شیخ الاسلام ڈاکٹر محمد طاہر القادری کا حکیم صفدر علی شہید کی اہلیہ کے انتقال پر اظہار افسوس
طیب ضیا،میاں عنصر، خالد منہاجین و دیگر رہنماؤں کی نماز جنازہ میں شرکت
تحریک منہاج القرآن کے رہنماؤں نے مرحومہ کی مغفرت پسماندگان کے لئے صبر جمیل کی دعا کی
لاہور (18 اگست 2025) تحریک منہاج القرآن کے بانی و سرپرست اعلیٰ شیخ الاسلام ڈاکٹر محمد طاہرالقادری نے منہاج القرآن کی دیرینہ رفیق، سانحہ ماڈل ٹاؤن کے شہید حکیم صفدر علی کی اہلیہ کے انتقال پر انتہائی دکھ اور افسوس کا اظہار کرتے ہوئے اپنے تعزیتی پیغام میں کہا ہے کہ اللہ تعالیٰ حکیم صفدر علی شہید کی زوجہ (مرحومہ) کی کامل بخشش و مغفرت فرمائے۔ مرحومہ کو جنت الفردوس میں اعلیٰ مقام عطا فرمائے، جملہ پسماندگان کو صبر جمیل کی توفیق دے۔
چیئرمین سپریم کونسل منہاج القرآن انٹرنیشنل پروفیسر ڈاکٹر حسن محی الدین قادری، صدر تحریک منہاج القرآن پروفیسر ڈاکٹر حسین محی الدین قادری، ناظم اعلیٰ خرم نواز گنڈاپور، بریگیڈئیر(ر) عمر حیات، نور اللہ صدیقی، انجینئر رفیق نجم،اقبال حسین باجوہ سمیت دیگر رہنماؤں نے بھی حکیم محمد صفدر شہید کی اہلیہ کے انتقال پر افسوس کا اظہار کرتے ہوئے غم زدہ خاندان سے دلی تعزیت کا اظہار کیا ہے۔
رہنماؤں نے مرحومہ کی بخشش، مغفرت، درجات کی بلندی اور لواحقین کیلئے صبر جمیل کی دعا کی۔ دریں اثنا تحریک منہاج القرآن کے سینئر رہنمائوں طیب ضیا،میاں عنصر، خالد منہاجین، شکیل طاہر اعوان، علامہ اقبال اکبر ساقی سمیت مرکزی،صوبائی و ضلعی رہنمائوں، کارکنان اور اہل علاقہ نے کثیر تعداد میں نماز جنازہ میں شرکت کی۔
تبصرہ