گجرات: منہاج ویلفیئر فاؤنڈیشن نے 1500 خاندانوں تک راشن پہنچا دیا

کورونا وائرس کے باعث موجودہ صورت حال نے غریب، متوسط اور دیہاڑی دار طبقے کو بہت زیادہ متاثر کیا ہے، روزانہ اجرت پر کام کرنے والوں کیلئے روزی روٹی کا بندوبست کرنا مشکل ہو گیا ہے، وہ سب گھروں میں قید ہو کر رہ گئے ہیں۔ ایسی صورت حال میں ہم سب کا دینی، ملی اور اخلاقی فریضہ ہے کہ ہم حسب استطاعت ان کی مدد کریں۔

قائد تحریک منہاج القرآن شیخ الاسلام ڈاکٹر محمد طاہرالقادری کی خصوصی ہدایت پر منہاج ویلفیئر فاؤنڈیشن اور تحریک منہاج القرآن کے دیگر فورمز ملک بھر میں مستحق گھرانوں تک راشن پیکج، ماسک اور سینیٹائزر پہنچا رہے ہیں۔ منہاج ویلفیئر فاؤنڈیشن گجرات اب تک 1500 سے زائد خاندانوں کو ان کی دہلیز پر راشن پہنچا چکی ہے اور ابھی بھی روزانہ کی بنیاد پر اپنے سفید پوش اور مزدور دار طبقے تک راشن پہنچا رہی ہے، منہاج یوتھ لیگ گجرات کے نوجوان دن رات اس کٹھن حالات میں کام کر رہے ہیں۔