تحریک منہاج القرآن پاکستان کی خبریں

برطانوی مسیحی وفد کی تحریک منہاج القرآن کے مرکزی سیکرٹریٹ آمد

برطانوی مسیحی وفد کی تحریک منہاج القرآن کے مرکزی سیکرٹریٹ آمد

برطانوی مسیحی وفد بشپ آف بریڈ فورڈ ریورڈ ڈیوڈ جیمز کی قیادت میں گزشتہ روز تحریک منہا ج القرآن کے مرکزی سیکرٹریٹ آیا۔ اس 9 رکنی وفد میں سیکرٹری آف انٹر فیتھ ریلیشنز ریوڈ گھئی ویکنیسن بھی شامل تھے۔ جنہوں نے تحریک منہاج القرآن کے امیر تحریک مسکین فیض الرحمن درانی اور نائب ناظم اعلیٰ شیخ زاہد فیاض سے ملاقات کی۔

02 ستمبر 2006ء

معراج النبی صلی اللہ علیہ وآلہ وسلم معراج کائنات کا ذریعہ بنی

معراج النبی صلی اللہ علیہ وآلہ وسلم معراج کائنات کا ذریعہ بنی

تحریک منہاج القرآن چشتیاں کے زیراہتمام مؤرخہ 30 اگست 2006ء بروز بدھ علی شادی ہال میں ماہانہ درس عرفان القرآن کی ایک پروقار تقریب منعقد ہوئی جس میں مختلف شعبہ ہائے زندگی سے تعلق رکھنے والے سینکڑوں احباب نے شرکت کی۔ تحریک منہاج القرآن چشتیاں کے زیراہتمام یہ چوتھا ماہانہ درس عرفان القرآن تھا۔ تقریب کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا، جس کے بعد جناب محمد حامد رضا (منہاجین) ناظم تحریک چشتیاں نے خطبہ استقبالیہ دیا اور تقریب میں معزز مہمانان گرامی، علماء کرام اور مختلف علاقوں سے شریک ہونے والے تحریکی احباب کا شکریہ ادا کرتے ہوئے کہا کہ ملک بھر میں تحریک منہاج القرآن رجوع الی القرآن کی مہم چلا کر عوام الناس کا قرآن سے تعلق مضبوط کر رہی ہے۔

30 اگست 2006ء

رپورٹ درس عرفان القرآن نورپور

رپورٹ درس عرفان القرآن نورپور

تحریک منہاج القرآن نورپور (سب تحصیل پاکپتن شریف) کے زیراہتمام مؤرخہ 29 اگست 2006ء بروز منگل جامع مسجد نور میں ماہانہ درس عرفان القرآن کی ایک پروقار تقریب منعقد ہوئی جس میں مرکزی سینئر نائب ناظم دعوت جناب علامہ غلام مرتضیٰ علوی صاحب نے سورہ الحجرات کی آیت مقدسہ کی روشنی میں وجد آفریں درس قرآن دیا۔ تقریب کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا، جس کے بعد جناب ڈاکٹر محمد رفیق یاسر ناظم تحریک منہاج القرآن نورپور نے خطبہ استقبالیہ دیا اور تقریب میں 500 سے زائد مرد و خواتیں نے شرکت کی۔ مسجد کے دوسرے ہال میں کلوز سرکٹ کی ذریعے خواتین بھی پروگرام میں شریک تھیں۔

29 اگست 2006ء

دروسِ عرفان القرآن (پاکستان کی تبلیغی تاریخ کا اہم کارنامہ)

دروسِ عرفان القرآن (پاکستان کی تبلیغی تاریخ کا اہم کارنامہ)

تحریک منہاج القرآن نے تبلیغ کے لئے قرآن مجید کو ذریعہ اور وسیلہ بنا کر عوام الناس کا قصوں کہانیوں اور غیرمستند ذرائع علم سے تعلق توڑا ہے۔ تحریک منہاج القرآن نے دنیا کی ہر بحث قرآن سے کر کے ثابت کیا ہے کہ قرآن ہر علم و فن کا منبع ہے۔ سن 2004 میں قائد تحریک منہاج القرآن کے حکم سے نظامت دعوت نے قرآن کے اسی پیغام کو عام کرنے کے سلسلہ میں ملک بھر میں دروس عرفان القرآن کے سلسلے میں کا آغاز کیا۔ شیخ الاسلام ڈاکٹر محمد طاہرالقادری کے طلباء اور منہاج یونیورسٹی کے فارغ التحصیل سکالرز نے ملک بھر میں دروس عرفان القرآن کا آغاز کیا اور یوں رجوع الی القرآن کی مہم دروس عرفان القرآن کی شکل میں ملک گیر سطح پر تبلیغی تاریخ میں ایک غیرمعمولی باب کی شکل اختیار کر گئی۔

