سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن کی مرکزی مجلس عاملہ کا اجلاس مرکزی سیکرٹریٹ میں منعقد ہوا۔ اجلاس میں نائب صدر منہاج القرآن انٹرنیشنل بریگیڈیئر (ر) اقبال احمد خان، ناظم اعلیٰ منہاج القرآن انٹرنیشنل خرم نواز گنڈاپور، جملہ نائب ناظمین اعلیٰ، ناظمین، سربراہان شعبہ جات اور ممبران مجلس عاملہ نے شرکت کی اور اپنے اپنے شعبہ جات کی تین سالہ کارکردگی رپورٹ پیش کی۔ اجلاس میں شیخ الاسلام ڈاکٹر محمد طاہرالقادری کے ویژن کے مطابق زندگی کے ہر شعبہ میں دینی، سماجی، فلاحی خدمات انجام دینے اور پاکستان کو علم و امن کا گہوارہ بنانے کا عزم کیا گیا۔
شیخ الاسلام ڈاکٹر محمد طاہرالقادری نے 5 ستمبر کو منعقدہ مرکزی مجلس عاملہ کے اجلاس سے خطاب کرتے ہوئے کہا کہ مرکزی مجلس عاملہ اور مرکزی مجلس شوریٰ کو مشاورت کے بامقصد اور مجاز اداروں کا کردار دینا چاہتا ہوں۔ لہٰذا ان دستوری فورمز کی ہیئت میں تبدیلی لائی جا رہی ہے، میں اپنی زندگی میں اپنے تمام اختیارات کسی فرد واحد کی بجائے تحریک منہاج القرآن کی سپریم کونسل کو منتقل کر رہا ہوں۔ سپریم کونسل میں پاکستان کے اندر اور باہر سے نمائندے شامل ہیں، سپریم کونسل اپنے فیصلوں کے حوالے سے مجھ سے توثیق کرواتی رہے گی۔
منہاج القرآن نظامت تربیت و کورسز کے زیراہتمام 20 روزہ عالمی آن لائن فن قرأت کورس کی اختتامی تقریب سے خطاب کرتے ہوئے چیئرمین سپریم کونسل ڈاکٹر حسن محی الدین قادری نے کہا کہ اللہ جس پر راضی ہوتا ہے اس پر فہم قرآن کے دروازے کھول دیتا ہے، آج کے نفسا نفسی کے دور میں جو لوگ علوم قرآن کی تفہیم کے لئے کوشش کرتے ہیں وہ خوش قسمت ہیں، انہوں نے 20 روزہ عالمی فن قرأت کورس میں حصہ لینے والے ہزار ہا افراد کو کورس کی تکمیل پر مبارکباد دی۔
اسیر انقلاب راحت نزیر کی والدہ محترمہ مؤرخہ 31 اگست 2020 کو شیخوپورہ میں انتقال کر گئی تھیں، ان کی نماز جنازہ قاری ریاست علی چدھڑ (سیکرٹری کوآرڈینیش تحریک منہاج القرآن وسطی پنجاب) نے پڑھائی، جبکہ چیئرمین سپریم کونسل ڈاکٹر حسن محی الدین قادری نے خصوصی دعا کی اور اہل خانہ سے تعزیت کی۔ سیکرٹری کوآرڈینیش تحریک منہاج القرآن محمد طیب ضیاء نے نماز جنازہ میں شرکت کی۔ خالد محمود منہاجین ناظم تحریک ضلع شیخوپورہ ضلعی/ پی پی اور UC عہدیداران اور کارکنان نے بڑی تعداد میں شرکت کی۔
شیخ الاسلام ڈاکٹر محمد طاہرالقادری نے منہاج القرآن علماء کونسل کے زیراہتمام مرکزی سیکرٹریٹ میں منعقدہ ’’شہادت امام حسین علیہ السلام اور اتحاد امت کانفرنس‘‘ سے خطاب کرتے ہوئے کہا کہ کربلا میں شہادت امام عالی مقام کو نفس انسانی کے قتل کے دائرے میں نہیں دیکھا جا سکتا بلکہ نواسۂ رسول امام علی مقام کو شہید کر کے رسول پاک ﷺ کو اذیت پہنچائی گئی۔ آج بعض ناسمجھ کربلا میں نفوس قدسیہ کی شہادت کو نفس انسانی کے قتل کے شرعی پیمانے میں تول رہے ہیں جو نقص عقل ہے۔
