تحریک منہاج القرآن پاکستان کی اہم خبریں

سندھ: ایم ایس ایم کی سیلاب متاثرین کیلئے امدادی مہم

سندھ: ایم ایس ایم کی سیلاب متاثرین کیلئے امدادی مہم

منہاج ویلفیئر فاؤنڈیشن کے زیراہتمام مصطفوی سٹوڈنٹس موومنٹ کے رضا کاروں نے سندھ گمبٹ میں سیلاب سے متاثرہ سینکڑوں خاندانوں میں راشن، مچھر دانیاں، چارپائیاں، ترپالیں، برتن، پانی اور گھریلو ضروریات کا دیگر سامان تقسیم کیا۔ اس موقع پر MSM کے مرکزی صدر چوہدری عرفان یوسف، صدر MSM سندھ علی قریشی، زوار حسین انقلابی اور منہاج ویلفیئر فاؤنڈیشن کے رضاکاربھی موجود تھے۔

07 ستمبر 2022ء

ریڈیو پاکستان ٹورانٹو کے نمائندہ خصوصی محمد ارشد بھٹی کا مرکزی سیکرٹریٹ کا دورہ

ریڈیو پاکستان ٹورانٹو کے نمائندہ خصوصی محمد ارشد بھٹی کا مرکزی سیکرٹریٹ کا دورہ

ریڈیو پاکستان ٹورانٹو کے نمائندہ خصوصی اور ڈائریکٹر ٹورانٹو 360 ٹی وی محمد ارشد بھٹی نے منہاج القرآن کے مرکزی سیکرٹریٹ کا دورہ کیا، اس موقع پر انہوں نے ناظم اعلیٰ منہاج القرآن انٹرنیشنل خرم نواز گنڈاپور سے ملاقات بھی کی۔ یہاں ڈائریکٹر فارن افیئرز منہاج القرآن انٹرنیشنل جی ایم ملک اور محمد اشرف بھٹی بھی موجود تھے۔ معزز مہمانوں نے مرکزی سیکرٹریٹ کے مختلف شعبہ جات، جامع شیخ الاسلام اور فریدِ ملت ریسرچ انسٹیٹیوٹ کا دورہ بھی کیا۔

07 ستمبر 2022ء

منہاج ویلفیئر فاؤنڈیشن کی طرف سے سوات میں 800 متاثرہ خاندانوں میں راشن پیکج تقسیم

منہاج ویلفیئر فاؤنڈیشن کی طرف سے سوات میں 800 متاثرہ خاندانوں میں راشن پیکج تقسیم

منہاج ویلفیئر فاؤنڈیشن کی طرف سے سوات میں 800 سیلاب سے متاثرہ خاندانوں میں راشن اور دیگر ضروریات زندگی کی اشیاء تقسیم کی گئی۔ منہاج ویلیفیئر فاؤنڈیشن کے رضا کاروں نے سوات کے علاقوں بحرین، گبین جبہ، مدین، کالام میں راشن بیگ، بستر گرم کپڑے تقسیم کئے۔ اس موقع پر صدر عوامی تحریک خیبر پختون خواہ عثمان علی نے گفتگو کرتے ہوئے کہا کہ سوات اور ملحقہ متاثرہ 20 ہزار خاندانوں میں راشن تقسیم کریں گے۔

10 ستمبر 2022ء

فیروزوالا: ڈاکٹر حسین محی الدین قادری کا ’’ختمِ نبوت کانفرنس‘‘ سے خطاب

فیروزوالا: ڈاکٹر حسین محی الدین قادری کا ’’ختمِ نبوت کانفرنس‘‘ سے خطاب

تحریک منہاج القرآن فیروز والا کے زیراہتمام منعقدہ ’’ختم نبوت کانفرنس‘‘ سے خطاب کرتے ہوئے ڈاکٹر حسین محی الدین قادری نے کہا نبی اکرم ﷺ وجۂ تخلیق کائنات ہیں، آپ ﷺ کائنات کا مرکز اور اس کی روح ہیں۔ اللہ تعالیٰ نے تخلیقِ آدم کے وقت حضرت آدم علیہ السلام میں جو روح پھونکی وہ نورِ محمدی ﷺ ہی تھا۔ نبوتِ محمدی ﷺ کا فیصلہ تخلیقِ آدم سے قبل ہوچکا تھا۔ آپ ﷺ انبیاء علیہم السلام کے اوّلین بھی ہیں اور آخرین بھی ہیں۔

