تحریک منہاج القرآن پاکستان کی خبریں

تجدید عہد وفا

تجدید عہد وفا

ولادت مصطفیٰ صلی اللہ علیہ وآلہ وسلم سے قبل ہر طرف جہالت و ضلالت کی حکمرانی تھی، معاشرہ تباہی کے دہانے پر کھڑا تھا، فریب اور جھوٹ انفرادی طرز عمل بن چکا تھا اجتماعی رویوں میں شرف انسانی ختم ہو چکا تھا۔ حوا کی بیٹی کے سر پر دست شفقت رکھنے والا کوئی نہ تھا، وہ بنیادی حقوق اور انسانی حیثیت کو بھی ترس گئی تھی، عدل و انصاف اور مساوات کے الفاظ اپنا مفہوم کھو چکے تھے۔ قبائلی رسم و رواج کی زنجیروں نے معاشرے کو جکڑا ہوا تھا۔

20 ستمبر 2006ء

حلقہء درود (ایک تعارف ۔ ۔ ایک پیغام)

حلقہء درود (ایک تعارف ۔ ۔ ایک پیغام)

درود شریف کی کثرت سے جہاں عاشقان رسالت مآب صلی اللہ علیہ وآلہ وسلم کی روحانی بالیدگی کا سامان حاصل کیا جا رہا ہے وہاں سینکڑوں خواتین گھریلو پریشانیوں، ناگہانی مصیبتوں اور روحانی و جسمانی بیماریوں سے شفایاب ہو رہے ہیں۔ مادیت پرستی اور فتنہ پروری کے اس دور میں اگر آپ بھی سکون قلب کے متلاشی ہیں اور مکین گنبد خضریٰ سے تعلق غلامی استوار کرنے کے خواہاں ہیں۔

20 ستمبر 2006ء

توبہ اور آنسوؤں کی بستی میں چند دن ۔ ۔ چند راتیں

توبہ اور آنسوؤں کی بستی میں چند دن ۔ ۔ چند راتیں

جب زندگیاں بوجھ محسوس ہونے لگی ہیں۔ روح کا دم گھٹنے لگتا ہے۔ نیکی اور عبادت کا تصور معدوم ہونے لگتا ہے۔ معاشرہ بے چینی، بے سکونی، عدم تحفظ، غیر مطمئن صورتحال کی نظیر بن جاتا ہے۔ فکری و نظریاتی دیواریں منہدم ہونے لگتی ہے۔

20 ستمبر 2006ء

ڈاکٹر علی اکبر قادری الازہری کو مبارک باد

ڈاکٹر علی اکبر قادری الازہری کو مبارک باد

علمی و اَدبی حلقوں میں محترم علی اکبر قادری الازہری کا نام کسی تعارُف کا محتاج نہیں۔ اِن کا شمار تحریکِ منہاجُ القرآن کے اَربابِ فکر و دانش اور صاحبانِ فکر و نظر میں ہوتا ہے کہ جن پر بجا طور فخر کیا جاسکتا ہے۔ تحریک کے ساتھ رُبع صدی پر محیط اِن کی وابستگی اِن کے خلوص، خود سپردگی اور غیر مشروط تعلق کی غماز ہے۔ آپ نے اپنی تشنگی بجھانے کے لیے جامعہ اِسلامیہ منہاج القرآن، پنجاب یونیورسٹی اور جامعہ اَزہر جیسی عظیم درس گاہوں سے تحصیلِ علم کیا۔

14 ستمبر 2006ء

حلقہ عرفان القرآن (ایک تعارف)

حلقہ عرفان القرآن (ایک تعارف)

قرآن حکیم خالق فطرت کا وہ آخری اور حتمی آفاقی پیغام ہے جس میں انسان کی دنیوی و اخروی کامیابیوں کی ضمانت موجود ہے۔ اللہ پاک نے اس کتاب ہدایت و رحمت میں پوری انسانیت کے لئے بالعموم اور امت مسلمہ کے لئے بالخصوص علم، عمل اور فلاح کے دائمی اصول و ضوابطہ متعین فرمائے ہیں۔

