تحریک منہاج القرآن پاکستان کی خبریں

500 نئے زندہ دلانِ لاہور کی تحریک میں شمولیت

500 نئے زندہ دلانِ لاہور کی تحریک میں شمولیت

تحریک منہاج القرآن لاہور کے زیر اہتمام مورخہ 27 مئی بروز ہفتہ مرکزی سیکرٹریٹ تحریک منہاج القرآن میں ایک پروقار تقریب منعقد ہوئی جس میں زندگی کے مختلف شعبوں سے تعلق رکھنے والے تقریباً 500 افراد نے شیخ الاسلام پروفیسر ڈاکٹر محمد طاہرالقادری کی ولولہ انگیز قیادت پر بھرپور اعتماد کرتے ہوئے تحریک منہاج القرآن میں شمولیت اختیار کی۔ علماء و مشائخ میں بطور خاص پیر طریقت صاحبزادہ اعجاز احمد صاحب، حضرت پیر سید غلام جیلانی صاحب، پیر طریقت عبدالرزاق قادری خلیفہ اعظم دیول شریف، پیرطریقت حضرت علامہ علی احمد صابری چشتی، علامہ پیر محمد بشیر قادری صاحب، ناظم اعلیٰ ادارہ مصباح القرآن علامہ مولانا محمد شریف القادری، علامہ مفتی زمان ایازی، شیخ الحدیث جامعہ غوث العلوم لاہور، علامہ عارف جاوید صاحب خطیب جامع مسجد انار کلی، علامہ قاری مختار احمد صدیقی جنرل سیکرٹری تنظیم القرآن پاکستان، صاحبزادہ علامہ سید حبیب اللہ شاہ ہاشمی خطیب جامع مسجد مکہ کالونی گلبرگ، علامہ سعید احمد تونسوی ناظم اعلیٰ جامعہ حنفیہ شام نگر، محترم علامہ انوارالحق صاحب شامل ہیں۔

27 مئی 2006ء

سالانہ تقریب تقسیم انعامات / یوم والدین

سالانہ تقریب تقسیم انعامات / یوم والدین

منہاج ماڈل گرلز سکول میں یوم والدین کے موقع پر سالانہ تقریب تقسیم انعامات کا انعقاد ہوا اس موقع پر تحفیظ القرآن انسٹیٹیوٹ کی فارغ التحصیل طالبات کی رسم عطائے ردائے فضیلت اور برائے تقسیم انعامات کا اہتمام بھی کیا گیا۔ اس پُروقار تقریب میں ملک کی نامور سماجی و فلاحی شخصیت مسز جسٹس (ر) ناصرہ جاوید اقبال اور نامور ادیبہ، شاعرہ مسز رخسانہ نور، ناظم اعلیٰ تحریک منہاج القرآن ڈاکٹر رحیق احمد عباسی، نائب امیر تحریک بریگیڈئر اقبال احمد خان، ڈپٹی مینیجنگ ڈائریکٹر منہاج ایجوکیشن سوسائٹی محمد اقبال شریف اور دیگر مہمانان گرامی اور معزز والدین کی کثیر تعداد نے شرکت کی۔ اس موقع پر معزز مہمانوں نے طالبات کے مابین نصابی اور ہم نصابی سرگرمیوں پر سالانہ انعامات تقسیم کیے۔ پروگرام میں طالبات نے تلاوت، نعت، ملی نغمے، ٹیبلو اور خاکے بھی پیش کیے جس سے تمام مہمانان گرامی اور طالبات کے والدین بہت محظوظ ہوئے اور شرکاء اور والدین نے ہم نصابی سرگرمیوں کو بہت سراہا۔ اور طالبات کی حوصلہ افزائی کی ہے اور یہ کہ منہاج ایجوکیشن سوسائٹی کے زیر اہتمام چلنے والے 572 سکولوں میں نہ صرف معیاری تعلیم بلکہ تربیت کا بھی خصوصی اہتمام کیا جاتا ہے۔

