سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحريک منہاج القرآن کے ڈائریکٹوریٹ آف میڈیا نے شيخ الاسلام ڈاکٹر محمد طاہرالقادري سے سنئير صحافيوں کي خصوصي نشست کا اہتمام کيا۔ یہ نشست بذریعہ ویڈیو کانفرنس منعقد ہوئی، جس میں جيو اور جنگ گروپ کے سنئير صحافي سہيل وڑائچ، جيو کے پروگرام 50 منٹ کے ميزبان پروفيسر عبدالروف سميت ديگر ممتاز صحافيوں نے شرکت کي۔
منہاج القرآن انٹرنیشنل کی نظامت امور خارجہ کے وفد نے مورخہ 06 اگست 2010 ء بروز جمعۃ المبارک ڈائریکٹر امور خارجہ راجہ محمد جمیل اجمل کی قیادت میں واہگہ بارڈر کا دورہ کیا اور ڈپٹی ڈائریکٹر کسٹم واہگہ محمد صفدر باجوہ سے ملاقات کی اور انہیں شیخ الاسلام ڈاکٹر محمد طاہر القادری کی جانب سے قرآن پاک کے ترجمہ عرفان القرآن اور ملک میں جاری دہشت گردی کے خلاف جاری کئے گئے عظیم تاریخی فتوی اور دیگر متفرق کتب پیش کیں۔
تحریک منہاج القرآن کے زیراہتمام 14 شعبان المعظم 1431ھ کی رات "شب برات" کا روحانی اجتماع 27 جولائی 2010ء کو مرکزی سیکرٹریٹ ماڈل ٹاون لاہور میں ہوا، جس سے شیخ الاسلام ڈاکٹر محمد طاہرالقادری نے خصوصی خطاب کیا۔ روحانی اجتماع کی صدارت تحریک منہاج القرآن کے امیر صاحبزادہ مسکین فیض الرحمن درانی نے کی۔
تحریک منہاج القرآن کی نظامت دعوت نے مرکزی سیکرٹریٹ لاہور میں "عرفان القرآن کورس" کا ٹریننگ کیمپ منعقد کیا۔ دس روزہ تربیتی کیمپ 15 جولائی سے 25 جولائی 2010ء تک ہوا۔ کیمپ میں ملک بھر سے وہ سکالرز تشریف لائے جن کی تعلیم کم از کم ایم۔ اے عربی، ایم۔ اے اسلامیات، یا الشھادۃ العالمیہ تھی۔
سانحہ داتا دربار کی مذمت میں مورخہ 20 جولائی 2010ء بروز منگل 3 بجے سہ پہر تحریک منہاج القرآن کے مرکزی سیکرٹریٹ کے صفہ ہال میں منہاج القرآن علماء کونسل کے زیراہتمام ایک عظیم الشان سیمینار بعنوان ’’انسداد دہشت گردی اور تعلیمات صوفیاء‘‘ منعقد ہوا۔ جس کی صدارت مرکزی امیر تحریک صاحبزادہ مسکین فیض الرحمن خان درانی اور نگرانی قائم مقام ناظم اعلیٰ شیخ زاہد فیاض نے کی
تحریک منہاج القرآن کے گوشہ درود کی ماہانہ مجلس ختم الصلوۃ علی النبی اور معراج النبی صلی اللہ علیہ وآلہ وسلم کا مشترکہ پروگرام 9 جولائی 2010ء کو ہوا۔ گوشہ درود کا یہ 55 واں ماہانہ روحانی اجتماع تھا۔
پاکستان مائنارٹی کونسل اور ڈائریکٹوریٹ آف انٹرفیتھ ریلیشنز منہاج القرآن کے زیراہتمام سانحہ داتا دربار کے خلاف مذمتي اجلاس 5 جولائي 2010ء کو لاہور ميں ہوا۔ داتا دربار کے صحن میں ہونے والے اجلاس ميں مختلف مذاہب کے رہنماوں نے شرکت کي۔
داتا دربار پر دہشت گردی کے واقعہ کے خلاف تحریک منہاج القرآن لاہور نے 4 جولائی 2010ء کو "عظمت داتا علی ہجویری ریلی" نکالی۔ لاہور کے ناصر باغ تا داتا دربار ہونے والی اس ریلی میں ہزاروں افراد نے شرکت کر کے داتا صاحب سے والہانہ محبت کا اظہار کیا۔ ریلی کی قیادت منہاج القرآن لاہور کے امیر ارشاد طاہر نے کی۔
