تحریک منہاج القرآن پاکستان کی خبریں

ایم ایس ایم کی لاہور پریس کلب کے باہر عیسائی برادری کی جانب سے دعائیہ تقریب میں شرکت

ایم ایس ایم کی لاہور پریس کلب کے باہر عیسائی برادری کی جانب سے دعائیہ تقریب میں شرکت

مصطفوی سٹوڈنٹس موومنٹ کے مرکزی قائدین نے لاہور پریس کلب کے باہر عیسائی برادری کی جانب سے دعائیہ تقریب میں شرکت کی اور اظہار یکجہتی کیا۔ اس موقع پر مصطفوی سٹوڈنٹس موومنٹ کے مرکزی صدر عرفان یوسف نے پاکستان بھر کے طلبہ کی جانب سے موقف پیش کرتے ہوئے کہا کہ شہزاد اور شمع کو زندہ جلانے والے اسی بھٹے پرسرعام پھانسی کے حقدار ہیں۔اقلیتی برادری کیساتھ ایسے واقعات پاکستان کے عالمی امیج پر بدترین داغ ہیں۔

14 نومبر 2014ء

شہزاد مسیح اور شمع بی بی کی یاد میں بین المذاہب دعائیہ تقریب، امن کی شمعیں روشن کی گئیں‎

شہزاد مسیح اور شمع بی بی کی یاد میں بین المذاہب دعائیہ تقریب، امن کی شمعیں روشن کی گئیں‎

یو آر آئی پاکستان (URI)، پاکستان عوامی تحریک مسلم کرسچن ڈائیلاگ فورم اور پیس سنٹر لاہور کے تحت سانحہ کوٹ رادھا کشن کے متاثرین شہزاد مسیح اور شمع بی بی کی یاد میں لاہور پریس کلب کے سامنے بین المذاہب دعائیہ تقریب کا اہتمام کیا گیا اور شمعیں روشن کی گئیں۔ اس موقع پر خواتین کی اور بچوں کی بھی کثیر تعداد موجود تھی۔ پاکستان عوامی تحریک کے سیکرٹری جنرل خرم نواز گنڈا پور نے دعائیہ تقریب میں اجتماع سے خطاب کرتے ہوئے کہا کہ سانحہ کوٹ رادھا کشن میں شہزاد مسیح اور شمع بی بی کے سفاکانہ قتل پر ہر پاکستانی دکھی ہے ہم اس پر تشدد کارروائی کی پر زور مذمت کرتے ہیں۔

13 نومبر 2014ء

ایم ایس ایم کا ڈاکٹر طاہرالقادری کے خلاف آریسٹ وارنٹ پر لاہور پریس کلب کے باہر مظاہرہ

ایم ایس ایم کا ڈاکٹر طاہرالقادری کے خلاف آریسٹ وارنٹ پر لاہور پریس کلب کے باہر مظاہرہ

مصطفوی سٹوڈنٹس موومنٹ لاہور کے زیراہتمام پریس کلب کے سامنے ڈاکٹر طاہرالقادری کے وارنٹ گرفتار ی جاری ہونے کے خلاف احتجاجی مظاہرہ کیا گیا۔ احتجاجی مظاہرے سے خطاب کرتے ہوئے مرکزی صدر ایم ایس ایم پاکستان عرفان یوسف نے کہا کہ انسداد دہشت گردی عدالتوں کو ماڈل ٹاؤن میں ہونے والی بربریت نظر کیوں نہیں آتی؟ شہدائے ماڈل ٹاؤن کو کب انصاف ملے گا؟ انصاف کیلئے آواز اٹھانے والوں کے خلاف عدلیہ حکومتی آلہ کار نہ بنے اور انصاف کے تقاضے پورے کرے۔

12 نومبر 2014ء

ڈسکہ: تحریک منہاج القرآن کے زیراہتمام ‘‘سلام یاحسین (علیہ السلام)’’ کانفرنس

ڈسکہ: تحریک منہاج القرآن کے زیراہتمام ‘‘سلام یاحسین (علیہ السلام)’’ کانفرنس

تحریک منہاج القرآن تحصیل ڈسکہ کے زیراہتمام سلام یا حسین (علیہ السلام) کانفرنس کا انعقاد کیا گیا، جس میں مرد و خواتین کی کثیر تعداد نے شرکت کی۔ کانفرنس کی صدارت تحصیل ڈسکہ کے صدر محمد اسلم بسرا نے کی۔ اس موقع پر علامہ ظہیر احمد نقشبندی نے شہادت امام حسین علیہ السلام کے موضوع پر پرمغز اور مدلل خطاب کرتے ہوئے کہا کہ شہادت امام حسین سے ہمیں باطل کے خلاف ڈٹ جانے کا پیغام ملتا ہے۔