تحریک منہاج القرآن باہتر (ضلع اٹک) کے زیراہتمام ’’پیغام امام حسین علیہ السلام کانفرنس‘‘ منعقد ہوئی جس میں نائب ناظم اعلی تنظیمات شمالی زون علامہ رانا محمد ادریس قادری نے خصوصی شرکت کی اور خطاب بھی کیا۔ انہوں نے اپنے خطاب میں کہا کہ کربلا میں جس طرح امام حسین علیہ السلام نے اپنی اور اپنے خانوداے کی جانوں کے نذرانے پیش کیے، یہ رہتی دنیا تک مثال رہے گا۔ امام عالی مقام امام حسین علیہ السلام شہید ہو کر بھی فتح یاب ہو گئے لیکن یزید اپنا تخت بچا کر بھی ہار گیا۔ اسی لیے آج ہر کوئی حسین، حسین کرتا ہے اور دنیا میں یزید کا کوئی نام لیوا موجود نہیں۔
تحریک منہاج القرآن گاؤں غریب وال ( P D khan ضلع جہلم) کے زیراہتمام ’’ذکر حسین اور فکر حسین کانفرنس‘‘ منعقد ہوئی جس میں نائب ناظم اعلی تنظیمات شمالی زون علامہ رانا محمد ادریس قادری نے خصوصی شرکت کی اور خطاب بھی کیا۔ انہوں نے اپنے خطاب میں کہا کہ حسنین کریمین علیہما السلام وہ شہزادے ہیں جنہیں پہلی غذا کے طور پر حضور ﷺ کا مبارک لعابِ دہن نصیب ہوا۔ یہ وہ مبارک نام ہیں جنہیں رسول اللہ ﷺ نے اللہ رب العزت کی جانب سے منتخب کیا۔ یہ نام ان سے پہلے اس کائنات میں کسی اور کے نہیں رکھے گئے تھے۔ یہ وہ معزز سوار ہیں جنہیں راکبِ دوشِ رسول ﷺ ہونے کا اعزاز حاصل ہے۔ یہ وہ نفوسِ قدسیہ ہیں جن کے لیے امام الانبیاء ﷺ نے اپنے سجدے طویل کیے۔
منہاج القرآن اوڈنسے میں 14 اگست 2020 کو یوم پاکستان کی تقریب منعقد ہوئی۔ تقریب کا آغاز قرآنِ پاک کی تلاوت سے ہوا جس کی سعادت محمد لبیب یونس نے حاصل کی۔ ادارہ کے سٹوڈنٹسن نے اجتماعی طور پر ملی نغمے اور ترانے پیش کیے۔ محمد باسم ریاض مدنی، محمد عبداللہ شاہد، مہک فاطمہ، نایاب فاطمہ، اریبہ طاہرہ، نحل شاہد نے یوم پاکستان کے موضوع پہ تقاریر کیں۔
شیخ الاسلام ڈاکٹر محمد طاہرالقادری نے ”اساس ایمان“کے موضوع پر منعقدہ ”آل پارٹیز یوتھ اینڈ سٹوڈنٹس کانفرنس“ سے خطاب کرتے ہوئے کہا کہ تعلیم یافتہ اور باکردار نوجوان پاکستان کا محفوظ مستقبل ہیں، نوجوانوں کو انتہاپسندی اور متشدد رویوں سے بچانا جملہ جماعتوں کی لیڈرشپ اور علمائے کرام کی اولین ذمہ داری ہے، نوجوان معاملات زندگی میں اعتدال اور توازن کا راستہ اختیار کریں، دشمن سوشل میڈیا کو جنگی ہتھیار کے طور پر استعمال کر رہا ہے، خود بھی اور دوسروں کو بھی انتہاپسندی اور متشدد رویوں سے بچائیں۔
قائد تحریک منہاج القرآن شیخ الاسلام ڈاکٹر محمد طاہرالقادری نے کہا ہے کہ یزید ملعون نے اقتدار پر قبضہ مستحکم کرنے کیلئے اہل بیت اطہار پر ظلم کے پہاڑ توڑے اور تاریخ انسانی کا بدترین گناہ اور جرم کیا، حضرت امام حسین علیہ السلام حق تھے اور یہ حق قیامت تک کے لیے باوقار اور سربلند رہے گا۔
