تحریک منہاج القرآن پاکستان کی خبریں

معراج النبی صلی اللہ علیہ وآلہ وسلم کانفرنس

معراج النبی صلی اللہ علیہ وآلہ وسلم کانفرنس

منہاج القرآن انٹرنیشنل برطانیہ کے زیر اہتمام 20 اگست 2006 کو شب معراج النبی صلی اللہ علیہ وآلہ وسلم کے حوالے سے معراج النبی صلی اللہ علیہ وآلہ وسلم کانفرنس لندن میں منعقد ہوئی یوں تو برطانیہ میں ہر سال یہ سالانہ پروگرام منعقد ہوتا ہے تاہم اس مرتبہ معراج النبی صلی اللہ علیہ وآلہ وسلم کانفرنس کی خاص بات شیخ الاسلام ڈاکٹر محمد طاہرالقادری کی صدارت تھی۔ یہی نہیں بلکہ اس مقدس و بابرکت محفل کو شام سے تشریف لائے معزز مہمان الاستاذ الفقیہ المحقق الشیخ اسعد محمد سعید الصاغرجی نے بطور مہمان خصوصی رونق بخشی۔ عالم اسلام کی دو معتبر شخصیات کی موجودگی میں معراج النبی صلی اللہ علیہ وآلہ وسلم کانفرنس کا انعقاد اہل برطانیہ کے لئے ایک اعزاز سے کم نہیں تھا۔ یہ پروگرام Qtv نے براہ راست پیش کر کے دنیا بھر کے ناظرین کو بھی اسمیں شریک کیا۔

20 اگست 2006ء

تقریب تقسیم اسناد عرفان القرآن کورس

تقریب تقسیم اسناد عرفان القرآن کورس

عرفان القرآن کی پہلی تقریب تقسیم اسناد کی تقریب 17 اگست 2006ء کو تحریک منہاج القرآن کے مرکز پر FMRi حال میں منعقد ہوئی۔ تقریب کی صدارت مفتی عبد القیوم خان ہزاروی نے کی پروفیسر محمد نواز ظفر مہمان خصوصی تھے۔ اس موقع پر مہمانوں میں نائب امیر تحریک سمیع اللہ قادری، نائب ناظم اعلیٰ شیخ زاہد فیاض، ناظم تربیت سید فرحت حسین شاہ، ناظم دعوت رانا محمد ادریس، محمد ضیا نیر اور حکیم محمد یونس موجود تھے۔

17 اگست 2006ء

تحریک منھاج القرآن راولپنڈی حلقہ پی پی 14 کے زیر اہتمام درس قرآن کا انعقاد

تحریک منھاج القرآن راولپنڈی حلقہ پی پی 14 کے زیر اہتمام درس قرآن کا انعقاد

تحریک منھاج القرآن راولپنڈی حلقہ پی پی 14 کے اہتمام سلسلہ وار ماہانہ درس قرآن کی روح پرور اور کامیاب نشست کا انعقاد 13اگست بروز اتوار بمقام ریڈیئنٹ سکول سروس روڈ ہائی وے کیا گیا۔ محفل کی خاص بات شہید ناموس رسالت عامر چیمہ کے والد گرامی جناب پروفیسر نذیر چیمہ، آل پاکستان اخبار فیڈریشن کے سیکرٹری جنرل جناب ٹکا خان صاحب، ریڈیئنٹ سکول کے چیئرمین جناب حاجی مختار اور ادارہ منھاج القرآن دوبئی کے صدر ملک فخر زمان عادل کی خصوصی شرکت تھی۔ دیگر شرکائے محفل میں امیر تحریک منھاج القرآن راولپنڈی مرزا آصف، ناظم دعوت حافظ عبدالجبار، پاکستان عوامی تحریک ضلع راولپنڈی کے صدر رانا شہزاد، مرکزی میڈیا کوآرڈینیٹر حافظ اشتیاق اعوان، عوامی داد رسی سیل کے چیئرمین فاروق ستی، ناظم تحریک منھاج القرآن حلقہ پی پی 14 رانا سرور، ملک خضر حیات عباسی، ریاض محمود، اعجاز کیانی، فیروز خان، شاہد محمود اور دیگر تحریکی کارکنان کی ایک کثیر تعداد محفل میں موجود تھی۔