11 نومبر 2014ء

پاکستان عوامی تحریک کے صدر ڈاکٹر رحیق احمد عباسی کا فیصل آباد ڈویژن کا دورہ

پاکستان عوامی تحریک کے صدر ڈاکٹر رحیق احمد عباسی کا فیصل آباد ڈویژن کا دورہ

پاکستان عوامی تحریک نے ملک گیر تنظیمی دوروں کا شیڈول جاری کیا تھا جس کے مطابق ڈاکٹر رحیق احمد عباسی پہلے مرحلے میں فیصل آباد ڈویژن کا 8 نومبر سے 16 نومبر تک 8 روزہ دورہ کریں گے۔ اپنے اس دورہ میں ڈاکٹر رحیق احمد عباسی سانحہ ماڈل ٹاؤن، 10 اگست اور انقلاب دھرنے میں شہید و گرفتار ہونیوالے کارکنان کے گھروں میں گے اور ان سے ملاقات کی۔ اس موقع پر انکے ہمراہ رانا محمد ادریس قادری اور میاں عبدالقادر بھی تھے۔ ڈاکٹر رحیق احمد عباسی نے پاکستان عوامی تحریک کی تنظیم سازی اور ممبر سازی مہم کا جائزہ بھی لیا۔

10 نومبر 2014ء

لاہور: پاکستان عوامی تحریک کے رہنماؤں کی یوم اقبال کے موقع پر مزار اقبال پر حاضری

لاہور: پاکستان عوامی تحریک کے رہنماؤں کی یوم اقبال کے موقع پر مزار اقبال پر حاضری

شاعر مشرق علامہ محمد اقبال کے یوم پیدائش کے موقع پر قائد انقلاب ڈاکٹر محمد طاہرالقادری کی جانب سے منہاج القرآن انٹرنشنل و پاکستان عوامی تحریک راوی ٹاؤن کی جانب سے مزار اقبال پر پھولوں کی چادر چڑھائی گئی۔ اس موقع پر منہاج القرآن انٹرفیتھ ریلیشنز کے ڈائریکٹر سہیل احمد رضا، ڈاکٹر اقبال نور صدر پاکستان عوامی تحریک راوی ٹاؤن، ناظم ویلفیئر لاہور ثناء اللہ خان، ویمن لیگ لاہور کی رہنما محترمہ رخسانہ اقبال، عنبرین سہیل، ناظمہ ایم ایس ایم لاہور رامین اقبال، ریحانہ اقبال اور زارا احمد نے شرکت کی۔

09 نومبر 2014ء

خون دور کی بات کارکنوں کے پسینے کا بھی سودا نہیں ہو سکتا۔ ڈاکٹر حسین محی الدین

خون دور کی بات کارکنوں کے پسینے کا بھی سودا نہیں ہو سکتا۔ ڈاکٹر حسین محی الدین

خون دور کی بات کارکنوں کے پسینے کا بھی سودا نہیں ہو سکتا، شہید کارکنوں کا قصاص ہر صورت لیا جائیگا۔ سانحہ واہگہ بارڈر دہشت گردی کے ذمہ دار نااہل حکمران ہیں، جنہیں عوام کے جان مال کی کوئی پروا نہیں، حکمرانوں نے عوام سے جینے کا حق بھی چھین لیا ہے، ظالموں کو آئین و قانون کے مطابق سزا دلوا کر دم لیں گے۔ ان خیالات کا اظہار پاکستان عوامی تحریک کی فیڈرل کونسل کے صدر ڈاکٹر حسین محی الدین قادری نے شہدائے ماڈل ٹاؤن اور سانحہ واہگہ بارڈر دہشتگردی کے دوران شہید ہونے والے افراد کے اہل خانہ سے گفتگو کے دوران کیا۔

07 نومبر 2014ء

شہدائے کربلا نے جو شعور دیا وہ حق کا استعارہ بن کر انسانیت کا سر فخر سے بلند رکھے گا: ڈاکٹر طاہرالقادری

شہدائے کربلا نے جو شعور دیا وہ حق کا استعارہ بن کر انسانیت کا سر فخر سے بلند رکھے گا: ڈاکٹر طاہرالقادری

