سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج ویلفیئر فاؤنڈیشن فیصل آباد کے زیراہتمام 21 جوڑوں کی اجتماعی شادیوں کی تقریب 2 دسمبر بروز اتوار منعقد ہوئی۔ تقریب کی صدارت ناظم اعلیٰ تحریک منہاج القرآن ڈاکٹر رحیق احمد عباسی نے کی جبکہ مہمان خصوصی ویلفیئر فاؤنڈیشن کے ڈائریکٹر محمد عاقل ملک تھے۔ اس کے علاوہ تحریک منہاج القرآن کے ضلعی قائدین اور دیگر سیاسی و سماجی تنظیمات کے نمائندگان نے بڑی تعداد میں شرکت کی۔
کالج آف شریعہ اینڈ اسلامک سٹڈیز منہاج یونیورسٹی میں ’’بزم منہاج‘‘ اور ’’منہاج سپورٹس‘‘ سیشن 08-2007ء کے نومنتخب عہدیداروں کی تقریب حلف برداری مورخہ 28 نومبر کو ہوئی۔ اس موقع پر پرنسپل کالج آف شر یعہ ڈاکٹر رحیق احمد عباسی نے نومنتخب عہدیداران سے حلف لیا۔ بزم منہاج کے نومنتخب نمائندوں میں خرم شہزاد (صدر)، وقاص یونس (نائب صدر)، نصیر الدین چشتی (جنرل سیکرٹری)، عرفان جاوید (پریس سیکرٹری)، محمد علی فیصل (فنانس سیکرٹری)، جہانگیر شکور (جوائنٹ سیکرٹری) شامل ہیں۔ منہاج سپورٹس کے عہدیداروں میں محمد عابد طاہری (صدر)، مدثر علی ساجد (نائب صدر)، عاصم الیاس (جنرل سیکرٹری)، شبیر احمد (پریس سیکرٹری)، شعیب اسرائیل (فنانس سیکرٹری) اور اویس احمد (جوائنٹ سیکرٹری) شامل تھے۔ بزم منہاج اور منہاج سپورٹس کے تمام عہدیداروں نے حلف برداری کی اس تقریب میں شرکت کی اور حلف اٹھایا۔ تقریب حلف برداری میں مفتی عبدالقیوم خان ہزاروی، پروفیسر محمد نواز ظفر چشتی (چیف الیکشن کمشنر منہاج یونیورسٹی)، پروفیسر عبدالقدوس درانی (ڈپٹی الیکشن کمشنر منہاج یونیورسٹی)، میاں محمد عباس نقشبندی (کوآرڈینیٹر)، رانا محمد اکرم قادری (نگران بزم منہاج) اور دیگر اساتذہ کرام بھی موجود تھے۔
بزم قادریہ منہاج یونیورسٹی کے زیراہتمام پانچویں سالانہ محفل قرات و نعت جامع مسجد منہاج القرآن میں منعقد ہوئی۔ یہ محفل تحریک منہاج القرآن کے روحانی سرپرست شہزادہ غوث الوریٰ شیخ المشائخ قدوۃ الاولیاء سیدنا طاہر علاؤالدین القادری الگیلانی رضی اللہ عنہ کے یوم وصال کے سلسلے میں منعقد کی گئی۔ شیخ الاسلام ڈاکٹر محمد طاہرالقادری کے جگر گوشہ صاحبزادہ حسین محی الدین قادری نے اس محفل کی صدارت کی۔ مرکزی امیر تحریک صاحبزادہ مسکین فیض الرحمٰن خان درانی، ناظم اعلیٰ ڈاکٹر رحیق احمد عباسی، ناظم امورخارجہ جی ایم ملک، علامہ مفتی عبدالقیوم خان ہزاروی، ناظم مالیات جاوید اقبال قادری، شمیم احمد نمبردار، محمد سلیم یوسفی، کوآرڈینیٹر کالج آف شریعہ اینڈ اسلامک سٹڈیز میاں محمد عباس نقشبندی، سینئر نائب ناظم تربیت علامہ غلام مرتضیٰ علوی، حاجی راحت حبیب، رانا محمد اکرم قادری، علامہ حافظ نعیم الرحمٰن قادری، حافظ محمد زاہد، تنویر حسین اور شیخ محمد فاروق دیگر معزز مہمانوں میں شامل تھے۔