شیخ الاسلام نے مجلس شوریٰ کے اجلاس میں اظہار خیال کرتے ہوئے کہا کہ ملک میں بڑھتی ہوئی دہشت گردی کی لہر کو روکنے والا کوئی نہیں ہے بلکہ دہشت گردوں کو تحفظ دینے والے پارلیمنٹ میں بیٹھے ہیں۔ ایسے چہروں کو بے نقاب کرنے کے لیے میڈیا سیاستدان کا گریبان پکڑے اور قوم کو بتایا جائے کہ اسلحہ کہاں سے کس کے ذریعے پنجاب میں پہنچ رہا ہے۔
منہاج القرآن علماء کونسل کے مرکزی ناظم سید فرحت حسین شاہ نے مزار داتا صاحب کے باہر احتجاجی مظاہرے سے خطاب کرتے ہوئے کہا کہ امن، محبت اور سلامتی کے مرکز داتا صاحب کے مزار پر خودکش حملہ کرنے والے جانوروں سے بھی بد ترین ہیں اور ان کا اسلام سے کوئی تعلق نہیں ہے۔
تحریک منہاج القرآن کی مرکزی نظامت تربیت کے زیراہتمام 20 جون 2010ء کو ’’آئیں دین سیکھیں‘‘ کورس کے سلسلہ میں ایک روزہ تربیتی کیمپ برائے معلیمن کا انعقاد کیا گیا۔ مرکزی سیکرٹریٹ کے کانفرنس ہال میں ہونے والے اس تربیتی کیمپ میں ملک بھر سے 127 معلمین نے شرکت کی۔ متلاشیان علم دین اور جذبہ درس و تدریس سے سرشار عاشقان علم و حکمت کا ذوق شوق دیدنی تھا۔
منہاج القرآن ویمن لیگ کے زیراہتمام منہاج کالج برائے خواتین بغداد ٹاؤن، ٹاون شپ میں تنظیمی و تربیتی نشت 15 جون 2010ء کو ہوئی۔ اس نشست میں ایف اے کی وہ طالبات شریک ہوئیں جواپنا تعلیمی سیشن مکمل کر کے گھر جا رہی ہیں۔ اس تربیتی نشست کا مقصد فارغ التحصیل طالبات کو تعلیم مکمل کرنے کے بعد بھی انہیں منہاج القرآن سے وابستہ رکھنے کے لیے تحرک پیدا کرنا تھا۔
منہاج یونیورسٹی میں کھیلوں کے نمائندہ تنظیم ’’منہاج سپورٹس‘‘ کے زیراہتمام سپورٹس فیسٹیول کی اختتامی تقریب 14 جون 2010ء کو منعقد ہوئی۔ اس تقریب انعامات کا اہتمام کالج آف شریعہ کے دانش ہال میں کیا گیا۔ تقریب میں قومی ٹیم کے سٹار اوپنر بیٹسمین اور ٹیسٹ کرکٹر یاسر حمید مہمان خصوصی تھے۔ پرنسپل ڈاکٹر رحیق احمد عباسی نے تقریب میں خصوصی شرکت کی۔
تحریک منہاج القرآن لاہور کے زیراہتمام عظمت رسول صلی اللہ علیہ وآلہ وسلم کارواں مورخہ 13 جون کو اسمبلی ہال تا داتا صاحب ہوا، جس میں ہزاروں افراد نے شرکت کر کے محسن انسانیت حضور اکرم صلی اللہ علیہ وآلہ وسلم کے ساتھ والہانہ محبت کا اظہار کیا اور گستاخانہ خاکوں کی جسارت کرنے والوں کو یہ پیغام دیا کہ رسول صلی اللہ علیہ وآلہ وسلم کی محبت ان کا ایمان ہے۔
منہاج القرآن ویمن لیگ کے زیراہتمام حسب روایت امسال بھی سات روزہ اسلامک لرننگ کورس منعقد کیا جائے گا۔ جس میں شرکائے کورس کی اخلاقی و روحانی و نظریاتی تربیت کی جائے گی اور انہیں بنیادی مہارتیں مثلاً فن نعت، فن خطاب، ووکیشنل کی عملی تربیت دی جائیگی نیز تجوید و قراء ت، ترجمہ و تفسیر، حدیث اور فقہ کی کلاسز کا بھی خصوصی اہتمام ہو گا۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
