عوامی تاجر اتحاد کے رہنماؤں کے وفد کی گورنر پنجاب سے ملاقات
وفد نے عالمی میلاد کانفرنس میں شرکت کی دعوت دی جو انہوں نے قبول کر لی
ڈاکٹر محمد طاہر القادری کی دینی خدمات کا معترف ہوں:گورنر پنجاب
وفد میں حاجی محمد اسحاق،جنید وارثی،شہزاد خان،رانا شکیل،ثاقب بھٹی و دیگر شامل تھے
لاہور(28 اگست 2025) تحریک منہاج القرآن و عوامی تاجر اتحاد کے رہنماؤں کے وفد نے گورنر پنجاب سردار سلیم حیدر سے ملاقات کی۔ وفد نے گورنر پنجاب کو منہاج القرآن کی 42 ویں عالمی میلاد کانفرنس میں شرکت کی دعوت دی جو انہوں نے قبول کر لی۔ گورنر پنجاب نے کہا کہ منہاج القرآن اور شیخ الاسلام ڈاکٹر محمد طاہرالقادری نئی نسل کے دلوں میں عشق مصطفیٰ ﷺ کی شمعیں روشن کر رہے ہیں۔ انہیں علم و امن کا سبق پڑھا رہے ہیں۔ شیخ الاسلام ڈاکٹر محمد طاہرالقادری کی دینی خدمات کا معترف ہوں۔
دریں اثنا گورنر پنجاب نے عوامی تاجر اتحاد کے وفد سے گفتگو کرتے ہوئے کاکہ تاجر برادری معیشت کے لئے ریڑھ کی ہڈی ہے۔ تاجر برادری کا روزگار کی فراہمی میں بڑا اہم کردار ہے۔ تاجروں کے مسائل کے حل میں بطور گورنر میں جو بھی کردار ادا کر سکا کروں گا۔ وفد میں چیئرمین عوامی تاجر اتحاد حاجی محمد اسحق، ڈائریکٹر پبلک ریلیشنز منہاج القرآن انٹرنیشنل شہزاد رسول، جنید وارثی، رانا شکیل، محمد ثاقب بھٹی، شہزاد احمدخان،محمد نعیم، چوہدری حبیب الرحمان، شبیر احمد،عبد الحفیظ چوہدری شامل تھے۔ وفد نے گورنر پنجاب کو شیخ الاسلام ڈاکٹر محمد طاہرالقادری کی تصانیف بطور تحفہ دیں اور عالمی میلاد کانفرنس میں شرکت کا دعوت نامہ قبول کرنے پر ان کا شکریہ ادا کیا۔
تبصرہ