آغوش کمپلیکس لاہور میں’’ میلاد ڈنر‘‘ کی تقریب 11 ستمبر(جمعرات) کو ہوگی

صدر منہاج القرآن پروفیسر ڈاکٹر حسین محی الدین قادری شرکت کریں گے

لاہور (10 ستمبر2025) تحریک منہاج القرآن کے ذیلی ادارہ آغوش کے زیراہتمام ٹاؤن شپ لاہور میں’’میلاد ڈنر‘‘ بسلسلہ میلاد النبی ﷺ کی تقریب جمعرات 11 ستمبر 2025 منعقد ہوگی۔ اس روح پرور محفل کا انعقاد آغوش کمپلیکس لاہور کے زیراہتمام کیا جائے گا۔ صدر منہاج القرآن انٹرنیشنل پروفیسر ڈاکٹر حسین محی الدین قادری بطورِ مہمانِ خصوصی شریک ہوں گے۔ معروف ثنا خوان بارگاہ رسالت مآب ﷺ میں گلہائے عقیدت پیش کریں گے۔ ’’میلاد ڈنر‘‘ میںڈائریکٹر آغوش کمپلیکس کرنل (ر) مبشر اقبال سمیت طلبہ، اساتذہ، مختلف شعبہ ہائے زندگی سے تعلق رکھنے والی شخصیات شریک ہوں گی۔