خرم نواز گنڈاپور کی ڈاکٹر علامہ سید ضیاء اللہ شاہ بخاری سے ملاقات

ڈاکٹرسید عطا اللہ شاہ بخاری کے انتقال پر اظہار تعزیت کیا
وفد میں ڈاکٹر میر آصف اکبر، علامہ اشفاق احمد چشتی، علامہ عین الحق بغدادی شامل تھے

لاہور (6 اگست 2025) منہاج القرآن انٹرنیشنل کےناظم اعلیٰ خرم نواز گنڈاپور نے وفد کے ہمراہ مرکز اہلحدیث لاہور میں امیر متحدہ جمعیت اہلِ حدیث ڈاکٹر علامہ سید ضیاء اللہ شاہ بخاری سے ملاقات کی ہے ۔خرم نواز گنڈاپور نے علامہ سید ضیاء اللہ شاہ بخاری سے ان کے بڑے بھائی ڈاکٹر سید عطا اللہ شاہ بخاری کے انتقال پر اظہار تعزیت کیا۔اس موقع پر ناظم اعلیٰ نظام المدارس پاکستان علامہ ڈاکٹر میر آصف اکبر، ناظم منہاج القرآن علما کونسل علامہ اشفاق احمد چشتی، علامہ عین الحق بغدادی، شیخ محمد نعیم بادشاہ، اسامہ ضیا بخاری، سید حذیفہ بخاری، سید رحاب بخاری سمیت دیگر رہنما بھی موجود تھے۔

خرم نواز گنڈاپور نے مرحوم کے اہلِ خانہ سے گہرے دکھ اور افسوس کا اظہار کرتے ہوئے ڈاکٹر سید عطا اللہ شاہ بخاری (مرحوم) کی دینی،اخلاقی اور معاشرتی خدمات کو سراہتے ہوئے کہا کہ مرحوم ایک با اخلاق اور مخلص انسان تھے ۔ انہوں نے دعا کی کہ اللہ تعالیٰ مرحوم کو اپنے جوارِ رحمت میں اعلیٰ مقام عطا فرمائے اور لواحقین کو صبرِ جمیل دے۔ ملاقات میں شریک رہنمائوں نے مرحوم کے ایصالِ ثواب کے لیے خصوصی دعا کی ۔ڈاکٹرسید ضیاء اللہ شاہ بخاری نے وفد کی آمد پر شکریہ ادا کیا۔