10 ستمبر 2006ء

دعوت نامہ اعتکاف 2006ء

دعوت نامہ اعتکاف 2006ء

رمضان المبارک کی کیف آور ساعتوں میں خالق حقیقی سے تعلق کی پختگی اور رضائے الٰہی کے حصول کے لئے منہاج القرآن ویمن لیگ ہر سال خواتین کے لئے عظیم الشان اجتماعی اعتکاف کا اہتمام کرتی ہے۔ جس میں ہزاروں "دختران اسلام" روحانی برکات سے فیض یاب ہوتی ہیں۔ آپ کو خصوصی دعوت دی جاتی ہے کہ اپنی مصروفیات میں سے چند دن نکال کر فہم دین، تزکیہ نفس اور اصلاح احوال کے ساتھ ساتھ مالک حقیقی کی بارگاہ میں اجتماعی توبہ کے لئے آنسوؤں کی بستی ""شہر اعتکاف" میں اپنے اہل خانہ، احباب اور رشتہ داروں کے ہمراہ جوق در جوق شریک ہوں اور اپنے شب و روز یاد الٰہی میں بسر کر کے دنیا اور آخر کی سعادتیں سمیٹیں۔

10 ستمبر 2006ء

مجلس ختم علی الصلوٰۃ علی النبی (ص) و شب برات اجتماع

مجلس ختم علی الصلوٰۃ علی النبی (ص) و شب برات اجتماع

8 ستمبر 2006ء بمطابق 14 شعبان معظم کی شب تحریک منہاج القرآن کے مرکزی سیکرٹریٹ ماڈل ٹاؤن کے سبزہ زار میں ماہانہ روحانی اجتماع ختم علی الصلوٰۃ النبی اور شب برأت کی خصوصی محفل منبعقد ہوئی۔ اس روحانی محفل میں شرکت کیلئے لاہور کے علاوہ گردو نواح کے شہروں سے بھی حاضرین کی ایک بڑی تعداد سر شام تحریک کے مرکزی سیکرٹریٹ پہنچی۔ پروگرام کا باقاعدہ آغاز عشاء کے بعد ہوا تاہم حاضرین کی کثیر تعداد مقررہ وقت سے قبل ہی پنڈال میں براجمان ہوئی۔ جب پروگرام کا باقاعدہ آغاز ہوا تو پنڈال میں حاضرین کے لیے جگہ کم پڑ گئی جس پر انتظامیہ نے ہنگامی طور پر مرکزی سیکرٹریٹ کے ساتھ ملحقہ منہاج القرآن پارک میں پروجیکٹر نصب کر کے حاضرین کے بیٹھنے کا انتظام کیا۔ خواتین کی ایک بڑی تعداد بھی یہاں موجود تھی۔ جسکی وجہ سے منہاج القرآن ویمن لیگ کو بھی خواتین شرکاء کے لئے اضافی انتظامات کرنا پڑے۔ پروگرام کا باقاعدہ آغاز قاری اللہ بخش نقشبندی نے تلاوت کلام پاک سے کیا۔ ناظم تربیت فرحت حسین شاہ کی نقابت اور کمیپئرنگ نے بھی حاضرین میں رنگ جما دیا۔ انہوں نے تلاوت کلام پاک کے بعد آقا علیہ السلام کی بارگاہ مدح سرائی کیلئے کالج آف شریعہ منہاج یونیورسٹی کے نعت خواں کو دعوت دی بعد ازاں مختلف نعت خواں وقفہ وقفہ سے اپنے ذوق نعت خوانی سے حاضرین کے لئے سامان عشق و نور پیدا کرتے رہے۔

