تحریک منہاج القرآن پاکستان کی اہم خبریں

منہاج القرآن کے سابق نائب ناظم اعلیٰ رانا فاروق محمود قادری انتقال کر گئے

منہاج القرآن کے سابق نائب ناظم اعلیٰ رانا فاروق محمود قادری انتقال کر گئے

تحریک منہاج القرآن کے سابق نائب ناظم اعلیٰ رانا فاروق محمود قادری انتقال کر گئے، انا للہ و انا الیہ راجعون۔ مرحوم کی نماز جنازہ 22 مارچ بروز منگل دن 10 بجے لٹن روڈ لاہور جنازگاہ میں ادا کی جائے گی۔ مرحوم کے انتقال پر شیخ الاسلام ڈاکٹر محمد طاہرالقادری، چیئرمین سپریم کونسل ڈاکٹر حسن محی الدین قادری اور صدر منہاج القرآن ڈاکٹر حسین محی الدین قادری نے اظہار تعزیت کیا ہے۔

21 مارچ 2022ء

منہاج ویلفیئر فاؤنڈیشن کے زیراہتمام اجتماعی شادیوں کی 18ویں سالانہ تقریب

منہاج ویلفیئر فاؤنڈیشن کے زیراہتمام اجتماعی شادیوں کی 18ویں سالانہ تقریب

منہاج ویلفیئر فاؤنڈیشن کے زیراہتمام شادیوں کی اجتماعی تقریب میں 25 مستحق جوڑے رشتہ ازدواج میں منسلک ہو گئے، ان میں ایک مسیحی جوڑا بھی شامل تھا۔ صوبائی وزیر سید یاور عباس بخاری اور صوبائی وزیر آشفہ ریاض فتیانہ نے شادیوں کی اجتماعی تقریب میں بطور مہمان خصوصی شرکت کی۔ منہاج ویلفیئر فاؤنڈیشن کی طرف سے دولہوں اور دلہنوں کے ہمراہ آئے ہوئے 15 سو باراتیوں اور ان کے عزیز و اقارب کے لیے خصوصی ضیافت کا اہتمام کیا گیا۔ صدر منہاج القرآن انٹرنیشنل ڈاکٹر حسین محی الدین قادری نے تمام دولہوں اور دلہنوں کو گھڑی جبکہ فضہ حسین قادری نے تمام دلہنوں کو سونے کا سیٹ تحفے میں دیا۔

20 مارچ 2022ء

مستحقین کی علاج کیلئے مدد کرنا بڑی خدمت ہے: ڈاکٹر حسین محی الدین قادری

مستحقین کی علاج کیلئے مدد کرنا بڑی خدمت ہے: ڈاکٹر حسین محی الدین قادری

منہاج القرآن انٹرنیشنل کے صدر ڈاکٹر حسین محی الدین قادری نے کہا ہے کہ میڈیکل سائنس اور بیماریوں کی تشخیص میں جہاں حیرت انگیز ایجادات ہوئی ہیں اور علاج کی سہولیات میں ماضی کی نسبت کہیں زیادہ اضافہ ہوا ہے، وہاں امراض کی تشخیص اور علاج بھی انتہائی مہنگا ہوا ہے اور کم آمدنی والے افراد کے لئے علاج کے اخراجات ناقابل برداشت ہو چکے ہیں، ایسے حالات میں عام آدمی کے لئے نفع و نقصان کی سوچ کے بغیر سستے اور فوری علاج کی سہولیات کے لیے اقدامات کرنا، میڈیکل کیمپ لگانا بہت بڑی انسانی خدمت اور عبادت ہے۔

20 مارچ 2022ء

شیخ الاسلام کے پرسنل اسسٹنٹ بصیر احمد کی والدہ محترمہ کی مرکزی سیکرٹریٹ میں نماز جنازہ

شیخ الاسلام کے پرسنل اسسٹنٹ بصیر احمد کی والدہ محترمہ کی مرکزی سیکرٹریٹ میں نماز جنازہ

قائد تحریک شیخ الاسلام ڈاکٹر محمد طاہرالقادری کے پرسنل اسسٹنٹ بصیر احمد اور کالج آف شریعہ کے آئی ٹی مینجر تنویر احمد کی والدہ محترمہ کی نماز جنازہ مرکزی سیکرٹریٹ ماڈل ٹاؤن میں ادا کی گئی، نماز جنازہ منہاج القرآن انٹرنیشنل کے صدر ڈاکٹر حسین محی الدین قادری نے پڑھائی، نماز جنازہ کے بعد انہوں نے دعا بھی کرائی۔ اس موقع پر انہوں نے بصیر احمد، تنویر احمد اور فیملی ممبران کے ساتھ تعزیت بھی کی۔