13 اگست 2006ء

یوتھ سیمینار : عالمی امن اور آج کا نوجوان

یوتھ سیمینار : عالمی امن اور آج کا نوجوان

منہاج القرآن یوتھ لیگ کے زیر اہتمام لاہور پریس کلب میں نوجوانوں کے عالمی دن (12 اگست) کے موقع پر نیشنل یوتھ سیمینار بعنوان "عالمی امن اور آج کا نوجوان" منعقد ہوا جس میں سابق وزیر خارجہ سردار آصف احمد علی مہمان خصوصی تھے جبکہ صدارت ڈائریکیٹر یوتھ افیئرز تحریک منہاج القرآن ساجد محمود بھٹی نے کی۔

12 اگست 2006ء

اسرائیلی جارحیت کے خلاف پاکستان عوامی تحریک کا پر امن احتجاجی مظاہرہ

اسرائیلی جارحیت کے خلاف پاکستان عوامی تحریک کا پر امن احتجاجی مظاہرہ

پاکستان عوامی تحریک نے لبنان پر جاری اسرائیلی جارحیت کے خلاف یوم احتجاج مناتے ہوئے ملک بھر میں پر امن احتجاجی مظاہرے کیے۔ اسلام آباد، راولپنڈی، فیصل آباد، سیالکوٹ، گوجرانوالہ، کراچی، حیدرآباد، کوئٹہ، پشاور، جہلم سمیت ملک بھر کے دیگر شہروں میں پاکستان عوامی تحریک کی تنظیمات نے پر امن احتجاجی مظاہرے کئے۔ لاہور پریس کلب کے سامنے لبنان کے نہتے مسلمانوں پر اسرائیل کی بدترین بربریت کے خلاف پر امن احتجاجی مظاہرے میں سینکڑوں افراد شریک ہوئے۔ مظاہرے کی قیادت پاکستان عوامی تحریک کے صدر فیض الرحمن درانی نے کی۔ مظاہرین نے اسرائیل کے خلاف احتجاجی بینرز اٹھا رکھے تھے اور احتجاج میں شریک سینکڑوں افراد نے اپنے بازوؤں پر سیاہ پٹیاں باندھ رکھی تھیں۔

11 اگست 2006ء

پاکستان عوامی تحریک کے زیراہتمام اسرائیلی جارحیت کے خلاف بچوں کا پر امن احتجاجی مظاہرہ

پاکستان عوامی تحریک کے زیراہتمام اسرائیلی جارحیت کے خلاف بچوں کا پر امن احتجاجی مظاہرہ

عالمی امن کے قاتل اسرائیل کی بربریت کے نتیجے میں شہید ہونے والے ہزاروں معصوم لبنانی بچوں اور مظلوم نہتے شہریوں کے ساتھ اظہار یکجہتی اور قیام امن کیلئے پاکستان عوامی تحریک کے زیر اہتمام لاہور پریس کلب کے باہر ہزاروں بچوں نے پر امن احتجاجی مظاہرہ کیا۔ یہ مظاہرہ اب تک پاکستان میں ہونے والے احتجاجی مظاہروں میں سب سے بڑا مظاہرہ تھا جسکی کوریج کیلئے عالمی میڈیا بھی بڑی تعداد میں موجود تھا۔ مظاہرے میں شریک ہزاروں بچوں نے سفید رنگ کے پرچم اٹھا رکھے تھے جو ان کی طرف سے عالمی اداروں اور موثر ممالک سے امن کی اپیل تھی۔ عالمی ضمیر کو جگانے کیلئے بچوں نے UN اور او آئی سی کے علامتی جنازے اٹھا رکھے تھے۔ اور مذکورہ اداروں کی بے حسی کے خلاف نعرے لگا رہے تھے۔ اسرائیل کا علامتی جنازہ بھی احتجاجی مظاہرے میں موجود تھا۔ درجنوں بچے شدید زخمی حالت کا روپ دھارے سٹریچر پر لیٹے ہوئے احتجاج کر رہے تھے۔ مظاہرے میں شریک بچوں نے ماتھے کے گرد سرخ رنگ کے کاغذ کے ربن باندھ رکھے تھے جن پر اسرائیل کے خلاف نعرے لکھے ہوئے تھے۔ ہزاروں کی تعداد میں ہونے کے باوجود پریس کلب کے اردگرد کسی قسم کی بد نظمی دیکھنے میں نہیں آئی

