تحریک منہاج القرآن پاکستان کی خبریں

اللہ کے مقرب بندوں کی سنگت زندگی میں تبدیلی پیدا کر دیتی ہے: علامہ محمد وسیم افضل قادری کا عرس تقریب سے خطاب

اللہ کے مقرب بندوں کی سنگت زندگی میں تبدیلی پیدا کر دیتی ہے: علامہ محمد وسیم افضل قادری کا عرس تقریب سے خطاب

صوفی باصفا عاشق رسول صوفی محمد افضل قادری رحمۃ اللہ علیہ کے چوتھے سالانہ عرس مبارک کی تقریب آستانہ غوثیہ ترمذیہ نارنگ منڈی میں منعقد ہوئی، جس میں نائب ناظم تربیت علامہ محمد وسیم افضل قادری نے خطاب کیا۔ انہوں نے کہا کہ اللہ رب العزت نے جن اولیا کرام کا ذکر قرآن پاک میں کیا ہے، ان ہستیو ں کی زندگیوں کا اگرمطالعہ کریں تو یہ وہ لوگ تھے جنہوں نے اپنی زندگیوں کا مرکز ومحور صرف محبت الٰہی اور اطاعت الٰہی کو بنایا ہوا تھا۔ اللہ کے نیک بندوں کی صحبت اور سنگت انسانی زندگی میں تبدیلی پیدا کر دیتی ہے۔

18 نومبر 2021ء

نظامتِ تربیت کے زیراہتمام ’’لیڈرشپ‘‘ تربیتی ورکشاپ

نظامتِ تربیت کے زیراہتمام ’’لیڈرشپ‘‘ تربیتی ورکشاپ

منہاج القرآن کی مرکزی نظامت تربیت کے زیراہتمام ’’لیڈرشپ‘‘ تربیتی ورکشاپ مرکزی سیکرٹریٹ میں منعقد ہوئی، اختتامی سیشن میں صدر منہاج انٹرنیشنل ڈاکٹر حسین محی الدین قادری نے خطاب کیا۔ انہوں نے کہا کہ کامیاب داعی کے لیے ضروری ہے کہ وہ صبر و تحمل، بردباری اور قوتِ برداشت کا پیکر ہو، اپنے قائد اور مشن کا سچا فرزند اور پیروکار وہ ہے جو قائد کے نقش قدم پر ہے اور اس کا حقیقی نمائندہ ہے۔ انہوں نے کہا کہ بطور ذمہ دار اور کارکن دعوتی مساعی میں ہمارے شخصی رویوں، کردار اور اخلاق کا گہرا اثر ہوتا ہے، اور ایسے تربیت یافتہ کارکنان ہی تحریکوں کی کامیابی میں اہم کردار ادا کرتے ہیں۔

14 نومبر 2021ء

گوشہ درود کی ماہانہ مجلس ختم الصلوۃ النبی ﷺ کا اجتماع، 20 ارب سے زائد درود پاک کا ہدیہ پیش کیا گیا

گوشہ درود کی ماہانہ مجلس ختم الصلوۃ النبی ﷺ کا اجتماع، 20 ارب سے زائد درود پاک کا ہدیہ پیش کیا گیا

تحریک منہاج القرآن کے مرکزی گوشہ درود کی ماہانہ مجلس ختم الصلوٰۃ علی النبی صلی اللہ علیہ وآلہ وسلم کا روحانی اجتماع مرکزی سیکرٹریٹ میں منعقد ہوا۔ جس میں ماہ اکتوبر 2021 میں 20 ارب 17 کروڑ 55 لاکھ 38 ہزار اور 23 مرتبہ پڑھا گیا درود پاک حضور صلی اللہ علیہ وآلہ وسلم کی بارگاہ میں پیش کیا گیا۔ اس موقع پر بتایا گیا کہ تحریک منہاج القرآن کے گوشہ درود میں 2005 سے اب تک مجموعی طور پر پڑھے گئے درود پاک کی تعداد 4 کھرب 90 ارب 14 کروڑ 80 لاکھ 80 ہزار اور 147 ہو گئی ہے۔

13 نومبر 2021ء

ڈاکٹر حسن محی الدین قادی کا منہاج کالج برائے خواتین میں تقریب سے خطاب

ڈاکٹر حسن محی الدین قادی کا منہاج کالج برائے خواتین میں تقریب سے خطاب

چیئرمین سپریم کونسل منہاج القران انٹرنیشنل ڈاکٹر حسن محی الدین قادی نے منہاج کالج برائے خواتین میں داخلہ لینے والی طالبات کے اعزاز میں منعقدہ تعارفی و تربیتی نشست سے خطاب کرتے ہوئے کہا کہ اگر علم، عمل میں ڈھل جائے تو علم نافع بن کر تقوی کے حصول کا ذریعہ بنتا ہے۔ انہوں نے کہا کہ اہل علم حضرات اور دانشور قوموں کو اخلاقی، روحانی اور معاشی عروج کی منزل سے ہمکنار کرتے ہیں۔