08 ستمبر 2006ء

منہاج یوتھ کے تحت متنازعہ فیصلہ کے خلاف احتجاجی مظاہرہ

منہاج یوتھ کے تحت متنازعہ فیصلہ کے خلاف احتجاجی مظاہرہ

منہاج القرآن یوتھ لیگ کے صدر اشتیاق چوہدری ایڈووکیٹ نے کہا کہ متعصب اور متنازع آسٹریلوی کرکٹ ایمپائر ڈیرل ہیئر کے متعصبانہ اور غیر منصفانہ فیصلے کے خلاف پوری قوم شدید احتجاج کرتی ہے۔ انہوں نے کہا کہ مذکورہ ایمپائر ایک متعصب شخص ہے اور اس کے ماضی کا طرز عمل بھی اس بات کا گواہ ہے۔ اس کا پاکستانی کرکٹ ٹیم کے خلاف حالیہ فیصلہ قطعی جانبدارانہ اور غیر منصفانہ ہے۔ انہوں نے کہا کہ پاکستانی ٹیم کو بال ٹیمپرنگ کی ضرورت نہ تھی اور کرکٹ گراؤنڈ میں نصب ٹی وی کیمروں نے بھی ایمپائر ڈیرل ہیئر کے الزامات کی تصدیق نہیں کی۔

02 ستمبر 2006ء

برطانوی مسیحی وفد کی تحریک منہاج القرآن کے مرکزی سیکرٹریٹ آمد

برطانوی مسیحی وفد کی تحریک منہاج القرآن کے مرکزی سیکرٹریٹ آمد

برطانوی مسیحی وفد بشپ آف بریڈ فورڈ ریورڈ ڈیوڈ جیمز کی قیادت میں گزشتہ روز تحریک منہا ج القرآن کے مرکزی سیکرٹریٹ آیا۔ اس 9 رکنی وفد میں سیکرٹری آف انٹر فیتھ ریلیشنز ریوڈ گھئی ویکنیسن بھی شامل تھے۔ جنہوں نے تحریک منہاج القرآن کے امیر تحریک مسکین فیض الرحمن درانی اور نائب ناظم اعلیٰ شیخ زاہد فیاض سے ملاقات کی۔

02 ستمبر 2006ء

معراج النبی صلی اللہ علیہ وآلہ وسلم معراج کائنات کا ذریعہ بنی

معراج النبی صلی اللہ علیہ وآلہ وسلم معراج کائنات کا ذریعہ بنی

تحریک منہاج القرآن چشتیاں کے زیراہتمام مؤرخہ 30 اگست 2006ء بروز بدھ علی شادی ہال میں ماہانہ درس عرفان القرآن کی ایک پروقار تقریب منعقد ہوئی جس میں مختلف شعبہ ہائے زندگی سے تعلق رکھنے والے سینکڑوں احباب نے شرکت کی۔ تحریک منہاج القرآن چشتیاں کے زیراہتمام یہ چوتھا ماہانہ درس عرفان القرآن تھا۔ تقریب کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا، جس کے بعد جناب محمد حامد رضا (منہاجین) ناظم تحریک چشتیاں نے خطبہ استقبالیہ دیا اور تقریب میں معزز مہمانان گرامی، علماء کرام اور مختلف علاقوں سے شریک ہونے والے تحریکی احباب کا شکریہ ادا کرتے ہوئے کہا کہ ملک بھر میں تحریک منہاج القرآن رجوع الی القرآن کی مہم چلا کر عوام الناس کا قرآن سے تعلق مضبوط کر رہی ہے۔

30 اگست 2006ء

رپورٹ درس عرفان القرآن نورپور

رپورٹ درس عرفان القرآن نورپور

تحریک منہاج القرآن نورپور (سب تحصیل پاکپتن شریف) کے زیراہتمام مؤرخہ 29 اگست 2006ء بروز منگل جامع مسجد نور میں ماہانہ درس عرفان القرآن کی ایک پروقار تقریب منعقد ہوئی جس میں مرکزی سینئر نائب ناظم دعوت جناب علامہ غلام مرتضیٰ علوی صاحب نے سورہ الحجرات کی آیت مقدسہ کی روشنی میں وجد آفریں درس قرآن دیا۔ تقریب کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا، جس کے بعد جناب ڈاکٹر محمد رفیق یاسر ناظم تحریک منہاج القرآن نورپور نے خطبہ استقبالیہ دیا اور تقریب میں 500 سے زائد مرد و خواتیں نے شرکت کی۔ مسجد کے دوسرے ہال میں کلوز سرکٹ کی ذریعے خواتین بھی پروگرام میں شریک تھیں۔

