شہدائے ماڈل ٹاؤن کے ورثاء کے اعزاز میں افطار، عیدی دی گئی

شہر اعتکاف میں شہدائے ماڈل ٹاؤن کے ورثاء کیلئے افطار ڈنر کا اہتمام کیا گیا، جہاں انہیں عید کے تحائف دیے گئے۔ تحائف منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے ناظم اعلیٰ خرم نواز گنڈا پور اور طیب ضیا کے ہمراہ دیے۔

اس موقع پر گفتگو کرتے ہوئے چیئرمین سپریم کونسل ڈاکٹر حسن محی الدین قادری نے کہا کہ شہدا کو 11 سال گزرنے پر بھی انصاف نہ ملنا تکلیف دہ ہے، جہاں سے انصاف اٹھ جاتا ہے وہاں سے اللہ کی برکتیں بھی اٹھ جاتی ہے۔ انہوں نے کہا کہ 11 سال سے انصاف کیلئے قانونی چارہ جوئی کر رہے ہیں، چیف جسٹس لاہور ہائی کورٹ اور چیف جسٹس سپریم کورٹ سے استدعا ہے کہ انصاف دیا جائے۔