11 نومبر 2021ء

گوجرہ: منہاج القران تاجدار کائناتﷺ کے عشق و محبت کی داعی تحریک ہے: ڈاکٹر حسین محی الدین قادری کا ’’جشنِ آمد رسولﷺ‘‘ کانفرنس سے خطاب

گوجرہ: منہاج القران تاجدار کائناتﷺ کے عشق و محبت کی داعی تحریک ہے: ڈاکٹر حسین محی الدین قادری کا ’’جشنِ آمد رسولﷺ‘‘ کانفرنس سے خطاب

تحریک منہاج القران گوجرہ کے زیراہتمام چک نمبر 284 ج ب راجپوت نگر میں منعقدہ ’’جشنِ آمد رسولﷺ کانفرنس‘‘ میں صدر منہاج القرآن ڈاکٹر حسین محی الدین قادری نے خطاب کرتے ہوئے کہا کہ منہاج القران تاجدار کائناتﷺ کے عشق ومحبت کی داعی تحریک ہے۔ انہوں نے کہا کہ اس دور میں اگر ہمیں تاجدار کائنات ﷺ کی شفاعت، کرم، واسطہ اور وسیلہ چاہیے تو ہمیں اپنے اعمال اور اخلاق سنوارنے ہوں گے۔ کانفرنس میں علامہ محمد ادریس رانا، میاں ریحان مقبول، میاں کاشف محمود، حافظ ربنواز انجم، صاحبزادہ صبغت اللہ قادری، قاری ریاست علی چدھڑ اور دیگر قائدین نے بھی شرکت کی۔

10 نومبر 2021ء

گوجرانوالہ: میلادِ مصطفیٰ ﷺ کانفرنس میں ڈاکٹر حسن محی الدین قادری کا خطاب

گوجرانوالہ: میلادِ مصطفیٰ ﷺ کانفرنس میں ڈاکٹر حسن محی الدین قادری کا خطاب

چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے گوجرانوالہ میں میلادِ مصطفیٰ ﷺ کانفرنس سے خطاب کرتے ہوئے کہا کہ آقا کریم ﷺ کی سچی محبت کی نشانی یہ ہے کہ آپﷺ کی تعلیمات پہ عمل کیا جائے۔ انہوں نے کہا کہ محبت مصطفیٰ ﷺ کا مطلب یہ ہے کہ بندہ حضور ﷺ کا مطیع بھی ہو، حضور ﷺ کا فرمانبردار بھی ہو اور سنت مصطفیٰ ﷺ پہ چلنے والا بھی ہو، سیرتِ مصطفیٰ ﷺ کو اپنانے والا بھی ہو اور حضور ﷺ کے اقوال کے مطابق زندگی بسر کرنے والا بھی ہو۔ منہاج القرآن، اطاعت مصطفیٰ، نسبت مصطفیٰ، وارفتگی مصطفیٰ ﷺ کی تحریک ہے۔

09 نومبر 2021ء

علامہ اقبالؒ کے یوم ولادت پر نظامت امور خارجہ کی تقریب

علامہ اقبالؒ کے یوم ولادت پر نظامت امور خارجہ کی تقریب

شاعر مشرق، حکیم الامت علامہ محمد اقبالؒ کے 144 ویں یوم ولادت کے موقع پر منہاج القرآن کی نظامت امور خارجہ ٹیم نے ڈائریکٹر جی ایم ملک کے ساتھ کیک کاٹا۔ تقریب نظامت امور خارجہ کے دفتر میں ہوئی، اس موقع پر ڈائریکٹر فارن افیئر جی ایم ملک، انجینئر ڈاکٹر محمد رفیق نجم، غلام مرتضیٰ علوی، ڈائریکٹر مالیات عبدالرحمن، ندیم اعوان، قاضی مدثر، وسیم افضل اور محمد نعیم بھی موجود تھے۔

09 نومبر 2021ء

لاہور: سیکرڈ ہارٹ کتھیڈرل کیتھولک چرچ میں ”مسلم مسیحی تعلقات کا فروغ“ سیمینار سے ڈاکٹر حسین محی الدین قادری کا خطاب

لاہور: سیکرڈ ہارٹ کتھیڈرل کیتھولک چرچ میں ”مسلم مسیحی تعلقات کا فروغ“ سیمینار سے ڈاکٹر حسین محی الدین قادری کا خطاب

