سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن جھنگ کے زیراہتمام منہاج القرآن کے مرکزی ڈائریکٹر فنانس عدنان جاوید مرحوم کے لیے دعائیہ تقریب القادریہ جھنگ المعروف فریدیہ ٹرسٹ محلّہ پرانی عید گاہ جھنگ صدر میں الحاج محمد صبغت اللّہ قادری کی زیرِ سرپرستی منعقد ہوئی۔ پروگرام میں قرآن خوانی کا اہتمام بعد نمازِ عصر تا مغرب کیا گیا۔
قائد تحریک منہاج القرآن شیخ الاسلام ڈاکٹر محمد طاہرالقادری کے والد گرامی ڈاکٹر فرید الدین قادری رحمۃ اللہ علیہ کا 46واں سالانہ عرس مبارک بستی لوہلے شاہ جھنگ میں منعقد ہوا۔ عرس تقریب سے خطاب کرتے ہوئے منہاج القرآن علماء کونسل کے سینئر رہنما علامہ سید ہدایت رسول شاہ نے کہا کہ اولیاء اللہ انسانیت سے محبت کی وجہ سے سر بلند ہیں۔ نائب ناظم اعلیٰ کوآرڈینیشن انجینئیر رفیق نجم نے کہا کہ ڈاکٹر فرید الدین قادری اپنے وقت کے جید عالم، صاحب تقویٰ، انسانیت سے محبت رکھنے والے ایک صوفی منش بندہ خدا تھے اور اعلیٰ صلاحیت کے طبیب تھے۔
تحریک منہاج القرآن جھنگ کے زیراہتمام شب برآت کی محفل 20 اپریل 2019ء کی شب دارالعلوم فریدیہ قادری بستی لوہلے شاہ جھنگ صدر میں منعقد ہوئی، جس کی صدارت صاحبزادہ صبغت اللہ قادری نے کی۔ پروگرام میں صاحبزادہ محمد طاہر، علامہ عبدالقدیر قادری، حافظ شکیل قادری اور دیگر مہمانوں نے شرکت کی۔
منہاج القرآن جھنگ کے زیراہتمام دارالعلوم فریدیہ قادریہ کے سال 2019 کے نتائج و تقریب تقسیم انعامات کی تقریب 30 مارچ 2019ء کو منعقد ہوئی، جس میں نمایاں پوزیشن حاصل کرنے والے طلباء و طالبات کو انعامات دیئے گئے۔ تقریب میں صاحبزادہ صبغت اللہ قادری، دارالعلوم کے اساتذہ کرام اور طلبہ نے شرکت کی۔
یونیورسٹی آف ویٹرنری اینڈ اینیمل سائنسز میں دو روزہ "کتب میلہ" 6 اور 7 مارچ 2019ء کو منعقد ہوا، جس میں تحریک منہاج القرآن تحصیل جھنگ نے منہاج القرآن پبلیکیشنز کی نمائندگی کرتے ہوئے شیخ الاسلام ڈاکٹر محمد طاہرالقادری کی تمام کتب اور بالخصوص قرآنی انسائکلوپیڈیا کا سٹال لگایا گیا۔
شیخ الاسلام ڈاکٹر محمد طاہرالقادری کی 68ویں سالگرہ کے سلسلہ میں قائد ڈے تقریب مؤرخہ 23 فروری 2019ء کو دارالعلوم فریدیہ قادریہ جھنگ میں منعقد ہوئی، جس میں صاحبزادہ الحاج محمد صبغت اللہ قادری مہمان خصوصی تھے۔ علامہ عبدالقدیر قادری، صاحبزادہ الحاج محمد طاہر قادری، تحریک منہاج القرآن جھنگ کے مقامی قائدین، کارکنان اور اہل علاقہ کے علاوہ طلباء دارالعلوم فریدیہ قادریہ بھی سالگرہ کی تقریب میں شریک ہوئے۔
شیخ الاسلام ڈاکٹر محمد طاہرالقادری کی آبائی رہائش گاہ دارالفرید القادریہ جھنگ میں 19 فروری 2019ء کو قائد ڈے کی تقریب کا انعقاد کیا گیا۔ جس میں صاحبزادہ الحاج محمد صبغت اللہ قادری مہمان خصوصی تھے۔ صاحبزادہ الحاج محمد طاہر قادری، علامہ عبدالقدیر قادری، تحریک منہاج القرآن جھنگ کے مقامی قائدین، کارکنان اور اہل علاقہ کے معززین بھی بڑی تعداد میں سالگرہ کی تقریب میں شریک ہوئے۔
تحریک منہاج القرآن کے زیراہتمام جھنگ میں شیخ الاسلام ڈاکٹر محمد طاہرالقادری کی معرکۃ الاراء تصنیف و قرآنی علوم کا ذخیرہ ’’قرآنی انسائیکلوپیڈیا‘‘ کی تقریب رونمائی 13 فروری 2019ء کو منعقد ہوئی، جس کی صدارت تحریک منہاج القرآن کے صدر ڈاکٹر حسین محی الدین قادری نے کی۔
