منہاج القرآن سیکرٹریٹ میں ”پیغام امام حسینؑ و اتحاد امت کانفرنس“ 5 جولائی کو ہو گی

مورخہ: 03 جولائی 2025ء

مختلف مکاتب فکر کے جید علمائے کرام و مشائخ عظام شرکت کریں گے

Paghyam e Imam Hussain wa Itthad-e-Ummat Conference

لاہور (3 جولائی 2025) منہاج القرآن انٹرنیشنل کے زیراہتمام ’’پیغام امام حسین علیہ السلام و اتحاد امت کانفرنس‘‘ اور مجلس ختم الصلوۃ علی النبی ﷺ کا روحانی اجتماع 5جولائی 2025 (ہفتہ) کو 9 اور 10 محرم الحرام کی درمیانی شب بعد نماز عشاء (جامع شیخ الاسلام) مرکزی سیکرٹریٹ ماڈل ٹاؤن میں منعقد ہو گا۔ کانفرنس میں مختلف مکاتب فکر سے تعلق رکھنے والے جید علمائے کرام و مشائخ عظام شرکت کریں گے۔

پیغام امام حسین علیہ السلام و اتحاد امت کانفرنس میں ملک پاکستان کے نامور قراء و نعت خوان بارگاہ رسالت مآب ﷺ میں گلہائے عقیدت، منقبت حضرت امام حسین علیہ السلام پیش کریں گے۔

منہاج القرآن علماء کونسل کے زیراہتمام ملک بھر میں سینکڑوں مقامات پر ”پیغام امام حسین علیہ السلام و اتحاد امت کانفرنس“ کے عنوان سے کانفرنسز منعقد ہو رہی ہیں جن میں تحریک منہاج القرآن کے سکالرز، فلسفہ شہادت امام حسین علیہ السلام اور شان اہل بیت اطہار علیہم السلام پر خطابات کر رہے ہیں۔