سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن وویمن لیگ سیالکوٹ سے زیراہتمام 30 نومبر 2011ء بمطابق 4 محرم الحرام سیدہ زینب علیہا السلام کانفرنس کا انعقاد کیا گیا جس میں منہاج القرآن وویمن لیگ سیالکوٹ کی تنظیم نے بھر پور انتظامات کیے۔
تحریک منہاج القرآن سیالکوٹ کے زیراہتمام 27 نومبر تا 29 نومبر 2011ء بمطابق یکم محرم تا 3 محرم تین روزہ پیغام امام حسین رضی اللہ عنہ کانفرنس کا انعقاد کیا گیا، جس میں سیدنا امام حسین رضی اللہ عنہ کی عظیم شہادت کو خراج تحسین پیش کیا گیا۔
مصطفوی سٹوڈنٹس موومنٹ کا بیداری شعور طلبہ اجتماع آج ناصر باغ لاہور میں سج گیا ہے، جو لاہور کی تاریخ کا سب سے بڑا تاریخی طلبہ اجتماع ہے۔ جس کا مقصد موجودہ ملکی حالات کے حوالے سے طلبہ اور نوجوان کو اہم پیغام دینا ہے کہ پاکستان میں حقیقی تبدیلی کیسے لانی ہے۔ اور اس سیاسی کرپٹ نظام سے کیسے چھٹکارا حاصل کرنا ہے۔ تاکہ اہل اور شفاف قیادت سامنے آ سکے اور ملک کو اس بحران سے نکالا جا سکے۔
مصطفوی سٹوڈنٹس موومنٹ کے زیراہتمام سالانہ بیداری شعور طلبہ اجتماع ناصر باغ لاہور میں 19 نومبر 2011ء کو منعقد ہوا۔ جس میں ملک بھر سے ایک لاکھ طلبہ و طالبات سے شرکت کی۔ طلبہ اجتماع کے معزز مہمانوں میں تحریک منہاج القرآن کے مرکزی امیر فیض الرحمن درانی، ناظم اعلیٰ ڈاکٹر رحیق احمد عباسی اور سینئر نائب ناظم اعلیٰ شیخ زاہد فیاض نے خصوصی شرکت کی۔
بیداری شعور طلبہ اجتماع اس لحاظ سے انتہائی اہمیت کا حامل ہے کہ طلبہ اور نوجوان ملک میں مثبت تبدیلی کیلئے متحرک ہوچکے ہیں۔ طلبہ اجتماع Minhaj TV پر پوری دنیا میں براہ راست دیکھا جائے گا اس طرح ملک اور بیرون ملک کے کروڑوں طلبہ اور نوجوان بھی بالواسطہ طور پر اس تاریخی اجتماع میں شریک ہوں گے۔ اجتماع میں شرکت کیلئے بلوچستان اور سندھ سے ہزاروں طلبہ لاہور پہنچ چکے ہیں۔ ناصر باغ کو خیر مقدمی بینزز سے سجا دیا گیا ہے۔
19 نومبر کو پنجاب یونیورسٹی لاہور ناصر باغ میں ہونے والے آل پاکستان بیداری شعور طلبہ اجتماع کی تیاریوں کے سلسلہ میں گذشتہ روز تحریک منہاج القرآن راولپنڈی کے زیراہتمام ضلعی سیکرٹریٹ البلال پلازہ چاندنی چوک میں ایک ورکرز کنونشن منعقد ہوا۔
منہاج ویلفیئر فاؤنڈیشن کے تحت ہر سال کی طرح امسال بھی ملک بھر میں سینکڑوں مقامات پر اجتماعی قربانی کی گئی۔ شیخ الاسلام ڈاکٹر محمد طاہرالقادری کی خصوصی ہدایت پر منہاج ویلفیئر فاؤنڈیشن نے سندھ میں سیلاب سے متاثرہ درجنوں مقامات اور ملک بھر میں 300 مقامات پر اجتماعی قربانی کر کے متاثرین و مستحقین کو عید کی خوشیوں میں شامل کیا ہے۔
منہاج القرآن ویمن لیگ کی مرکزی ٹیم نے عید الاضحیٰ کے پرمسرت موقع پر یتیم بچوں اور بچیوں کو عید کی خوشیوں میں شریک کرنے کے لیے آغوش (یتیم بچوں کی کفالت کا ادارہ، بغداد ٹاؤن) اور دارالامان (یتیم بچیوں کی کفالت کا ادارہ، یتیم خانہ) کا وزٹ کیا۔ اس موقع پر بچوں اور بچیوں میں تحائف اور پکے ہوئے کھانوں کی تقسیم کی گئی۔