20 مئی 2006ء

ماہانہ مجلسِ ختم الصلٰوۃ علی النبی صلی اللہ علیہ وآلہ وسلم

ماہانہ مجلسِ ختم الصلٰوۃ علی النبی صلی اللہ علیہ وآلہ وسلم

ماہانہ مجلسِ ختم الصلٰوۃ علی النبی صلی اللہ علیہ وآلہ وسلم کے اجتماع سے شیخ الاسلام ڈاکٹر محمد طاہرالقادری نے براہِ راست ٹیلیفونک خطاب کرتے ہوئے فرمایا کہ مشاہدہ انہیں عطا ہوتا ہے جو مجاہدہ کرتے ہیں۔ مجاہدہ کے بغیر مشاہدہ نہیں ہوسکتا۔ اور جو لوگ مجاہدہ کے بغیر مشاہدہ مانگتے ہیں، وہ اللہ کے قانون کو توڑنا چاہتے ہیں۔ ظاہر پر مشاہدہ کی آری چلانے سے باطن میں مشاہدہ نصیب ہوتا ہے۔ جو لوگ ابتداء میں مجاہدہ نہیں کرتے انہیں مشاہدے کی ہوا نہیں لگ سکتی۔ اگر مجاہدہ کے بغیر کوئی شخص خیال کرے کہ اس پر مشاہدہ کا دروازہ کھول دیا جائے گا تو یہ اس کی نادانی ہے۔ اللہ تبارک و تعالٰی نے ایسا وعدہ نہیں کر رکھا۔ شیخ الاسلام نے فرمایا کہ لوگ عبادات کی کثرت بھی کرتے ہیں، نماز، روزہ، حج اور زکوٰۃ کے فرائض بھی انجام دیتے ہیں، مگر ان کا حال نہیں بدلتا۔ وہ عبادت تو کرتے ہیں مگر اپنے نفس کی خرابیاں دور کرنے پر محنت نہیں کرتے۔ نفس کے حال کو نہیں پڑھتے۔ عبادات سے ثواب مل جاتا ہے، مگر حال نہیں بدلتا، اَخلاق نہیں بدلتے، حلیہ اور وضع قطع تو بدل جاتی ہے، مگر باطنی ترقی نہیں ہو پاتی۔

19 مئی 2006ء

دی منہاج یونیورسٹی کی درجہ y سے x میں ترقی

دی منہاج یونیورسٹی کی درجہ y سے x میں ترقی

ڈاکٹر محمد طاہرالقادری چیف ایگزیکٹیو دی منہاج یونیورسٹی کے پرنسپل سیکرٹری جی ایم ملک نے HEC کی طرف سے دی منہاج یونیورسٹی کا درجہ y سے بڑھا کر x درجہ میں ترقی دینے پر تمام تحریکی بہنوں اور بھائیوں کو مبارکباد پیش کی ہے۔ انہوں نے کہا کہ دی منہاج یونیورسٹی پاکستانی طلباء و طالبات کی بہترین قیادت کی تیاری میں اپنا بھرپور کردار ادا کر رہی ہے۔ انہوں نے تحریکی احباب پر زور دیا کہ وہ اس یونیورسٹی کی ترقی میں اپنا بھرپور کردار ادا کریں اور زیادہ سے زیادہ طلباء کو یونیورسٹی میں داخل کروائیں۔

