ڈربن میں امیر تحریک مسکین فیض الرحمن درانی کے لیے فاتحہ خوانی

منہاج القرآن انٹرنیشنل ڈربن جنوبی افریقہ نے امیر تحریک مسکین فیض الرحمن درانی مرحوم کے ایصال ثواب کے لیے فاتحہ خوانی کا پروگرام منعقد کیا، جس میں منہاج القرآن انٹرنیشنل KZN کے صدر علامہ طاہر رفیق نقشبندی، علامہ ایوب طفیل قادری، عابد منیر، اشفاق احمد، منیر احمد اور پاکستان ایسوسی ایشن ڈربن کے حیات خان نے شرکت کی۔

اس موقع پر علامہ طاہر رفیق نے گفتگو کرتے ہوئے امیر تحریک مسکین فیض الرحمن درانی کی خدمات پر انہیں خراج تحسین پیش کیا۔ انہوں نے کہا کہ صاحبزادہ مسکین فیض الرحمن درانی اخلاص والی شخصیت تھے، جنہوں نے اپنی ساری عمر مشن منہاج القرآن کے لیے وقف کر دی۔ آخر میں تمام احباب نے فاتحہ خوانی کرتے ہوئے ان کی بخش و مغفرت اور بلندی درجات کے لیے دعا بھی کی۔