سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مسیحی وفد سے گفتگو کرتے ہوئے ڈاکٹر حسن محی الدین قادری نے کہا کہ مذاہب کے درمیان مشترکات پر بہت زیادہ کام کرنے کی ضرورت ہے۔ مختلف مذاہب کے درمیان حائل خلیج کو ختم کرنے کے لیے کوشش کرنا ہر مذہب کے پیروکاروں کا اہم فریضہ ہے۔ اس حوالے سے انٹرفیتھ ریلیشنز منہاج القرآن انٹر نیشنل دنیا کے 90ممالک میں موثر انداز میں کام کررہی ہے۔ ڈاکٹر طاہر القادری نے تمام مذاہب او ر مسالک کو جمع کردیا ہے اور محبت و امن کے رویوں کو پوری دنیا میں پھیلا دیا ہے۔
ڈائریکٹر انٹرفیتھ ریلیشنز سہیل احمد رضا اور ڈاکٹر اقبال نور صدر تحریک منہاج القرآن راوی ٹاؤن نے یو آر آئی انٹرنیشنل کے تعاون سے پریس کلب لاہور ورلڈ انٹرفیتھ ہارمنی ویک کے سلسلہ میں پرامن ریلی کا انعقاد کیا گیا اور قیام امن اور بین المذاہب رواداری کے فروغ کے لیے تمام مذاہب کے نمائندہ رہنماؤں جن میں ڈاکٹر منور چاند، ہندو رہنما پاسٹر راکی، پاسٹر سلیم، پاسٹر یو ایل بھٹی، مفتی عاشق حسین کے علاوہ مختلف انٹرفیتھ کی تنظیموں کے نمائندوں نے امن کی شمعیں روشن کیں اور اجتماعی دعا کی۔
ڈاکٹر حسین محی الدین القادری نے انقلاب کانفرنس سے خطاب کرتے ہوئے کہا ہے کہ کرپٹ نظام کے محافظ سیاستدان قوم کو غیرت مند مستقبل نہیں دے سکتے۔ لانگ مارچ کرکے انتخابی اصلاحات کی آواز اٹھائی تھی اب سبز انقلاب آئے گا۔ ریاست بچانے کے لیے ڈاکٹر محمد طاہرالقادری کی قیادت میں ایک کروڑ افراد جس دن باہر نکلیں گے پاکستان کا مقدر بدل جائے گا۔ دہشت گردوں سے امن کی بھیک مانگنے والے نام نہاد حکمرانوں کو صرف کرپشن سے غرض ہے۔
تحریک منہاج القرآن گلبرگ ٹاؤن بی کے زیراہتمام مصطفوی کارکنان کی تربیت کے سلسلہ میں ورکشاپ کا انعقاد کیا گیا۔ اس سلسلہ کی پہلی ورکشاپ یونین کونسل 99 میں انعقاد پذیر ہوئی جس میں مصطفی آباد یونٹ کے کارکنان نے شرکت کی۔ ورکشاپ کا انعقاد محترم محمد اکرم ناظم تحریک منہاج القرآن یونین کونسل 99 نے کیا جبکہ ٹاؤن کی طرف سے طیب خان رند صدر تحریک، نیاز احمد فاروقی نائب صدر تحریک اور مقرب سلطان ناظم تحریک نے شرکت کی۔
ڈاکٹر طاہرالقادری نے اپنے انٹرویو میں کہا کہ دہشت گردی کے باعث ملک کو معاشی حوالے سے 78 ارب ڈالر کا نقصان ہوچکا ہے۔ دنیا بھر میں پاکستان بدترین دہشت گردی کے حوالے سے دوسرے نمبر پر جبکہ دہشت گردی سے متاثرہ ممالک میں پہلے نمبر پر ہے۔ انہوں نے کہا کہ نام نہاد مذاکرات کا سلسلہ لامتناہی ہے، حکومت کے پاس ٹائم فریم ہی نہیں کہ کب سے کب تک مذاکرات کرنے ہیں؟ ڈاکٹر قادری نے کہا کہ افواج پاکستان کا مورال بلند کرنے کے لیے ان کے ساتھ کھڑا ہونا ہو گا اور انکی خدمات کی حوصلہ افزائی کرنا ہو گی اس لیے کہ ایک یہی ادارہ رہ گیا ہے جو ملک کو دہشت گردی سے نجات دلا کر امن دے سکتا ہے۔