11 اگست 2006ء

یوتھ لیگ اور مصطفوی سٹوڈنٹس موومنٹ کا ورکنگ پلان

یوتھ لیگ اور مصطفوی سٹوڈنٹس موومنٹ کا ورکنگ پلان

یوتھ لیگ اور موومنٹ کے کام کو مزید فروغ دینے کے لیے آئندہ سال کا ورکنگ پلان تیار کیا گیا ہے جوکہ تحریک منہاج القرآن اور دیگر فورمز کے ساتھ ہم آہنگ ہے۔ تحریک منہاج القرآن نے آئندہ سال کے لیے اپنے اہداف غیر معمولی رکھے ہیں اور تنظیمات کو گروپس میں تقسیم کرکے اپنی توانائیوں کو بھی بتدریج ان ہی علاقوں پر لگانے کا فیصلہ کیا گیا۔ ایسی تنظیمات جہاں کام زیادہ ہے ان کو گروپ A میں رکھ کر زیادہ اہداف دیئے گئے ہیں جبکہ باقی تنظیمات کو گروپ B میں رکھ کر نسبتاً کم اہداف دئیے گئے ہیں۔

10 اگست 2006ء

اسرائیلی جارحیت کے خلاف منہاج القرآن ویمن لیگ کا احتجاجی مظاہرہ

اسرائیلی جارحیت کے خلاف منہاج القرآن ویمن لیگ کا احتجاجی مظاہرہ

مؤرخہ 2 اگست 2006ء بروز بدھ بوقت 00 : 3 بجے بمقام پریس کلب لاہور احتجاجی مظاہرہ کیا جا رہا ہے۔ ہر مسلم لبنان و فلسطین کے معصوم اور نہتے شہریوں پر اسرائیلی جارحیت پر دل گرفتہ اور غمگین ہے۔ ایسے میں ہر انسان بالخصوص مسلم امہ کا فرض ہے کہ وہ آگے بڑھے اور اسرائیلی جارحیت کو بند کروانے کی کوششیں کرے۔ اس فرض کو نبھانے کے لئے ویمن لیگ اپنا کردار ادا کر رہی ہے۔ قرار داد ویمن لیگ لبنان و فلسطین پر اسرائیلی جارحیت کی پرزور مذمت کرتی ہے، ہم لبنانی و فلسطینی عوام کے غم میں برابر کے شریک ہیں۔ اسرائیل لبنان و فلسطین کے خلاف جنگ اور ریاستی دہشت گردی فوری طور پر بند کرے۔ اقوام متحدہ اور اسلامی سربراہی کانفرنس اسرائیل کی لبنان و فلسطین پر جارحیت اور معصوم شہریوں اور بچوں کا قتل عام بند کروائے اور عالمی امن کے لئے اپنا مؤثر کردار ادا کرے۔ لبنان میں امن فوج کی تعداد میں اضافہ کیا جائے۔

02 اگست 2006ء

ورکرز کنونشن منہاج القرآن یوتھ لیگ و مصطفوی سٹوڈنٹس موومنٹ

ورکرز کنونشن منہاج القرآن یوتھ لیگ و مصطفوی سٹوڈنٹس موومنٹ

منہاج القرآن یوتھ لیگ اور مصطفوی سٹوڈنٹس موومنٹ چکوال کے زیراہتمام ورکرز کنونشن کا انعقاد ہوا جس میں تحریک منہاج القرآن کے نائب ناظم اعلیٰ شیخ زاہد فیاض، منہاج القرآن یوتھ کے ناظم ساجد محمود بھٹی، امیر تحریک پنجاب احمد نواز انجم، نائب ناظم تحریک منہاج القرآن پنجاب عبدالحئی علوی اور دیگر عہدیداران نے شرکت کی۔