10 مئی 2006ء

تقریب رونمائی عرفان القرآن

تقریب رونمائی عرفان القرآن

تحریک منہاج القرآن کے بانی و سرپرست اعلیٰ شیخ الاسلام ڈاکٹر محمد طاہرالقادری کے ترجمہ قرآن عرفان القرآن کی تقریب رونمائی ایوان اقبال لاہور میں ہوئی جس میں علماءو مشائخ، دانشور اور عرب ممالک کے شیوخ نے شرکت کی۔ اس موقع پر خطاب کرتے ہوئے تحریک منہاج القرآن کے ناظم اعلیٰ ڈاکٹر رحیق احمد عباسی نے کہا کہ 25سال میں تحریک منہاج القرآن دنیائے اسلام کی سب سے بڑی تحریک کا روپ دھار چکی ہے۔ شیخ الاسلام ڈاکٹر محمد طاہرالقادری کا علمی کام اگلے کئی سو سالوں تک امت کی رہنمائی کرتا رہے گا۔ ترجمہ قرآن عرفان القرآن 800 سالہ تاریخ میں بیش قیمت علمی اثاثہ ہے جو تراجم کی دنیا میں اپنا منفرد اور اعلیٰ مقام رکھتا ہے۔ حضرت میاں میر مسجد کے امام نے کہا کہ دور حاضر کی علمی شخصیات میں ڈاکٹر محمد طاہرالقادری اعلیٰ مقام رکھتے ہیں۔ ڈاکٹر طاہرالقادری نے ترجمہ قرآن کرکے قرآن کا عرفان زمانے میں پھیلانے کی سعی کی ہے۔ اس وقت عالم اسلام میں ڈاکٹر محمد طاہرالقادری ایسی شخصیت ہیں جو امت کو ایک پلیٹ فارم پر اکٹھا کر رہی ہے اور قرآن کا عرفان بھی دے رہی ہے۔ آستانہ عالیہ چشتیہ آباد کامونکے کے پیر جمیل الرحمن چشتی نے کہا کہ ڈاکٹر طاہرالقادری کا ترجمہ عرفان القرآن قاری کو قرآن کی حقیقی روح تک پہنچاتا ہے۔ عرفان القرآن کا اسلوب اور ترجمے کا منفرد انداز دیگر تراجم سے عرفان القرآن کو ممتاز کرتا ہے۔ مولانا زبیر احمد ظہیر نے کہا کہ ڈاکٹر محمد طاہرالقادری نے ترجمہ کے دوران ذرہ برابر بھی ڈنڈی نہیں ماری اور مسلک اور عقیدہ سے بالا ہو کر وہ لکھا جو قرآن انسانیت کو سکھا رہا ہے۔ ڈاکٹر محمد طاہرالقادری نے فرقہ بندی کی دیواروں کو توڑ کر امت مسلمہ کےلئے ترجمہ لکھا ہے میں انہیں خصوصی مبارکباد دیتا ہوں۔

13 اپریل 2006ء

عرفان القرآن کی تقریبِ رُونمائی

عرفان القرآن کی تقریبِ رُونمائی

شیخ الاسلام ڈاکٹر محمد طاہرالقادری کے ترجمہ قرآن "عرفان القرآن" کی تقریبِ رُونمائی ایوانِ اِقبال لاہور میں منعقد ہوئی، جس میں علماء و مشائخ اور دانشوروں کی کثیر تعداد کے ساتھ ساتھ عرب ممالک کے شیوخ نے بھی شرکت کی۔ تقریب کا آغاز تلاوتِ قرآّن حکیم سے ہوا جس کی سعادت فخر القراء قاری اللہ بخش نقشبندی نے حاصل کی، اور حسانِ منہاج محمد افضل نوشاہی نے بارگاہِ رِسالت مآب صلی اللہ علیہ وآلہ وسلم میں گلہائے عقیدت پیش کیے۔ نقابت کے فرائض تحریکِ منہاجُ القرآن کے مرکزی ناظمِ تربیت سید فرحت حسین شاہ نے سرانجام دیے؛ جب کہ نام وَر صحافی اور میر خلیل الرحمان میموریل سوسائٹی کے چئیرمین واصف ناگی نے حرفِ آغاز ادا کرتے ہوئے شیخ الاسلام ڈاکٹر محمد طاہر القادری کو قرآن حکیم کا جدید ترین اُردو ترجمہ کرنے پر مبارک باد پیش کی، اور اپنی نوعیت کی منفرد و بے مثال تقریب کے اِنعقاد میں شامل ہونے کو اپنے لیے ایک سعادت قرار دیا۔ اس موقع پر خطاب کرتے ہوئے تحریک منہاج القرآن کے ناظم اعلیٰ ڈاکٹر رحیق احمد عباسی نے کہا کہ 25 سال میں تحریکِ منہاج القرآن دنیائے اسلام کی سب سے بڑی تحریک کا روپ دھار چکی ہے۔ شیخ الاسلام ڈاکٹر محمد طاہرالقادری کا علمی کام اگلے کئی سو سالوں تک اُمت کی رہنمائی کرتا رہے گا۔ قرآن حکیم کے تراجم کی تاریخ میں "عرفان القرآن" بیش قیمت علمی اثاثہ ہے جو اپنا منفرد اور اعلیٰ مقام رکھتا ہے۔

