تحریک منہاج القرآن پاکستان کی اہم خبریں

اجتماعی قربانی کی تیاریاں مکمل

اجتماعی قربانی کی تیاریاں مکمل

منہاج ویلفیئر فاؤنڈیشن کے تحت پورے ملک میں اجتماعی قربانی کیلئے وسیع انتظامات کیے گئے ہیں۔ مرکزی قربان گاہ کی تیاری اور جانوروں کی خریداری کا کام مکمل کر لیا گیا ہے۔ پاکستان بھر میں منہاج ویلفیئر فاؤنڈیشن کے زیراہتمام ہونے والی اجتماعی قربانی کے ساتھ ساتھ مرکزی قربان گاہ پر ایک ہزار (1000) سے زائد گائیں اور سینکڑوں بکرے، دنبے اور چھترے ذبح کئے جائیں گے۔

15 اکتوبر 2013ء

منہاج القرآن یوتھ لیگ نے جماعت کی تیاریوں کے لئے ملک بھر میں نئی نصف بندی کا آغاز کر دیا ہے۔ شعیب طاہر

منہاج القرآن یوتھ لیگ نے جماعت کی تیاریوں کے لئے ملک بھر میں نئی نصف بندی کا آغاز کر دیا ہے۔ شعیب طاہر

منہاج القرآن یوتھ لیگ کے مرکزی صدر شعیب طاہر نے کہا ہے کہ کرپٹ نظام کی تبدیلی کے لئے نوجوانوں کو حسینی کردار ادا کرنا ہوگا جس کے لئے منہاج القرآن یوتھ لیگ نے صف بندی کا آغاز کر دیا ہے، قائد تحریک ڈاکٹر محمد طاہرالقادری ایک کروڑ نمازیوں کی جماعت کے لیے جلد ہی کال دیں گے۔ ان خیالات کااظہار انہوں نے گزشتہ روز منہاج القرآن یوتھ لیگ، راولپنڈی، پشاور اور کشمیر کے عہدیداران کے منہاج یوتھ پارلیمنٹ کے اجلاس میں گفتگو کرتے ہوئے کیا۔

13 اکتوبر 2013ء

جماعت کھڑی ہونے کی دیر ہے لٹیرے خاندان خس و خاشاک کی طرح بہہ جائیں گے، ڈاکٹر طاہرالقادری

جماعت کھڑی ہونے کی دیر ہے لٹیرے خاندان خس و خاشاک کی طرح بہہ جائیں گے، ڈاکٹر طاہرالقادری

ڈاکٹر محمد طاہر القادری نے کہا ہے کہ دو سو خاندان جمہوریت کی آڑ میں عوام کے حقوق پر شب خون مارتے چلے آ رہے ہیں۔ 2کروڑ نمازیوں کی جماعت کھڑی ہونے کی دیر ہے یہ خاندان دو ہزار بھی ہوئے تو عوامی سیلاب میں خس و خاشاک کی طرح بہہ جائیں گے۔ انتخابات کے ذریعے حکومتیں تو بدلتی ہیں مگر ظالمانہ، استحصالی اور خونخوار نظام جو 66سال سے قوم کو غلامی میں جکڑے ہوئے ہے نہیں بدلتا۔

12 اکتوبر 2013ء

منہاج القرآن ویمن لیگ ایک کروڑ نمازیوں کی تیاری میں صف آراء

منہاج القرآن ویمن لیگ ایک کروڑ نمازیوں کی تیاری میں صف آراء

ڈاکٹر حسن محی الدین قادری نے اجلاس سے گفتگو کرتے ہوئے کہا کہ اگرآپ خواتین اسی استقامت کے ساتھ کام کرتی رہیں تو وہ دن دور نہیں جس دن پاکستان میں عوامی جمہوری انقلاب کا سورج طلوع ہوگا۔ انہوں نے تنظیمات کو ورکنگ سمجھاتے ہوئے شہد کی مکھی کی مثال دی کہ جس طرح وہ اللہ کے مقرر کدرہ، پاکیزہ راستوں سے سفر کر کے شہد تیار کرتی ہے اور اللہ تعالیٰ اُس کی بے مثال محنت ومشقت اور دیانت اور وفاداری کے باعث اس کے شہد کو باعثِ شفا بنا دیتا ہے۔