10 ستمبر 2022ء

بلوچستان: جعفرآباد میں سیلاب متاثرین کے لیے منہاج ویلفیئر فاؤنڈیشن کا فری میڈیکل کیمپ

بلوچستان: جعفرآباد میں سیلاب متاثرین کے لیے منہاج ویلفیئر فاؤنڈیشن کا فری میڈیکل کیمپ

منہاج ویلفیئر فاونڈیشن کے زیراہتمام جعفرآباد میں سیلاب متاثرین کے لیے فری میڈیکل کیمپ کا انعقاد کیا گیا، جہاں 320 مریضوں کا چیک اپ کیا گیا اور انہیں مفت ادویات بھی فراہم کی گئیں۔ اس موقع پر منہاج ویلفیئر فاؤنڈیشن کے رضاکاران سیلاب سے متاثرہ علاقوں میں امدادی کام سرانجام دے رہے ہیں۔ بلوچستان میں یہ وہ علاقے ہیں، جہاں سیلاب کی وجہ سے بہت زیادہ تباہی ہوئی اور بلوچستان کے ایسے اضلاع تک پہنچنا بھی انتہائی مشکل تھا۔

08 ستمبر 2022ء

منہاج موبائل میڈیکل یونٹ کا سیلاب متاثرین کیلئے مفت علاج معالجہ

منہاج موبائل میڈیکل یونٹ کا سیلاب متاثرین کیلئے مفت علاج معالجہ

منہاج ویلفیئر فاؤنڈیشن کے زیراہتمام منہاج موبائل میڈیکل یونٹ متاثرہ علاقوں میں کام کر رہا ہے، جہاں حالیہ سیلاب سے بے گھر ہونے والے خاندانوں کیلئے قائم کی گئی خیمہ بستیوں اور ان کے گرد و نواح کے متاثرینِ سیلاب کو روزانہ کی بنیاد پر طبی سہولیات اور مفت ادویات فراہم کی جا رہی ہیں۔ منہاج موبائل میڈیکل یونٹ میں باقاعدہ ڈاکٹر اور ماہرین کی ٹیمیں متاثرہ مریضوں کا چیک اپ کر رہی ہیں، مرض کی تشخیص کے بعد مریضوں کو مفت دوائیاں بھی فراہم کی جا رہی ہیں۔

08 ستمبر 2022ء

منہاج ویلفیئر فاؤنڈیشن کے زیراہتمام ہزاروں متاثرین کو ہائی جین کٹس کی فراہمی، 2 ہزار خاندانوں کو راشن دیا جائے گا

منہاج ویلفیئر فاؤنڈیشن کے زیراہتمام ہزاروں متاثرین کو ہائی جین کٹس کی فراہمی، 2 ہزار خاندانوں کو راشن دیا جائے گا

منہاج ویلفیئر فاؤنڈیشن کی طرف سے ہزاروں متاثرین سیلاب کو فوڈ بیگز کی فراہمی کے ساتھ ساتھ خصوصی طور پر تیار کروائی گئی ہائی جین کٹس بھی فراہم کی جارہی ہے۔ ہائی جین کٹس ڈیٹرجینٹ پاؤڈرز، باتھ سوپ، ٹوتھ پیسٹ، ٹوتھ برش، انڈر گارمنٹس، پیڈز، مگ پر مشتمل ہے۔منہاج ویلفیئر فاؤنڈیشن کے ایم ڈی فیصل حسین نے بتایا کہ ہماری سرویز ٹیم نے بتایا ہے کہ سیلاب سے متاثرہ علاقوں میں مارکیٹیں بند ہونے کی وجہ سے متاثرین کو اشیائے ضروریہ خریدنے میں دقت کا سامنا ہے۔

10 ستمبر 2022ء

منہاج ویلفیئر فاؤنڈیشن کا روجھان، بخشو مارکیٹ اور سیلہ تانی مارکیٹ میں متاثرین سیلاب کے لیے فری میڈیکل کیمپ

منہاج ویلفیئر فاؤنڈیشن کا روجھان، بخشو مارکیٹ اور سیلہ تانی مارکیٹ میں متاثرین سیلاب کے لیے فری میڈیکل کیمپ