منہاج القرآن علماء کونسل کے نمائندہ علمی و تحقیقی شمارہ سہ ماہی العلماء کی ویب سائٹ کی افتتاحی تقریب 26 نومبر کو منہاج انٹرنیٹ بیورو کے آفس میں منعقد ہوئی۔ مرکزی امیر تحریک صاحبزادہ مسکین فیض الرحمن درانی نے اپنے دست مبارک سے ویب سائٹ کا افتتاح کیا۔ اس افتتاحی تقریب میں نائب امیر تحریک بریگیڈیئر (ر) اقبال احمد خان، نائب ناظم اعلی شیخ زاہد فیاض، ناظم امور خارجہ جی ایم ملک، صدر منہاج القرآن علماء کونسل صاحبزادہ فرحت حسین شاہ، علامہ محمد حسین آزاد، ناظم منہاج القرآن علماء کونسل لاہور علامہ آصف اکبر میر، علامہ کوکب سیالوی، ناظم امور داخلہ عبدالواحد بٹ، علامہ غلام ربانی تیمور، علامہ غلام مرتضیٰ علوی اور منہاج انٹرنیٹ بیورو کی ٹیم بھی موجود تھی۔
پاکستان عوامی تحریک کی جنرل کونسل کا اجلاس مورخہ 25 نومبر پارٹی کے مرکزی سیکرٹریٹ کے بالمقابل وسیع گراؤنڈ میں مرکزی صدر فیض الرحمان درانی کی صدارت میں منعقد ہوا جس میں عام انتخابات 2008ء سے متعلق پارٹی پالیسی تشکیل دی گئی۔ جنرل کونسل میں عام انتخابات 2008ء کی پالیسی پر مبنی قرارداد پارٹی کے سیکرٹری جنرل انوار اختر ایڈووکیٹ نے پیش کی جسکی جنرل کونسل نے منظوری دی اور پاکستان عوامی تحریک کے چیئرمین ڈاکٹر محمد طاہرالقادری نے اسکی توثیق کی۔ پاکستان عوامی تحریک کی جنرل کونسل نے یہ قرارداد منظور کی کہ پاکستان عوامی تحریک جمہوریت اور انتخابی عمل پر یقین رکھتی ہے لیکن موجودہ بدعنوان اور مہنگا نظام انتخاب جمہوریت کے خلاف ہے۔ موجودہ نظام ملک وقوم کو حقیقی جمہوریت کی طرف نہیں بلکہ تباہی کی طرف لیکر جا رہا ہے۔
شیخ الاسلام ڈاکٹر محمد طاہر القادری کے چچا جان الحاج محمد اسماعیل قادری کی نماز جنازہ 17 نومبر کو ان کے آبائی شہر جھنگ میں ادا کی گئی۔ صاحبزادہ حسین محی الدین قادری، امیر تحریک مسکین فیض الرحمن درانی، ناظم اعلی ڈاکٹر رحیق احمد عباسی، نائب ناظم اعلی شیخ زاہد فیاض، ناظم امور خارجہ جی ایم ملک، ناظم مالیات جاوید اقبال قادری، مفتی عبدالقیوم خان ہزاروی، پروفیسر علامہ محمد نواز ظفر، ناظم علماء کونسل علامہ فرحت حسین شاہ، ناظم یوتھ ساجد محمود بھٹی، محمد عباس نقشبندی، نائب ناظم ویلفیئر ساجد حمید، افتخار چوہدری، میاں محمد سرور صدیق، فضل حسین اعوان اور تحریک کے دیگر مرکزی قائدین و سٹاف ممبران نے خصوصی طور پر نماز جنازہ میں شرکت کی۔