13 اپریل 2006ء

عالمی میلاد کانفرنس 2006ء میں 5 لاکھ افراد کی شرکت

عالمی میلاد کانفرنس 2006ء میں 5 لاکھ افراد کی شرکت

تحریک منہاج القرآن کی عالمی میلاد کانفرنس میں اندرون و بیرون ملک سے لاکھوں عشاقان رسول نے شرکت کی۔ ہزاروں خواتین صبح 4:30 تک پنڈال میں موجود تھیں۔ عالم اسلام کی سب سے بڑی میلاد کانفرنس کے دوران موسم انتہائی خوشگوار رہا۔ سیکورٹی کے انتظامات بہتر تھے کوئی ناخوشگوار واقعہ پیش نہیں آیا۔ تحفظ ناموس رسالت صلی اللہ علیہ وآلہ وسلم کیلئے ہونے والی کانفرنس کی کارروائی ARY ڈیجیٹل، Qtv، انٹرنیٹ اور ریڈیو اسلام نیلسن یوکے کے ذریعے براہ راست پوری دنیا میں دیکھی گئی۔ اس طرح اس کانفرنس میں کروڑوں مسلمان شریک تھے۔ منہاج القرآن یوتھ لیگ کے میلاد فلوٹ پر لگے احتجاجی بینر پر توہین آمیز خاکوں کے خلاف ڈھائی لاکھ سے زائد افراد نے دستخط ثبت کئے۔ کانفرنس میں بیرون ممالک سے شام کے الشیخ اسعد محمد الصاغرجی۔ الشیخ شہاب الدین الفرفور۔ الشیخ محمد ابو الہدا الحسینی، سعادہ الاستاذ ابوبکر بابا الہاشمی، یمن سے السید حبیب عمر بن حفیظ، سوڈان سے الشیخ احمد باکر السودانی، لکھنو انڈیا سے ڈاکٹر سید کلب صادق نے شرکت کی۔ کانفرنس سے خطاب کرتے ہوئے الشیخ محمد ابو الہدیٰ نے کہا کہ اس دور میں میلاد النبی کی رونقوں کو منہاج القرآن نے دوبارہ زندہ کر دیا ہے۔ آقا صلی اللہ علیہ وآلہ وسلم کی میلاد کی عظیم الشان محفل منعقد کرنے پر ڈاکٹر محمد طاہرالقادری مبارکباد کے مستحق ہیں۔ انہوں نے کہا جو شخص میلاد کی خوشی مناتا ہے۔ اسکو آقا صلی اللہ علیہ وآلہ وسلم کی شفاعت نصیب ہوگی۔ میلاد منانا صحابہ اور اکابرین کا معمول تھا۔ آپ خوش نصیب لوگ ہیں جو آقا صلی اللہ علیہ وآلہ وسلم کا میلاد منا کر اپنی بخشش کا ساماں پیدا کر رہے ہیں۔ منہا ج القرآن کا راستہ فتنوں سے پاک ہے۔ اب یہ بیداری پوری امت میں آئے گی۔ الشیخ اسعد محمد سعید الصاغرجی نے کہا کہ در اصل پاکستانی میلاد کو بڑی محبت سے مناتے ہیں اس پر میں بہت خوش ہوا ہوں۔ آج میرے ملک شام میں بھی ایسی محافل دیکھنے کو نہیں ملتیں۔

10 اپریل 2006ء

رپورٹ میلاد مہم (منہاج القرآن ویمن لیگ)

رپورٹ میلاد مہم (منہاج القرآن ویمن لیگ)