19 مارچ 2022ء

تحریک منہاج القرآن کے زیراہتمام شب برات و مجلس ختم الصلوۃ علی النبی ﷺ کا روحانی اجتماع

تحریک منہاج القرآن کے زیراہتمام شب برات و مجلس ختم الصلوۃ علی النبی ﷺ کا روحانی اجتماع

تحریک منہاج القرآن کے زیراہتمام شبِ برات کے مقدس و بابرکت موقع پر ’’محفل شب برات و ماہانہ مجلس ختم الصلٰوۃ علی النبی ﷺ‘‘ جامع شیخ الاسلام ماڈل ٹاؤن لاہور میں منعقد ہوئی، جس میں قائد تحریک شیخ الاسلام ڈاکٹر محمد طاہرالقادری دامت برکاتہم العالیہ نے بذریعہ ویڈیو لنک ’’شب برات اور آداب سوال‘‘ کے موضوع پر خطاب کرتے ہوئے کہا کہ یہ رات اللہ سے التجا کرنے اور سوال کرنے کا ادب سیکھنے کی رات ہے، آقا کریم ﷺ فرماتے ہیں نصف شعبان کی رات اللہ تبارک و تعالیٰ آسمان دنیا پر اپنی شان کے مطابق نزول اِجلال فرماتا ہے اور مانگنے والی کی ہر دعا قبول کرتا ہے۔ یہ رات اللہ سے التجا کرنے اور سوال کرنے کا ادب سیکھنے کی رات ہے، اگر مانگنے کا ادب آ جائے تو سوالی کو اس بارگاہ کے ساتھ جڑنے کا پتہ چلتا ہے۔

18 مارچ 2022ء

پیغمبر اسلام ﷺ کی تعلیمات کو زندگی کے ہر گوشے پر نافذ کرنا ہو گا: ٹیسٹ کرکٹر مشتاق احمد کا کالج آف شریعہ کے ہفتہ تقریبات میں خطاب

پیغمبر اسلام ﷺ کی تعلیمات کو زندگی کے ہر گوشے پر نافذ کرنا ہو گا: ٹیسٹ کرکٹر مشتاق احمد کا کالج آف شریعہ کے ہفتہ تقریبات میں خطاب

سابق ٹیسٹ کرکٹر مشتاق احمد نے منہاج القرآن کے مرکزی سیکرٹریٹ میں کالج آف شریعہ اینڈ اسلامک سائنسز کے زیراہتمام منعقدہ کل پاکستان بین الاکلیاتی ہفتہ تقریبات کے تیسرے روز تقریری مقابلوں کی تقریب میں بطور مہمان خصوصی خطاب کرتے ہوئے کہا کہ اسلام کردار کا نام ہے۔ پیغمبر اسلام ﷺ کی تعلیمات کا اسی صورت فائدہ ہوگا جب ہم انہیں اپنی زندگی کے ہر گوشے پر نافذ کریں گے۔ ہمیں اپنے مقام اور وقار کے لئے اپنے کردار سنوارنے پر توجہ دینی ہو گی۔

16 مارچ 2022ء

کالج آف شریعہ میں ہفتہ تقریبات کے آخری روز اردو مباحثہ

کالج آف شریعہ میں ہفتہ تقریبات کے آخری روز اردو مباحثہ

کالج آف شریعہ اینڈ اسلامک سائنسز میں جاری 4 روزہ ہفتہ تقریبات کے آخری روز ”زوال کا سبب نظام ہے عوام نہیں“ کے موضوع پر اردو مباحثہ اور مقابلہ مضمون نویسی ہوا۔ ملک بھر سے 50 سے زائد یونیورسٹیز اور کالجز کے طلبا و طالبات نے ان مقابلوں میں شرکت کی۔ تقریب میں معروف قانون دان محمد اظہر صدیق ایڈووکیٹ، ناظم اعلیٰ منہاج القرآن انٹرنیشنل خرم نواز گنڈاپور، زیب سجادہ آستانہ عالیہ حضرت میاں میر سرکار پیر سید ہارون گیلانی، سابق نائب صدر لاہور بار ایسوسی ایشن ایم ایچ شاہین ایڈووکیٹ، معروف اداکار، ہدایتکار اور کامیڈین ہنی البیلا نے خصوصی شرکت کی۔

17 مارچ 2022ء

تعلیمات نبوی اور سیرت مصطفیﷺ میں زندگی کے تمام مسائل کا حل موجود ہے: ڈاکٹر حسین محی الدین قادری کا کالج آف شریعہ کے ہفتہ تقریبات میں خطاب