09 اکتوبر 2013ء

فیصل آباد: منہاج ویلفیئر فاؤنڈیشن کے زیراہتمام اجتماعی شادیوں کی پروقار تقریب

فیصل آباد: منہاج ویلفیئر فاؤنڈیشن کے زیراہتمام اجتماعی شادیوں کی پروقار تقریب

فرسودہ رسم و رواج اور غربت میں جکڑے معاشرے میں بیٹی کے ہاتھ پیلے کرنا غریب کے لیے ناممکن ہوتا جا رہا ہے۔ ان حالات میں منہاج ویلفیئر فاؤنڈیشن کے زیراہتمام 25 جوڑوں کی اجتماعی شادیوں کی پروقار تقریب منعقد ہوئی۔

10 اکتوبر 2013ء

راولپنڈی: ڈاکٹر طاہر القادری کی نماز انقلاب کی گونج سارے ملک میں سنائی دینے لگی ہے، ڈاکٹر حسن محی الدین

راولپنڈی: ڈاکٹر طاہر القادری کی نماز انقلاب کی گونج سارے ملک میں سنائی دینے لگی ہے، ڈاکٹر حسن محی الدین

راولپنڈی: ڈاکٹر حسن محی الدین قادری نے ورکرز کنونشن سے خطاب کرتے ہوئے کہا ہے کہ عوام کش اقدامات کے ذریعے پاکستان میں جمہوریت کو سر عام مصلوب کیا جا رہا ہے مگر عدالتوں اور الیکشن کمیشن کے ہونٹ سلے ہوئے ہیں۔ تبدیلی کی خواہش رکھنے والے کروڑوں عوام جان چکے ہیں کہ ملک میں رائج استحصالی نظام حکومت کے ہوتے غریب کا مقدر نہیں بدل سکتا اس لئے وہ کشاں کشاں ڈاکٹر طاہر القادری کی امامت میں ہونے والی نماز انقلاب کے دو کروڑ نمازیوں میں شامل ہو رہے ہیں۔

05 اکتوبر 2013ء

قومی ادارے نادرا کی رپورٹ الیکشن کمیشن کے منہ پر طمانچہ ہے، خرم نواز گنڈا پور

قومی ادارے نادرا کی رپورٹ الیکشن کمیشن کے منہ پر طمانچہ ہے، خرم نواز گنڈا پور

پاکستان عوامی تحریک کے سیکرٹری جنرل خرم نواز گنڈا پور نے قومی ادارے نادرا کی رپورٹ کو الیکشن کمیشن کے منہ پر طمانچہ قرار دیتے ہوئے مطالبہ کیا ہے کہ دیگر حلقوں میں ڈالے جانے والے ووٹوں کی تصدیق بھی نادرا سے کرائی جائے اس طرح الیکشن 2013 کا پول کھل جائے گا۔ ڈاکٹر طاہر القادری نے الیکشن سے قبل جو کہا انکی ہر بات وقت کے ساتھ ساتھ درست ثابت ہو رہی ہے۔ دھن، دھونس اور دھاندلی پر مبنی نظام انتخاب تباہی کا ذمہ دار ہے۔

09 اکتوبر 2013ء

انڈیا کی سپریم کورٹ کا 'ووٹ کسی کیلئے نہیں' کا حکم پاکستانی الیکشن کمیشن کے منہ پر طمانچہ ہے، ڈاکٹر طاہرالقادری

انڈیا کی سپریم کورٹ کا 'ووٹ کسی کیلئے نہیں' کا حکم پاکستانی الیکشن کمیشن کے منہ پر طمانچہ ہے، ڈاکٹر طاہرالقادری

ڈاکٹر محمد طاہر القادری نے بھارتی سپریم کورٹ کی طرف سے الیکشن کمیشن کو دئیے گئے اس حکم کہ وہ ووٹنگ مشین میں "ووٹ کسی کیلئے نہیں" کے بٹن کا اضافہ کرے کو پاکستانی الیکشن کمیشن کے منہ پر طمانچہ قرار دیا ہے۔ انہوں نے کہا کہ انڈین چیف جسٹس کے مطابق ووٹر کو طاقتور کرنا جمہوریت کا اہم ترین جزو ہے اور یہ اقدام آزادی اظہار رائے اور ووٹر کی حقیقی آزادی کو یقینی بنانے کیلئے ہے۔ اس اقدام سے سیاسی جماعتیں اچھے امیدوار سامنے لانے پر مجبور ہونگی۔ بھارتی سپریم کورٹ کے مطابق جمہوریت میں اس بات کو بہت زیادہ اہمیت حاصل ہے کہ ووٹر کو تمام امیدواروں کو رد کرنے کا بھی اختیار دیا جائے۔ یہ اقدام سیاسی نظام کی صفائی اور جمہوریت کے استحکام کیلئے اہم ترین قرار دیا گیا ہے۔