ڈاکٹر محمد طاہرالقادری نے یوم عاشورہ پر اپنے پیغام میں کہا ہے کہ قوم کو آج یزیدی نظام کے خلاف اٹھنے کا عہد کرنا ہو گا اس سے ملکی استحکام اور خوشحالی دونوں نصیب ہوں گی۔ امت مسلمہ اور پاکستانی قوم یزیدی رویوں کے خلاف جہد مسلسل سے ہی عظمت و رفعت سے ہمکنار ہو سکتی ہے۔ حسینیت کا درس سراپا قربانی بن کر یزیدی رویوں کے خلاف برسر پیکار رہنا اور انسانیت کو امن و سلامتی کا دائمی ماحول دینے کی جدوجہد کرتے رہنا ہے۔

03 نومبر 2014ء

ماڈل ٹاون سانحہ، گلو بٹ کو 11سال قید کی سزا سنا دی گئی

ماڈل ٹاون سانحہ، گلو بٹ کو 11سال قید کی سزا سنا دی گئی

لاھور: انسداد دہشت گردی کی عدالت نے گلو بٹ کو سانحہ ماڈل ٹاون کیس کی سماعت کے دوران گیارہ سال قید کی سزا سنا دی جبکہ ملزم کو ایک لاکھ سے زائد کا جرمانہ بھی ادا کرنا ہوگا۔ اس سے قبل آج صبح انسداد دہشت گردی کی عدالت نے مزکورہ کیس کا فیصلہ محفوظ کر لیا تھا جو بعد ازاں سنا دیا گیا۔ کیس کی سماعت کے دوران گلو بٹ کے وکلا نے عدالت میں موقف اختیار کیا کہ گلو بٹ کا جرم ایسا نہیں کہ اس کو دہشت گردی کے زمرے میں لیا جائے اس لئے اس کو بری کردیا جائے تاہم سرکاری وکیل کا کہنا تھا کہ گلو بٹ نے سرکاری اور عوامی املاک کا نقصان کیا ہے اور یہ دہشت گردی کے زمرے میں آتا ہے اس لئے اسے زیادہ سے زیادہ سزا سنائی جائے۔

30 اکتوبر 2014ء

لاہور کی انسداد دہشت گردی کی عدالت نے گلو بٹ کو 11 سال سے زائد قید کی سزا سنا دی

لاہور کی انسداد دہشت گردی کی عدالت نے گلو بٹ کو 11 سال سے زائد قید کی سزا سنا دی

لاہور: انسداد دہشت گردی کی خصوصی عدالت نے سانحہ ماڈل ٹاؤن کے روز گاڑیاں توڑنے والے کردار گلو بٹ کو جرم ثابت ہونے پر11 سال 3 ماہ قید کی سزا سنا دی۔ لاہور کی انسداد دہشت گردی کی خصوصی عدالت نے طویل سماعت کے بعد 17 جون کو ماڈل ٹاؤن میں شہریوں کی گاڑیاں توڑنے والے گلو بٹ کو جرم ثابت ہونے پر 11 سال 3 ماہ قید اورایک لاکھ گیارہ ہزارروپے جرمانے کی سزا سنادی۔ عدالت نے فیصلے کے بعد مجرم کو گرفتار کرکے جیل بھیجنے کے احکامات بھی جاری کئے جس کے بعد کمرہ عدالت میں موجود گلو بٹ کو گرفتارکرلیا گیا۔

30 اکتوبر 2014ء

ووٹ اور انقلابی طاقت سے ظلم کے خلاف لڑ کر ظالمانہ نظام کو بدلیں گے: ڈاکٹر طاہرالقادری

ووٹ اور انقلابی طاقت سے ظلم کے خلاف لڑ کر ظالمانہ نظام کو بدلیں گے: ڈاکٹر طاہرالقادری

ڈاکٹر محمد طاہرالقادری نے کہا ہے کہ ڈیل کی افواہیں پھیلانے والے خدا کا خوف کریں، فریقین کی دستخط شدہ کاپی لانے والے کو 5 کروڑ نقد انعام دوں گا۔ میرا پلان لندن جانے کا تھا مجھے اطلاع ملی کہ میاں شہباز شریف بھی جا رہے ہیں تو میں نے اپنے سفر کا پلان بدل لیا تاکہ کوئی نیا لندن پلان جنم نہ لے۔ 16 نومبر کو وطن واپس آؤں گا۔ وہ گزشتہ روز اپنی رہائش گاہ کے باہر ہنگامی پریس کانفرنس سے خطاب کر رہے تھے۔

