ماہانہ مجلس ختم الصلوۃ علی النبی ﷺ کی روحانی تقریب 3 مئی (ہفتہ) کو ہوگی
پروفیسر ڈاکٹر حسین محی الدین قادری خصوصی خطاب کریں گے
لاہور (29اپریل2025) تحریک منہاج القرآن کے زیراہتمام ماہانہ روحانی اجتماع مجلس ختم الصلوۃ علی النبی ﷺ 3 مئی بروز ہفتہ، نمازِ عشاء کے بعد مرکزی سیکرٹریٹ، ماڈل ٹاؤن لاہور میں منعقد ہوگا۔ اس روحانی تقریب سے صدر منہاج القرآن انٹرنیشنل، پروفیسر ڈاکٹر حسین محی الدین قادری خصوصی خطاب کریں گے۔
تقریب میں تحریک منہاج القرآن کے مرکزی، صوبائی اور ضلعی رہنماؤں کے ساتھ ساتھ کارکنان، علمائے کرام، مشائخ عظام، معروف قراء اور نعت خوان حضرات کی بڑی تعداد شریک ہوگی۔ مجلس کے دوران گوشہ درود اور پاکستان سمیت دنیا بھر میں قائم حلقہ ہائے درود میں پڑھے جانے والے درود و سلام کو جمع کر کے حضور نبی اکرم ﷺ کی بارگاہِ اقدس میں پیش کیا جائے گا۔ روحانی اجتماع کے اختتام پر پاکستان کی سلامتی، خوشحالی اور امتِ مسلمہ کے اتحاد و اتفاق کے لیے خصوصی دعا کی جائے گی۔
تبصرہ