حضور ﷺ کے 1500ویں جشن ولادت کی تیاریوں کے سلسلے میں تحریک منہاج القرآن کے مرکزی رہنماؤں کا مینارِ پاکستان کے سبزہ زار کا دورہ

حضور نبی اکرم ﷺ کے 1500ویں ولادت پاک کے جشن کی تیاریوں کے سلسلے میں تحریک منہاج القرآن کے مرکزی رہنماؤں ںے مینارِ پاکستان کے سبزہ زار کا دورہ کیا۔ خاتم النبیین ﷺ کا 1500 واں جشنِ ولادت شان و شوکت سے منایا جائے گا۔ سیکرٹری عالمی میلاد کانفرنس محمد جواد حامد نے یادگارِ پاکستان پر گفتگو کرتے ہوئے کہا کہ منہاج القرآن انٹرنیشنل کی 42ویں عالمی میلاد کانفرنس میں ملک بھر سے علماء و مشائخ اور عرب شیوخ خصوصی شرکت کریں گے۔ ان کا مذید کہنا تھا کہ عالمی میلاد کانفرنس سے شیخ الاسلام ڈاکٹر محمد طاہرالقادری دامت برکاتہم العالیہ خصوصی خطاب فرمائیں گے۔

اس موقع پر نائب ناظمینِ اعلیٰ بریگیڈیئر (ر) عمر حیات، نوراللہ صدیقی، کرنل (ر) خالد جاوید، چوہدری ریاض، ایس کے صابر، حافظ محمد سعید رضا بغدادی، محمد سعید اختر، اسامہ مشتاق اعوان، قیصر محمود، محمد عمیر، راجہ ندیم، محمود مسعود، حسن محمود جماعتی، چوہدری شوکت ابرار، علامہ سرفراز قادری، احمد وحید اور محمد عمر بھی موجود تھے۔