27 اکتوبر 2014ء

پاکستان عوامی تحریک پنجاب کے ضمنی الیکشن میں بھرپور حصہ لے گی: ڈاکٹر طاہرالقادری

پاکستان عوامی تحریک پنجاب کے ضمنی الیکشن میں بھرپور حصہ لے گی: ڈاکٹر طاہرالقادری

لاہور: میڈیا سے گفتگو کرتے ہوئے ڈاکٹر طاہرالقادری نے کہا کہ اسلام آباد میں دھرنے کو ملک گیر دھرنوں میں تبدیل کر دیا ہے۔ 70 دن کے دھرنوں سے قوم میں بیداری پیدا ہوئی۔ طاہرالقادری نے اعلان کیا کہ عوامی تحریک جنرل الیکشن کے ساتھ تمام ضمنی انتخابات میں بھی حصہ لے گی۔

25 اکتوبر 2014ء

انقلاب کے ذریعے مظلوم پرور نظام لائیں گے۔ ڈاکٹر طاہرالقادری

انقلاب کے ذریعے مظلوم پرور نظام لائیں گے۔ ڈاکٹر طاہرالقادری

ڈاکٹر طاہرالقادری نے ہری پور میں ایک بڑے جلسہ سے خطاب کرتے ہوئے کہا کہ ملک میں قانون، جمہوریت اور انصاف کا قتل ہو چکا ہے۔ انقلاب کے ذریعے مظلوم پرور نظام لائیں گے۔ ہری پور والوں نے ظلم و بربریت کے نظام کا علامتی جنازہ نکال دیا جلد حقیقی جنازہ اٹھنے والا ہے۔ شہدا کے خون سے غداری اور بے وفائی نہیں کرینگے۔ ڈیل کی باتیں کرنیوالے خود بکے ہوئے ہیں۔ حکمران بے پناہ ٹیکسوں کے ذریعے عوام کے خون کا آخری قطرہ بھی نچوڑنا چاہتے ہیں۔

24 اکتوبر 2014ء

غیر جمہوری اور ناکام حکومت کے خلاف نئے سے نئے محاذ کھولیں گے۔ ڈاکٹر طاہرالقادری

غیر جمہوری اور ناکام حکومت کے خلاف نئے سے نئے محاذ کھولیں گے۔ ڈاکٹر طاہرالقادری

ایبٹ آباد میں عوامی تحریک کے انقلاب اجتماع سے خطاب کرتے ہوئے ڈاکٹر طاہرالقادری کا کہنا تھا کہ جب ہم نے اسلام آباد دھرنے کو ملک گیر تحریک میں بدلنے اور شہر شہر لے جانے کا فیصلہ کیا تو بعض لوگوں کی جانب سے تنقید کی گئی کہ انقلاب مارچ ختم ہو گیا لیکن جو لوگ انقلاب کے لئے جدوجہد کر رہے ہیں ان سے کہنا چاہتا ہوں کہ وہ تنقید کرنے والوں کی باتوں پر کان نہ دھریں اور اپنی جدوجہد جاری رکھیں۔

23 اکتوبر 2014ء

دھرنا ختم نہیں ملک گیر تحریک میں تبدیل ہوا، کمانڈر ہوں محاذ بدلا جنگ جاری ہے: ڈاکٹر طاہرالقادری

دھرنا ختم نہیں ملک گیر تحریک میں تبدیل ہوا، کمانڈر ہوں محاذ بدلا جنگ جاری ہے: ڈاکٹر طاہرالقادری

ڈاکٹر محمد طاہرالقادری نے کہا ہے کہ اسلام آباد میں دھرنا ختم نہیں ہوا بلکہ ملک گیر تحریک میں تبدیل ہوا۔ ڈیل اور پیسوں کی الزام تراشی پر کروڑ بار لعنت۔ پوری دنیا کی حکومتوں کا سرمایہ بھی میرے جوتے کا سودا نہیں کر سکتا۔ کمانڈر ہوں محاذ بدلا جنگ جاری ہے۔ انہوں نے ایبٹ آباد کے جلسہ میں لاکھوں شرکاء سے خطاب کرتے ہوئے کہا کہ ایبٹ آباد کے عوام پاکستان عوامی تحریک کو اکثریت دلوائیں سب سے پہلے ہزارہ صوبہ کا تحفہ دوں گا۔ گھر نہیں جا رہا شہر شہر جا رہا ہوں۔

23 اکتوبر 2014ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

Views of Dignitaries

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top