29 اگست 2006ء

دروسِ عرفان القرآن (پاکستان کی تبلیغی تاریخ کا اہم کارنامہ)

دروسِ عرفان القرآن (پاکستان کی تبلیغی تاریخ کا اہم کارنامہ)

تحریک منہاج القرآن نے تبلیغ کے لئے قرآن مجید کو ذریعہ اور وسیلہ بنا کر عوام الناس کا قصوں کہانیوں اور غیرمستند ذرائع علم سے تعلق توڑا ہے۔ تحریک منہاج القرآن نے دنیا کی ہر بحث قرآن سے کر کے ثابت کیا ہے کہ قرآن ہر علم و فن کا منبع ہے۔ سن 2004 میں قائد تحریک منہاج القرآن کے حکم سے نظامت دعوت نے قرآن کے اسی پیغام کو عام کرنے کے سلسلہ میں ملک بھر میں دروس عرفان القرآن کے سلسلے میں کا آغاز کیا۔ شیخ الاسلام ڈاکٹر محمد طاہرالقادری کے طلباء اور منہاج یونیورسٹی کے فارغ التحصیل سکالرز نے ملک بھر میں دروس عرفان القرآن کا آغاز کیا اور یوں رجوع الی القرآن کی مہم دروس عرفان القرآن کی شکل میں ملک گیر سطح پر تبلیغی تاریخ میں ایک غیرمعمولی باب کی شکل اختیار کر گئی۔

28 اگست 2006ء

مختلف شعبہ ہائے زندگی سے تعلق رکھنے والے 350 افراد کی تحریک منھاج القرآن میں شمولیت

مختلف شعبہ ہائے زندگی سے تعلق رکھنے والے 350 افراد کی تحریک منھاج القرآن میں شمولیت

تحریک منھاج القرآن راولپنڈی کے زیر اہتمام مورخہ 27 اگست 2006 بروز اتوار بمقام ھمدرد ہال مریڑ چوک راولپنڈی میں ایک پروقار تقریب منعقد ہوئی۔ جس میں زندگی کے مختلف شعبوں سے تعلق رکھنے والے تقریباً 350 افراد نے شیخ الاسلام ڈاکٹر محمد طاہرالقادری کی ولولہ انگیز قیادت پر بھر پور اعتماد کرتے ہوئے تحریک منھاج القرآن میں شمولیت اختیار کی۔ تحریک میں شامل ہونے والوں میں قاری محمد ندیم قادری خطیب جامع مسجد رحمانیہ و امیرعالمی سنی اتحاد،حافظ غلام مصطفےٰ خطیب جامع مسجد مدینہ رضویہ مصریال، حاجی محمد بشیر ممبر ضلع بیت المال کمیٹی، محمد حسن ہزاروی جنرل سیکریٹری JUI (مولانا فضل الرحمان گروپ)، محمد خلیل علی صدر مسلم لیگ (ن) یوتھ لیگ راولپنڈی کینٹ، چوہدری امتیاز ناظم UC-24، معروف تاجر اور حمیدہ قرآن اکیڈمی کے چیئرمین ملک جاوید، محمد آصف ناظم یونین کونسل چک جلال دین، چوھدری جاوید نائب ناظم جٹاں یونین کونسل، زینب بی بی لیڈی کونسلر جٹاں، ملک ممتاز احمد اعوان ایڈووکیٹ ہائی کورٹ، چوھدری محمد رفیق ایڈووکیٹ ہائی کورٹ، رفاقت حسین وارثی انکم ٹیکس آفیسر، وارث علی مینجر پنجاب بینک کہوٹہ، عمران نذیر پنجاب بینک چوڑ چوک شامل ہیں۔ ان کے علاوہ مختلف شعبہ ہائے زندگی سے تعلق رکھنے والے سینکڑوں خواتین اور مرد حضرات نے تحریک میں فارم پُر کرکے شمولیت کا اعلان کیا۔