ماہ ربیع الاوّل میں محفل میلاد مہم میں تحصیلی سطح پر کم و بیش پچاس علاقہ جات میں محافل کا انعقاد کیا گیا جن میں خواتین نے کثیر تعداد میں شرکت کرکے آقا علیہ الصلوۃ والسلام کی بارگاہ سے محبت و عشق رسول (صلی اللہ علیہ وآلہ وسلم) کی خیرات سے اپنے خالی دامن بھرے جس میں مجموعی طور پر ہزارہا خواتین نے شرکت کی۔ علاقہ جات کی تفصیل درج ذیل ہے۔

01 اپریل 2006ء

کراچی، توہین آمیز خاکوں کی اشاعت کے خلاف مظاہرہ

کراچی، توہین آمیز خاکوں کی اشاعت کے خلاف مظاہرہ

پاکستان عوامی تحریک اور تحریک منہاج القرآن کے زیراہتمام ایک بڑا اجتماعی مظاہرہ ہفتے کو کراچی پریس کلب میں منعقد ہوا۔ جس میں ہزاروں کی تعداد میں شمع رسالت صلی اللہ علیہ وآلہ وسلم کے پروانوں نے حصہ لیا۔ اجتماع توہین رسالت پر مبنی خاکوں کی اشاعت پر مغربی پریس خصوصا ڈنمارک کے بے لگام پریس پر سراپا احتجاج بنا ہوا تھا۔

12 فروری 2006ء

لاہور: گوشہء درود کی سالانہ مجلس ختم الصلوٰۃ علی النبی (ص)

لاہور: گوشہء درود کی سالانہ مجلس ختم الصلوٰۃ علی النبی (ص)

تحریک منہاج القرآن کے مرکز پر قائم کردہ گوشہء درود و سلام کو ایک سال ہو گیا ہے۔ گذشتہ سال دسمبر 2005ء میں اس کا آغاز ہوا تھا۔ گوشہء درود کے ایک سال مکمل ہونے پر پہلی سالانہ و ماہانہ مجلس ختم الصلوٰۃ علی النبی صلی اللہ علیہ وآلہ وسلم اور روحانی اجتماع 11 جنوری 2006 کی شب مرکزی سیکرٹریٹ ماڈل ٹاؤن کے سبزہ زار میں منعقد ہوا۔

11 جنوری 2006ء

تحریک منہاج القرآن صوبہ سرحد کے قائدین کا اعزاز

تحریک منہاج القرآن صوبہ سرحد کے قائدین کا اعزاز

الحاج سلامت دین قریشی فاؤنڈیشن پشاور کے زیر اہتمام پہلی تقریب تقسیم اِعزازات بسلسلہ جشن میلاد النبی صلی اللہ علیہ وآلہ وسلم آرکائیوز ہال پشاور میں زیر سرپرستی حضرت آغہ سید اقبال شاہ صاحب سجادہ نشین دربارِ عالیہ حضرت لیونے بابا نوتھیہ جدید پشاور منعقد ہوئی۔ تمام سیاسی و مذہبی جماعتوں کے قائدین و کارکنان نے کثیر تعداد میں شرکت کی۔ تقریب میں تحریک منہاج القرآن صوبہ سرحد کے سرپرست محترم اعجاز احمد خان، حاجی بشیر احمد قادری مرحوم (سابق صوبائی امیر تحریک، سرحد) اور ملک خداداد مرحوم (رفیق اداراہ منہاج القرآن) بھی شامل تھے۔

30 نومبر 2005ء

وزیرآباد: درس عرفان القرآن۔ مقصد تخلیق انسانیت

وزیرآباد: درس عرفان القرآن۔ مقصد تخلیق انسانیت

ملک بھر میں جاری دروس عرفان القرآن کے سلسلہ میں گزشتہ روز تحریک منہاج القرآن دھونکل وزیر آباد کے زیراہتمام درس عرفان القرآن کی تقریب منعقد ہوئی۔ جس میں علامہ غلام مرتضیٰ علوی (سینئر نائب ناظم دعوت) نے مقصد تخلیق انسانیت (عبادت خدا اور معرفت محمد مصطفیٰ صلی اللہ علیہ وآلہ وسلم ) کے موضوع پر خطاب کیا۔ انہوں نے فرمایا کہ انسان کی پیدائش کا مقصد اللہ کی عبادت اور حضور صلی اللہ علیہ وآلہ وسلم کی پہچان ہے۔ عبادت صرف اللہ ہی کی ہو سکتی ہے جبکہ پہچان صرف حضور صلی اللہ علیہ وآلہ وسلم کی ہو سکتی ہے۔ ذات خدا انسانی عقل وشعور اور ادراک کی وسعتوں سے باہر ہے۔ اگر انسان کو پہچان میسر آ سکتی ہے تو صرف رسول اللہ صلی اللہ علیہ وآلہ وسلم کی۔

