پروفیسر ڈاکٹر حسین محی الدین قادری کی پاک میڈیا جرنلسٹ فورم کے صدر ڈاکٹر عبدالرحمٰن اسامہ سے ملاقات
پاک میڈیا جرنلسٹ فورم انٹرنیشنل کے مرکزی صدر ڈاکٹر عبدالرحمن اسامہ نے صدر منہاج القرآن انٹرنیشنل اور منہاج یونیورسٹی کے ڈپٹی چیئرمین بورڈ آف گورنرز پروفیسر ڈاکٹر حسین محی الدین قادری سے منہاج یونیورسٹی میں ملاقات کی، اور اُن کی بین الاقوامی سطح پر شاندار مذہبی، تعلیمی اور سماجی خدمات پر پاک میڈیا جرنلسٹ فورم انٹرنیشنل کی طرف سے انہیں ایوارڈ پیش کیا۔
ملاقات میں ڈاکٹر عبدالرحمٰن اسامہ نے گفتگو کرتے ہوئے کہا کہ پروفیسر ڈاکٹر حسین محی الدین قادری کی قیادت نے امن، محبت اور بین المذاہب ہم آہنگی کے فروغ میں ایک اہم اور نمایاں کردار ادا کیا ہے۔ ان کی کوششوں نے انٹرنیشنل کمیونٹیز کے درمیان افہام و تفہیم، امن اور برداشت کے کلچر کو فروغ دیا ہے۔
اس موقع پر پروفیسر ڈاکٹر حسین محی الدین قادری نے کہا کہ ہمیں مل کر ایک ایسا معاشرہ تشکیل دینا ہے جہاں ہر شخص کو عزت اور محبت ملے۔ انہوں نے مزید کہا کہ منہاج القرآن انٹرنیشنل ایک عالمگیر تحریک ہے جو بین المذاہب ہم آہنگی اور رواداری کو فروغ دینے کے لیے ہر طرح سے مصروف عمل ہے، انہوں نے پاک میڈیا جرنلسٹ فورم انٹرنیشنل کی جانب سے ان کی خدمات کے اعتراف پر ان کا شکریہ ادا کرتے ہوئے صحافتی اقدار کو زندہ رکھنے کے لیے فورم کی بے مثال کوششوں کو سراہا اور خراج تحسین پیش کیا۔
فورم کے صدر ڈاکٹر عبدالرحمٰن نے منہاج یونیورسٹی کے مختلف شعبوں کا دورہ بھی کیا، جہاں انہوں نے تعلیمی معیار اور طلباء کی فلاح و بہبود کے اقدامات کا جائزہ لیا اور پروفیسر ڈاکٹر حسین محی الدین قادری کی مثالی قیادت کو سراہا۔
تبصرہ