چکوال: تحریک منہاج القرآن کے زیراہتمام فلاح انسانیت کانفرنس
تحریک منہاج القرآن کے زیراہتمام چکوال میں فلاح انسانیت کانفرنس کا انعقاد کیا گیا ۔جس میں نائب ناظم اعلیٰ کوارڈینیشن انجینئر محمد رفیق نجم نے خصوصی شرکت کی اور خطاب کیا۔
کانفرنس سے خطاب کرتے ہوئے نائب ناظم اعلیٰ نے کہا کہ انسانیت کی خدمت اور معاشرتی فلاح و بہبود کا درس ہمیں تمام ادیانِ عالم میں ملتا ہے۔ لیکن ان تمام ادیان میں جو چیز اسلام کو ممتاز بناتی ہے وہ اس کی فرضیت ہے۔ کیونکہ اسلام دنیا کا واحد دین ہے جو انسانیت کی خدمت اور معاشرتی فلاح و بہبود کی خاطر زکوٰۃ کو دین کا چوتھا بنیادی رکن قرار دینے کے ساتھ ساتھ تمام صاحبِ استطاعت افراد پر اسے فرض قرار دیا ہے۔
کانفرنس میں علاقہ کی معروف مذہبی، سماجی، شخصیات، تحریک منہاج القران کے جملہ فورمز کے کارکنان بڑی تعداد میں شریک ہوئے۔
تبصرہ