تحریک منہاج القرآن کے گوشہ درود کی ماہانہ مجلس ختم الصلوۃ علی النبی صلی اللہ علیہ وآلہ وسلم کا روحانی اجتماع 3 نومبر 2011ء کو منعقد ہوا۔ مرکزی سیکرٹریٹ میں پروگرام کا انعقاد گوشہ درود کے ہال کی چھت پر کیا گیا، جس کا آغاز نماز عشاء کے بعد ہوا۔ پروگرام کی صدارت ناظم اعلیٰ ڈاکٹر رحیق احمد عباسی نے کی جبکہ دیگر مرکزی قائدین کے علاوہ منہاج ویمن لیگ کی خواتین نے بھی بھرپور شرکت کی۔
ہندوؤں کا مذہبی تہوار "دیوالی" لاہور کے شری کرشنا مندر میں جوش وخروش سے منایا گیا، جس میں انٹرفیتھ ریلشنز منہاج القرآن انٹرنیشنل کے وفد نے سہیل احمد رضا ڈائریکٹر انٹر فیتھ ریلیشنز کی قیادت میں شرکت کی۔ اور پھر دیوالی کے حوالہ سے آواری ہوٹل میں انیگلو ایشین ویلفیئر آرگنائزیشن کے زیراہتمام سیمینار منعقد ہوا، جس میں یوکے سے بابا دویند کمار گہی مہمان خصوصی تھے، جبکہ سہیل احمد رضا دائریکٹر انٹر فیتھ ریلیشنز، ڈاکٹر منور چاند، ڈپٹی سیکریٹری شرائنز ETPB حکومت پاکستان اظہر نذیر سلہری، محترمہ منہاز رفیق، سابق وزیر قانون اعجاز احمد خان، سردار بشن سنگھ، سردار ترنجیت سنگھ نے خصوصی شرکت کی۔
منہاج کالج برائے خواتین ٹاؤن شپ میں طالبات کے لیے تقریب تقسیم انعامات 29 اکتوبر 2011ء کو منعقد ہوئی۔ جس کی صدارت ناظم اعلیٰ ڈاکٹر رحیق احمد عباسی نے کی۔ مرکزی قائدین میں سے بریگیڈئر ریٹائرڈ محمد اقبال خان، جی ایم ملک، ایوان اقبال اکیڈمی کے ڈائریکٹر ڈاکٹر طاہر حمید تنولی، کرنل ریٹائرڈ محمد احمد، ملک شمیم احمد خان نمبردار، قاضی فیض الاسلام، علامہ غلام مرتضیٰ علوی، نور الزمان نوری اور تحفیظ القرآن بوائز کالج کے پرنسپل علامہ حافظ نیاز احمد نے بھی تقریب میں خصوصی شرکت کی۔
مصطفوی سٹوڈنٹس موومنٹ کے زیراہتمام موومنٹ سے وابسطہ سابق قائدین کا اجلاس مرکزی سیکرٹریٹ میں منعقد ہوا جس کی صدارت ملک سعید عالم نے کی۔ پروگرام میں سینئر نائب صدر مصطفوی سٹوڈنٹس موومنٹ عرفان آصف مہمان خصوصی تھے جبکہ ناظم اعلیٰ ڈاکٹر رحیق احمد عباسی نے پروگرام میں خصوصی شرکت کی۔
نیشنل کونسل آف انٹرفیتھ (NCID) لاہور کینٹ کے زیراہتمام انٹرنیشنل پیس ڈے کے موقع پر مورخہ 27 اکتوبر 2011ء کو امن کانفرنس منعقد کی گئی، جس کے انتظامات فادر فرانسسْ ندیم نے کئے۔ کانفرنس میں مختلف مذاہب کی اہم شخصیات نے شرکت کی۔
کینیڈا کے ہائی کمشنر راس ھائینز (Ross Hynes) نے گذ شتہ روز تحریک منہاج القرآن کے ناظم اعلیٰ ڈاکٹر رحیق احمد عباسی سے مرکزی سیکرٹریٹ ماڈل ٹاؤن میں ملاقات کی، سیکنڈ سیکرٹری (پولیٹیکل) انڈریونگ (Andrew Ng) بھی ان کے ہمراہ تھے۔
پاکستان میں تحفظ ناموس رسالت صلی اللہ علیہ وآلہ وسلم کے موضوع پر شیخ الاسلام ڈاکٹر محمد طاہرالقادری کے تاریخ ساز خطابات کے بعد تحریک منہاج القرآن کا خصوصی اجلاس ہوا، جس کی صدارت ناظم اعلیٰ ڈاکٹر احمد عباسی نے کی۔ سینئر نائب ناظم اعلیٰ شیخ زاہد فیاض، امیر پنجاب علامہ احمد نواز انجم سمیت تحریک کے دیگر مرکزی قائدین بھی اس موقع پر موجود تھے۔
4M
فیس بک
2M
ٹوٹر
© 1994 - 2025 Minhaj-ul-Quran International.