27 اگست 2006ء

سابق وزیراعظم آزاد کشمیر بیرسٹر سلطان محمود چوہدری تحریک منہاج القرآن کے لائف ممبر بن گئے۔

سابق وزیراعظم آزاد کشمیر بیرسٹر سلطان محمود چوہدری تحریک منہاج القرآن کے لائف ممبر بن گئے۔

آزاد کشمیر کے سابق وزیر اعظم بیرسٹر سلطان محمود نے گذشتہ روز صدر پاکستان عوامی تحریک فیض الرحمن درانی سے مرکزی سیکرٹریٹ ماڈل ٹاؤن میں ملاقات کی۔ سابق وزیر اعظم آزاد کشمیر نے ڈاکٹر محمد طاہرالقادری کی مذہبی، سیاسی اور علمی خدمات کا اعتراف کرتے ہوئے تحریک منہاج القرآن کی لائف ممبرشپ حاصل کی۔ اس سے قبل سابق وزیراعظم بے نظیر بھٹو اور اعجازالحق بھی تحریک کی لائف ممبر شپ حاصل کر چکے ہیں۔ تاحیات ممبرشپ کے فارم پر دستخط کرتے ہوئے انہوں نے کہا کہ ڈاکٹر طاہرالقادری کے علم کا زمانہ معترف ہے اور ساری دنیا میں تحریک منہاج القرآن کے قائم کردہ اسلامک سینٹرز اسلام کیلئے گراں قدر خدمات انجام دے رہے ہیں۔ ڈاکٹر محمد طاہرالقادری ایسی شخصیت ہیں جن کے علم سے ہم جیسے لوگ استفادہ کرتے ہیں۔ کشمیر کاز اور عالمی امن کیلئے بھی ان کی خدمات گرانقدر ہیں۔

23 اگست 2006ء

ایبٹ آباد تنظیم کے زیراہتمام عرفان القرآن کی تقریب رونمائی

ایبٹ آباد تنظیم کے زیراہتمام عرفان القرآن کی تقریب رونمائی

مؤرخہ 20 اگست 2006ء تحریک منھاج القرآن ایبٹ آباد تنظیم کے زیر اہتمام "عرفان القرآن کی تقریب رونمائی" کے سلسلے میں ایک پر وقار تقریب کا انعقاد کیا گیا جس میں مختلف شعبہ ہائے زندگی سے تعلق رکھنے والی شخصیات نے شرکت کی۔ تقریب کے مہمان خصوصی ڈپٹی سپیکر قومی اسمبلی سردار محمد یعقوب جبکہ خصوصی مقالہ ڈائریکٹر فرید ملت ریسرچ انسٹی ٹیوٹ لاہور ڈاکٹر طاہر حمید تنولی کا تھا۔ دیگر مہمانان گرامی میں امیر تحریک صوبہ سرحد مشتاق علی خان سہروردی، ناظم تحریک صوبہ سرحد ضیاء الرحمان اخوندزادہ، مرکزی ناظم دعوت ارشاد حسین سعیدی، مرکزی میڈیا کوآرڈینیٹر حافظ اشتیاق اعوان، نائب صدر تحصیل ایبٹ آباد انجینئر رفیع الدین، ناظم تحریک تحصیل ایبٹ آباد محمد ایاز، فضل گل ایڈووکیٹ سپریم کورٹ، پیرزادہ پروفیسر نجیب علی خان پرنسپل گرلز کالج وممبر اسلامی نظریاتی کونسل، پروفیسر ایوب صابر سابق چیئرمین روڈ ڈیپارٹمنٹ، پروفیسر علامہ عبدالبصیر، علامہ مقصود الرحمان انقلابی، محمد اعظم قادری امیر دعوت اسلامی ضلع ایبٹ آباد، پروفیسر صدیق قریشی اور ڈاکٹر سید بی بی پرنسپل پوسٹ گریجویٹ کالج ایبٹ آباد شامل تھیں۔

20 اگست 2006ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top