میشن برائے بین المذاہب مکالمہ کیتھولک چرچ آف پاکستان، انٹر فیتھ ریلیشنز منہاج القرآن انٹرنیشنل اور کل مسالک علماء بورڈ کے تعاون سے ”مسلم مسیحی تعلقات کا فروغ“ سیمینار سینٹ انتھنی ہال، سیکرڈ ہارٹ کتھیڈرل کیتھولک چرچ ریگل چوک لاہور میں منعقد ہوا، جس میں صدر منہاج القرآن انٹرنیشنل اور ڈپٹی چیئرمین بورڈ آف گورنرز منہاج یونیورسٹی لاہور ڈاکٹر حسین محی الدین قادری نے خطاب کرتے ہوئے کہا کہ اسلام ادیان عالم کا محافظ ہے اور تمام مذاہب کے پیروکاروں کے لیے امن کا پیامبر ہے۔ پیغمبر رحمت حضرت محمد صلی اللہ علیہ وآلہ وسلم کی تعلیمات امن و رحمت ہیں، جو تمام مذاہب عالم کے لیے یکساں ہیں۔ آپ صلی اللہ علیہ وآلہ وسلم کی تعلیمات امن پر پیرا ہونا ہی امن عالم کی ضمانت ہے۔

08 نومبر 2021ء

منہاج القرآن انٹرنیشنل برطانیہ کے رہنماء شیخ ممتاز حسین نقشبندی مرحوم کے لیے دعائیہ تقریب

منہاج القرآن انٹرنیشنل برطانیہ کے رہنماء شیخ ممتاز حسین نقشبندی مرحوم کے لیے دعائیہ تقریب

منہاج القرآن انٹرنیشنل برطانیہ کے رہنماء احمد نواز اور محمد سرفراز کے والد گرامی شیخ ممتاز حسین نقشبندی مرحوم کے ایصال ثواب کیلئے گوشۂ درود میں دعائیہ تقریب منعقد ہوئی، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے شرکت کی۔ اس موقع پر قرآن خوانی ہوئی اور چیئرمین سپریم کونسل ڈاکٹر حسن محی الدین قادری نے شیخ ممتاز حسین نقشبندی (مرحوم) کے بلندی درجات کیلئے دعا کی۔

08 نومبر 2021ء

نظامتِ تربیت کے زیراہتمام تربیتی ورکشاپ، گوشہ درود موبائل ایپ کا افتتاح

نظامتِ تربیت کے زیراہتمام تربیتی ورکشاپ، گوشہ درود موبائل ایپ کا افتتاح

تحریک منہاج القرآن کے نظامتِ تربیت کے زیراہتمام مرکزی سیکرٹریٹ پر دو روزہ تربیتی ورکشاپ اختتام پزیر ہو گئی، اختتامی سیشن میں چیئرمین سپریم کونسل منہاج القرآن انٹرنیشنل ڈاکٹرحسن محی الدین قادری نے خصوصی شرکت کی۔ اس موقع پر ڈاکٹر حسن محی الدین قادری نے خطاب کرتے ہوئے کہا کہ جدید ذرائع ابلاغ اسلام اور تحریک کی فکر کو عام کرنے اور عامۃ الناس تک پہنچانے کیلئے کلیدی کردار ادا کرسکتے ہیں، لہذا ہمیں دور جدید کے تمام تر ذرائع ابلاغ کو بروئے کار لاتے ہوئے اسلام کا پیغام امن و رحمت اور پیغام محبت لوگوں تک پہنچانا چاہئیے۔ اس موقع پر ڈاکٹر حسن محی الدین قادری نے گوشۂ درود کی موبائل ایپلیکیشن کو ڈاؤن لوڈ کرکے اس کا باقاعدہ افتتاح بھی کیا۔

07 نومبر 2021ء

منہاج انٹرنیٹ بیورو کی تیار کردہ گوشہ درود موبائل ایپلی کیشن کا افتتاح

منہاج انٹرنیٹ بیورو کی تیار کردہ گوشہ درود موبائل ایپلی کیشن کا افتتاح

چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے منہاج انٹرنیٹ بیورو کی تیار کردہ گوشہ درود موبائل ایپلی کیشن کا افتتاح کر دیا، لیڈرشپ ٹریننگ ورکشاپ کے دوران افتتاحی تقریب میں انہوں نے گوشہ درود کی موبائل ایپ کو ڈاون لوڈ کر کے باقاعدہ لانچ کیا، اس موقع پر انہوں نے گوشہ درود کی موبائل ایپ ڈویلپ کرنے پر ڈائریکٹر منہاج انٹرنیٹ بیورو عبدالستار منہاجین، آئی ٹی مینجر محمد ثناء اللہ اور انکی پوری ٹیم کو خصوصی مبارکباد بھی دی۔

