تحریک منہاج القرآن پاکستان کی اہم خبریں

ڈاکٹر طاہرالقادری کے 64 ویں یوم پیدائش کو آج دنیا بھر میں منایا جا ئے گا‎

ڈاکٹر طاہرالقادری کے 64 ویں یوم پیدائش کو آج دنیا بھر میں منایا جا ئے گا‎

پاکستان عوامی تحریک کے سربراہ ڈاکٹر طاہرالقادری کے 64 ویں یوم پیدائش کو آج پاکستان سمیت دنیا کے 90 ممالک میں پاکستان عوامی تحریک اور تحریک منہاج القرآن کے زیراہتمام سادگی سے منایا جا ئے گا۔ ڈاکٹر طاہرالقادری 19 فروری 1951 کو جھنگ میں پیدا ہوئے، ابتدائی تعلیم جھنگ اور اعلیٰ تعلیم لاہور میں حاصل کی۔ 1981 میں تحریک منہاج القرآن کی بنیاد رکھی جس کا آج 100 سے زائد ممالک میں تنظیمی فعال نیٹ ورک قائم ہے۔

19 فروری 2015ء

راولپنڈی: ڈائریکٹر انٹرفیتھ ریلیشنز اور مرکزی ناظمہ ویمن ونگ PAT کی پرامن بقائے باہمی سیمینار میں شرکت

راولپنڈی: ڈائریکٹر انٹرفیتھ ریلیشنز اور مرکزی ناظمہ ویمن ونگ PAT کی پرامن بقائے باہمی سیمینار میں شرکت

کرسچین سٹڈی سنٹر راولپنڈی کے زیراہتمام دو روزہ Peaceful Co-existence سیمینار کا انعقاد کیا گیا، جس میں ڈائریکٹر انٹرفیتھ ریلیشنز سہیل احمد رضا اور مرکزی ناظمہ پاکستان عوامی تحریک ویمن ونگ نے وفد کے ہمراہ شرکت کی۔ سیمینار کا باقاعدہ آغاز محترمہ عائشہ مبشر نے صحیفہ انقلاب کی آیات بینات سے کیا، بعد ازاں محترمہ ملکہ صباء نے تاجدار کائنات صلی اللہ علیہ وآلہ وسلم کی بارگاہ میں گلہائے عقیدت نچھاور کیے۔ اس موقع پر مس جینیفر ڈائیرکٹورس نے استقبالیہ کلمات ادا کیے۔ وفد میں اسسٹنٹ ایڈیٹر ماہنامہ دختران اسلام محترمہ ملکہ صباء، ٹاؤن کوآرڈینیٹر ویمن لیگ محترمہ عائشہ مبشر اور تحصیلی تنظیمات کی عہدیداران و کارکنان بھی شریک تھیں۔

09 فروری 2015ء

دربار غوثیہ مچھ بلوچستان پر دہشت گردوں کے حملہ کیخلاف تحریک منہاج القرآن کا احتجاجی مظاہرہ

دربار غوثیہ مچھ بلوچستان پر دہشت گردوں کے حملہ کیخلاف تحریک منہاج القرآن کا احتجاجی مظاہرہ

پاکستان عوامی تحریک اور تحریک منہاج القرآن کے زیراہتمام اولیائے اللہ کے مزارات پر بڑھتے ہوئے دہشت گردانہ حملے، ایمپلی فائر ایکٹ کے امتیازی استعمال بالخصوص خانقاہ سیدنا طاہر اعلاؤالدین الگیلانی رحمۃ اللہ علیہ دربار غوثیہ مچھ بلوچستان پر دہشت گردوں کے حملہ کے خلاف لاہور پریس کلب کے باہر احتجاجی مظاہرہ کیا گیا۔ احتجاجی مظاہرے میں سینکڑوں کارکنان نے شرکت کی۔