28 اگست 2006ء

مختلف شعبہ ہائے زندگی سے تعلق رکھنے والے 350 افراد کی تحریک منھاج القرآن میں شمولیت

مختلف شعبہ ہائے زندگی سے تعلق رکھنے والے 350 افراد کی تحریک منھاج القرآن میں شمولیت

تحریک منھاج القرآن راولپنڈی کے زیر اہتمام مورخہ 27 اگست 2006 بروز اتوار بمقام ھمدرد ہال مریڑ چوک راولپنڈی میں ایک پروقار تقریب منعقد ہوئی۔ جس میں زندگی کے مختلف شعبوں سے تعلق رکھنے والے تقریباً 350 افراد نے شیخ الاسلام ڈاکٹر محمد طاہرالقادری کی ولولہ انگیز قیادت پر بھر پور اعتماد کرتے ہوئے تحریک منھاج القرآن میں شمولیت اختیار کی۔ تحریک میں شامل ہونے والوں میں قاری محمد ندیم قادری خطیب جامع مسجد رحمانیہ و امیرعالمی سنی اتحاد،حافظ غلام مصطفےٰ خطیب جامع مسجد مدینہ رضویہ مصریال، حاجی محمد بشیر ممبر ضلع بیت المال کمیٹی، محمد حسن ہزاروی جنرل سیکریٹری JUI (مولانا فضل الرحمان گروپ)، محمد خلیل علی صدر مسلم لیگ (ن) یوتھ لیگ راولپنڈی کینٹ، چوہدری امتیاز ناظم UC-24، معروف تاجر اور حمیدہ قرآن اکیڈمی کے چیئرمین ملک جاوید، محمد آصف ناظم یونین کونسل چک جلال دین، چوھدری جاوید نائب ناظم جٹاں یونین کونسل، زینب بی بی لیڈی کونسلر جٹاں، ملک ممتاز احمد اعوان ایڈووکیٹ ہائی کورٹ، چوھدری محمد رفیق ایڈووکیٹ ہائی کورٹ، رفاقت حسین وارثی انکم ٹیکس آفیسر، وارث علی مینجر پنجاب بینک کہوٹہ، عمران نذیر پنجاب بینک چوڑ چوک شامل ہیں۔ ان کے علاوہ مختلف شعبہ ہائے زندگی سے تعلق رکھنے والے سینکڑوں خواتین اور مرد حضرات نے تحریک میں فارم پُر کرکے شمولیت کا اعلان کیا۔

27 اگست 2006ء

سابق وزیراعظم آزاد کشمیر بیرسٹر سلطان محمود چوہدری تحریک منہاج القرآن کے لائف ممبر بن گئے۔

سابق وزیراعظم آزاد کشمیر بیرسٹر سلطان محمود چوہدری تحریک منہاج القرآن کے لائف ممبر بن گئے۔

آزاد کشمیر کے سابق وزیر اعظم بیرسٹر سلطان محمود نے گذشتہ روز صدر پاکستان عوامی تحریک فیض الرحمن درانی سے مرکزی سیکرٹریٹ ماڈل ٹاؤن میں ملاقات کی۔ سابق وزیر اعظم آزاد کشمیر نے ڈاکٹر محمد طاہرالقادری کی مذہبی، سیاسی اور علمی خدمات کا اعتراف کرتے ہوئے تحریک منہاج القرآن کی لائف ممبرشپ حاصل کی۔ اس سے قبل سابق وزیراعظم بے نظیر بھٹو اور اعجازالحق بھی تحریک کی لائف ممبر شپ حاصل کر چکے ہیں۔ تاحیات ممبرشپ کے فارم پر دستخط کرتے ہوئے انہوں نے کہا کہ ڈاکٹر طاہرالقادری کے علم کا زمانہ معترف ہے اور ساری دنیا میں تحریک منہاج القرآن کے قائم کردہ اسلامک سینٹرز اسلام کیلئے گراں قدر خدمات انجام دے رہے ہیں۔ ڈاکٹر محمد طاہرالقادری ایسی شخصیت ہیں جن کے علم سے ہم جیسے لوگ استفادہ کرتے ہیں۔ کشمیر کاز اور عالمی امن کیلئے بھی ان کی خدمات گرانقدر ہیں۔

