سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مرکزی نائب ناظم اعلیٰ کوآرڈینیشن انجنیئر محمد رفیق نجم نے تقریب سے خطاب کرتے ہوئے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری کی 2جلدوں پر مشتمل معرکۃ الآراء تصنیف ’’دستورِ مدینہ اور فلاحی رِیاست کا تصّور‘‘ تعارف پیش کیا۔
تحریک منہاج القرآن ڈگری کے زیراہتمام تنظیمی تربیتی ورکشاپ، ورکشاپ سے مرکزی نائب ناظم اعلیٰ سندھ مظہر محمود علوی، علامہ غلام مرتضیٰ علوی، علامہ منہاج الدین قادری اور محمد رضا طاہر نے خطاب کیا۔
تحریک منہاج القران حیدرآباد کے زیراہتمام پریس کلب میں تنظیمی تربیتی ورکشاپ کا انعقاد کیا گیا، ورکشاپ سے مرکزی نائب ناظم اعلیٰ سندھ مظہر محمود علوی، ناظم تربیت غلام مرتضیٰ علوی، نائب ناظم تربیت علامہ منہاج الدین قادری اور ڈپٹی کوآرڈینیٹر فہم دین پراجیکٹ محمد رضا طاہر نے خطاب کیا۔
حافظ سعید رضا بغدادی نے علم کی اہمیت مراکز علم کی اہمیت و تعارف، مراکز علم کے نصاب کی تدریس بمعہ قیام کا لائحہ عمل کے حوالے سے آگاہی فراہم کی۔
شیخ الاسلام پروفیسر ڈاکٹر محمد طاہرالقادری دامت برکاتہم العالیہ نے ملک پاکستان میں افراد معاشرہ کو امن، محبت اور رواداری کی راہ پہ گامزن کرنے کے لیے 25 ہزار مراکز علم کے قیام کا اعلان کیا ہوا ہے۔ جس کے تحت پہلے مرحلے میں ملک بھر میں تربیتی کیمپس کے زیر مراکز علم چلانے کے لیے معلمین کی تیاری کا سلسلہ جاری ہے۔
تنظیمی و دعوتی دورہ جات کے دوران نائب اعلیٰ تحریک منہاج القرآن صوبہ سندھ مظہر محمود علوی کا مقامی مؤثر شخصیات سے ملاقاتوں کا سلسلہ بھی جاری ہے۔
سندھ میں ڈویژنل سطح پر معلمین و منتظمین برائے مراکز علم کی خصوصی تربیتی ورکشاپس کا آغاز 16 جولائی پریس کلب حیدرآباد سے کیا جائے گا
منہاج ویلفیئر فاؤنڈیشن کے زیراہتمام رمضان راشن پروگرام کی منعقدہ تقریب میں غرباء و مستحقین میں راشن بیگ تقسیم کئے گئے۔ اس موقع پر تقریب سے خطاب کرتے ہوئے کہا تحریک منہاج القرآن کے مرکزی رہنما سید مشرف علی شاہ نے کہ منہاج ویلفیئر فاؤنڈیشن دنیا کے 100 سے زائد ممالک میں سماجی خدمات میں مصروف عمل ہے۔ منہاج ویلفیئر فاؤنڈیشن کے زیرانتظام ملک بھر میں رمضان المبارک کی آمد سے قبل قائد تحریک شیخ الاسلام ڈاکٹر محمد طاہرالقادری کی خصوصی ہدایات کے مطابق غرباء اور ضرورت مند افراد میں رمضان راشن بیگز تقسیم کروا رہی ہے، اس تقسیم کا بنیادی مقصد رضائے الٰہی کا حصول ہے۔
رئیس لال بخش حملانی نے منہاج القرآن حیدرآباد دفتر کا دورہ کیا اور منہاج القرآن انٹرنیشنل، پاکستان عوامی تحریک و شیخ الاسلام ڈاکٹر محمدطاہرالقادری کے کام کو سراہا۔ انہوں نے منہاج القرآن حیدرآباد مرکز پر قائم گوشۂ درود کا بھی وزٹ کیا۔ اس موقع پر انہوں نے منہاج القرآن کے تنظیمی کام کو مزید بڑھانے کے عزم کا اظہار بھی کیا۔
حریک منہاج القرآن حیدرآباد کے انتہائی وفادارو مخلص کارکن اور شیخ الاسلام کے فیض یافتہ اور 35 سال سے منہاج القرآن کے تاحیات رفیق محمد یونس القادری انتقال کر گئے، انا للہ و انا الیہ راجعون۔ شیخ الاسلام ڈاکٹر محمد طاہرالقادری، چیئرمین سپریم کونسل ڈاکٹر حسن محی الدین قادری اور صدر منہاج القرآن ڈاکٹر حسین محی الدین قادری نے محمد یونس القادری کے انتقال پر ان کے اہلخانہ سے اظہار تعزیت کیا ہے۔
