام کے تحت دیے ہوئے مینڈیٹ کے تحت مرکز اور صوبوں میں حکومتیں تشکیل پا جائیں گی اور لوگ آہستہ آہستہ بھول جائیں گے کہ ان کے ساتھ کس بلا کی دھاندلی ہوئی تھی۔ نظام کو شکست دینے کے لیے ہم نے آئینی، قانونی اور جمہوری جدوجہد شروع کردی ہے۔ وقت آگیا ہے کہ پوری قوم کرپٹ نظام کے خلاف اٹھ کھڑی ہو۔

18 مئی 2013ء

دنیا کی تاریخ کا انوکھا الیکشن ہے جس میں ہارنے اور جیتنے والے دونوں دھرنے دے رہے ہیں۔ ڈاکٹر محمد طاہرالقادری

دنیا کی تاریخ کا انوکھا الیکشن ہے جس میں ہارنے اور جیتنے والے دونوں دھرنے دے رہے ہیں۔ ڈاکٹر محمد طاہرالقادری

پاکستان عوامی تحریک کے قائد ڈاکٹر طاہر القادری نے کہا ہے کہ دنیا کی تاریخ کا انوکھا الیکشن ہے جس میں ہارنے اور جیتنے والے دونوں دھرنے دے رہے ہیں۔ کسی پارٹی اور عوام نے الیکشن کمیشن کو مبارک باد نہیں دی وہ خود ہی اپنے آپ کو مبارک دیئے جا رہا ہے۔ غیر قانونی اور غیر آئینی الیکشن کمیشن شفاف الیکشن کیسے کرا سکتا تھا اس نے جو کیا وہ By Design تھا۔ الیکشن 2013ء گھوڑوں کا الیکشن تھا انسانوں کا نہیں۔ استعفے آ رہے ہیں وقت آنے پر قوم کو بھی کرپٹ نظام انتخاب سے مستعفی ہونا پڑے گا۔ موجودہ نظام انتخاب د ھن دھونس اور دھاندلی ہے اس لیے نیک نیتی سے تبدیلی چاہنے والے بھی موجودہ نظام کے تحت تبدیلی نہیں لا سکتے۔

16 مئی 2013ء

لاہور: منہاج القرآن علماء کونسل چکوال کے وفد کی شیخ الاسلام ڈاکٹر محمد طاہر القادری سے ملاقات

لاہور: منہاج القرآن علماء کونسل چکوال کے وفد کی شیخ الاسلام ڈاکٹر محمد طاہر القادری سے ملاقات

13 مئی کو منہاج القرآن علماء کونسل چکوال کے وفد نے شیخ الاسلام ڈاکٹر محمد طاہر القادری سے ملاقات کی۔ وفد میں علماء کونسل چکوال کے ناظم علامہ حافظ محمد خان قادری، نائب ناظم علماء کونسل علامہ احمد رضا خان قادری، منہاج القرآن اسلامک سینٹر چیک بھون کے ناظم اعلی حاجی نذر حسین، تحریک منہاج القرآن ابوظہبی کے صدر محمد سلیم طاہر، منہاج القرآن علماء کونسل لاہور کے ناظم علامہ ممتاز حسین صدیقی اور علماء کونسل لاہور کے صدر علامہ میر آصف اکبر شامل تھے۔

15 مئی 2013ء

گوجر خان: منہاج القرآن اسلامک سنٹر مانکیالہ مسلم میں ’’آئیں دین سیکھیں‘‘ کورس کا انعقاد

گوجر خان: منہاج القرآن اسلامک سنٹر مانکیالہ مسلم میں ’’آئیں دین سیکھیں‘‘ کورس کا انعقاد

منہاج القرآن اسلامک سنٹرمانکیالہ مسلم (گوجرخان) کے زیراہتمام ’’ آئیں دین سیکھیں‘‘ کورس کا آغاز 14 مئی 2013 بروز منگل ہوا۔ جس میں اسلامک سنٹر کا مکمل سٹاف، طالبات، طلباء اور علاقے کی خواتین نے بھرپور شرکت کی۔ شرکاء کورس کی تعداد 53 تھی۔

14 مئی 2013ء

پاکستان عوامی تحریک کا کرپٹ نظام انتخاب کے خلاف ملک بھر میں پرامن دھرنا

پاکستان عوامی تحریک کا کرپٹ نظام انتخاب کے خلاف ملک بھر میں پرامن دھرنا

ڈاکٹر طاہرالقادری نے دھرنوں کے شرکاء سے خطاب کرتے ہوئے کہا کہ موجودہ نظام انتخاب کبھی بھی حقیقی تبدیلی نہیں آنے دے گا۔ یہ نظام کسی ایک جماعت کو اکثریت نہیں دے گا۔ خاص طور پر جن کے جیتنے کا انتظام کیا گیا ہے، وہ کسی دوسرے کو قبول نہیں کریں گے۔ سیاسی جماعتیں یہ بات ذہن میں رکھ لے کہ اس ملک میں اقتدار پر آنے والی ایک ہی جماعت ہے۔ جو پارٹیاں باری باری، باری لے رہی ہیں، وہ ایک ہی پارٹی ہے۔

11 مئی 2013ء

فیصل آباد: پاکستان عوامی تحریک و تحریک منہاج القرآن کا کرپٹ نظام انتخاب کے خلاف پرامن دھرنا

فیصل آباد: پاکستان عوامی تحریک و تحریک منہاج القرآن کا کرپٹ نظام انتخاب کے خلاف پرامن دھرنا

پاکستان عوامی تحریک و تحریک منہاج القرآن فیصل آباد کے زیراہتمام اقبال پارک دھوبی گھاٹ میں موجودہ فرسودہ نظام انتخاب کو مسترد کرنے کے لئے پرامن دھرنا دیا گیا۔ دھرنے میں 20 ہزار سے زائد مرد و خواتین نے شرکت کر کے کرپٹ نظام انتخاب کے خلاف عدم اعتماد کا اعلان کیا۔ دھرنے میں 12 صوبائی حلقہ جات سے خواتین نے بچوں سمیت ہزاروں کی تعداد میں شرکت کر کے ڈاکٹر طاہر القادری کے اصولی موقف کی تائید کی۔ فیصل آباد میں ہونے والے دھرنے میں گرمی کی شدت کو کم کرنے کے لئے شامیانے اور ٹھنڈے پانی کا بندوبست کیا ہوا تھا۔

11 مئی 2013ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

Views of Dignitaries

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top