امام عالی مقام نے ظلم کے خلاف جہاد کیا: ڈاکٹر حسین محی الدین قادری
امام حسین علیہ السلام کی زندگی کا ہر لمحہ مینارہ نور ہے، صدر منہاج القرآن
منہاج القرآن لاہور کے زیراہتمام ’’جشنِ ولادتِ امام حسینؑ‘‘ کانفرنس سے خطاب
لاہور (22 فروری2025) تحریک منہاج القرآن لاہور کے زیراہتمام ’’جشنِ ولادتِ امام حسین علیہ السلام‘‘ کانفرنس کا انعقاد کیا گیا، کانفرنس سے خطاب کرتے ہوئے پروفیسر ڈاکٹر حسین محی الدین قادری نے کہا کہ امام عالی مقام نے ساری زندگی مصطفوی تعلیمات کی حفاظت اور ظلم کے خلاف جہاد کیا اور اسی جدوجہد میں شہادت قبول فرما لی، آپ کی مبارک حیات کا ہر لمحہ مینارہ نور ہے، بحیثیت مسلمان ہم پر لازم ہے کہ امام عالی مقام کی فکر کے مطابق اپنی دینی زندگی بسر کریں کانفرنس میں مختلف مکاتبِ فکر کے جید علمائے کرام، مشائخ عظام، سیاسی، سماجی و مذہبی رہنما ئوں تحریک منہاج القرآن کے کارکنان سمیت ہزاروں مرد و خواتین نے شرکت کی۔
صدر منہاج القرآن انٹرنیشنل، پروفیسر ڈاکٹر حسین محی الدین قادری نے اپنے خطاب میں کہا کہ حضرت امام حسین علیہ السلام کی سیرت کا ایک اہم پہلو، جو عام طور پر کم بیان کیا جاتا ہے، ان کی عملی زندگی ہے۔حضرت امام حسینؑ نے اپنے علم، زہد، تقویٰ اور ایثار کے ذریعے امت مسلمہ کو ایک عملی راہنمائی مہیا کی، جس کی۔پروفیسر ڈاکٹر حسین محی الدین قادری نے کہا کہ امام حسین علیہ السلام کی تعلیمات قرآن و سنت، صداقت، امانت، جرات، غیرت اور باطل کے خلاف ڈٹ جانے کا درس دیتی ہیں۔ انہوں نے کہا کہ شیخ الاسلام پروفیسر ڈاکٹر محمد طاہر القادری نوجوانوں میں حسینی کردار اور اقدار زندہ کرنے کے لیے کوشاں ہیں۔
شیخ الاسلام رواں صدی کی وہ عظیم علمی شخصیت ہیں جنہوں نے یزیدی کردار کو بے نقاب کر کے حسینیؑ کردار کا احیا کیا اور امت کے نوجوانوں کو یہ تعلیم دی کہ یزید جھوٹ اور حسین حق کا استعارہ ہیں۔ انہوں نے مزید کہاکہ شیخ الاسلام نے اہل بیت اطہار کی عقیدت و مودت کے حوالے سے جو علمی سطح پر تقریری اور تحریری خدمات انجام دیں وہ رہتی دنیا تک حق کے متلاشیوں کی رہنمائی کرتی رہیں گی۔
باٹا پور پہنچنے پر منہاج القرآن لاہور کے عہدیداروں اور کارکنوں نے ان کا پرتپاک استقبال کیا، منوں پھولوں کی پتیاں نچھاور کیں، کانفرنس میں نائب ناظمِ اعلیٰ تنظیمات سنٹرل پنجاب علامہ رانا محمد ادریس، صدر تحریک منہاج القرآن لاہور پروفیسر ذوالفقار علی، راجہ زاہد محمود، نور اللہ صدیقی، مفتی غلام اصغر صدیقی، رانا وحید شہزاد، خلیل حنفی، حاجی خالد محمود، حاجی احمد صادق، محمد ارشاد قادری، رفعت علی اعوان، محمد نواز قادری، محمد حفیظ، محمد اکرم قادری، محمد عمر قادری، حاجی محمد طفیل، ڈاکٹر شاہد اقبال، میاں عامر محمود، محمد شہباز بھٹی، ثمینہ یاسمین، ثمینہ رفاقت اعوان، بشریٰ اعوان، روبینہ ملک، خورشید ارشد، کوثر خادم، ثریا بٹ، شمع امجد، فاطمہ شفیق سمیت دیگر اہم شخصیات نے شرکت کی۔
صدر منہاج القرآن انٹرنیشنل نے ضلعی اور پی پی 155 لاہور کی تمام تنظیمات کو شاندار کانفرنس کے انعقاد پر مبارکباد دی۔
تبصرہ