منہاج القرآن لوئرسندھ کے زیراہتمام حیدرآباد پریس کلب ہال میں 10 روزہ ڈپلومہ ان قرآن سٹیڈیز کورس کی اختتامی تقریب منعقد ہوئی، جس کی صدارت منہاج القرآن سندھ کے نائب صدر محمد عامر خواجہ نے کی۔ تقریب میں پاکستان پییلز پارٹی کے سینٹر مولا بخش چانڈیو مہمان خصوصی تھے۔ منہاج القرآن لوئر سندھ کے سرپرست یونس القادری، ناظم مشتاق احمد قائم خانی، سید مبشر علی شاہ اور منہاج القرآن کے مرکزی اسکالر علامہ محمود مسعود، علامہ محمد سرفراز قادری، باجی نسرین جمشید اور بڑی تعدار میں خواتین و حضرات نے بھی شرکت کی۔
تحریک منہاج القرآن کی نظامت تربیت کے شعبہ کورسز کے زیرِاہتمام اور منہاج ویمن لیگ حیدرآباد کی کاوشوں سے حیدرآباد پریس کلب میں 10 روزہ ڈپلومہ اِن قرآن سٹڈیز جاری ہے۔ کورس میں علامہ محمود مسعود اور علامہ سرفراز قادری کے لیکچرز ہو رہے ہیں۔ منہاج القرآن ویمن لیگ کی مرکزی زونل نگران سندھ محترمہ عائشہ مبشر اور ڈائریکٹر الھدایہ محترمہ صائمہ نور نے خواتین شرکاء کو لیکچرز دیئے۔
تحریک منہاج القرآن کی نظامت کے شعبہ کورسز کے زیرِاہتمام حیدرآباد پریس کلب میں 10 روزہ ڈپلومہ اِن قرآن سٹڈیز کا اغاز 24 ستمبر 2021ء کو ہوا۔ کورس میں شہر بھر سے اساتذہ کرام، علماء، اسکالرز، وکلاء، طلباء اور کاروباری شخصیات کے علاوہ گریجویٹس مرد و خواتین کی بڑی تعداد شریک ہے۔ کورس میں نظامت تربیت کے علامہ محمود مسعود قادری اور علامہ محمد سرفراز قادری علم التجوید مع عملی مشق، عربی گرائمر، ترجمۃ القرآن اور فن خطابت کی تدریس کے فرائض سر انجام دے رہے ہیں۔
شیخ الاسلام ڈاکٹر محمد طاہرالقادری کی 70ویں سالگرہ کی مناسبت سے تحریک منہاج القرآن حیدرآباد کے زیراہتمام کراؤن ہوٹل لطیف آباد میں 2 مارچ 2021 کو ’شیخ الاسلام کانفرنس‘ کا انعقاد کیا گیا جس میں منہاج القرآن انٹرنیشنل کے صدر ڈاکٹر حسین محی الدین قادری نے خصوصی شرکت کی۔ کانفرنس سے خطاب کرتے ہوئے ڈاکٹر حسین محی الدین قادری نے کہا کہ پاکستان میں ہر نظام مفلوج ہو گیا ہے، ایک سوچے سمجھے منصوبے کے تحت پاکستانی قومیت اور ثقافت کے بارے بھی غلط فہمیاں پیدا کی جا رہی ہیں۔ جو کسی معاشرے پر ایسا وقت آ جائے تو وہ مردہ معاشرہ کہلاتا ہے۔ ایسے مردہ معاشرے میں روح پھونکنے کے لئے اللہ پاک مجدد بھیجتا ہے۔ ہم خوش نصيب ہیں کہ اللہ پاک نے ہمیں مجدد وقت شیخ الاسلام ڈاکٹر محمد طاہرالقادری کی صحبت اور سنگت نصیب کی ہے۔ ڈاکٹر حسین محی الدین قادری نے کانفرنس کے انعقاد پر تحریک منہاج القرآن سندھ کے عہدیداران و رفقاء اور منتظمین کو مبارکباد پیش کی۔
تحریک منہاج القرآن حیدرآباد کا مشاورتی اجلاس منعقد ہوا، جس میں ڈاکٹر حسین محی الدین قادری کی حیدرآباد آمد کے حوالے سے انتظامات کا جائزہ لیا گیا۔ اس موقع پر ناظم تنظیمات زادہ احمد حسن فاروقی نے اجلاس کی صدارت کی۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