02 اگست 2006ء

سہ روزہ درس بخاری شریف

سہ روزہ درس بخاری شریف

بانی وسرپرست اعلیٰ منہاج القرآن انٹرنیشنل شیخ الاسلام ڈاکٹر محمد طاہرالقادری نے منہاج القرآن برطانیہ کے زیر اہتمام مسجد گھمگول شریف برمنگھم میں جاری سہ روزہ درس بخاری کی پہلی نشت سے خطاب کرتے ہوئے فرمایا کہ اہل علم طبقے کو اپنی صفوں میں تنگ نظری کو ختم کرکے برداشت کو فروغ دینے کی اشدضرورت ہے اور علمی اختلافات رکھنے سے جوش و جذبہ، فتویٰ بازی اور محض زبان درازی کی بجائے علمی اسلحہ سے مقابلہ کیا جائے کیونکہ طریقت میں نئے راستے بیان کرنا بے ادبی اور گستاخی کے زمرے میں نہیں آتے۔ احادیث کی مستند کتاب صحیح البخاری کے مصنف حضرت امام بخاری (رحمۃ اللہ علیہ) کی حالات زندگی اور علمی وتحقیقی معیار کا تعارف کرواتے ہوئے شیخ الاسلام نے فرمایا کہ ادب کی حد کے اندر علمی اختلاف اسلامی تاریخ کا حصہ ہے، ادب اور علمی تحقیق کے اختلاف کا ٹکراؤ کبھی نہیں ہو سکتا لیکن بدقسمتی سے کم علمی اور جاہلیت نے عقیدہ کو اسی بنیاد پر سب سے زیادہ نقصان پہنچایا ہے۔ انہوں نے کہا کہ روایت احادیث میں امام ابوحنیفہ امیر المومینن ہیں۔

02 اگست 2006ء

دوسری سالانہ میلاد کانفرنس بسلسلہ تحفظ ناموس رسالت صلی اللہ علیہ وآلہ وسلم

دوسری سالانہ میلاد کانفرنس بسلسلہ تحفظ ناموس رسالت صلی اللہ علیہ وآلہ وسلم

30 جولائی بروز اتوار تحریک منہاج القرآن گلیات کے زیراہتمام مری اور ایوبیہ کے درمیان ایک صحت افزا مقام جو کہ پہاڑیوں کے درمیان واقع ایوبیہ روڈ میں بازار باڑیاں کے گورنمنٹ اللہ دتہ سکول کے وسیع و عریض گراؤنڈ میں دوسری سالانہ تحفظ ناموس رسالت صلی اللہ علیہ وآلہ وسلم کانفرنس کا انعقاد کیا گیا۔ کانفرنس میں خصوصی طور پر تشریف لانے والی شخصیات ملک فخرالزمان عادل صدر ادارہ منہاج القرآن دوبئی، پروفیسر نذیر چیمہ والد گرامی (عامر چیمہ شہید)، منہاج القرآن کے مرکزی میڈیا کوآرڈینیٹر حافظ اشتیاق اعوان، منہاج القرآن فرانس کے ایگزیکٹو ممبر حاجی محبوب حسین، پاکستان عوامی تحریک دادرسی سیل کے چیئرمین فاروق ستی، حمیدہ قرآن قرآن اکیڈمی کے چیئرمین ملک جاوید، منہاج القرآن پی پی 14 کے ناظم مالیات مظہر الحق قادری اور منہاج القرآن ضلع راولپنڈی کے ناظم دعوت حافظ عبدالجبار تھیں جبکہ کانفرنس کی صدارت مرکزی امیرتحریک مسکین فیض الرحمٰن درانی نے کی۔

