پروفیسر ڈاکٹر حسن محی الدین قادری سے بزم غلامانِ غوث الوری پشاور کے وفد کی ملاقات
لاہور: چیئرمین سپریم کونسل منہاج القرآن انٹرنیشنل پروفیسر ڈاکٹر حسن محی الدین قادری سے منہاج القرآن انٹرنیشنل کے مرکزی سیکرٹریٹ میں بزم غلامانِ غوث الوری پشاور کے وفد نے 28 ستمبر کو ملاقات کی، ملاقات میں ناظم اعلیٰ خرم نواز گنڈاپور، محمد طیب ضیاء اورنگزیب رضا خان اور دیگر بھی موجود تھے۔
وفد کی قیادت تحریک منہاج القرآن پشاور کے ناظم شاہد بیگ نے کی۔ اس موقع پر محمد سبطین قادری (صدر بزم غلامانِ غوث الوری پشاور)، محمد علی قادری (جنرل سیکرٹری)، علامہ محمد طفیل چشتی اور دیگر اراکین بھی موجود تھے۔ وفد میں بینکار، میڈیکل کے شعبے سے وابستہ شخصیات اور طلباء شامل تھے۔
شاہد بیگ نے چیئرمین سپریم کونسل اور ناظم اعلیٰ کا شکریہ ادا کیا، جبکہ محمد سبطین قادری نے پشاور میں تحریک کے فروغ اور دینِ مبین کی ترویج کے لیے مشترکہ کوششوں کے عزم کا اظہار کیا۔
اختتام پر بزم کی جانب سے ڈاکٹر حسن محی الدین قادری اور پروفیسر ڈاکٹر حسین محی الدین قادری کی دینی و قومی خدمات کے اعتراف میں اعزازی شیلڈز پیش کی گئیں۔ اس موقع پر ڈاکٹر حسن محی الدین قادری نے بھی بزم کے صدر کو اعزازی شیلڈ دی۔
تبصرہ