30 ستمبر 2013ء

ایبٹ آباد: کرپٹ نظام انتخاب میں شاہ رُخ جتوئی اور شاہ زیب کبھی برابر نہیں ہو سکتے، ڈاکٹر حسن محی الدین قادری

ایبٹ آباد: کرپٹ نظام انتخاب میں شاہ رُخ جتوئی اور شاہ زیب کبھی برابر نہیں ہو سکتے، ڈاکٹر حسن محی الدین قادری

ڈاکٹر حسن محی الدین قادری نے ایبٹ آباد میں بیداری شعور کنونشن سے خطاب کرتے ہوئے کہا کہ کرپٹ نظام انتخاب میں شاہ رُخ جتوئی اور شاہ زیب کبھی برابر نہیں ہو سکتے۔ اس لئے عوام گھر میں بیٹھ کر مرنے کی بجائے بڑھ کر ظالموں سے اپنی زندگی چھین لیں۔ کرپٹ اور موروثی سیاست کے تابوت میں آخری کیل ٹھونکنے کیلئے انقلابیوں کی صف بندی شروع ہو چکی۔ جلد اقامت کہی جائے گی اور انقلاب کی جماعت ڈاکٹر طاہر القادری کی امامت میں قائم ہو گی۔ جماعت کے قیام کے ساتھ ہی ملک سے شیطانی سیاست رخت سفر باندھے گی۔

04 اکتوبر 2013ء

کامرہ: ملکی اداروں کو لوٹ سیل پر لگانے والوں کی لوٹ سیل لگنے والی ہے، ڈاکٹر حسن محی الدین قادری

کامرہ: ملکی اداروں کو لوٹ سیل پر لگانے والوں کی لوٹ سیل لگنے والی ہے، ڈاکٹر حسن محی الدین قادری

ڈاکٹر حسن محی الدین قادری نے کہا ہے کہ ملکی اداروں کو لوٹ سیل پر لگانے والوں کی لوٹ سیل لگنے والی ہے۔ عوام جرآت کی طاقت سے لٹیروں کو کوڑیوں کے مول فروخت کرنے کیلئے اٹھنے والے ہیں۔ ڈاکٹر طاہر القادری نے انقلاب کی جماعت قائم کرنے کیلئے دو کروڑ ووٹرز کو نہیں نمازیوں کو کال دی ہے جو استقامت کے ساتھ اُس وقت تک ڈٹے رہیں گے جب تک سیاست کے شیطان بھاگ نہیں جاتے۔ پاکستان عوامی تحریک کے کارکن دوکروڑ نمازیوں کیلئے صفیں بچھاتے جائیں جلد ہی اقامت کہی جائے گی اور ڈاکٹر طاہر القادری کی امامت میں نماز انقلاب قائم ہو جائے گی جس کے نتیجے میں انقلاب کا سویرا طلوع ہو گا۔

05 اکتوبر 2013ء

مصطفوی انقلاب کیلئے اپنے خون کا آخری قطرہ بھی بہا دیں گے، چوہدری عرفان یوسف

مصطفوی انقلاب کیلئے اپنے خون کا آخری قطرہ بھی بہا دیں گے، چوہدری عرفان یوسف

یوم تاسیس کے موقع پر اپنے خصوصی پیغام میں ڈاکٹر حسن محی الدین قادری نے ایم ایس ایم کے جملہ قائدین، سابقین، کارکنان اور وابستگان کو مبارک باد دیتے ہوئے کہا کہ ایم ایس ایم تحریک کا ہر اول دستہ اور قائد انقلاب کی فکر کی وارث ہے۔ انہوں نے کہا کہ ایم ایس ایم نے اپنے 19 سالہ سفر میں طلبہ کے اندر عشق مصطفی صلی اللہ علیہ وآلہ وسلم کے فروغ کیلئے جس لگن کے ساتھ کام کیا وہ قابل تحسین ہے۔

07 اکتوبر 2013ء

گوجرانوالہ: ڈاکٹر حسن محی الدین قادری کا منہاج القرآن اسلامک سنٹر نوشہرہ ورکاں کے سنگ بنیاد کی تقریب سے خطاب

گوجرانوالہ: ڈاکٹر حسن محی الدین قادری کا منہاج القرآن اسلامک سنٹر نوشہرہ ورکاں کے سنگ بنیاد کی تقریب سے خطاب