مصطفوی سٹوڈنٹس موومنٹ کے قائمقام صدر چوہدری ظہیرعباس گجر مورخہ 15 نومبر ایک روزہ دورہ پر بہاؤالدین زکریا یونیورسٹی ملتان تشریف لائے۔ یونیورسٹی پہنچنے پر صدر جامعہ زکریا حافظ عبدالمجید، راؤ ایاز احمد نائب صدر، محمد عرفان یوسف جنرل سیکرٹری، حافظ عباس فنانس سیکرٹری، حافظ سعید سیکرٹری کالجز، مہر انور تھند سیکرٹری ہاسٹلز اور سٹوڈنٹس نے ان کا استقبال کیا۔
پاکستان عوامی تحریک کے مرکزی قائدین نے یوم اقبال کے موقع پر 9 نومبر کو شاعر مشرق حکیم الامت ڈاکٹر علامہ محمد اقبال رحمۃ اللہ علیہ کے مزار پر حاضری دی۔ سیکرٹری جنرل پاکستان عوامی تحریک انوار اختر ایڈوکیٹ کی سربراہی میں وفد جس میں PAT کے سینئر نائب صدر چوہدری محمد شریف، ڈپٹی سیکرٹری جنرل سہیل رضا، مرکزی رہنما لہراسب خان گوندل، چوہدری محمد افضل گجر، نجم الثاقب، عبدالواحد بٹ، شکیل احمد طاہر، شیخ خورشید اور پروفیسر سجاد العزیز قادری شامل تھے۔
شاعر مشرق ڈاکٹر علامہ محمد اقبال کے یوم پیدائش کے موقع پر مورخہ 9 نومبر کالج آف شریعہ اینڈ اسلامک سڈیز ماڈل ٹاون میں خصوصی تقریری مقابلہ منعقد ہوا۔ "تصور اقبال اور تصویر پاکستان" کے عنوان سے ہونے والے اس مقابلے کو طلباء کی نمائندہ بزم منہاج نے منعقد کیا۔ اس پروگرام کی صدارت پرنسپل کالج آف شریعہ اینڈ اسلامک سٹڈیز ڈاکٹر رحیق احمد عباسی نے کی۔ ان کے ساتھ مفتی عبدالقیوم خان ہزاروی، ڈاکٹر علی اکبر قادری الازہری، میاں محمد عباس نقشبندی، پروفیسر ظہور احمد الازہری، رانا محمد اکرم قادری، سہیل احمد رضا، ضیاء الحق بخاری، صابر حسین نقشبندی، محمد آصف قادری اور شہادت خان بھی معزز مہمانوں میں شامل تھے۔
منہاج ویلفیئر فاؤنڈیشن نارووال کے زیراہتمام دسواں سالانہ تین روزہ فری آئی کیمپ مورخہ 9 نومبر منہاج القرآن اسلامک سنٹر نارووال میں منعقد ہوا۔ اس موقع پر آکولو پلاسٹک سرجری کے مایہ ناز ڈاکٹر اور میو ہسپتال میں شعبہ آئی کے ہیڈ پروفیسر عمران اکرم صحاف، ڈسٹرکٹ آئی سرجن ڈاکٹر امانت علی، جنرل ہسپتال لاہور کے آئی سپیشلسٹ ڈاکٹر آکاش، گجرات کے معروف سرجن ڈاکٹر سید مزمل حسین شاہ، میو ہسپتال لاہور کے سابق رجسٹرار ڈاکٹر سید جواد، ڈاکٹر گوہر رحمان، میو ہسپتال لاہور کے ڈاکٹر حافظ عطاء الرسول، میڈیکل آفیسر نارووال ڈاکٹر احمد سعید، پیرا میڈیکل سٹاف، شعبہ آپٹالوجی اور سرجری سے منسلک ملک کے دیگر ماہر ڈاکٹر بھی موجود تھے۔ اس کیمپ میں علاج کے لیے آنے والے مریضوں کے ساتھ ان کے رشتہ دار، ورثاء، دیگر معززین علاقہ اور صحافیوں کی ایک بڑی تعداد بھی یہاں حاضر تھی۔
تحریک منہاج القرآن کے نائب ناظم اعلیٰ شیخ زاہد فیاض کا ماہ نومبر 2007ء کا شیڈول پیش کیا جا رہا ہے۔