23 اگست 2006ء

ایبٹ آباد تنظیم کے زیراہتمام عرفان القرآن کی تقریب رونمائی

ایبٹ آباد تنظیم کے زیراہتمام عرفان القرآن کی تقریب رونمائی

مؤرخہ 20 اگست 2006ء تحریک منھاج القرآن ایبٹ آباد تنظیم کے زیر اہتمام "عرفان القرآن کی تقریب رونمائی" کے سلسلے میں ایک پر وقار تقریب کا انعقاد کیا گیا جس میں مختلف شعبہ ہائے زندگی سے تعلق رکھنے والی شخصیات نے شرکت کی۔ تقریب کے مہمان خصوصی ڈپٹی سپیکر قومی اسمبلی سردار محمد یعقوب جبکہ خصوصی مقالہ ڈائریکٹر فرید ملت ریسرچ انسٹی ٹیوٹ لاہور ڈاکٹر طاہر حمید تنولی کا تھا۔ دیگر مہمانان گرامی میں امیر تحریک صوبہ سرحد مشتاق علی خان سہروردی، ناظم تحریک صوبہ سرحد ضیاء الرحمان اخوندزادہ، مرکزی ناظم دعوت ارشاد حسین سعیدی، مرکزی میڈیا کوآرڈینیٹر حافظ اشتیاق اعوان، نائب صدر تحصیل ایبٹ آباد انجینئر رفیع الدین، ناظم تحریک تحصیل ایبٹ آباد محمد ایاز، فضل گل ایڈووکیٹ سپریم کورٹ، پیرزادہ پروفیسر نجیب علی خان پرنسپل گرلز کالج وممبر اسلامی نظریاتی کونسل، پروفیسر ایوب صابر سابق چیئرمین روڈ ڈیپارٹمنٹ، پروفیسر علامہ عبدالبصیر، علامہ مقصود الرحمان انقلابی، محمد اعظم قادری امیر دعوت اسلامی ضلع ایبٹ آباد، پروفیسر صدیق قریشی اور ڈاکٹر سید بی بی پرنسپل پوسٹ گریجویٹ کالج ایبٹ آباد شامل تھیں۔

20 اگست 2006ء

معراج النبی صلی اللہ علیہ وآلہ وسلم کانفرنس

معراج النبی صلی اللہ علیہ وآلہ وسلم کانفرنس

منہاج القرآن انٹرنیشنل برطانیہ کے زیر اہتمام 20 اگست 2006 کو شب معراج النبی صلی اللہ علیہ وآلہ وسلم کے حوالے سے معراج النبی صلی اللہ علیہ وآلہ وسلم کانفرنس لندن میں منعقد ہوئی یوں تو برطانیہ میں ہر سال یہ سالانہ پروگرام منعقد ہوتا ہے تاہم اس مرتبہ معراج النبی صلی اللہ علیہ وآلہ وسلم کانفرنس کی خاص بات شیخ الاسلام ڈاکٹر محمد طاہرالقادری کی صدارت تھی۔ یہی نہیں بلکہ اس مقدس و بابرکت محفل کو شام سے تشریف لائے معزز مہمان الاستاذ الفقیہ المحقق الشیخ اسعد محمد سعید الصاغرجی نے بطور مہمان خصوصی رونق بخشی۔ عالم اسلام کی دو معتبر شخصیات کی موجودگی میں معراج النبی صلی اللہ علیہ وآلہ وسلم کانفرنس کا انعقاد اہل برطانیہ کے لئے ایک اعزاز سے کم نہیں تھا۔ یہ پروگرام Qtv نے براہ راست پیش کر کے دنیا بھر کے ناظرین کو بھی اسمیں شریک کیا۔

20 اگست 2006ء

تقریب تقسیم اسناد عرفان القرآن کورس

تقریب تقسیم اسناد عرفان القرآن کورس

عرفان القرآن کی پہلی تقریب تقسیم اسناد کی تقریب 17 اگست 2006ء کو تحریک منہاج القرآن کے مرکز پر FMRi حال میں منعقد ہوئی۔ تقریب کی صدارت مفتی عبد القیوم خان ہزاروی نے کی پروفیسر محمد نواز ظفر مہمان خصوصی تھے۔ اس موقع پر مہمانوں میں نائب امیر تحریک سمیع اللہ قادری، نائب ناظم اعلیٰ شیخ زاہد فیاض، ناظم تربیت سید فرحت حسین شاہ، ناظم دعوت رانا محمد ادریس، محمد ضیا نیر اور حکیم محمد یونس موجود تھے۔