12 فروری 2015ء

تحریک منہاج القرآن انٹرفیتھ ریلیشنز اور نولکھا پریس بیٹرین چرچ کے زیر اہتمام ’’احترام مذاہب سیمینار‘‘

تحریک منہاج القرآن انٹرفیتھ ریلیشنز اور نولکھا پریس بیٹرین چرچ کے زیر اہتمام ’’احترام مذاہب سیمینار‘‘

تحریک منہاج القرآن انٹر فیتھ ریلیشنز اور نولکھا پریس بیٹرین چرچ کے زیر اہتمام ’’احترام مذاہب سیمینار‘‘ میں مسلم، مسیحی، ہندو اور سکھ رہنماؤں نے شرکت کی۔ سیمینار کی صدارت پاکستان عوامی تحریک کے مرکزی صدر ڈاکٹر رحیق احمد عباسی نے کی۔ ’’احترام مذاہب سیمینار‘‘ سے خطاب کرتے ہوئے ڈاکٹر رحیق احمد عباسی نے کہا کہ فرانس میں گستاخانہ خاکوں کی اشاعت کا مذموم عمل بین الاقوامی سطح پر اس حوالے سے قانون سازی کا تقاضا کرتا ہے، تاکہ انبیائے کرام اور الوہی کتابوں کا تقدس پامال کرنے کی کوئی جرات نہ کر سکے۔

04 فروری 2015ء

ماڈل ٹاؤن میں گولیاں برسانے والے حکمران دہشت گردوں کے سرپرست ہیں، ڈاکٹر طاہرالقادری کی ARY سے گفتگو

ماڈل ٹاؤن میں گولیاں برسانے والے حکمران دہشت گردوں کے سرپرست ہیں، ڈاکٹر طاہرالقادری کی ARY سے گفتگو

ڈاکٹر طاہرالقادری نے مکہ معظمہ میں ‎ARY سے خصوصی گفتگو کرتے ہوئے کہا کہ ہم ڈیل پر لعنت بھیجتے ہیں، یہ پراپیگنڈہ اپنی موت آپ مر چکا ہے، مدینہ منورہ میں عمران خان یا انکی پارٹی کے کسی رہنماء سے ملاقات نہیں ہوئی، کراچی میں بڑے پیمانے پر آپریشن کی ضرورت ہے، بڑی سیاسی جماعتوں نے اپنی بغل میں ٹارگٹ کلر پال رکھے ہیں دوسری جماعتوں کو کچلنے کیلئے انہیں استعمال کیا جاتا ہے۔ اسلام میں انتہا پسندی کی کوئی گنجائش نہیں۔ القاعدہ کے بعد طالبان آئے اور اب داعش آ گئی جو سیدھے سر کاٹتی ہے۔

03 فروری 2015ء

مصطفوی سٹوڈنٹس موومنٹ کے زیراہتمام گستاخانہ خاکوں کی اشاعت کے خلاف احتجاجی مظاہرہ

مصطفوی سٹوڈنٹس موومنٹ کے زیراہتمام گستاخانہ خاکوں کی اشاعت کے خلاف احتجاجی مظاہرہ

لاہور (29 جنوری 2015) مصطفوی سٹوڈنٹس موومنٹ کے زیراہتمام منہاج یونیورسٹی لاہور سے ہمدرد چوک تک گستاخانہ خاکوں کی اشاعت کے خلاف احتجاجی مظاہرہ کیا گیا۔ احتجاجی مظاہرے میں مصطفوی سٹوڈنٹس موومنٹ، مصطفوی سٹوڈنٹس موومنٹ سسٹرز، پاکستان عوامی تحریک یوتھ ونگ، منہاج یونیورسٹی کے طلباء و طالبات کے علاوہ دیگر طلباء تنظیموں کے رہنماؤں کی کثیر تعداد نے شرکت کی۔ مظاہرے میں قرارداد پیش کی گئی کہ گستاخانہ خاکوں کی اشاعت کو انسانیت کے خلاف جرم قرار دیا جائے۔

