سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
چیئرمین سپریم کونسل ڈاکٹر حسن محی الدین قادری نے کالج آف شریعہ اینڈ اسلامک سائنسز کے زیر اہتمام دو روزہ تربیتی ورکشاپ کے پہلے دن سینئر کلاسز کے طلبہ سے خطاب کرتے ہوئے کہا کہ تعلیم اور تہذیت یافتہ سوسائٹی کی تشکیل کیلئے اخلاقیات کے مضمون پر توجہ مرکوز کرنا ہو گی۔ ادب، عمل اور کردار کے بغیر علم بے فائدہ ہے افسوس آج تعلیمی اداروں میں تعلیمی نصاب تو پڑھایا جاتاہے مگر اخلاق اور تربیت کی کمی ہے۔
منہاج القرآن انٹرنیشنل ہانگ کانگ کے زیراہتمام سالانہ محفل استقبال ربیع الاول 2 اکتوبر 2021ء کو کمیونٹی ہال کولون مسجد چمسا چوئی میں چوہدری محمد نجیب کی زیرصدارت منعقد ہوئی، پروگرام میں قونصلر جنرل پاکستان بلال احمد بٹ مہمان خصوصی تھے۔ انہوں نے اظہار خیال کرتے ہوئے کہا کہ نبی کریم صلی اللہ علیہ واٰلہ وسلم کی محبت اور اطاعت ہی مسلمانوں کا سب سے بڑا سرمایہ ہے۔ منہاج القرآن ہانگ کانگ کی پوری تنظیم مبارکباد کی مستحق ہے جس نے استقبال ربیع الاول کی اتنی شاندار محفل منعقد کی۔
منہاج القرآن انٹرنیشنل کی مرکزی مجلس شوریٰ کا اجلاس چیئرمین سپریم کونسل ڈاکٹر حسن محی الدین قادری کی زیرصدارت منعقد ہوا۔ اجلاس میں صدر منہاج القرآن انٹرنیشنل ڈاکٹر حسین محی الدین قادری، ناظم اعلیٰ خرم نواز گنڈاپور اور شوریٰ کے ممبران نے شرکت کی۔ شوریٰ کے اجلاس سے خطاب کرتے ہوئے چیئرمین سپریم کونسل ڈاکٹر حسن محی الدین قادری نے کہا کہ منہاج القرآن احیائے دین، اسلام کی ترویج و اشاعت، اتحادِ امت اور معاشرے میں تحمل و برداشت اور امن و اعتدال کے فروغ کے لئے 40 سال سے شیخ الاسلام ڈاکٹر محمد طاہرالقادری کی سرپرستی اور رہنمائی میں کوشاں ہے۔
جامعہ اسلامیہ مدینۃ العلم مدینہ ٹاؤن چکوال میں 114 واں ماہانہ حلقہ درود شریف و محفل گیارہویں شریف منعقد ہوئی، جس میں مولانا عبدالستار طاہری مہمان خصوصی تھے۔ انہوں نے گفتگو کرتے ہوئے کہا کہ گزشتہ دس سال سے بلا تعطل اس حلقہ درود کے انعقاد کا سہرا حضرت علامہ مولانا قاری احمد رضا خان قادری رحمۃ اللہ علیہ کو جاتا ہے۔
کالج آف شریعہ کے پرنسپل ڈاکٹر ممتاز الحسن باروی نے کالج میں ایم فل کے نئے سیشن 22-2021ء کی کلاسز کے اجراء پر تقریب سے خطاب کرتے ہوئے کہا کہ نوجوانوں کی صلاحیتوں کو اجاگر کرنے کیلئے جدید علوم میں اعلیٰ تعلیم کلیدی حیثیت رکھتی ہے۔ منہاج القرآن کے تعلیمی ادارے تعلیم کے ساتھ بہترین تربیت بھی دے رہے ہیں۔ فروغ علم اور انتہا پسندی کے خاتمے کیلئے شیخ الاسلام ڈاکٹر محمد طاہرالقادری کی علمی خدمات مسلمہ ہیں۔
تحریک منہاج القرآن ضلع قصور کی ایگزیکٹو کونسل کا اجلاس منعقد ہوا، جس میں علامہ رانا محمد ادریس قادری نائب ناظم اعلٰی نے خصوصی بریفنگ دی۔ انہوں نے کہا کہ منہاج القرآن کا پیغام علم و امن پر مبنی ہے، جس نے معاشرے میں اصلاح احوال کے ساتھ ساتھ دینی اقدار کے احیاء کا فریضہ سرانجام دیا ہے۔
تحریک منہاج القرآن کلورکوٹ ضلع بھکر کا تعارفی و تنظمی اجلاس منعقد ہوا، جس میں انجینئر رفیق نجم نے خصوصی شرکت کی۔ اس موقع پر انہوں نے اظہار خیال کرتے ہوئے منہاج القرآن کلورکوٹ کے نو منتخب عہدیداروں کو مبارکباد پیش کی۔
