سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل کے بانی وسرپرست اعلیٰ شیخ الاسلام ڈاکٹر محمد طاہر القادری کی 61 ویں سالگرہ برطانیہ سمیت دنیا بھر کے سو سے زائد ممالک میں بڑے جوش وخروش سے منائی گئی۔ اس سلسلہ میں مورخہ 18 فروری 2012ء ہفتہ کی رات برمنگھم میں منہاج القرآن برطانیہ کے زیراہتمام منعقد کی گئی جس میں خصوصی شرکت شیخ الاسلام ڈاکٹر محمد طاہرالقادری نے کی۔
اہلسنت والجماعت کے دو دھارے مل کر ایک سیل رواں بن گئے جب ملت اسلامیہ کے دو عظیم قائدین نے سچے دین کی سربلندی اور اسلام کا صحیح امیج پیش کرنے کے لئے مورخہ 02 ستمبر 2011 ء بروز جمعہ اتحاد واتفاق کا اعلان کیا۔ منہاج القرآن کے قائد شیخ الاسلام ڈاکٹر محمد طاہر القادری اور مرکزی جماعت اہلسنت یورپ وبرطانیہ کے سرپرست اعلیٰ پیر عبدالقادرجیلانی نے ایک عشائیہ سے خطاب کرتے ہوئے آقائے نامدار حضرت محمد مصطفی صلی اللہ علیہ وآلہ وسلم کے لائے ہوئے دین کو خوارج کے اثرات سے پاک کر کے اللہ، اس کے رسول صلی اللہ علیہ وآلہ وسلم، اہل بیت اور صحابہ کرام رضوان اللہ اجمعین سے سچی محبت پیدا کرنے کے لئے ہر سطح پر ایک دوسرے سے تعاون واتحاد کے عزم کا اظہار کیا۔
اقوام متحدہ کی اکنامک اینڈ سوشل کونسل (ECOSOC) نے منہاج القرآن انٹرنیشنل کو باضابطہ طور پر خصوصی مشاورتی درجہ (Special Consultative Status) دے دیا ہے۔ اقوام متحدہ نے منہاج القرآن انٹرنیشنل کی دین اسلام کے فروغ و اشاعت کے حوالے سے خدمات پر شیخ الاسلام ڈاکٹر محمد طاہرالقادری کو خراج تحسین پیش کیا ہے اور ان کی قیام امن کے حوالے سے عالمی خدمات کو سراہا ہے۔
منہاج القرآن نوجوانوں میں دینی شعور کی بیداری کی ایک ایسی تحریک ہے جو برطانوی مسلم نوجوانوں کی تربیت، محبت و برداشت کے ساتھ دیگر کمیونٹییز کے ساتھ مل جل کر زندگی گذارنے کے بنیادی اصول کے مطابق کرنے میں سرگرداں ہے، منہاج القرآن کے تمام اداروں میں دینی و دنیاوی تعلیم کو مساوی اہمیت دی جاتی ہے
منہاج القرآن انٹرنیشنل لندن میں زیر تعلیم طلباء کے وفد نے مورخہ 16 مارچ 2011 ء کو ہاؤس آف کامنز کا دورہ کیا جہان نیوہیم کے ممبر پارلیمنٹ سٹیفن ٹمز نے منہاج آرٹس کلاسز کے طلباء کی تصویروں کی نمائش کا اہتمام کیا تھا۔
شیخ الاسلام ڈاکٹر محمد طاہرالقادری نے نیوزی لینڈ کے معروف اسکالر ڈاکٹر Joel Hayward کو اپنا سٹرٹیجک پالیسی ایڈوائزر مقرر کر دیا ہے۔ ان کی باقاعدہ تقرری 8 مارچ 2011ء کو ہوئی، جس کا فیصلہ منہاج القرآن انٹرنیشنل لندن میں ہونے والی نشست میں کیا گیا۔
منہاج القرآن انٹرنیشنل بانی و سرپرست اعلیٰ شیخ الاسلام ڈاکٹر محمد طاہرالقادری نے کہا ہے کہ امت مسلمہ اگر مصائب و مشکلات کے بھنور سے نکلنا چاہتی ہے تو اپنی نسبت و محبت کا مرکز و محور حضور اکرم صلی اللہ علیہ وآلہ وسلم کی ذات اقدس کو بنا لے کیونکہ ایمان کی آخری منزل مدینہ میں ہے ایمان نسبت مصطفی صلی اللہ علیہ وآلہ وسلم کا نام ہے جس جانب توجہ مصطفی صلی اللہ علیہ وآلہ وسلم ہو گی ایمان کا رخ بھی ادھر ہو گا۔