مورخہ 24 فروی 2014 کو منہاج القرآن ضلعی آفس چاندنی چوک راولپنڈی میں منہاج ویمن لیگ راولپنڈی کی تنظیم نو کے سلسلے میں میٹنگ منعقد ہوئی۔ جس کی صدرات مرکزی ناظمہ دعوت و تربیت محترمہ سیدہ نازیہ مظہرہاشمی نے کی۔ اس کے علاوہ پی پی حلقہ جات سے ناظمین اور نائب ناظمین نے بھی شرکت کی۔
پاکستان عوامی تحریک کی فیڈرل کونسل کے صدر ڈاکٹر حسین محی الدین القادری نے کہا ہے کہ پوری قوم افواج پاکستان کو سلام پیش کرتی ہے جنہوں نے غیرت ملی کا اظہار کرتے ہوئے دہشت گردوں کے خلاف آپریشن کا آغاز کیا۔ دہشت گردی کے فتنے کو کچلنے کا بہترین حل آپریشن ہے کیونکہ مکالمہ انسانوں سے ہوتا ہے درندوں سے نہیں۔ بد امنی، ظلم، بربریت، لاقانونیت اور دہشت گردی کے خلاف عوام کو اٹھنا ہو گااور ڈاکٹر طاہر القادری کا دست و بازو بن کر ملکی مفادات کی دھجیاں اڑانے والے حکمرانوں کو اقتدار کے ایوانوں سے باہر پھینکنا ہو گا۔
مرکزی نظامت تربیت کے زیراہتمام صفہ ہال مرکزی سیکرٹریٹ میں عظیم الشان آل پاکستان ٹریننگ ورکشاپ برائے معلمین بعنوان "مصطفوی انقلاب میں معلمین کا کردار" کا انعقاد کیا گیا، جس میں مہمان خصوصی محترم صاحبزادہ ڈاکٹر حسین محی الدین قادری صدر منہاج القرآن انٹرنیشنل تھے۔ کیمپ میں ملک بھر سے 60 سے زائد معلمین نے بھر پور انقلابی جذبے سے شرکت کی۔ کیمپ کی خاص بات یہ تھی کہ پہلی مرتبہ معلمین کی تنظیمی وانتظامی تربیت کے لئے خاص ورکشاپ کا اہتمام کیا گیا تھا تاکہ وہ معلمین جو فیلڈ میں عرفان القرآن کورسز، آئیں دین سکھیں کورسز، آئیں حدیث سیکھیں کورسز اور عرفان العقائد کورسز کی تدریس کے فرائض سرانجام دے رہے ہیں انہیں ایک کروڑ نمازیوں کی تیاری میں عملی طور پر شامل کیا جائے۔
پاکستان عوامی تحریک کے صدر شیخ زاہد فیاض اور سیکرٹری جنرل خرم نواز گنڈا پورنے کہا ہے کہ حکومت کو ریاست، عوام اور افواج پاکستان کے جوانوں سے نہیں صرف اور صرف مکروہ سیاست سے سروکار ہے۔ قومی غیرت کا تقاضہ تھا کہ جس دن ایف سی کے 23 جوانوں کی شہادت کی خبر آئی تھی، وزیر اعظم مذاکرات ختم کر کے دہشت گردی کے خاتمے کیلئے آپریشن کا اعلان کر دیتے۔ حکمرانوں نے پوری قوم کا سر شرم سے جھکا دیا ہے حکومت کی اس بے حسی اور بے ضمیری کی پرزور مذمت کرتے ہیں۔
کالج آف شریعہ اینڈ اسلامک سائنسز منہاج یونیورسٹی لاہور میں منہاج سپورٹس کلب نے سابقہ روایات کو برقرار رکھتے ہوئے رواں سال بھی شیخ الاسلام ڈاکٹر محمد طاہر القادری کی 63ویں سالگرہ کے موقع پر سالانہ سپورٹس فیسٹیول کا انعقاد کیا۔ فیسٹیول کا آغاز مؤرخہ 18 فروری 2014ء کو ہوا جو 22 فروری 2014ء تک جاری رہا۔ اس دوران کرکٹ، فٹبال، والی بال سمیش، والی بال شوٹنگ، نیٹ بال، ہینڈ بال، باسکٹ بال، رسہ کشی، کبڈی، بیڈمنٹن اور مارشل آرٹس کے علاوہ 20 مختلف کھیلوں کے مقابلہ جات ہوئے۔
