معروف کاروباری رہنما، بین الاقوامی بزنس اسٹریٹیجسٹ مرشد مسعود قاضی کی ڈاکٹر حسن محی الدین قادری سے ملاقات
معروف کاروباری رہنما، بین الاقوامی بزنس اسٹریٹیجسٹ اور "کلے ہانڈی ریسٹورنٹ" یو ایس اے کے سی ای او مرشد مسعود قاضی نےچئیرمین سپریم کونسل منہاج القرآن انٹرنیشنل پروفیسر ڈاکٹر حسن محی الدین قادری سے القادیہ ہاؤس ماڈل ٹاؤن لاہور میں ملاقات کی، اس سے قبل انہوں نے مرکزی سیکرٹریٹ کے مختلف شعبہ جات کا تفصیلی دورہ بھی کیا اور علم، مثبت اقدار اور اعتدال پسند رویوں کے فروغ میں شیخ الاسلام کی عالمگیرخدمات کو خراج تحسین پیش کیا۔
اس موقع پر چیئرمین سپریم کونسل نے انہیں شیخ الاسلام ڈاکٹر محمد طاہرالقادری دامت برکاتہم العالیہ کا انگریزی ترجمۂ قرآن "The Manifest Quran"، اپنی معرکہ آراء تصنیف "ریاستِ مدینہ اور فلاحی ریاست کا تصور"، شیخ حماد مصطفیٰ المدنی القادری کی کتاب "The Compass of Being" سمیت دیگر کتب بطور تحفہ پیش کیں۔
ملاقات میں ڈائریکٹر ایچ آر کرنل (ر) خالد جاوید، چئیرمین سپریم کونسل کے پرسنل سٹاف آفیسر قاضی فیض الاسلام، عثمان خالد اور ملک امتیاز حسین اعوان بھی شریک تھے۔
تبصرہ