پروفیسر ڈاکٹر حسن محی الدین قادری کی مرکزی سیکرٹریٹ منہاج القرآن انٹرنیشنل پر منعقدہ ضیافتِ میلاد میں خصوصی شرکت
عید میلاد النبی ﷺ کی مناسبت اور حضور شیخ الاسلام دامت برکاتہم العالیہ کے پڑپوتے، چیئرمین سپریم کونسل پروفیسر ڈاکٹر حسن محی الدین قادری کے پوتے اور شیخ حماد مصطفیٰ المدنی القادری کے صاحبزادے ابراہیم عزالدین المکی القادری کے عقیقۂ مسنونہ کے سلسلہ میں قائدِ تحریک منہاج القرآن حضور شیخ الاسلام ڈاکٹر محمد طاہرالقادری کی طرف سے مرکزی سیکرٹریٹ پر ضیافتِ میلاد کا اہتمام کیا گیا۔ ضیافتِ میلاد میں منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے لبنان اور کینیڈا سے تشریف لانے والے شیوخ فضيلة الشيخ الأستاذ الدكتور أحمد بدرة اور فضيلة الشيخ الدكتور عبد الملك البرودي اور مرکزی قائدین کے ہمراہ شرکت کی اور مہمانوں کو خوش آمدید کہا۔
اس موقع پر محفلِ میلاد النبی ﷺ کا بھی انعقاد کیا گیا۔ محفل کا آغاز تلاوتِ کلامِ مجید سے ہوا جس کی سعادت قاری سید خالد حمید کاظمی الازہری نے حاصل کی اور عربی نشید بھی پڑھا۔ عرب مہمان فضيلة الشيخ الأستاذ الدكتور أحمد بدرة نے عربی میں منظوم کلام پڑھا، جب کہ شہزاد برادران نے بارگاہِ رسالت مآب ﷺ میں گلہائے عقیدت پیش کیے۔
ضیافت میلاد میں ناظم اعلیٰ خرم نواز گنڈاپور، ناظمین اعلیٰ، مرکزی قائدین، فورمز کے صدور، سربراہان شعبہ جات، سٹاف ممبران مرکزی سیکرٹریٹ، منہاج ویلفیئر فاؤنڈیشن، منہاج یونیورسٹی لاہور، نظام المدارس پاکستان، کالج آف شریعہ اینڈ اسلامک سائنسز، منہاج کالج برائے خواتین، تحفیظ القرآن انسٹی ٹیوٹ، منہاج ایجوکیشن سوسائٹی کے فیکلٹی و سٹاف ممبران سمیت دیگر عہدیداروں نے شرکت کی۔
تبصرہ