تعلیمات نبوی اور سیرت مصطفیﷺ میں زندگی کے تمام مسائل کا حل موجود ہے: ڈاکٹر حسین محی الدین قادری کا کالج آف شریعہ کے ہفتہ تقریبات میں خطاب

کالج آف شریعہ اینڈ اسلامک سائنسز بزم منہاج کے زیراہتمام بین الکلیاتی مقابلوں کے دوسرے روز خطاب کرتے ہوئے صدر منہاج القرآن انٹرنیشنل ڈاکٹر حسین محی الدین قادری نے کہا کہ تعلیمات مصطفی ؐ اور سیرت مصطفی ؐ میں زندگی کے ہر شعبے میں درپیش مسائل کا حل اور گائیڈ لائن موجود ہے۔ ریاست مدینہ ایک ایسا انتظامی، سیاسی، سماجی ماڈل ہے جو قیامت تک کے لئے گائیڈ لائن مہیا کرتا ہے۔ ریاست مدینہ کے قیام سے پہلی بار سیاسی عدم استحکام کا خاتمہ ہوا۔

15 مارچ 2022ء

کالج آف شریعہ اینڈ اسلامک سائنسز کے زیراہتمام 36 ویں سالانہ ہفتہ تقریبات کا آغاز

کالج آف شریعہ اینڈ اسلامک سائنسز کے زیراہتمام 36 ویں سالانہ ہفتہ تقریبات کا آغاز

دی منہاج یونیورسٹی لاہور کے کالج آف شریعہ اینڈ اسلامک سائنسز کے زیراہتمام 36 ویں سالانہ کل پاکستان بین الکلیاتی ہفتہ تقریبات کا آغاز 14 مارچ 2022ء کو ہوا۔ بزم منہاج کے زیراہتمام منعقدہ مقابلہ جات کے افتتاحی روز مقابلہ حسن قرأۃ اور مقابلہ عربی تقریر کا انعقاد کیا گیا۔ مقابلہ حسن قرأۃ میں پہلی پوزیشن حافظ محمد فیصل امجد جی سی یونیورسٹی لاہور کے طالب علم نے حاصل کی دوسری پوزیشن جامعہ اسلامیہ منہاج القرآن کے طالب علم قاری عبدالصمد نے حاصل کی اور تیسری پوزیشن تحفیظ القرآن کے طالب علم حافظ محمد مزمل احمد نے حاصل کی۔

14 مارچ 2022ء

نارووال: علامہ رانا محمد ادریس قادری کا ’’عقیدہ ختمِ نبوت‘‘ کانفرنس میں خطاب

نارووال: علامہ رانا محمد ادریس قادری کا ’’عقیدہ ختمِ نبوت‘‘ کانفرنس میں خطاب

تحریک منہاج القرآن کے ناظم نائب اعلیٰ علامہ رانا محمد ادریس قادری نے علی پور سیداں (نارووال) میں پیر جماعت علی لاثانی شاہ رحمۃ اللہ علیہ کے دربار پر منعقدہ سالانہ ’’عقیدہ ختمِ نبوت‘‘ کانفرنس میں شرکت کی۔ اس موقع پر خطاب کرتے ہوئے انہوں نے کہا حضور نبی اکرم ﷺ اللہ کے آخری رسول اور آپ ﷺ کی تعلیمات قیامت تک کیلئے ذریعہ ہدایت ہیں۔

14 مارچ 2022ء

اسلامک سرچ انجن ’’منہاج اسلامک انسائیکلوپیڈیا‘‘ کی تقریب رونمائی جلد ہو گی: خرم نواز گنڈاپور کا اجلاس سے خطاب

اسلامک سرچ انجن ’’منہاج اسلامک انسائیکلوپیڈیا‘‘ کی تقریب رونمائی جلد ہو گی: خرم نواز گنڈاپور کا اجلاس سے خطاب

ناظم اعلیٰ منہاج القرآن انٹرنیشنل خرم نواز گنڈاپور نے فہمِ دین پراجیکٹ کے اجلاس کی صدارت کرتے ہوئے کہا کہ منہاج القرآن انٹرنیشنل نے دعوت و خدمتِ انسانیت کے لئے ایک جامع ’’ای نظام‘‘ پر کام مکمل کر لیا ہے، بہت جلد منہاج اسلامک انسائیکلوپیڈیا کے نام سے سرچ انجن اور ایپس کی تقریب رونمائی ہوگی، فہمِ دین پراجیکٹ کے سافٹ ویئر کی تکمیل ایک بڑی پیش رفت ہے، جس پر منہاج انٹر نیٹ بیورو مبارک باد کا مستحق ہے۔