تحریک منہاج القرآن کی نظامت تربیت کے شعبہ تنظیمی تربیت نے ضلع ایبٹ آباد کے تنظیمی عہدیداران کیلئے ایک روزہ تنظیمی تربیتی کیمپ کا انعقاد کیا جس میں مرکز سے نائب ناظم اعلیٰ تربیت پروفیسر محمد سلیم احمد چوہدری، ناظم تربیت علامہ غلام مرتضی علوی اور نائب ناظم تربیت محمد منہاج الدین قادری نے شرکت کی اور لیکچرز دیئے۔ تمام فورمز کے تقریباً 120 ضلعی و تحصیلی عہدیداران نے شرکت کی۔
دنیائے اسلام کی قدیم ترین ہزار سالہ پرانی علمی درسگاہ جامعۃ الازھر مصر میں سو سے زائد ممالک کے طلباء زیر تعلیم ہیں، الحمدللہ جامعۃ الازہر کے اس سال کے نتائج میں ادارہ منہاج القرآن لاہور سے تعلق رکھنے والے پاکستانی طلباء نے اعلی تعلیمی کارکردگی کا مظاہرہ کیا ہے جسے جامعۃ الازہر کے اساتذہ نے بے حد سراہا ہے، انہوں نے کہا کہ منہاج القرآن کے طلباء اسکالرشپ جامعۃ الازہر میں تعلیم حاصل کر رہے ہیں جو کہ ایک بہت بڑا اعزاز اور فروغ علم کی بڑی کاوش ہے۔
تحریک منہاج القرآن کے قائد شیخ الاسلام ڈاکٹر محمد طاہرالقادری نے 73 ویں یوم آزادی کے موقع پر اپنے پیغام میں کہا ہے کہ پاکستان کروڑوں مسلمانوں کی پناہ گاہ ہے اور لاکھوں قربانیوں کے بعد حاصل ہوا، آزادی کے تحفظ اور اس کے حقیقی ثمرات سے بہرہ مند ہونے کے لئے ہر شہری کو بلاتفریق انصاف، تعلیم اور روزگار کا حق دینا ہوگا، جب تک پسے ہوئے طبقات کو ان کے آئینی حقوق نہیں مل جاتے تشکیل پاکستان کا مقصد ادھورا رہے گا، کامیاب زندگی. گزارنے کیلئے نوجوان قائد اعظم محمد علی جناح کے ایمان، اتحاد اور نظم کے سنہری اصولوں پر عمل کریں۔
قائد تحریک منہاج القرآن شیخ الاسلام ڈاکٹر طاہرالقادری نے سینئر رہنماؤں کے مشاورتی اجلاس سے آن لائن خطاب کرتے ہوئے کہا کہ پاکستان اللہ رب العزت کی ایک بہت بڑی نعمت ہے۔ آزادی کی یہ عظیم نعمت عظیم قربانیوں کے نتیجے میں حاصل ہوئی ہے۔ پاکستان جس مقصد کیلئے حاصل کیا گیا وہ آئین پاکستان کے دیباچہ میں درج ہے۔ آئین کی ہر شق پر عملدرآمد سے پاکستان مضبوط ہو گا اور محروم اور غریب عوام کے ہر دکھ کا مداوا بھی آئین پر عملدرآمد میں ہے۔ آئین پر اس کی روح کے مطابق عملدرآمد کرنے سے ریاست مدینہ کی تشکیل کا خواب بھی پورا ہو جائے گا۔
تحریک منہاج القرآن ہری پور کے زیرِاہتمام ایک روزہ تنظیمی تربیتی کیمپ کا انعقاد کیا گیا، جس میں نائب ناظم اعلیٰ تربیت پروفیسر محمد سلیم احمد چوہدری، مرکزی ناظم تربیت علامہ غلام مرتضی علوی، نائب ناظم تربیت علامہ محمد منہاج الدین قادری نے شرکت کی اور لیکچرز دیئے۔
4M
فیس بک
2M
ٹوٹر
© 1994 - 2025 Minhaj-ul-Quran International.