17 اگست 2006ء

تحریک منھاج القرآن راولپنڈی حلقہ پی پی 14 کے زیر اہتمام درس قرآن کا انعقاد

تحریک منھاج القرآن راولپنڈی حلقہ پی پی 14 کے زیر اہتمام درس قرآن کا انعقاد

تحریک منھاج القرآن راولپنڈی حلقہ پی پی 14 کے اہتمام سلسلہ وار ماہانہ درس قرآن کی روح پرور اور کامیاب نشست کا انعقاد 13اگست بروز اتوار بمقام ریڈیئنٹ سکول سروس روڈ ہائی وے کیا گیا۔ محفل کی خاص بات شہید ناموس رسالت عامر چیمہ کے والد گرامی جناب پروفیسر نذیر چیمہ، آل پاکستان اخبار فیڈریشن کے سیکرٹری جنرل جناب ٹکا خان صاحب، ریڈیئنٹ سکول کے چیئرمین جناب حاجی مختار اور ادارہ منھاج القرآن دوبئی کے صدر ملک فخر زمان عادل کی خصوصی شرکت تھی۔ دیگر شرکائے محفل میں امیر تحریک منھاج القرآن راولپنڈی مرزا آصف، ناظم دعوت حافظ عبدالجبار، پاکستان عوامی تحریک ضلع راولپنڈی کے صدر رانا شہزاد، مرکزی میڈیا کوآرڈینیٹر حافظ اشتیاق اعوان، عوامی داد رسی سیل کے چیئرمین فاروق ستی، ناظم تحریک منھاج القرآن حلقہ پی پی 14 رانا سرور، ملک خضر حیات عباسی، ریاض محمود، اعجاز کیانی، فیروز خان، شاہد محمود اور دیگر تحریکی کارکنان کی ایک کثیر تعداد محفل میں موجود تھی۔

13 اگست 2006ء

یوتھ سیمینار : عالمی امن اور آج کا نوجوان

یوتھ سیمینار : عالمی امن اور آج کا نوجوان

منہاج القرآن یوتھ لیگ کے زیر اہتمام لاہور پریس کلب میں نوجوانوں کے عالمی دن (12 اگست) کے موقع پر نیشنل یوتھ سیمینار بعنوان "عالمی امن اور آج کا نوجوان" منعقد ہوا جس میں سابق وزیر خارجہ سردار آصف احمد علی مہمان خصوصی تھے جبکہ صدارت ڈائریکیٹر یوتھ افیئرز تحریک منہاج القرآن ساجد محمود بھٹی نے کی۔

12 اگست 2006ء

اسرائیلی جارحیت کے خلاف پاکستان عوامی تحریک کا پر امن احتجاجی مظاہرہ

اسرائیلی جارحیت کے خلاف پاکستان عوامی تحریک کا پر امن احتجاجی مظاہرہ

پاکستان عوامی تحریک نے لبنان پر جاری اسرائیلی جارحیت کے خلاف یوم احتجاج مناتے ہوئے ملک بھر میں پر امن احتجاجی مظاہرے کیے۔ اسلام آباد، راولپنڈی، فیصل آباد، سیالکوٹ، گوجرانوالہ، کراچی، حیدرآباد، کوئٹہ، پشاور، جہلم سمیت ملک بھر کے دیگر شہروں میں پاکستان عوامی تحریک کی تنظیمات نے پر امن احتجاجی مظاہرے کئے۔ لاہور پریس کلب کے سامنے لبنان کے نہتے مسلمانوں پر اسرائیل کی بدترین بربریت کے خلاف پر امن احتجاجی مظاہرے میں سینکڑوں افراد شریک ہوئے۔ مظاہرے کی قیادت پاکستان عوامی تحریک کے صدر فیض الرحمن درانی نے کی۔ مظاہرین نے اسرائیل کے خلاف احتجاجی بینرز اٹھا رکھے تھے اور احتجاج میں شریک سینکڑوں افراد نے اپنے بازوؤں پر سیاہ پٹیاں باندھ رکھی تھیں۔

11 اگست 2006ء

پاکستان عوامی تحریک کے زیراہتمام اسرائیلی جارحیت کے خلاف بچوں کا پر امن احتجاجی مظاہرہ

پاکستان عوامی تحریک کے زیراہتمام اسرائیلی جارحیت کے خلاف بچوں کا پر امن احتجاجی مظاہرہ

