ایرانی صدر ابراہیم رئیسی کی موت پر پورے عالم اسلام کو دلی افسوس ہوا: خرم نواز گنڈاپور
ایران کے عوام کے ساتھ غم کی اس گھڑی میں برابر شریک ہیں
ابراہیم رئیسی کا انتقال امت مسلمہ کیلئے بہت بڑا نقصان ہے: ناظم اعلیٰ منہاج القرآن
لاہور(20مئی 2024) تحریک منہاج القرآن کے ناظم اعلیٰ خرم نواز گنڈاپور نے کہا ہے کہ ایران کے صدر ابراہیم رئیسی کی ہیلی کاپٹرحاد ثہ میں موت پر پورے عالم اسلام کو دلی افسوس ہوا ہے۔ ایرانی صدر ابراہیم رئیسی اور ان کے قریبی رفقا کی موت پر ان کے اہل خانہ اور ایران کے عوام کے ساتھ دلی تعزیت کرتے ہیں، اللہ تعالیٰ ان کو صبر و استقامت عطا فرمائے۔
صدر ابراہیم رئیسی کا انتقال نہ صرف ایران بلکہ پوری امت مسلمہ کیلئے ایک بہت بڑا نقصان ہے۔ برادر اسلامی ملک ایران کے عوام کے ساتھ دکھ اور غم کی اس گھڑی میں برابر شریک ہیں۔ اللہ رب العزت ابراہیم رئیسی کے درجات بلند فرمائے۔
تبصرہ