07 نومبر 2021ء

نظامت تربیت کے زیراہتمام دو روزہ ٹریننگ ورکشاپ کا آغاز

نظامت تربیت کے زیراہتمام دو روزہ ٹریننگ ورکشاپ کا آغاز

منہاج القرآن کے ڈائریکٹوریٹ آف ٹریننگ کے زیراہتمام مرکزی سیکرٹریٹ پر دو روزہ ٹریننگ ورکشاپ کا انعقاد کیا گیا۔ ورکشاپ میں افتتاحی روز ناظم اعلیٰ خرم نواز گنڈاپور نے خطاب کرتے ہوئے کہا کہ اس ٹریننگ سیشن کا بنیادی مقصد جدید دور کے تقاضوں کے مطابق کارکنان کی ایسی تربیت کرنا ہے تاکہ مرکز سے لیکر یونین کونسل تک جب تنظیمات تحریک کا پیغام لیکر عامۃ الناس تک جائیں تو اس میں یکسوئی بھی ہو اور یکسانیت بھی ہو۔ انہوں نے کہا کہ مشن کا عِلم، امن اور محبت والا پیغام موثر اور دل پذیر انداز میں گراس روٹ لیول تک پہنچنا ہماری ذمہ داری ہے، جس کے لیے ورکشاپ کا انعقاد کیا گیا۔

06 نومبر 2021ء

ڈاکٹر علی وقار قادری کی والدہ محترمہ کی پہلی برسی پر دعائیہ تقریب کا انعقاد

ڈاکٹر علی وقار قادری کی والدہ محترمہ کی پہلی برسی پر دعائیہ تقریب کا انعقاد

ڈائریکٹر لارل ہوم سکولز ڈاکٹر علی وقار قادری کی والدہ محترمہ کی پہلی برسی کے موقع پر دعائیہ تقریب منہاج یونیورسٹی لاہور میں منعقد ہوئی، جس میں چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے خصوصی شرکت کی۔ اس موقع پر آپ نے خطاب بھی کیا۔ دعائیہ تقریب کا آغاز قرآن خوانی سے ہوا، جس کے بعد تلاوت و نعت خوانی بھی ہوئی۔

06 نومبر 2021ء

منہاج یونیورسٹی میں حسان بن ثابت ؓ نعت ریسرچ سنٹر کا افتتاح آج ہو گا

منہاج یونیورسٹی میں حسان بن ثابت ؓ نعت ریسرچ سنٹر کا افتتاح آج ہو گا

منہاج یونیورسٹی لاہور میں حسان بن ثابت ؓ نعت ریسرچ سنٹر کا افتتاح آج 4 نومبر (جمعرات) کو ہو گا۔ تقریب کی صدارت صوبائی وزیر مذہبی امور سید سعید الحسن شاہ کریں گے۔ حسان بن ثابت ؓ نعت ریسرچ سنٹر کا افتتاح منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری کریں گے اور خصوصی خطاب بھی کریں گے، منہاج یونیورسٹی لاہور کے بورڈ آف گورنرز کے ڈپٹی چیئرمین ڈاکٹر حسین محی الدین قادری کلمات تشکر پیش کریں گے۔

04 نومبر 2021ء

منہاج یونیورسٹی لاہور میں حسان بن ثابتؓ نعت ریسرچ سنٹر کا افتتاح

منہاج یونیورسٹی لاہور میں حسان بن ثابتؓ نعت ریسرچ سنٹر کا افتتاح

فیکلٹی آف لینگوئجز منہاج یونیورسٹی لاہور کے زیراہتمام منعقدہ ’’حسان بن ثابتؓ نعت ریسرچ سنٹر‘‘ کی افتتاحی تقریب سے خطاب کرتے ہوئے چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے کہا کہ اللہ رب العزت نے ابتدائے آفرینش سے اپنے محبوب نبی مکرم محمد مصطفی ﷺ کا ذکر بلند رکھا اور ہر زمانے میں مختلف مذاہب پر اتارے جانے والے صحیفوں میں نبی آخر الزمان ﷺ کا تعارف کروایا۔ ہر زمانے میں نہ صرف مسلمان بلکہ دوسرے مذاہب کے ماننے والوں نے بھی مدحت رسول ﷺ بیان کی۔ ڈاکٹر حسن محی الدین قادری نے مزید کہا کہ منہاج یونیورسٹی میں حسان بن ثابت نعت ریسرچ سنٹر کا قیام نوجوان نسل میں عشق مصطفی ﷺ کو جاں گزیں کرنے اور نعت رسول ﷺ پر تحقیق کرنے کے لیے ایک رول ماڈل ثابت ہوگا۔

04 نومبر 2021ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

Views of Dignitaries

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top