عالمی امن کے قاتل اسرائیل کی بربریت کے نتیجے میں شہید ہونے والے ہزاروں معصوم لبنانی بچوں اور مظلوم نہتے شہریوں کے ساتھ اظہار یکجہتی اور قیام امن کیلئے پاکستان عوامی تحریک کے زیر اہتمام لاہور پریس کلب کے باہر ہزاروں بچوں نے پر امن احتجاجی مظاہرہ کیا۔ یہ مظاہرہ اب تک پاکستان میں ہونے والے احتجاجی مظاہروں میں سب سے بڑا مظاہرہ تھا جسکی کوریج کیلئے عالمی میڈیا بھی بڑی تعداد میں موجود تھا۔ مظاہرے میں شریک ہزاروں بچوں نے سفید رنگ کے پرچم اٹھا رکھے تھے جو ان کی طرف سے عالمی اداروں اور موثر ممالک سے امن کی اپیل تھی۔ عالمی ضمیر کو جگانے کیلئے بچوں نے UN اور او آئی سی کے علامتی جنازے اٹھا رکھے تھے۔ اور مذکورہ اداروں کی بے حسی کے خلاف نعرے لگا رہے تھے۔ اسرائیل کا علامتی جنازہ بھی احتجاجی مظاہرے میں موجود تھا۔ درجنوں بچے شدید زخمی حالت کا روپ دھارے سٹریچر پر لیٹے ہوئے احتجاج کر رہے تھے۔ مظاہرے میں شریک بچوں نے ماتھے کے گرد سرخ رنگ کے کاغذ کے ربن باندھ رکھے تھے جن پر اسرائیل کے خلاف نعرے لکھے ہوئے تھے۔ ہزاروں کی تعداد میں ہونے کے باوجود پریس کلب کے اردگرد کسی قسم کی بد نظمی دیکھنے میں نہیں آئی

11 اگست 2006ء

یوتھ لیگ اور مصطفوی سٹوڈنٹس موومنٹ کا ورکنگ پلان

یوتھ لیگ اور مصطفوی سٹوڈنٹس موومنٹ کا ورکنگ پلان

یوتھ لیگ اور موومنٹ کے کام کو مزید فروغ دینے کے لیے آئندہ سال کا ورکنگ پلان تیار کیا گیا ہے جوکہ تحریک منہاج القرآن اور دیگر فورمز کے ساتھ ہم آہنگ ہے۔ تحریک منہاج القرآن نے آئندہ سال کے لیے اپنے اہداف غیر معمولی رکھے ہیں اور تنظیمات کو گروپس میں تقسیم کرکے اپنی توانائیوں کو بھی بتدریج ان ہی علاقوں پر لگانے کا فیصلہ کیا گیا۔ ایسی تنظیمات جہاں کام زیادہ ہے ان کو گروپ A میں رکھ کر زیادہ اہداف دیئے گئے ہیں جبکہ باقی تنظیمات کو گروپ B میں رکھ کر نسبتاً کم اہداف دئیے گئے ہیں۔

10 اگست 2006ء

اسرائیلی جارحیت کے خلاف منہاج القرآن ویمن لیگ کا احتجاجی مظاہرہ

اسرائیلی جارحیت کے خلاف منہاج القرآن ویمن لیگ کا احتجاجی مظاہرہ

مؤرخہ 2 اگست 2006ء بروز بدھ بوقت 00 : 3 بجے بمقام پریس کلب لاہور احتجاجی مظاہرہ کیا جا رہا ہے۔ ہر مسلم لبنان و فلسطین کے معصوم اور نہتے شہریوں پر اسرائیلی جارحیت پر دل گرفتہ اور غمگین ہے۔ ایسے میں ہر انسان بالخصوص مسلم امہ کا فرض ہے کہ وہ آگے بڑھے اور اسرائیلی جارحیت کو بند کروانے کی کوششیں کرے۔ اس فرض کو نبھانے کے لئے ویمن لیگ اپنا کردار ادا کر رہی ہے۔ قرار داد ویمن لیگ لبنان و فلسطین پر اسرائیلی جارحیت کی پرزور مذمت کرتی ہے، ہم لبنانی و فلسطینی عوام کے غم میں برابر کے شریک ہیں۔ اسرائیل لبنان و فلسطین کے خلاف جنگ اور ریاستی دہشت گردی فوری طور پر بند کرے۔ اقوام متحدہ اور اسلامی سربراہی کانفرنس اسرائیل کی لبنان و فلسطین پر جارحیت اور معصوم شہریوں اور بچوں کا قتل عام بند کروائے اور عالمی امن کے لئے اپنا مؤثر کردار ادا کرے۔ لبنان میں امن فوج کی تعداد میں اضافہ کیا جائے۔

02 اگست 2006ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top