29 جنوری 2015ء

دہشت گردی کے خلاف لڑنے والوں سے حکمران لڑ رہے ہیں: ڈاکٹر حسین محی الدین قادری کا قومی امن کانفرنس سے خطاب

دہشت گردی کے خلاف لڑنے والوں سے حکمران لڑ رہے ہیں: ڈاکٹر حسین محی الدین قادری کا قومی امن کانفرنس سے خطاب

ڈاکٹر حسین محی الدین قادری نے خواجہ غلام فرید رحمۃ اللہ علیہ کے سالانہ عرس کے موقع پر منعقدہ قومی امن کانفرنس سے خطاب کرتے ہوئے کہا کہ دہشت گردی کے خلاف لڑنے والوں سے حکمران لڑیں گے تو دہشت گردی ختم نہیں ہو گی۔ قوم نے دہشت گردوں کے بہت زخم کھائے مگر حکمرانوں کے ہاتھ مرحم رکھنے کیلئے نہیں بڑھے، مصطفوی انقلاب سے دہشت گردی کا خاتمہ کرینگے۔ صوفیائے کرام نے قرآن و سنت کو اپنے کردار سے بیان کیا۔

28 جنوری 2015ء

مسیحی رہنماؤں کی منہاج القرآن انٹرنیشنل کے مرکزی سیکرٹریٹ آمد، توہین آمیز خاکوں کی مذمت

مسیحی رہنماؤں کی منہاج القرآن انٹرنیشنل کے مرکزی سیکرٹریٹ آمد، توہین آمیز خاکوں کی مذمت

پاکستان قومی مسیحا پارٹی کے مرکزی رہنماؤں نے پیغمبر امن نبی کریم صلی اللہ علیہ وآلہ وسلم کی شان کے خلاف گستاخانہ خاکوں کی اشاعت پر اظہار مذمت کیا۔ مسیحی رہنماؤں نے منہاج القرآن انٹرنیشنل کے مرکزی سیکرٹریٹ پر آ کر امت مسلمہ سے اظہار یکجہتی کیا۔ مسیحی رہنماؤں میں مسیحا پارٹی کے چیئرمین حنیف مسیح، پاسٹر ذکریا ولسن، پاسٹر سیموئیل چراغ، پاسٹر شیراز جوزف مسیح، یوسف منظور مسیح و دیگر شامل تھے۔ ڈائریکٹر انٹرفیتھ ریلیشنز منہاج القرآن انٹرنیشنل سہیل احمد رضا نے مسیحی رہنماؤں کی آمد پر ان کا خیر مقدم کرتے ہوئے اسے مسلم مسیحی دوستانہ تعلقات میں خوشگوار پیش رفت قرار دیا۔

19 جنوری 2015ء

سانحہ ماڈل ٹاؤن کے قاتلوں کو معاف نہیں کرینگے، ڈاکٹر طاہرالقادری کا احتجاجی مظاہرے سے خطاب

سانحہ ماڈل ٹاؤن کے قاتلوں کو معاف نہیں کرینگے، ڈاکٹر طاہرالقادری کا احتجاجی مظاہرے سے خطاب

17 جون سانحہ ماڈل ٹاؤن کو 7 ماہ مکمل ہونے پر حکومتی دہشت گردی اور سفاکانہ کارروائیوں میں شہید ہونیوالے جوانوں، خواتین، معصوم بچوں اور بے گناہ شہریوں کے ساتھ اظہار عقیدت و محبت اور حکومت کے انصاف دشمن کردار کے خلاف پاکستان عوامی تحریک لاہور کے زیراہتمام لاہور پریس کلب کے سامنے احتجاجی مظاہرہ کیا گیا، جس میں کارکنان کی کثیر تعداد نے بینرز، کتبے اور پھول اٹھا کر شہداء کے لواحقین کے ساتھ اظہار یکجہتی کیا۔ احتجاجی مظاہرہ میں خواتین کارکنان اور بچوں کی ایک بڑی تعداد بھی شریک تھی۔