پاکستان عوامی تحریک کے تحت ملتان میں مہنگائی، بے روزگاری، دہشت گردی اور کرپشن کے خلاف احتجاجی مظاہرہ کیا گیا۔ مظاہرے میں ہزاروں خواتین و حضرات نے شرکت کی۔ اس موقع پر مہنگائی اور دہشت گردی کے خلاف نعرے بازی کی گئی۔ اس موقع پر سردار شاکر خان مزاری نے ریلی کے شرکاء سے خطاب کرتے ہوئے کہا کہ 60 ہزار لوگوں کا خون بہایا جا چکا ہے، جو لوگ شہید کئے گئے ان کا خون ناحق کیا گیا۔ مساجد، امام بارگاہوں، تعلیمی اداروں پر حملے کئے گئے، بچے، بوڑھے، خواتین کا ناحق خون بہایا گیا۔ پوری دنیا میں کہیں بھی ایسا قانون نظرنہیں آتا جس کے اندر قیدیوں کے ساتھ درندگی کا مظاہرہ کیا جائے اور ان کی گردنیں کاٹی جائیں۔
پاکستان عوامی تحریک کے قائد ڈاکٹر محمد طاہرالقادری کی 63ویں سالگرہ پاکستان سمیت دنیا کے پانچوں براعظموں میں انتہائی جوش و خروش کے ساتھ منائی گئی۔ یورپ، برطانیہ، خلیج، امریکہ، نارتھ امریکہ، افریقہ اور جنوبی ایشیا ء کے 100 سے زائد ممالک اورملک بھر میں یونین کونسل سطح تک تنظیمات نے تقریبات کا انعقاد کیا جس میں کارکنوں نے قائد ڈے کی تقریبات کے کیک کاٹے اندرون و بیرون ملک لاکھوں کارکنوں نے 19فروری کا آغاز دعائیہ محافل سے کیا شکرانے کے نوافل ادا کیے، صدقات دیے، ایک دوسرے کو تحائف دیے اور سا لگرہ کے کیک کاٹے، ای میلز اور موبائل پیغامات کے ذریعے مبارکباد دی۔
منہاج القرآن انٹرنیشنل کی طرف سے 19 فروری 2014ء کو شیخ الاسلام ڈاکٹر طاہرالقادری کی سالگرہ کے موقع پر Android سسٹم کے لئے نئی App متعارف کروائی گئی، جس میں ڈاکٹر طاہرالقادری کا ترجمہ قرآن مجید "عرفان القرآن" اردو اور انگریزی میں The Glorious Qur'an کے نام سے موجود ہے۔ یہ App گوگل پلے سٹور پر مفت ڈاؤن لوڈ کے لئے دستیاب ہے۔
انٹرفیتھ کونسل فار پیس اینڈ ہارمنی لاہور کے زیراہتمام ننکانہ صاحب میں پیغمبر اسلام حضرت محمد صلی اللہ علیہ وآلہ وسلم کا مذہبی اقلیتوں سے حسن سلوک کے موضوع پر ضلع کونسل ہال میں سیمینار منعقد ہوا، جس کی صدارت ڈی سی او ننکانہ صاحب ڈاکٹر عثمان علی نے کی۔
ڈاکٹر حسین محی الدین القادری نے کہا ہے کہ سبز انقلاب ہر پاکستانی کے دروازے پر دستک دے رہا ہے ہر فرد کو پر امن جدوجہد میں ڈاکٹر طاہر القادری کا دست و بازو بننا ہو گا۔ مذاکرات کا عمل قوم سے مذاق اور آنکھوں میں دھول جھونکنے کے مترادف ہے۔ قوم کو بے وقوف بنایا جا رہا ہے، ایک ڈیڑھ ماہ کے اندر "مذاکرات" کا پول کھل جائے گا اور معمولات "جیسے تھے" والی پوزیشن پر ہوں گے۔ نام نہاد سیاسی قیادت طالبان طالبان کے کھیل کی گرد میں بہت کچھ حاصل کرنا چاہتی ہے اور میڈیا کے ذریعے قوم کو مذاکرات کے تماشے میں الجھا دیا گیا ہے۔ حقیقت میں یہ فراڈ اور ڈرامہ ہے اور اسکی آڑ میں نجکاری کے نام پر قومی اداروں کو لوٹ سیل پر لگا دیا گیا ہے۔
4M
فیس بک
2M
ٹوٹر
© 1994 - 2025 Minhaj-ul-Quran International.