منہاج ویلفیئر فاؤنڈیشن کے زیراہتمام جنوبی پنجاب کی تحصیل روجھان، بخشو مارکیٹ اور سیلہ تانی مارکیٹ میں متاثرین سیلاب کے لیے فری میڈیکل کیمپ کا انعقاد کیا گیا، کیمپ میں سینکڑوں مریضوں کا چیک اپ اور فری ادویات فراہم کی گئیں۔ اس موقع پر کیمپ میں زیادہ تر مریضوں میں گیسٹرو، جلدی امراض اور ملیریا کی تشخیص ہوئی۔ منہاج القرآن کا موبائل میڈیکل یونٹ بھی متاثرہ علاقوں میں کام کر رہا ہے، جہاں ماہر ڈاکٹروں کی نگرانی میں مریضوں کو باقاعدہ چیک اپ کیا جا رہا ہے۔

03 ستمبر 2022ء

نظامت تربیت کے زیراہتمام فارن سکالرز ٹریننگ ورکشاپ کی افتتاحی تقریب

نظامت تربیت کے زیراہتمام فارن سکالرز ٹریننگ ورکشاپ کی افتتاحی تقریب

منہاج القرآن کی مرکزی نظامت تربیت کے زیراہتمام فارن سکالرز ٹریننگ ورکشاپ کی افتتاحی تقریب 3 ستمبر 2022 کو کانفرنس ہال میں منعقد ہوئی، جس میں بیرون ممالک میں منہاج القرآن اسلامک سنٹر میں خدمات دینے والے سکالرز نے شرکت کی۔ اس موقع پر اسکالرز کی مختلف پہلوؤں پر تیاری اور آگاہی کے لئے ایک ماہ کی ٹریننگ ورکشاپ کا اہتمام کیا گیا ہے، جسں میں 14 سکالرز نے شرکت کی۔

02 ستمبر 2022ء

منہاج القرآن کے شعبہ پبلک ریلیشنز کے زیراہتمام منہاج یونیورسٹی میں عشائیہ

منہاج القرآن کے شعبہ پبلک ریلیشنز کے زیراہتمام منہاج یونیورسٹی میں عشائیہ

منہاج القرآن انٹرنیشنل کے شعبہ پبلک ریلیشنز کے زیراہتمام منہاج یونیورسٹی لاہور میں عشائیہ کا اہتمام کیا گیا، جس میں شعبہ تعلیم، صنعت، زراعت، مذہبی، سماجی، فلاحی تنظیموں کے ذمہ داران، سول سروسز مختلف شعبہ ہائے زندگی سے تعلق رکھنے والے ماہرین، منہاجینز اور تحریک منہاج القرآن کے قائدین کو مدعو کیا گیا تھا۔

02 ستمبر 2022ء

کشمور: منہاج ویلفیئر فاؤنڈیشن کے زیراہتمام سیلاب متاثرین میں راشن کی تقسیم

کشمور: منہاج ویلفیئر فاؤنڈیشن کے زیراہتمام سیلاب متاثرین میں راشن کی تقسیم

منہاج ویلفیئر فاؤنڈیشن کے زیراہتمام سندھ کے ضلع کشمور میں مرکزی صدر مصطفوی سٹوڈنٹس موومنٹ چوہدری عرفان یوسف نے متاثرین سیلاب سے راشن تقسیم کیا۔ اس موقع پر انہوں نے سیلاب سے متاثرہ درجنوں خاندانوں کو باقاعدہ رجسٹریشن کے عمل سے راشن دیا۔ منہاج ویلفیئر فاؤنڈیشن کے زیراہتمام ملک بھر میں 200 سے زائد امدادی کیمپ لگائے گئے ہیں۔

03 ستمبر 2022ء

خرم نواز گنڈاپور کا سیلاب سے متاثرہ اضلاع کا دورہ، متاثرینِ میں راشن اور امدادی پیکج تقسیم کیا

خرم نواز گنڈاپور کا سیلاب سے متاثرہ اضلاع کا دورہ، متاثرینِ میں راشن اور امدادی پیکج تقسیم کیا