تحریک منہاج القرآن کے گوشہ درود کی ماہانہ مجلس ختم الصلوۃ علی النبی صلی اللہ علیہ والہ وسلم کے سلسلہ میں ماہ نومبر کا روحانی اجتماع یکم نومبر کو ماڈل ٹاون میں ہوا۔ صاحبزادہ حسین محی الدین قادری اس موقع پر مہمان خصوصی تھے۔
پاکستان عوامی تحریک کے سیکرٹری جنرل انوار اختر ایڈووکیٹ کی والدہ محترمہ کی نمازجنازہ 29 اکتوبر کو ان کی رہائش گاہ پر ادا کی گئی۔ تحریک منہاج القرآن کے مرکزی امیر تحریک صاحبزادہ مسکین فیض الرحمن درانی نے نماز جنازہ پڑھائی۔ اس موقع پر شیخ الاسلام ڈاکٹر محمد طاہر القادری کے فرزند صاحبزادہ حسین محی الدین قادری، تحریک منہاج القرآن کے ناظم اعلی ڈاکٹر رحیق احمد عباسی، نائب ناظم اعلی شیخ زاہد فیاض، سینئر نائب صدر پاکستان عوامی تحریک چوہدری محمد شریف، منہاج القرآن علماء کونسل کے ناظم علامہ فرحت حسین شاہ، ناظم مالیات جاوید اقبال قادری، سید علی غضنفر کراروی، ناظم امور خارجہ جی ایم ملک، امیر پنجاب احمد نواز انجم، امیر لاہور پروفیسر ذوالفقار علی، نجم الثاقب اور تحریک کے دیگر مرکزی قائدین و کارکنان نے شرکت کی۔ تحریک منہاج القرآن کی مرکزی قیادت کے علاوہ تحریک خاکسار کے چیئرمین علامہ حمید الدین مشرقی، وکلاء اور مختلف طبقہ ہائے فکر کے لوگوں کے ساتھ اہل علاقہ کی کثیر تعدادنے بھی نماز جنازہ پڑھی۔
مورخہ 29 اکتوبر 2007ء بروز پیر 11 بجے دن شیخ الاسلام پروفیسر ڈاکٹر محمد طاہرالقادری کے عظیم والد گرامی فرید ملت حضرت علامہ ڈاکٹر فریدالدین قادری رحمۃ اللہ علیہ کی یاد میں منہاج القرآن علماء کونسل کے زیراہتمام عظیم الشان ’’فرید ملت سیمینار‘‘ مرکزی سیکرٹریٹ تحریک منہاج القرآن کے کانفرنس ہال میں منعقد ہوا جس کی صدارت مرکزی امیر تحریک حضرت صاحبزادہ مسکین فیض الرحمن خان درانی نے فرمائی جبکہ جگر گوشہ حضور شیخ الاسلام حضرت صاحبزادہ حسین محی الدین قادری مہمان خصوصی تھے۔
تحریک منہاج القرآن کے زیراہتمام عید ملن ڈنر کی تقریب مورخہ 27 اکتوبر کو مرکزی سیکرٹریٹ میں منعقد ہوئی۔ یہ پروگرام شب سوا نو بجے کانفرنس ہال میں شروع ہوا۔ اس کی صدارت صاحبزادہ حسین محی الدین قادری نے کی۔ ناظم اعلی ڈاکٹر رحیق احمد عباسی، نائب ناظم اعلی شیخ زاہد فیاض، ناظم امور خارجہ جی ایم ملک، سیکرٹری جنرل پاکستان عوامی تحریک انورا اختر ایڈوکیٹ، پروفیسر محمد نواز ظفر، مفتی عبدالقیوم خان ہزاروی، ناظم یوتھ ساجد محمود بھٹی، ناظم علماء کونسل علامہ سید فرحت حسین شاہ، محمد عاقل ملک اور دیگر مرکزی قائدین کے علاوہ اعتکاف کی جملہ انتظامی کمیٹیوں کے ناظمین، سیکرٹریز ا ور اراکین بھی معزز مہمانوں میں موجود تھے۔
3.8M
فیس بک
1.9M
ٹوٹر
© 1994 - 2024 Minhaj-ul-Quran International.
