ماہانہ مجلس ختم الصلوٰۃ اور بڑی گیارہویں شریف کا روحانی اجتماع 11 اکتوبر 2025 کو ہوگا
لاہور (8 اکتوبر2025) منہاج القرآن انٹرنیشنل کے مرکزی سیکرٹریٹ پر قائم گوشۂ درود کی ماہانہ مجلس ختم الصلوٰۃ علی النبی ﷺ اور بڑی گیارہویں شریف کا روحانی اجتماع 11 اکتوبر2025 (ہفتہ) کو منعقد ہوگا۔ منہاج نعت کونسل سمیت دیگر ثناء خواں آقا ئے دو جہاں ﷺ کی بارگاہ میں گلہائے عقیدت پیش کریں گے۔ ماہانہ مجلس ختم الصلوۃ علی النبی ﷺ کے روحانی اجتماع میں گوشۂ درود کے نظام کے تحت پڑھا گیا درود پاک آقا کریم علیہ الصلٰوۃ و تسلیم کی بارگاہ عالیہ میں پیش کیا جائے گا۔
روحانی اجتماعات میں تحریک منہاج القرآن کے مرکزی، صوبائی، ضلعی قائدین، بزم قادریہ، گوشۂ درود کے منتظمین، نظامتِ دعوت و تربیت کے سکالرز تحریک منہاج القرآن لاہور کے قائدین و کارکنان سمیت عشاقان رسول ﷺ کی بڑی تعداد شرکت کرے گی۔
تبصرہ