منہاج القرآن انٹرنیشنل کے مرکزی سیکرٹریٹ میں عید میلادالنبی ﷺ کی خوشی میں محفلِ نعت اور ضیافتِ میلاد کا اہتمام

منہاج القرآن انٹرنیشنل کے مرکزی سیکرٹریٹ میں عید میلادالنبی ﷺ کی خوشی میں محفلِ نعت اور ضیافتِ میلاد کا اہتمام کیا گیا۔ تقریب میں تلاوتِ کلامِ رحمن کی سعادت قاری سیف اللہ نے حاصل کی۔ جبکہ شاہ زیب، محمد نوید نقیبی، محمد عبدالصبوح، احمد مصطفیٰ قادری، محمد طہٰ، محمد مطاہر منصور، محمد عاطف برادران سمیت دیگر نعت خوانوں نے حضور نبی اکرم ﷺ کی بارگاہِ اقدس میں ہدیۂ عقیدت اور درود و سلام پیش کیا۔

ناظم تربیت غلام مرتضیٰ علوی نے تقریب سے خطاب کرتے ہوئے کہا کہ شیخ الاسلام ڈاکٹر محمد طاہرالقادری کے اعلان کے مطابق حضور نبی کریم ﷺ کے 1500 ویں یومِ ولادت کی خوشیاں محض تقریبات تک محدود نہ رکھی جائیں بلکہ ان خوشیوں کو سیلاب متاثرین کی مدد اور ان کے زخموں پر مرہم رکھنے کے ذریعے بانٹا جائے۔ اصل میلاد کی خوشی یہ ہے کہ دکھی انسانیت کو سہارا دیا جائے اور غم زدہ چہروں پر مسکراہٹیں بکھیری جائیں۔ انہوں نے مزید کہا کہ منہاج ویلفیئر فاؤنڈیشن قابلِ تحسین ہے کہ وہ شیخ الاسلام کی ہدایات کی روشنی میں متاثرین کے ساتھ کھڑی ہے، ان کو کھانے، پینے، علاج اور رہائش کی سہولیات فراہم کر رہی ہے۔ منہاج القرآن کے تمام وابستگان بھی جذبۂ خیرخواہی کے تحت متاثرہ بہن بھائیوں کی خدمتِ خلق میں بڑھ چڑھ کر حصہ لے رہے ہیں۔ یہی حقیقی پیغامِ میلاد ہے کہ ہم اپنی خوشیوں کو دوسروں کے دکھ درد بانٹنے کے ذریعہ حقیقی خوشیوں میں بدلیں۔

تقریب میں راجہ زاہد محمود، ملک محمد بشیر، حاظ محمد اسامہ مجید، اسامہ مشتاق، صادق مصطفوی، فیض المصطفیٰ، قاری اکرام ربانی سمیت صائمہ نور، عائشہ بتول، وردہ ناز، جویریہ افضل، حناء فاطمہ، طیبہ کوثر، ثمینہ شہباز، نورین علوی، آسیہ چوہدری، ناعمہ باسط، فاطمہ صادق سمیت لاہور بھر سے عاشقان مصطفیٰﷺ نے شرکت کی۔