ناظم اعلیٰ منہاج القرآن انٹرنیشنل خرم نواز گنڈاپور نے تونسہ شریف اور سیلاب سے متاثرہ دیگر اضلاع کا دورہ کیا، جہاں انہوں نے متاثرینِ سیلاب میں راشن اور ضروریات زندگی کی اشیاء تقسیم کیں۔ اس موقع پر راشن تقسیم کرنے کے بعد انہوں نے مقامی صحافیوں سے گفتگو کرتے ہوئے کہا کہ منہاج ویلفیئر فاؤنڈیشن کی طرف سے خیبرپختونخواہ کے 4 اضلاع، سندھ اور جنوبی پنجاب کے تین تین اضلاع میں امدادی سرگرمیاں جاری ہیں۔

03 ستمبر 2022ء

منہاج القرآن کے زیراہتمام لالیاں، کوٹلہ ارب علی خاں، جھنگ، مریدکے، چیچہ وطنی، شاہکوٹ، پاکپتن، سیالکوٹ، گجرات اور راہوالی میں امدادی کیمپ

منہاج القرآن کے زیراہتمام لالیاں، کوٹلہ ارب علی خاں، جھنگ، مریدکے، چیچہ وطنی، شاہکوٹ، پاکپتن، سیالکوٹ، گجرات اور راہوالی میں امدادی کیمپ

تحریک منہاج القرآن لاہور اور منہاج ویلفیئر فاؤنڈیشن کے زیراہتمام شمالی پنجاب کے مختلف شہروں لالیاں ضلع چنیوٹ، کوٹلہ ارب علی خاں ضلع گجرات، جھنگ، مریدکے، چیچہ وطنی ضلع ساہیوال، شاہکوٹ ننکانہ صاحب، پاکپتن، سیالکوٹ، گجرات، راہوالی ضلع گوجرانوالہ میں سیلاب متاثرین کے لیے امدادی کیمپ لگائے گئے ہیں۔ تحریک منہاج القرآن کے مقامی رہنماوں نے کیمپوں کا دورہ کیا، اس موقع پر انہوں نے کہا کہ بے گھر ہونے والے سیلاب متاثرین کی مدد اس وقت افضل ترین عمل اور کارِ خیر ہے۔

01 ستمبر 2022ء

منہاج القرآن لاہور کے زیراہتمام مختلف مقامات پر سیلاب متاثرین کے لیے امدادی کیمپ

منہاج القرآن لاہور کے زیراہتمام مختلف مقامات پر سیلاب متاثرین کے لیے امدادی کیمپ

منہاج القرآن لاہور اور منہاج ویلفیئر فاؤنڈیشن کے زیراہتمام لاہور بھر میں مختلف مقامات پر سیلاب متاثرین کے لیے امدادی کیمپ لگائے گئے ہیں۔ لاہور میں مین بولیوارڈ گلشن راوی، جوہرٹاؤن، مون مارکیٹ، پی پی 156، پی پی 152 ضلع نمبر3 اور پی پی 155جلو موڑ پر فلڈ ریلیف کیمپ قائم ہیں۔ اس موقع پر منہاج القرآن لاہور کے امیر رانا نفیس حسین قادری نے مختلف مقامات پر قائم کیمپوں کا دورہ کیا، انہوں نے گفتگو کرتے ہوئے کہا کہ بے گھر ہونے والے سیلاب متاثرین کی مدد اس وقت افضل ترین عمل اور کارِ خیر ہے۔

01 ستمبر 2022ء

منہاج القرآن کے زیراہتمام حافظ آباد میں سیلاب متاثرین کے لیے امدادی کیمپ

منہاج القرآن کے زیراہتمام حافظ آباد میں سیلاب متاثرین کے لیے امدادی کیمپ

منہاج القرآن حافظ آباد کے زیراہتمام سیلاب متاثرین کے لیے امدادی کیمپ لگایا گیا، جس میں سیلاب سے متاثرہ لوگوں کے لیے امدادی سامان جمع کیا جا رہا ہے۔ اس موقع پر منہاج القرآن حافظ آباد کے عہدیداروں نے گفتگو کرتے ہوئے کہا کہ بے گھر ہونے والے سیلاب متاثرین کی مدد اس وقت افضل ترین عمل اور کارِ خیر ہے۔ عطیات جمع کرنا اور پھر مستحقین تک پہنچانا اہم ترین ذمہ داری ہے۔ اس ذمہ داری کو تمام مصروفیات پر ترجیح دی جائے۔

01 ستمبر 2022ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top