منہاج القرآن اسلامک سنٹر نوشہرہ ورکارں، گوجرانوالہ کے سنگ بنیاد کی تقریب منعقد ہوئی جس میں تحریک منہاج القرآن کی سپریم کونسل کے چیئرمین ڈاکٹر حسن محی الدین نے خصوصی شرکت کی اور سنٹر کا سنگ بنیاد رکھا۔ ڈاکٹر حسن قادری نے تقریب سے خطاب کرتے ہوئے کہا کہ شیخ الاسلام ڈاکٹر محمد طاہر القادری نے 1994ء میں منہاج ایجوکیشن سوسائٹی کا آغاز کیا جس کے قیام کا مقصد قوم کو زیور تعلیم سے آراستہ کر کے انہیں معاشرے کا ایک اہم اور مفید رکن بنانا ہے تاکہ وہ ملک و قوم کی ترقی میں اہم کردار ادا کر سکے۔

28 ستمبر 2013ء

حافظ آباد: حکمران اور سیاستدان فرسودہ نظام کے تحفظ کیلئے کوشاں ہیں، ڈاکٹرحسن محی الدین قادری کا ورکرز کنونشن سے خطاب

حافظ آباد: حکمران اور سیاستدان فرسودہ نظام کے تحفظ کیلئے کوشاں ہیں، ڈاکٹرحسن محی الدین قادری کا ورکرز کنونشن سے خطاب

ڈاکٹر حسن محی الدین قادری نے ورکرز کنونشن سے خطاب کرتے ہوئے کہا کہ آج پاکستان میں نہ مساجد محفوظ ہیں نہ مسیحی گرجا گھر، امام بارگاہیں اور نہ ہی اولیاء کرام کے مزارات، مسلم و غیر مسلم سب عدم تحفظ کا شکار ہیں۔ بدقسمتی سے اس ملک میں رائج مروجہ نظام حکومت اور دولت کی غیر منصفانہ تقسیم نے غریب کی بیٹیوں کے سر کے بال سفید کر دیئے ہیں۔ نوجوان ڈگریاں ہاتھ میں لیکر خود سوزی پر مجبور ہو گئے ہیں۔

27 ستمبر 2013ء

دہشگردوں سے مذاکرات کی بات قوم سے دھوکہ ہے، ڈاکٹر طاہر القادری کا ایکسپریس نیوز پر خصوصی انٹرویو

دہشگردوں سے مذاکرات کی بات قوم سے دھوکہ ہے، ڈاکٹر طاہر القادری کا ایکسپریس نیوز پر خصوصی انٹرویو

ڈاکٹر طاہر القادری نے کہا ہے کہ دہشت گردوں سے مذاکرات کی بات کرنا قوم کو دھوکہ دینے کی مترادف ہے، تلوار، بم اور گولی پر یقین رکھنے والوں سے بات چیت کا مطلب یہ ہے کہ حکومت انکے سامنے گھٹنے ٹیکنے جا رہی ہے۔ انہوں نے ایکسپریس نیوز کے پروگرام تکرار کے میزبان عمران خان سے گفتگو میں کہا کہ اصولی طور پر میں مذاکرات کے خلاف نہیں، یقین رکھتا ہوں لیکن مذاکرات کن سے اور کس موضوع پر؟ یہ اہم سوال ہے۔

26 ستمبر 2013ء

دہشت گردی کی المناک کارروائی پاکستان پرحملہ ہے، تین روزہ سوگ کا اعلان۔ سیکرٹری جنرل پاکستان عوامی تحریک

دہشت گردی کی المناک کارروائی پاکستان پرحملہ ہے، تین روزہ سوگ کا اعلان۔ سیکرٹری جنرل پاکستان عوامی تحریک

پاکستان عوامی تحریک کے سیکرٹری جنرل خرم نواز گنڈاپور نے تین روزہ سوگ کا اعلان کرتے ہوئے دہشت گردی کی المناک کارروائی کو پاکستان پر حملہ قرار دیا۔ انہوں نے کہا کہ یہ قومی سانحہ ہے جس پر ملک کا ہر فرد دل گرفتہ ہے۔ کرپٹ اور استحصالی نظام انتخاب عوام کو تحفظ دینے میں مکمل طور پر ناکام ہو چکا ہے۔ مقتدر طبقہ یاد رکھے عوام کو دہشت گردی کے رحم و کرم پر چھوڑنے والے عوامی غیض و غضب سے نہ بچ سکیں گے۔ دہشت گردوں سے مذاکرات کی بات کرنے والے احمقوں کی جنت میں رہتے ہیں۔

23 ستمبر 2013ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top