30 نومبر 2005ء

وزیرآباد: اسلام نے عورت کو دنیا کی قیمتی ترین متاع قرار دیا ہے

وزیرآباد: اسلام نے عورت کو دنیا کی قیمتی ترین متاع قرار دیا ہے

زشتہ روز وزیرآباد کے علاقہ دھونکل میں تحریک منہاج القرآن کے مرکزی ناظم دعوت رانا محمد ادریس نے اسلام میں عورت کے کردار کے موضوع پر درس قرآن دیتے ہوئے ارشاد فرمایا کہ اسلام نے خواتین کو نہ صرف مردوں کی طرح حقوق عطا کئے بلکہ اسے معاشرے میں عزت و وقار بھی عطا کیا ہے۔ قرآن و حدیث نے عورت کو معاشرے میں ماں، بہن، بیٹی اور بیوی چاروں حیثیتوں سے اس کے مقام ومرتبے کا ذکر کر کے اسے دنیا کی سب سے قیمتی متاع قرار دیا ہے۔

30 نومبر 2005ء

چشتیاں: درس عرفان القرآن بسلسلہ ’’اسلام دین ادب ہے‘‘

چشتیاں: درس عرفان القرآن بسلسلہ ’’اسلام دین ادب ہے‘‘

ملک بھر میں جاری دروس عرفان القرآن کے سلسلہ میں چشتیاں میں منعقد ہونے والا یہ چھٹا درس قرآن تھا۔ سورہ الحجرات کی آیت کریمہ کی روشنی میں آداب بارگاہ رسالت کا ذکر کرتے ہوئے انہوں نے فرمایا کہ حضور نبی اکرم صلی اللہ علیہ وآلہ وسلم کی بارگاہ کا ادب سکھانے کے لئے پہلے قرآن میں اللہ نے انسانیت کے ہرطبقے سے گفتگو کا اصول سکھایا۔ والدین کی بارگاہ میں کلام کرنے کا طریقہ سکھاتے ہوئے اللہ نے سخت اور برا لہجہ اپنانے سے بھی منع فرمایا ہے اور حکم دیا ہے کہ ولا تقل لھما اف ان تمام سطحوں کے آداب سکھاتے ہوئے اللہ نے اپنے حبیب کی بارگاہ کا ادب سکھاتے ہوئے آواز اور لب ولہجے کو باادب رکھنے کا حکم دی

30 نومبر 2005ء

وزیرآباد: بندگی اللہ کی طرف پلٹنے اور اس سے مغفرت طلب کرنے کا نام ہے

وزیرآباد: بندگی اللہ کی طرف پلٹنے اور اس سے مغفرت طلب کرنے کا نام ہے

عاجزی، انکساری، توبہ واستغفار اور گریہ زاری یہ وہ صفات ہیں جو بندگی کے مقام کو بلندی اور رفعت عطا کرتی ہیں۔ بندہ ہے ہی وہ جو اپنے رب کی بارگاہ میں ہر لمحہ اپنی خطاؤں پر نادم رہے اور اس کے فضل و احسان سے امید رکھتے ہوئے اس کی بارگاہ میں عرض کرتا رہے۔ والذین یقولون ربنا اصرف عنا عذاب جہنم۔ اے باری تعالٰی ہمیں جہنم کے عذاب سے محفوظ فرما۔ ان خیالات کا اظہار تحریک منہاج القرآن کے مرکزی ناظم تربیت جناب علامہ سید فرحت حسین شاہ نے دھونکل وزیرآباد میں منعقدہ درس عرفان القرآن کی نشست میں خطاب کرتے ہوئے کیا۔

30 نومبر 2005ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top