شیخ الاسلام ڈاکٹر محمد طاہرالقادری کے برادرِ عزیز انجینئر محمد طارق فرید قادریؒ کے ایصالِ ثواب کے لیے قرآن خوانی و دعائیہ تقریب
شیخ الاسلام ڈاکٹر محمد طاہرالقادری دامت برکاتہم العالیہ کے برادرِ عزیز انجینئر محمد طارق فرید قادری مرحوم کے ختمِ قل شریف کے سلسلہ میں قرآن خوانی و دعائیہ تقریب کا انعقاد جامع مسجد پرانی عید گاہ جھنگ صدر میں کیا گیا۔
تقریب کا آغاز تلاوتِ قرآنِ پاک سے ہوا، جس کے بعد ثناء خوانانِ مصطفیٰﷺ نے حضور نبی اکرم ﷺ کی بارگاہِ اقدس میں گلہائے عقیدت پیش کیے۔ نائب ناظم اعلیٰ تحریک منہاج القرآن علامہ رانا محمد ادریس قادری نے روحانی اور اصلاحی خطاب کیا، جس میں مرحوم کی دینی خدمات اور منہاج القرآن سے ان کی محبت کو خراجِ تحسین پیش کیا گیا۔
تقریب میں مرحوم کے صاحبزادگان عمران طارق، عثمان طارق، رضوان طارق کے علاوہ صبغت اللہ قادری، صاحبزادہ محمد طاہر قادری، محمد عباس نقشبندی، علی وقار قادری، فرحان جاوید، علی محی الدین، قاری ریاست علی چدھڑ، حماد رضا لالی، امجد تقی، پروفیسر ذوالفقار علی، حاجی عبدالخالق، شیخ محمد اویس طاہر، سید ابو داؤد شاہ بخاری، چودھری وسیم ہمایوں، چودھری محمد اشرف، سید ہارون شاہ بخاری، راجہ مظہر اقبال، حاجی فرخ، علامہ محمد رفیق قادری سمیت ملک بھر سے تحریک منہاج القرآن کے مرکزی و ضلعی قائدین، کارکنان اور اہلِ علاقہ نے بڑی تعداد میں شرکت کی۔
شرکاء نے مرحوم کے لیے دعائے مغفرت کی اور شیخ الاسلام ڈاکٹر محمد طاہرالقادری و ان کے اہلِ خانہ سے دلی تعزیت کا اظہار کیا۔
تبصرہ