14 مارچ 2022ء

منہاج ٹی وی کے کیمرہ مین شیراز ملک کی والدہ محترمہ انتقال کر گئیں

منہاج ٹی وی کے کیمرہ مین شیراز ملک کی والدہ محترمہ انتقال کر گئیں

منہاج ٹی وی کے کیمرہ مین شیراز ملک کی والدہ محترمہ قضائے الٰہی سے وفات پا گئی ہیں، انا للہ و انا الیہ راجعون۔ مرحومہ کی نماز جنازہ آبائی گاؤں بھکھی شریف منڈی بہاؤالدین میں 14 مارچ 2022ء کو شام 4 بجے ادا کی جائے گی۔

14 مارچ 2022ء

منہاج القرآن شمالی پنجاب کی ایک روزہ سوشل میڈیا تربیتی ورکشاپ

منہاج القرآن شمالی پنجاب کی ایک روزہ سوشل میڈیا تربیتی ورکشاپ

منہاج القرآن انٹرنیشنل کے صدر ڈاکٹر حسین محی الدین قادری نے مرکزی سیکرٹریٹ میں منہاج القرآن شمالی زون پنجاب کی سوشل میڈیا کے استعمال کے موضوع پر منعقدہ ایک روزہ تربیتی ورکشاپ سے خطاب کرتے ہوئے کہا کہ عالم اسلام کے پاس فیس بک، یوٹیوب، انسٹا گرام طرز کا اپنا ایک بھی ابلاغی ٹول نہیں ہے یہ عالم اسلام کی اجتماعی اہلیت کے لیے ایک سوال ہے۔ انھوں نے کہا کہ 22 کروڑ آبادی کے ملک پاکستان میں 10 کروڑ 73 لاکھ لوگ موبائل استعمال کرتے ہیں، 6 کروڑ 10 لاکھ نیٹ یوزر ہیں، 4 کروڑ پاکستانی فیس بک 3 کروڑ 60 لاکھ شہری یوٹیوب، 1 کروڑ 10 لاکھ شہری انسٹا گرام استعمال کرتے ہیں، پاکستانیوں کی اتنی بڑی تعداد انٹرنیشنل فورسز کے براہ راست حلقہ اثر میں ہے ہمیں اپنے نیٹ یوزر نوجوانوں کو سائبر وار سے بچانا ہے اور ان کے اخلاق و دینی اقدار اور قومی نظریات کی حفاظت کرنی ہے۔

13 مارچ 2022ء

نظام المدارس پاکستان کے زیراہتمام ملک گیر سالانہ امتحانات شروع، ہزاروں طلبا و طالبات شریک

نظام المدارس پاکستان کے زیراہتمام ملک گیر سالانہ امتحانات شروع، ہزاروں طلبا و طالبات شریک

وفاقی دینی تعلیمی بورڈ نظام المدارس پاکستان کے زیراہتمام ملک بھر میں پہلے سالانہ امتحانات 2022 کا آغاز 12 مارچ 2022ء کو ہو چکا ہے جس میں ملک بھر کے تعلیمی اداروں سے ہزاروں طلبہ و طالبات شریک ہیں۔ نظام المدارس کے تحت ملحقہ تعلیمی اداروں کے طلباء و طالبات کے سالانہ امتحانات 24 مارچ تک جاری رہیں۔ امتحانات کے لیے مرکزی ہیڈکوارٹر نظام المدارس پاکستان لاہور سمیت چاروں صوبوں اور آزاد کشمیر میں بھی سینکڑو ں امتحانی سنٹرز قائم کیے گئے ہیں، جہاں ہزاروں طلباء امتحانات دے رہے ہیں۔

12 مارچ 2022ء

ڈاکٹر حسین محی الدین قادری کا وفد کے ساتھ گوردوارہ دربار صاحب کرتارپور کا دورہ

ڈاکٹر حسین محی الدین قادری کا وفد کے ساتھ گوردوارہ دربار صاحب کرتارپور کا دورہ

منہاج القرآن انٹرنیشنل کے صدر ڈاکٹر حسین محی الدین قادری نے کرتارپور، نارووال گوردوارہ دربار صاحب کا وزٹ کیا۔ اس موقع پر منہاج القرآن کے مرکزی قائدین کا اعلیٰ سطحی وفد بھی آپ کے ساتھ تھا، جن میں مرکزی نائب ناظم اعلیٰ رانا محمد ادریس قادری، ڈائریکٹر انٹرفیتھ ریلیشنز سہیل احمد رضا، منہاج القرآن لاہور کے صدر رانا نفیس حسین قادری، عبدالرحمن ملک، خرم شہزاد، ناصر اقبال ایڈووکیٹ، فرحان جاوید، حفیظ الرحمن، طیب ضیاء، قاری ریاست علی چدھڑ و دیگر بھی موجود تھے۔

12 مارچ 2022ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top