تحریک منہاج القرآن ضلع فیصل آباد کی ایگزیکٹیو کونسل کا اجلاس میاں عبدالقادر صدر تحریک منہاج القرآن ضلع فیصل آباد کی زیرصدارت ہوا۔ اجلاس میں نائب ناظم اعلٰی علامہ رانا محمد ادریس قادری نے خصوصی شرکت کی۔ انہوں نے گفتگو کرتے ہوئے آئندہ ورکنگ پلان کے حوالے سے خصوصی بریفنگ دی۔
تحریک منہاج القرآن فیصل آباد پی پی 114 کا نظام بدلو ورکرز کنونشن منعقد ہوا، جس میں نائب ناظم اعلٰی علامہ رانا محمد ادریس قادری، بشارت عزیز جسپال مرکزی سینئر نائب صدر پاکستان عوامی تحریک اور میاں ریحان مقبول صدر پاکستان عوامی تحریک وسطی پنجاب مہمانان خصوصی تھے۔
منہاج القرآن انٹرنیشنل دبئی ٹیم کے متحرک کارکن مصطفی عاصم کے اعزاز میں الوداعی تقریب کا اہتمام مقامی ریستوران میں کیا گیا۔ مصطفیٰ عاصم کا تعلق انڈیا سے ہے اور وہ گزشتہ چند برسوں سے دبئی میں مقیم تھے، دوران جاب وہ منہاج القرآن دبئی ٹیم کے ساتھ اپنی خدمات سرانجام دیتے رہے۔ اب وہ جاب سے مستعفیٰ ہو کر واپس انڈیا جا رہے ہیں۔
بنگلہ دیش میں چٹاکانگ یونی ورسٹی کے شعبہ علوم اسلامیہ میں ایسوسی ایٹ پروفیسر کے طور پر خدمات سرانجام دینے والے محمد مرشد الحق نے ’’شیخ الاسلام ڈاکٹر محمد طاہرالقادری کا علومِ اِسلامیہ کے فروغ میں مثالی کردار‘‘ کے موضوع پر پی ایچ ڈی کی ڈگری کا اعزاز حاصل کیا ہے۔ محمد مرشد الحق نے اپنے مقالہ کے 9 ابواب میں شیخ الاسلام ڈاکٹر محمد طاہر القادری کی شخصیت اور خدمات کا نہایت عالمانہ انداز میں مختلف جہات سے اِحاطہ کرنے کی کوشش کی ہے۔ اِس مقالہ سے یہ حقیقت بھی عیاں ہوتی ہے کہ بنگلہ دیش کے علمی حلقوں میں اسلام اور عالمی اسلامی شخصیات کے بارے میں آگہی کس قدر حوصلہ افزا ہے۔
کالج آف شریعہ اینڈ اسلامک سائنسز کی بزم منہاج کے زیراہتمام طلباء کے لیے ادبی مقابلہ جات کا آغاز ہوا، جس میں پہلے روز مقابلہ حسن قرآت منعقد ہوا، جس میں اول پوزیشن قاری محمد اکرام ربانی، دوسری پوزیشن حافظ محمد اطہر اور تیسری پوزیشن حافظ محمد حامد نے حاصل کی۔
تحریک منہاج القرآن لاہور زون کا ایک اہم اجلاس 29 ستمبر 2021ء کو کانفرنس ہال مرکزی سیکرٹریٹ میں منعقد ہوا، جس کی صدارت صدر منہاج القرآن لاہور علامہ رانا نفیس حسین قادری اور اشتیاق حنیف مغل ضلعی ناظم منہاج القرآن لاہور نے کی۔ اجلاس میں علامہ رانا محمد ادریس قادری نائب ناظم اعلٰی نے خصوصی شرکت کی جبکہ تحریک منہاج القرآن لاہور کے عہدیداران بھی اجلاس میں شریک ہوئے۔
ناطم اعلیٰ تحریک منہاج القرآن خرم نواز گنڈاپور مختصر تنظیمی دورہ پر کراچی پہنچ گئے، ائرپورٹ پر منہاج القرآن کراچی کے عہدیداروں ثاقب نوشاہی، راؤ طیب، نوید عالم اور دیگر رہنماؤں نے استقبال کیا۔ دورہ میں ناظم اعلیٰ خرم نواز گنڈاپور 9 اکتوبر 2021ء کو باغِ جناح کراچی میں منعقد ہونے والی سالانہ میلاد کانفرنس 2021ء کی تیاریوں کا جائزہ لیں گے۔
تحریک منہاج القرآن جھاوریاں سرگودھا کے زیراہتمام گرینڈ تنظیمی و تربیتی ورکشاپ مقامی ہال میں منعقد ہوئی، جس میں نائب ناظم اعلیٰ انجیئنر رفیق نجم نے خصوصی شرکت کی۔ اس موقع پر منہاج القرآن سرگودھا کی تحصیلات کے عہدیداروں اور کارکنان نے اجلاس میں شرکت کی۔ انجینئر رفیق نجم نے اظہار خیال کرتے ہوئے کہا کہ منہاج القرآن ایک تجدیدی تحریک ہے، جس نے معاشرہ میں ہر سطح پر تجدیدی خدمات سرانجام دی ہیں۔
4M
فیس بک
2M
ٹوٹر
© 1994 - 2025 Minhaj-ul-Quran International.