30 جولائی 2006ء

منہاج القرآن یوتھ لیگ نارووال کے تحت ہاکی میچ کا انعقاد

منہاج القرآن یوتھ لیگ نارووال کے تحت ہاکی میچ کا انعقاد

منہاج القرآن یوتھ لیگ نارووال کے تحت دو تحصیلوں کے درمیان ہاکی میچ انعقاد پذیر ہوا جس میں سیکرٹری جنرل یوتھ بلال مصطفوی، نائب صدر ایم ایس ایم چوہدری ظہیر عباس گجر، ندیم نثار چوہدری (امید وار ایم این اے)، ناظم یوتھ نارووال چوہدری طیب ضیاء، صدر ایم ایس ایم لاہور ساجد ندیم گوندل اور صفدر عباس نے بطور مہمان خصوصی شرکت کی۔ نارووال ہاکی کلب نے 2 گول کی برتری سے شکرگڑھ ہاکی کلب کو شکست دے دی۔ اس موقع پر چوہدری ظہیر عباس گجر اور بلال مصطفوی نے خطاب کرتے ہوئے یوتھ اور ایم ایس ایم کا پیغام نوجوانوں تک پہنچایا۔ مہمانِ خصوصی نے کھلاڑیوں میں انعامات اور نقدی تقسیم کئے اور بلال مصطفوی نے منہاج القرآن یوتھ لیگ نارووال کی تنظیم کے لئے بیسٹ پرفارمنس شیلڈ اور شہباز شیخ (سیکرٹری سپورٹس نارووال) کو حسنِ کارکردگی کی سند دینے کا اعلان کیا۔ اس موقع پر خان عبدالقیوم خان، علامہ عبدالرزاق نقشبندی، محمد وسیم، ڈاکٹر محمد شہزاد، محمد رمیض، شہباز شیخ کے علاوہ سینکڑوں افراد موجود تھے۔

29 جولائی 2006ء

ٹیسٹ کرکٹر شاہد نذیر کی تحریک منہاج القرآن کے مرکزی سیکرٹریٹ آمد

ٹیسٹ کرکٹر شاہد نذیر کی تحریک منہاج القرآن کے مرکزی سیکرٹریٹ آمد

قومی کرکٹ ٹیم کے ہونہار فاسٹ باؤلر ٹیسٹ کرکٹر شاہد نذیر گذشتہ روز تحریک منہاج القرآن کے مرکزی سیکرٹریٹ ماڈل ٹاؤن آئے۔ اس موقع پر انہوں نے ناظم اعلیٰ تحریک منہاج القرآن ڈاکٹر رحیق احمد عباسی سے خصوصی ملاقات کی۔ ملاقات میں ناظم اعلیٰ نے شاہد نذیر کو قومی ٹیم میں واپسی پر مبارکباد دی۔ اس موقع پر پاکستان کرکٹ ٹیم کی کارکردگی اور دورہ انگلینڈ کے حوالے سے گفتگو ہوئی۔ شاہد نذیر نے بتایا کہ انہیں قومی ٹیم میں 4 سال بعد شامل کیا گیا ہے۔ ان کا کہنا تھا کہ میں گزشتہ 4 سال سے انگلینڈ میں باقاعدگی سے کرکٹ کھیل رہا ہوں جس کے باعث مجھے دوبارہ قومی ٹیم میں جگہ ملی ہے۔ ڈاکٹر رحیق احمد عباسی نے شاہد نذیر کو تحریک منہاج القرآن کا تعارف کروایا اور شیخ الاسلام ڈاکٹر محمد طاہرالقادری کی خدمات پر روشنی ڈالی۔ اس موقع پر انہوں نے شاہد نذیر کو شیخ الاسلام کا ترجمۃ القرآن "عرفان القرآن" بطور تحفہ پیش کیا۔

27 جولائی 2006ء

دروس عرفان القرآن کا تصویری نظارہ

دروس عرفان القرآن کا تصویری نظارہ

محترم علامہ رانا محمد ادریس سرائے عالمگیر میں ماہانہ درس عرفان القرآن اور محترم علامہ ارشاد حسین سعیدی راولپنڈی میں ماہانہ درس عرفان القرآن کے پروگرامز کا تصویری نظارہ

17 جولائی 2006ء

بارہواں اسلامک لرننگ کورس

بارہواں اسلامک لرننگ کورس

منہاج القرآن ویمن لیگ کے زیراہتمام یکم جولائی سے 16 جولائی 2006 تک اسلامک لرننگ کورس جس میں خواتین و طالبات کی علمی و فکری، روحانی و اخلاقی تربیت کے ساتھ ساتھ فن نعت، فن خطابت، فن تجوید اور ووکیشنل کے کورسز کروائے جائیں گے۔ ہاسٹل میں رہنے والی خواتین و طالبات کے لئے فیس 1200 روپے اور ڈے سکالر کے لئے 450 روپے ہیں۔ داخلے کی خواہش مند خواتین و طالبات 25 جون 2006 تک رابطہ کریں۔

16 جولائی 2006ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top