ڈاکٹر محمد طاہرالقادری نے کہا کہ اسلام امن و محبت، غریب پروری، باہمی گفت و شنید، ایک دوسرے کے معاملات کو سمجھنے، برداشت کرنے اور انسانیت کے عزت واحترام و اتحاد کا سبق دینا ہے نہ کہ اسلام کے نام پر قتل وغارت گری کا بازار گرم کیا جائے۔ اسلام میں کسی بھی طرح کی دہشت گردی کی گنجائش نہیں ہے۔
منہاج القرآن انٹرنیشنل برمنگھم کے زیر اہتمام مورخہ 18 اکتوبر2010ء بروز سوموار کو بعد نماز ظہر برمنگھم سنٹر میں شیخ الاسلام ڈاکٹر محمد طاہر القادری کی علمی وتحقیقی خدمات کو خراج تحسین پیش کر نے کے لئے ایک خوبصورت نشست کا اہتمام کیا گیا جس میں ویسٹ میڈ لینڈ اور بلیک کنٹری سے تعلق رکھنے والے علماء ومشائخ اور مفتیان کرام کی کثیر تعداد نے شرکت کی۔
منہاج اسلامک سنٹر بریڈ فورڈ میں مورخہ 01 اکتوبر 2010ء کو پاکستان میں آنے والے بدترین سیلاب کے سلسلہ میں ایک تقریب کا انقعاد کیا، جس کے مہمان خصوصی سیکرٹری جنرل منہاج القرآن انٹرنیشنل ڈاکٹر رحیق احمد عباسی تھے۔ تقریب میں سیلاب سے متاثرہ افراد کے لئے جمع کی گئی خطیر رقم منہاج ویلفیئر فاؤنڈیشن کے حوالے کردی گئی ہے۔
اکستان میں سیلاب کی تباہ کاریوں سے نمٹنے اور مصیبت میں گھرے اپنے ہم وطنوں کی امداد کے لئے آکسفورڈ کی پاکستانی اور مسلمان کمیونٹی نے انفرادی اور اجتماعی طور پر امداد کا سلسلہ بڑے پر جوش انداز سے جاری رکھا ہوا ہے، اس سلسلہ میں آکسفورڈ کی تین مساجد اور اور آکسفورڈ یونیورسٹی کی پاکستان سٹوڈنٹس یونین نے تقریبا پچیس ہزار کی خطیر رقم عطیہ کی۔
منہاج القرآن انٹرنیشنل برطانیہ کے زیراہتمام 7 اگست 2010ء کو وارک یونیورسٹی میں دہشت گردی کے خلاف پہلے "سمر کیمپ 2010ء" کی افتتاحی تقریب منعقد ہوئی۔ شیخ الاسلام ڈاکٹر محمد طاہرالقادری نے کیمپ کی صدارت کی اور شرکاء سے خصوصی خطاب کیا۔ افتتاحی تقریب میں برطانیہ اور یورپ بھر کے مختلف کالجوں اور یونیورسٹیوں سے 1300 نوجوانوں نے رجسٹریشن کرائی، جس کے لیے ہر نوجوان نے وارک یونیورسٹی کے اخراجا ت کی مد میں 200 پاؤنڈ ادا کئے۔
منہاج القرآن انٹرنیشنل کے سرپرست شیخ الاسلام ڈاکٹر محمدطاہر القادری نے مورخہ7 اگست 2010ء بروز سوموار وارک یونیورسٹی برطانیہ میں دہشت گردی کے خلاف ’’پہلے سمر کیمپ‘‘ کی افتتاحی تقریب میں شرکت کی اور نوجوانو ں سے خطاب کیا، اس دوران صحافیوں کی کثیر تعداد موجود تھی۔
بے گناہوں کو خود کش حملوں کے ذریعے لقمہ اجل بنانے والے نہ مسلمان ہیں نہ ہی ان کے ظلم و بربریت پر مبنی یہ اعمال دین اسلام سے کسی قسم کا تعلق رکھتے ہیں ان خیالات کا اظہار مورخہ 28 جولائی 2010ء بروز منگل کو منہاج القرآن انٹرنیشنل لندن کے زیراہتمام محفل شب برات سے خطاب کرتے ہوئے شیخ الاسلام ڈاکٹر محمد طاہرالقادری نے کیا۔
سنگا پور کے سنئیر وزیر خارجہ زین العابدین رشید نے 26 جون 2010ء کو لندن میں شیخ الاسلام ڈاکٹر محمد طاہرالقادری سے ملاقات کی۔ منہاج القرآن انٹرنیشنل لندن کے اسلامک سنٹر میں ہونے والی یہ ملاقات نجی نوعیت کی تھی۔
4M
فیس بک
2M
ٹوٹر
© 1994 - 2025 Minhaj-ul-Quran International.