تحریک منہاج القرآن کے صدر ڈاکٹر حسین محی الدین قادری نے 13 فروری 2019ء کو جھنگ کا دورہ کیا، دورے میں انہوں نے قائد ڈے کی تقریب قرآنی انسائیکلوپیڈیا تقریب رونمائی میں شرکت کی، جس کے بعد انہوں نے فرید ملت حضرت ڈاکٹر فریدالدین قادری کے مزار پر حاضری دی اور فاتحہ پڑھی۔ اس موقع پر سجادہ نشین آستانہ عالیہ فریدیہ صاحبزادہ صبغت اللہ قادری بھی آپ کے ساتھ تھے۔
تحریک منہاج القرآن جھنگ کے زیراہتمام دارالعلوم فریدیہ جھنگ میں شیخ الاسلام ڈاکٹر محمد طاہرالقادری کی صحت و سلامتی کے لیے خصوصی محفل و دعائیہ تقریب کا اہتمام کیا گیا۔ اس موقع پر صاحبزادہ الحاج محمد صبغت اللہ قادری، صاحبزادہ محمد طاہر قادری تحریک منہاج القرآن جھنگ کے قائدین نے محفل میں خصوصی شرکت کی۔ محفل میں دارالعلوم فریدیہ قادریہ جھنگ کے طلباء بھی شریک ہوئے۔ مقررین کے اظہار خیال کے بعد شیخ الاسلام کی صحت کاملہ و تندرستی اور سلامتی کے لیے دعائیں کی گئی۔
شیخ الاسلام ڈاکٹر محمد طاہرالقادری کے والد گرامی فرید ملت، محسن تحریک حضرت ڈاکٹر فریدالدین قادری رحمۃ اللہ علیہ کا سالانہ عرس مبارک یکم جولائی 2018ء کو جھنگ صدر بستی لوہلے شاہ میں منعقد ہوا۔ عرس تقریبات کی صدارت متولی دربار فریدملت و آستانہ عالیہ صاحبزادہ محمد صبغت اللہ قادری نے کی۔ مرکز سے جواد حامد، عدنان جاوید، سید امجد علی شاہ، علامہ جمیل احمد زاہد، شہزاد رسول قادری حاجی محمد اسحاق، سہیل احمد رضا اور دیگر قائدین کے وفد نے بھی عرس تقریبات شرکت کی۔
تحریک منہاج القرآن جھنگ یوسی 86 کے زیراہتمام قائد ڈے کی پروقار تقریب 26 فروری 2018ء کو منعقد ہوئی۔ تقریب میں شیخ الاسلام ڈاکٹر محمد طاہرالقادری کی 67 ویں سالگرہ کا کیک کاٹا گیا اور درازی عمر و صحت سلامتی کی دعا بھی کی گئی۔ تقریب کی صدارت صاحبزادہ الحاج محمد صبغت اللہ قادری نے کی۔
شیخ الاسلام ڈاکٹر محمد طاہرالقادری کی آبائی رہائش گاہ دارالفرید جھنگ میں 19 فروری 2018ء کو قائد ڈے کی تقریب کا اہتمام کیا گیا۔ یہ پروگرام منہاج القرآن جھنگ کے زیراہتمام دارالفرید فریدیہ ٹرسٹ میں ہوا، جس میں صاحبزادہ الحاج محمد صبغت اللہ قادری، رضا المصطفیٰ قادری اور محمد زین العابدین قادری مہمان خصوصی تھے۔
شیخ الاسلام ڈاکٹر محمد طاہرالقادری کی سالگرہ کے سلسلہ میں دارالعلوم فریدیہ قادریہ جھنگ میں قائد ڈے تقریب کا اہتمام کیا گیا۔ اس تقریب کو ڈائریکٹر دارالعلوم علامہ عبدالقدیر قادری نے منعقد کیا۔ پروگرام میں صاحبزادہ الحاج صبغت اللہ قادری، صاحبزادہ محمد طاہر قادری، رضا المصطفیٰ اور محمد زین الحیدر قادری مہمان خصوصی تھے۔
منہاج القرآن سیکرٹریٹ ضلع جھنگ کے پی پی حلقہ جات کے صدور و ناظمین کا اجلاس منعقد ہوا۔ جس کی صدارت مرکزی نائب ناظم اعلی انجنئیر محمد رفیق نجم نے کی۔ اجلاس میں ضلع جھنگ کے مختلف پی پی حلقوں کے صدور اور ناظمین نے شرکت کی۔ اس موقع پر جھنگ میں تحریک منہاج القرآن کی کارکردگی پر تبادلہ خیال کیا گیا۔ انجئنیر رفیق نجم نے شرکاء کو تحریک کی آئندہ کی حکمت عملی کے حوالے سے بریفنگ دی۔
4M
فیس بک
2M
ٹوٹر
© 1994 - 2025 Minhaj-ul-Quran International.