17 جنوری 2015ء

تحریک منہاج القرآن کے تحت توہین آمیز خاکوں کی اشاعت کے خلاف احتجاجی ریلی‎

تحریک منہاج القرآن کے تحت توہین آمیز خاکوں کی اشاعت کے خلاف احتجاجی ریلی‎

پاکستان عوامی تحریک اور تحریک منہاج القرآن کے تحت مرکزی سیکرٹریٹ ’’جامع المنہاج ماڈل ٹاؤن‘‘سے عظمت مصطفی صلی اللہ علیہ وآلہ وسلم کے سلسلے میں توہین آمیز خاکوں کی اشاعت کے خلاف احتجاجی ریلی نکالی گئی۔ ریلی کے شرکاء نے مطالبہ کیا کہ تمام اسلامی ممالک انبیاء کرام کی توہین کو جرم قرار دلوانے کیلئے اقوام متحدہ سے قانون سازی کا مطالبہ کریں اور اگر اقوام متحدہ قانون سازی سے انکار کرے تو تمام اسلامی ممالک احتجاجاً اقوام متحدہ کی رکنیت چھوڑ دیں۔

16 جنوری 2015ء

برصغیر کی تاریخ میں پہلی بار کیتھولک کیتھڈرل چرچ میں محفل میلاد مصطفی صلی اللہ علیہ وآلہ وسلم کا انعقاد

برصغیر کی تاریخ میں پہلی بار کیتھولک کیتھڈرل چرچ میں محفل میلاد مصطفی صلی اللہ علیہ وآلہ وسلم کا انعقاد

برصغیر کی تاریخ میں پہلی بار کیتھولک کیتھڈرل چرچ (ریگل چوک)، لاہور میں میلاد مصطفی صلی اللہ علیہ وآلہ وسلم کی خصوصی نشست کا اہتمام کیا گیا جس سے ڈاکٹر رحیق عباسی، فادر جوزف شہزاد، ڈاکٹر جمیز چنن، کاشف نواب، پنڈت بھگت، یوسف بنجوری، فیض الرحمن درانی، جی ایم ملک، راجہ زاہد، غلام مرتضیٰ علوی، قاضی فیض اور سہیل احمد رضا نے خطاب کیا۔ اقلیتی رہنماؤں نے میلاد مصطفی کی تقریب کے انعقاد پر اسلامیان پاکستان کو مبارکباد دیتے ہوئے کہا کہ حضور نبی اکرم صلی اللہ علیہ وآلہ وسلم دنیا میں امن، محبت اور رواداری کا پیغام لیکر آئے۔

09 جنوری 2015ء

اسلام اور سیرت مصطفی (ص) میں ظلم و تشدد کیلئے کوئی جگہ نہیں، ڈاکٹر طاہرالقادری کا عالمی میلاد کانفرنس سے خطاب

اسلام اور سیرت مصطفی (ص) میں ظلم و تشدد کیلئے کوئی جگہ نہیں، ڈاکٹر طاہرالقادری کا عالمی میلاد کانفرنس سے خطاب

ڈاکٹر طاہرالقادری نے کانفرنس سے خطاب کرتے ہوئے کہا کہ حضور صلی اللہ علیہ وآلہ وسلم کی سیرت تو انسانیت سے محبت ہے۔ اسلام اور سیرت مصطفی صلی اللہ علیہ وآلہ وسلم میں ظلم و تشدد کیلئے کوئی جگہ نہیں، اسلام تو مردہ انسانوں کو تکریم دیتا ہے، چاہے مسلم ہو یا غیر مسلم۔ انہوں نے کہا پشاور میں دہشت گردوں نے معصوم بچوں اور ماڈل ٹاؤن میں ریاستی دہشت گردی کے ذریعے معصوم لوگوں کو شہید کیا گیا۔ انہوں نے کہا کہ یہ فیصلے کا وقت ہے، قدم نہ لڑ کھڑائیں، اگر اب بھی دہشتگردوں کو بچانے کے راستے نکالے گئے تو پھر ملک کا اللہ ہی حافظ ہے۔

03 جنوری 2015ء

تحریک منہاج القرآن کی عالمی میلاد کانفرنس 3 جنوری کو مینار پاکستان گراؤنڈ میں منعقد ہو گی

تحریک منہاج القرآن کی عالمی میلاد کانفرنس 3 جنوری کو مینار پاکستان گراؤنڈ میں منعقد ہو گی

تحریک منہاج القرآن کے زیر اہتمام 31 ویں عالمی میلاد کانفرنس 3 جنوری 2014ء کو مینار پاکستان گراؤنڈ میں منعقد ہو گی، کانفرنس سے سربراہ عوامی تحریک ڈاکٹر طاہر القادری ویڈیو لنک پر خصوصی خطاب کریں گے۔ عالمی میلاد کانفرنس میں شرکت کیلئے تحریک انصاف، پیپلز پارٹی، ایم کیو ایم، مسلم لیگ ق، جماعت اسلامی، سنی اتحاد کونسل، مجلس وحدت المسلمین کو باضابطہ دعوت نامہ بھجوا دیا گیا ہے۔ کانفرنس میں ممتاز علمائے کرام اور مشائخ عظام کو بھی دعوت نامہ بھجوا دیا گیا ہے۔

02 جنوری 2015ء

منہاج ویلفیئر فاؤنڈیشن کے زیراہتمام متاثرین تھر میں امدادی سامان کی تقسیم اور واٹرپمپس کی تعمیر

منہاج ویلفیئر فاؤنڈیشن کے زیراہتمام متاثرین تھر میں امدادی سامان کی تقسیم اور واٹرپمپس کی تعمیر

منہاج ویلفیئر فاؤنڈیشن کے زیراہتمام متاثرین تھر کے لیے مٹھی، اسلام کوٹ، ننگر پارکر اور چھاچھرو کے متاثرہ علاقوں میں امدادی سامان تقسیم کیا گیا، امدادی سامان میں آٹا، چاول، کوکنگ آئل، چینی، سرخ مرچ، دال چنا، بسکٹ، دودھ، نمک اور ڈیڑھ لیٹر کی 30 پانی کی بوتلیں شامل تھیں۔ منہاج ویلفیئر فاؤنڈیشن کی طرف سے امدادی سامان 3000 متاثرہ ہندو اور مسلمان خاندانوں میں تقسیم کیا گیا۔

01 مارچ 2014ء

منہاج القرآن ویمن لیگ کے زیراہتمام ضیافت میلاد مصطفیٰ صلی اللہ علیہ وآلہ وسلم

منہاج القرآن ویمن لیگ کے زیراہتمام ضیافت میلاد مصطفیٰ صلی اللہ علیہ وآلہ وسلم

منہاج القرآن ویمن لیگ کی مرکزی صدر راضیہ نوید نے کہا ہے کہ حضور صلی اللہ علیہ وآلہ وسلم کے میلاد کی دھوم مچانا ہر امتی کی اولین ترجیح ہونی چاہیے، کیونکہ نبی اکرم صلی اللہ علیہ وآلہ وسلم کی ذات سے محبت تعلیمات مصطفی صلی اللہ علیہ وآلہ وسلم پر عمل کرنے کی تحریک دیتی ہے۔ ربیع الاول کے مبارک مہینے کی خوشیوں کے آگے ہماری ذاتی اور اجتماعی خوشیاں ہیچ ہیں۔

31 دسمبر 2014ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

Views of Dignitaries

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top